قلب يأبي العـ,ـشق بقلم فرح طارق 2

قلب يأبى العشـ,ـق الفصل التاسع. بعد وقت في سيارة إبراهيم.. كان يجلس هو وابنته بالخلف والسائق الخاص به يقود السيارة.. ريم بغضب - شوفت وصل لـ فين! قدر يشتغل ف اكبر شركة عالمية متخيل ؟ وأول تصميم ليه يتعمل يكون لينا ويطلعه بالشكل ده! كان زماني معاه دلوقت بس هقولك ايه..؟ فضلت تقولي دا واحد رزقه على باب الله وكلام من ده لحد ما ضاع من ايدي. نظر لها إبراهيم واردف بهدوء ونبرة خبيثة - هو قدامك دلوقت يا ريم، انتِ وشطارتك رجعيه ليكِ من تاني، وتاني حاجة متنسيش إنك انتِ اللي بصيتي لمستواه ورفضتي تكوني معاه وطلبتي مني اهينه بالكلام عشان ميتكلمش معاكِ تاني، حصل ولا محصلش ؟ بينما على الجانب الآخر، رجع عمر لمكتب ناجي مرة أخرى و ولج للداخل واردف بجدية - عايز الحاجات اللي كمال بيه الله يرحمه سايبها معاك يا ناجي بيه. استدار له ناجي - هتبدأ من دلوقت يا عمر ؟ - مظنش إن ليه لزوم التأخير ده، الراجل مات وهو واثق إني هكمل اللي هو بدأ فيه، شغل ونزلت والحمدلله بدأت اتظبط، ف نبدأ ف شغلنا اللي جيت علشانه. - بعيدًا عن موضوع كمال انا طلبت منك ده عشان فعلًا انت موهوب يا عمر، وموضوع كمال مسيره ف يوم يخلص. ابتسم لهُ عمر واردف بهدوء - وده شرف ليا يا ناجي بيه، وزي ما قولت موضوع كمال بيه الله يرحمه مسيره يخلص، وانا عايز اخلصه ف أقرب وقت. ثم استطرد حديثه بتساؤل - صح انت مقولتش ليا ياسمين كلمتك ليه ؟ ضحك ناجي وهو يتذكر مكالمته معها - مفكراني معرفكش، ف كانت بتعرفني إنك تبع كمال، عشان عارفة إنك مش هتقولي انك تبعه، بس الحق يتقال هي قالتلي مش معنى ده إنها بتدي ليك توصية، بس بتقولي إنك تستحق ده ولما اجي ابص لشغلك أنسى مكالمتها لأنها واثقة فيك. ابتسم عمر على زوجته، بينما حمحم ناجي بجدية - بكرة بليل هنتقابل انا وانت، اوريك الملفات اللي كمال سايبها ليا ومتفق هيحصل ايه. - تمام عن اذنك حضرتك. غادر عمر المكتب بينما عاد ناجي وجلس خلف مكتبه، وامسك بصورة كمال واردف - حقك هيرجع يا كمال، رجعت مصر مخصوص عشانك، عشان ارجع حقك وابرد روحي من اللي قت..لوك. مر يوم العمل عليهم، وحل المساء... نزل عمر وحسن من الشركة، واردف حسن - عمر، تعالى نروح نسهر ف حتة. - بدأنا بقى ! لسة أول يوم شغل وعايز تسهر! - يا عم متبقاش قفوش كدة، هنروح كافيه نضيف بدل قهوة عم صلاح اللي تحت البيت بتاعنا دي! ده الواحد مكنش عايش يا جدع، والله دينا ليها كل الحق تقولي هسكن بعيد عن المنطقة كلها. - تعالى فيه كافيه شوفته قريب من هنا. - بس ده هتلاقيه غالي اوي يا عمر، نشوف ف حتة وسط كدة، أقولك تعالى نروح كافيه ف المعادي، بنت ناس وف نفس الوقت فلوسها حلوة. - مش خسارة فيك يا صاحبي. في اليوم التالي تحديدًا بعد الرابعة عصرًا.. ياسمين بملل - يلا يا دينا بقالي ساعة مستنياكِ تخلصي! - خلاص اهو هلف الطرحة. - الطرحة اللي بتتلف من ٣ ساعات ؟ انتهت دينا واستدارت لها واردفت - خلاص خلصت، يلا بينا. غادرت الفتاتان المنزل، واتجهوا للمكان المنشود بإحدى الكافيهات بالمعادي.. وصلت الفتيات، ودلفوا للكافيه و وجدوا حسن يجلس بانتظارهم، بينما نهض حسن من مكانه بلهفة واردف - ازيك يا دينا، ازيك يا مدام ياسمين. بادلته ياسمين السلام بالفم فقط، بينما جلست دينا بهدوء واردفت - الحمدلله يا حسن، وانت ؟ - الحمدلله بخير، تشربوا ايه ؟ - مش جاية أشرب يا حسن، جاية أقولك كلمتين جوايا وترد عليهم عشان امشي انا ومرات اخويا. لكزتها ياسمين ف قدمها لتهدأ من حدتها معه بالحديث، بينما اردف حسن - هنتكلم وتقولي اللي جواكِ بس احنا ف كافيه دلوقت مينفعش نخرج وندخل من غير ما نشرب حاجة. ياسمين في محاولة لتخفيف الجو - أيوة أستاذ حسن معاه حق يا دينا، شوفي اشربي حاجة معاه حتى عشان تعرفي تتكلمي. ثم نظرت لـ حسن واردفت - هاتلها قهوة فرنساوي.. ثم عادت بنظرها لـ دينا : بتحبيها ؟ تنهدت دينا قائلة - ماشي. حسن بإبتسامة هادئة - وانتِ يا مدام ياسمين ؟ - زيها. طلب حسن القهوة، بينما اردفت دينا - بص يا حسن، انا لـ لحظة واحدة بس هنسى الحركة الزبالة اللي انت عملتها، واللحظة دي دلوقت، وهتقولي اتقدمت ليه ومُصر ليه تلوي دراعي عشان عمر ونتجوز ؟ حك حسن رأسه بخجل من جملتها الأولى بسبب وجود ياسمين معهم، بينما شعرت ياسمين بخجله من حديثها واردفت - انا هقعد على ترابيزة تانية، هكلم عمر وانتوا خدوا راحتكم ف الكلام. امسكت ياسمين بحقيبتها وانتقلت لـ طاولة أخرى، بينما نظر حسن لـ دينا واردف - والله عندها زوق وبتفهم مش زي ناس. - قصدك ايه يا حسن؟ - مقصديش حاجة يا قلب حسن، ها كنا بنقول ايه ؟ آه ليه اتجوزتك ؟ بصي يا دينا، انا مش بلوي دراعك بالموضوع اللي حصل، اللي حصل حصل واظن إنك اتعلمتي من غلطك وخلاص خلصنا منه، انا مش قاضي ولا جلاد عشان أفضل احاسبك عليه، موضوع حصل وخلص خلاص واتمحى كمان، وفكرك إني بلوي دراعك والكلام الفارغ ده، ف انا مش بعمل كدة، ولو كنتِ رفضتيني من غير الموضوع ده كان بردوا هفضل وراكِ لحد ما تقتنعي. - أيوة ليه بقى ؟ - عشان بحبك يا غبية! احمر وجه دينا بخجل، بينما أكمل حسن - بحبك من و أنتِ لسة صغيرة بتجري عليا ف الحارة وتستخبي ف حضني من العيال، بحبك من لما كنتِ بتيجي تصحيني من النوم وتقوليلي مش هاكل غير لما تأكلني يا حسن، بحبك وكل ما كنتِ بتكبري كل ما كان حبي بيزيد ليكِ اكتر، وده اكبر سبب خلاني ابعد عنك يا دينا، مكنش ينفع اكون بحبك وتكوني مش حلالي ومكنش حاطط حدود بينا والتزم بيها ! انا بشر وليا نقطة ضعف وانتِ النقطة دي، مش معقول بعد ما عيني فتحت عليكِ انتِ، قلبي اتفتح على دينا وبس، عرفت يعني ايه القلب يدُق علشان حد معين قرب منه معاكِ يا دينا، مش بعد كل ده هسيبك تروحي لـ غيري، انا بس عايز فرصتي وهخليكِ تحبيني. تنهد حسن بضيق وهو يتذكر ما حدث - الموضوع اللي حصل والواد ده، وقتها اتجننت! عشان بحبك، وبعيد عن حبي ليكِ لحد ما وصلنا البيت انا كنت بتصرف على أنك أخت صاحبي، وقت ما وقفت قصادك لوحدنا مشوفتش غير دينا اللي بحبها ولـ لحظة كان واحد كلب ميسواش هياخدها مني! قطع حديثهم وجود العامل وهو يضع القهوة على الطاولة، ليشير لهُ بأن يعطي ياسمين قهوتها، وعاد لحديثه مع دينا مرة أخرى - انا عارف إن كلامي مش هيبرر اللي عملته، بس حقك عليا وآسف، اوعدك مش هيحصل تاني يا دينا، غير أما تتكتبي على أسمي. اردفت دينا بعقل يأبى الخضوع لحديثه معها، وقلبًا يأبى الوقوع في عشق كلماته - وافرض انا مش عاوزة يا حسن ؟ - عارفة، حاسس إن عمر قاعد قدامي دلوقت، نفس العند والمكابرة بتوعه قصاد قلبه! افتحي قلبك يا دينا و اوعدك مش هتندمي. طالعها حسن بتوجس واردف بخفوت - دينا انتِ حبيتي الواد ده ؟ - لأ يا حسن، بس قطع وحدتي مش اكتر، لقيته شخص بيملى يومي والوحدة اللي انا فيها اللي الشيطان صورهالي إنها نهاية حياتي ولازم أخرج منها ! - يبقى حبيني انا وافتحيلي قلبك. ضحكت دينا عليه واردفت - يخربيت الثقة اللي جواك! - والإنسان ايه من غير ثقته ف نفسه ؟ عامل زي الورق بالظبط، شوية هوا يجيبه وشوية غيرهم يودوه يا دينا، موافقة ؟ تنهدت بتفكير وتردد داخلها، وجانب آخر منها يحضره حديث ياسمين معها بإعطاء فرصة لهُ، لتحسم أمرها قائلة - ماشي يا حسن، وافرض كتبنا الكتاب ومحبتكش ؟ يرضيك اختك تكون مطلقة ؟ - يا ست بعد الشر! احنا اتجوزنا عشان نطلق؟ فكري بـ إيجابي و سيبي نفسك لـ قلبك وهتلاقي الدنيا حلوة. ابتسمت لهُ دينا على حديثه واردفت - ماشي يا حسن. قاطعهم وجود ياسمين معهم التي اردفت - عمر جه و واقف برة. نهض حسن من مكانه واردف بنبرة سعادة - حلو احنا خلصنا كلام أصلا، يلا نخرج لـ عمر. وضع حسن بعض النقود على الطاولة، وخرج ثلاثتهم من المطعم، و وجدوا عمر يقف بانتظارهم. اقتربوا منه واردف عمر بإبتسامة - خلاص صافي يا لبن ؟ دينا بضحك لأخيها - حليب يا قشطة. أخذها عمر بين أحضانه وهو يقبل رأسها بسعادة ويتمنى لها دوام سعادتها. نظر عمر لـ حسن واردف - خد بالك متاخدش على كدة، انا بس لقيت الوضع مشدود بينكم ازاي، وقولت اكيد مش هتكتبوا الكتاب وانتوا مش طايقين بعض كدة.. - متقلقش مش هاخد، وشكرًا لـ اللي عملته والله. نظرت دينا لـ ياسمين واردفت - هي فكرة ياسمين أصلا. - ما أنا قولت الحركة الجدعة دي مش هتطلع من اخوكِ. لكزه عمر بكتفه وضحك الجميع، ثم اردف عمر - طيب يلا بينا نروح نقعد ف مطعم حلو ناكل فيه بعدين نروح. دينا برفض - لأ ماما مش هنسيبها لوحدها. ياسمين بتأييد - أيوة مرة تانية تكون معانا علشان متزعلش. اردف حسن - خلاص نروح ونجيب أكل جاهز ناكلوا كلنا ف البيت. ذهب الجميع للمنزل بعدما أحضروا بيتزا للغداء، ومر الوقت عليهم في سعادة ومرح بين الجميع.. انتهى الجميع من تناول الطعام ونهض عمر وهو ينظر لساعة يده - انا عندي مشوار مهم دلوقت ولازم امشي. زينب بسعادة لفرحة أبنائها. - ربنا يصلح حالك يا حبيبي، خد بالك من نفسك قبل عمر رأسها ومال نحو أذن ياسمين وهمس - هحاول متأخرش سلام. ابتسمت لهُ ياسمين بخجل، وفتح عمر باب الشقة ليصطدم بمن يقف أمامه.. عودة للماضي قبل ثلاثة أشهر. وقعت الكلمات على عمر كالصدمة، واكمل قراءة الورقة - والدة ياسمين عايشة، مماتتش، عارف هيجي يوم ويحصل مواجهة بينهم يا عمر بس خايف مكونش موجود وقتها واقدر أفهم ياسمين اللي حصل.. انا اتجوزت والدتها عن حب، كنت مهووس بيها لدرجة متتخيلهاش، كنت انا معدي الـ ٣٠ وهي لسة ١٨ سنة، اتجوزتها واديتها كل الحب اللي جوايا ،مبخلتش عليها بأي حاجة، جينا واجهنا مشكلة ف الخلفة، ف البداية كنت خايف عليها لأنها لسة صغيرة وقولتلها نأجل الموضوع شوية، عدت الـ ٢٠ سنة وجينا نشوف موضوع الخلفة طلع عندي مشكلة ومش هقدر أخلف غير بعد فترة علاج، مشيت عليها وام ياسمين مقتنعة إني مش حابب أخلف منها، واحدة واحدة زادت المشاكل بينا، بعدها بقيت منعزلة عني خالص، حاولت اتقرب منها معرفتش، بعدين عرفت أنها بتكلم راجل تاني، اتجننت بس ف نفس اليوم عرفت بحملها، كنت هتجنن واخلف ومقدرتش اعملها حاجة، برغم الموضوع بي مقدرتش أشك أن ياسمين مش بنتي، بعد شوية الشك بدأ يدخل جوايا وعملت تحليل وطلعت بنتي، واتفقت مع والدتها هتولد ونطلق، ولدت وسابتني ومشيت وراحت اتجوزت الراجل اللي كانت بتخوني معاه، وطلع شاب قدها ف السن، متحملتش وخدت ياسمين وبعدت عنها وفهمت ياسمين إن أمها ماتت، عشان متزعلش ف يوم إن أمها باعتها، قولت اسيب ذكرى حلوة جواها، لأن أمها كانت عارفة مكانها بس رفضت تشوفها وخوفت على نفسية بنتي وقولتلها كدة. بوصيك تاني على ياسمين يا عمر، مهما حصل متسبهاش، أمها لو رجعت أوعى تسيبها معاها، انت هتدخلها وسط نار حاولت بكل جهدي أخرجها منها، متسبهاش ف النار يا عمر. عودة للحاضر.. تراجع عمر للخلف، وهو يجد تلك السيدة الأربعينية تدلف و وقفت أمام الجميع واردفت وهي تنظر لياسمين - ازيك يا ياسمين ؟ - الحمدلله، مين حضرتك ؟ صدح صوت ضحكاتها الساخرة واردفت - معقول يعني حرمك مني السنين دي كلها، وفهمك إني ميتة ومش معرفك ايه شكلي ؟ تحولت ملامحها الجدية مرة أخرى واردفت - انا امك يا ياسمين، اللي حملت فيكِ بعد عذاب وإهانة من والدك، اتجوزني وانا لسة طفلة صغيرة، وقالي لأ مش هنخلف مش حابب دلوقت، و وقت ما حب ده بعد إهانة ليا وضرب وذل، خلاني أحمل فيكِ، و ولدتك ورماني ! رماني وبعدك عني وعرفك إني مت وحرمني من حق إني أشوفك؟ ولما مات مكنتش عارفة اوصلك، قبلها كان عمال يهددني لو ظهرت فحياتك، بس هو مات دلوقت يا ياسمين، مات وانا جاية أخد بنتي تاني لحضني. أنهت حديثها لتقع ياسمين مغشية عليها.. قلب يأبى العشق الفصل العاشر. فاقت ياسمين وهي تجد الجميع حولها، للحظة استرجعت كل شيء حدث معها، لتجد والدتها بجانبها تضمها بين أحضانها - ياسمين حبيبتي، خوفتيني عليكِ، خوفت بعد السنين دي كلها اخسرك تاني! احتضنت وجهها واردفت وهي تمسح دموع ابنتها - خلاص متعيطيش، اللي حرمك مني مات خلاص، ومحدش هيقدر ياخدك مني تاني، هنمشي من هنا انا وانتِ، ونبعد خالص، هنبعد عن كل دول يا حبيبتي. نظرت ياسمين لـ عمر وجدته يقف صامتًا لا يقول شيئًا، ثم نظرت لـ والدتها مرة أخرى - وبابا عمل ده ليه ؟ بعدك عني ليه ؟ بكت والدتها بشدة قائلة - عشان كان بيهني ويضربني طول الوقت، كنت لسة عيلة معدتش ٢١ سنة يا ياسمين، قابلت شاب ف سني خدته كـ صديق ليا بفضفض ليه عن عمايل ابوكِ معايا، عرف فكرني بخونه وقالي هتولدي ومش هوريكِ بنتك تاني، فكرته بيهددني وخلاص بس نفذ كلامه يا ياسمين. ضمت ابنتها لاحضانها واردفت ببكاء - انا آسفة آسفة يا بنتي، بس غصب عني، كنت لوحدي مليش حد، وهو كان بيموتني ف ايديه! مكنش انسان طبيعي معايا، كان طول الوقت بيضربني وكنت لوحدي، معرفش إن غلطة صغيرة مني هتضيعك من بين ايديا يا بنتي. نظرت السيدة حولها واردفت بتساؤل وهي تمسح دموعها - ومين دول يا ياسمين ؟ اردف عمر بجدية - أنا عمر السويدي، صديق لـ كمال بيه الله يرحمه، ولما اتوفى ياسمين قعدت مع والدتي واختي لأن مكنش ينفعش تقعد لوحدها خصوصًا إن ملهاش قرايب حتى. - شكرًا ليكم بجد أنكم خليتوا بنتي معاكم، مش عارفة أقولكم ايه.. نهضت من مكانها واكملت - يلا يا ياسمين خلينا نرجع بيتنا يا حبيبتي. نظرت ياسمين لـ عمر الذي وجدته يشير لها بأن تكمل معها ويحاول أن يجعلها تطمنئن، لتفهم ياسمين أن هناك خطب ما ولكن ثقتها بـ عمر دفعتها لإكمال الأمر.. اخذت ياسمين حقيبة ملابسها ورحلت مع والدتها، في صمت تام من الجميع، بعدما أشار لهم عمر بعدم قول أي شيء.. أغلقت دينا الباب واردفت زينب - انت سيبت مراتك تمشي ؟ فتح عمر باب الشقة واردف - ماما مش وقته الكلام ده يا أمي. غادر عمر وسط ذهول الجميع من كل ما حدث.. بعد وقت جلس عمر في أحد المطاعم أمام ناجي، واردف - أم ياسمين ظهرت دلوقت! ضرب ناجي رأسه بيده واردف - مكنتش عامل حساب الست دي دلوقت! ثم أكمل : أوعى تكون عرفتها إن ياسمين مراتك! - متقلقش، وياسمين مش هتقول بأني وصلت ليها بأن فيه حاجة مينفعش تقول. - ماشي يا عمر، هنعمل ايه دلوقت ؟ - أنا جمعت كل حاجة كمال بيه وصلها، بس فيه خطوط ناقصة ف النص! يعني ف الفلاشة دي، مكتوب كل الخطط الغير شرعية اللي تمت، بس الشخص اللي عملها مش واضح، وده لازم نصله الأول ! احنا عارفين الراس الكبيرة، بس مش هو اللي بيتحرك، ف عشان كدة مفيش اي حاجة مثبتة عليه، ولازم عشان نثبت نجيب الشخص التاني. وضع عمر فلاشة أخرى أمامه - الفلاشة دي، فيها ملفات وصفقات تمت، بس كل حاجة توصل مين صاحب الصفقات اللي تمت مقطوعة، الخيوط اللي توصل ليه كلها اختفت لما كمال بيه اتقتل. - كمال مش سهل يا عمر لأنه يسيب كل الأدلة ف فلاشة واحدة، اكيد سايب نسخة ف مكان تاني، وده اللي لازم نوصله. - والمكان التاني ممكن يكون فين ؟ انت صاحب كمال جدًا، واكيد تعرف عنه حاجات اكتر مني يا ناجي بيه. - ده اللي هندور عليه سوى، وانت هترجع ياسمين ازاي ؟ رجع عمر للخلف واردف - لأ دي سيبها عليا انا. في مكان آخر.. دلفت ياسمين للڤيلا برفقة والدتها، تشعر بأن هناك شيئًا بالأمر، لكنها لا تستطيع فهم شيء، سعيدة بوجود والدتها ولكنها تشعر أنها تخفي شيء عنها، والسؤال الأهم لماذا لم يخبرها عمر بأنها زوجته ؟ توقفت ياسمين بـ بهو الفيلا، بينما اردفت والدتها - اطلعي يا حبيبتي اوضتك ارتاحي فيها، وخدي شاور حلو، اكيد هناك مكنتيش واخدة راحتك لأنك مش متعودة على المستوى ده، اطلعي ارتاحي والخدم هيطلعوا شنطتك وراكِ. صعدت ياسمين للأعلى، ودلفت للغرفة وجلست على الفراش وهي تمسك هاتفها لتحادث عمر. بينما على الجانب الآخر، ذهب عمر من المطعم وهو يفكر من أي سيبدأ الأمر، كيف سيبدأ البحث خلف كمال ليعرف أن ترك النسخ ؟ قطع تفكيره رنين هاتفه ليجد ياسمين.. عمر بلهفة - انتِ كويسة ؟ - لأ يا عمر، انا عايزة أمشي من هنا، حاسة إن فيه حاجة غلط وقلبي مقبوض، المفروض أكون فرحانة إني ماما طلعت عايشة بس انا مش كدة، انا مش مطمنة! حاسة بحاجة غلط ف كل حاجة، وليه انت مقولتش إني مراتك وخليتني معاك ؟ ليه سيبتني أروح معاها ؟ - طيب بس اهدي، أنا جاي اخدك دلوقت، بس مينفعش أظهر إني خدتك، يعني.. بدأ عمر بقص ما سيفعله ليأخذها ويملي عليها ما ستفعله، ثم أغلق معها وبدأت ياسمين بتجهيز ما أخبرها به. مر الوقت عليهم، و وجدت ياسمين رسالة على هاتفها، لتستعد وتفتح النافذة وتنزل الوشاح الذي جهزته، وتقفز منها لتجد عمر يقف بالاسفل.. تسللت على الجدران وهي تمسك بالوشاح وجسدها يرتجف من كثرة الخوف، لتصل للأرض أخيرًا ف غرفتها ليست عالية جدًا، ولكنها ليست منخفضة ايضًا . أشار لها عمر بالصمت، وظل ينظر حوله وامسك يدها برفق وحمل حقيبتها، وخرج بها من الباب الخلفي للفيلا، ليجد سيارة بانتظاره يصعد بها ويتوجه للمكان المنشود.. أخذها عمر بين أحضانه وهو يقبل رأسها بحنو واردف بتساؤل - سيبتي الجواب اللي يثبت بأنك هربتي بنفسك ؟ - آه عملت كدة، ممكن تفهمني ايه كل ده ؟ وايه العربية دي! نظر لها السائق من المرآة لتجده حسن، واردفت - لأ انا مش فاهمة اي حاجة! عمر بحنو وهو يأخذها لاحضانه مرة أخرى - هنوصل البيت حاضر وهفهمك كل حاجة، اتفقنا ؟ بعد وقت وصلت السيارة للمكان المنشود، وهبط الجميع من السيارة واردفت ياسمين وهي تنظر للمكان حولها، لتجدهم، في منطقة راقية هادئة تحتوي على أبراج عالية وڤلل قط.. - احنا فين ؟ تنهد عمر واردف بجدية - نطلع الشقة وهفهمك يا ياسمين. تراجعت ياسمين للخلف ببعض من الخوف، بينما امسك عمر يدها واردف - بتثقي فيا ؟ امأت لهُ ياسمين، ليبتسم لها عمر وامسك بيدها واتجه بها نحو شقتهم.. فتح عمر باب الشقة ودلف للداخل، بينما اردف حسن - انا همشي انا يا صاحبي، وهبلغهم ف البيت زي ما قولتلي. - تمام يا حسن خلي بالك من نفسك. ابتسم حسن وغادر، لـ يدلف عمر للشقة وهو يمسك بيد ياسمين، واغلق الباب لـ تردف ياسمين - فهمني كل حاجة دلوقت يا عمر! - دي مامتك فعلًا يا ياسمين، بس الموضوع مش زي ما هي قالت خالص.. قص لها عمر الأمر قصة زواج أبيها وأمها، وانتهى و وجد دموع ياسمين تهوى بغزارة ليضمها بين أحضانه - اهدي يا روحي، بطلي عياط.. - طب انت ليه مقولتش إني مراتك ؟ اجابها عمر وهو يمسح دموعها - مينفعش حد خالص يعرف إنك مراتي دلوقت يا ياسمين، ومش هقدر اديكِ تفاصيل دلوقت بس اوعدك ف يوم هنقعد سوى وافهمك كل حاجة، اتفقنا ؟ - ازاي يعني! - حبيبتي، انتِ هتفضلي ف الشقة دي، مينفعش مامتك تعرف مكانك دلوقت، لو فضلتي معاها هيبقى خطر عليكِ، لأن دلوقت زمان الناس اللي بندور عليها عرفوا إنها خدتك وهي مش هتفهم ده. أمسكت ياسمين يده واردفت بترجي - طيب عمر أرجوك ممكن تفهمني كل حاجة ؟ مين الناس دي وعايزين ايه من بابا وليه قت..لوا بابا ؟ مسح عمر وجهه وهو يتنهد ثم اردف - باباكِ زمان دخل صفقة معاهم، كان وقتها لسة بيبدأ فكرة إنه يكون رجل أعمال، وصفقة اتعرضت عليه فرح لأنها كانت هتديله إسم كبير في السوق، مع الوقت ابوكِ بقى يحس إن فيه حاجة غلط! الصفقة كانت مع شركة مقاولات كبيرة اوي، ف طلعوا من ضمن الصفقة بيهربوا مخدرات وأسلحة، وهو عرف ده، وهددهم إنه يفضحهم، وقتها هددوا ابوكِ بيكِ وكنتِ لسة صغيرة، ف هو سكت، وفضل طول الوقت يدور وراهم ويجمع عنهم معلومات من بعيد لبعيد، ولما الناس دي عرفت حاولوا يخطفوكِ، ف اليوم اللي انا جيت وانقذتك من الشابين، دول كانوا تبع الراجل، ابوكِ خاف وعمل تصفية لأعماله ف مصر وخدك وسافر، وأنا كنت معاه، وبرة مصر فضل يدور وراهم لحد ما قت...لوه. ياسمين ببكاء - طب ليه مسابش الناس وفضل معايا ؟ عمل ايه غير أنه خسر حياته! ضمها عمر لأحضانه وهو يحاول تهدئتها، واردف - اوعدك هجبلك حقه صدقيني، بس مينفعش تبقي مع مامتك دلوقت، الموضوع هيبقى خطر عليكِ، وأنا مينفعش أظهر ف صورة جوزك. - طيب انا هفضل هنا ؟ ودينا وطنط زينب ؟ - يا حبيبتي أول مكان مامتك هتشوفك فيه هو بيتي، ولو دينا وماما مشيوا هما كمان هنثير الشك عندها بأني خدتك، ف انتِ هتفضلي هنا ومسألة وقت ودينا هتتجوز وماما هتيجي هنا معاكِ شوية ومع دينا شوية، اتفقنا ؟ وضعت رأسها على صدره، واغمضت عينيها واردفت بخفوت - انا تعبانة اوي يا عمر، مش عارفة افهم واستوعب حاجة! ضمها عمر لصدره اكثر واردف بحنو - وقت بس يا قلب عمر وبعدها كل حاجة هتفهميها قدامك، ومن بعدها هنعيش حياتنا طبيعي خالص، ونكون أسرة انا وانتِ سوى وبيت ونعيش باقي حياتنا بعيد عن كل المشاكل دي، عايز منك بس حبة وقت يا ياسمين. لفت ذراعيها حول خصره واردفت - وانا واثقة فيك يا عمر. في صباح يوم جديد في شركة ناجي. دلف عمر لمكتب ناجي واردف بغضب - ياسمين هربت! دورت عليها كتير مش لاقيها ! نهض ناجي من مكانه واردف وهو يحاول تهدئته - اهدى يا عمر، هتروح فين يعني ؟ اكيد هنلاقيها. - هنلاقيها ازاي ؟ اختفت خالص! هربت امبارح من الفيلة وسابت جواب لمامتها، كلمتني وجت عندي فكرت إنها ف بيتي. - طيب اهدى وهنلاقيها متقلقش. - بقولك مراتي هربت يا ناجي، تقولي اهدى ؟ جلس ناجي خلف مكتبه ومرة أخرى واردف بجدية - هتعمل ايه يعني ؟ هنوقف كل حاجة لحد ما ترجع! دور عليها وف نفس الوقت مشي حياتك بشكل طبيعي متنساش اننا مش عايزين نثير شك اللي حوالينا. - ماشي يا ناجي، انا رايح مكتبي. خرج عمر من المكتب وابتسامة ماكرة ترتسم على شفتيه، واتجه لمكتبه ليمُر وقت قليل، ويجد ريم تقتحم مكتبه بكبريائها المعتاد . ابتسم عمر بسخرية واردف - اهلًا ريم هانم، اتفضلي واقفة ليه ؟ اوعي تقولي محتاجة إذن بأنك تقعدي! حضرتك حتى مخدتيش الإذن علشان تدخلي! أنهى كلماته وهو يلوي فمه بسخرية، لتجلس ريم بحنق على المقعد، بينما استند عمر بكلتا يديه على المكتب واردف - خير يا ريم هانم ؟ التصميم فيه حاجة ؟ - لأ يا عمر، مش جاية بخصوص التصميم، جاية عشانك انت. أشار عمر لنفسه بتعجب - عشاني انا ! ليه يا ريم ؟ قصدي ريم هانم. - عمر انا.. قاطعها عمر بحدة - باشمهندس عمر.. ثم أكمل بهدوء : ريم هانم وباشمهندس عمر، تمام ؟ كملي يا ريم هانم. نهضت ريم من مكانها واتجهت نحو عمر لتميل عليه وهي تحاوط رقبته - عمر انت عارف إني كنت بحبك، ومازلت بحبك يا عمر، انا سيبتك تحت تهديد من بابا.. انهمرت دموعها واكملت - هددني إنه لو اتجوزتك مش هيخليك تقدر تشتغل ف مكان، وانت عارف سُلطة بابا يا عمر ويقدر يعمل ايه، خوفت عليك، واللي يثبت إني لسة بحبك إني متجوزتش بعدك يا عمر، مقدرتش أشوف راجل غيرك ف حياتي، ولما بابا غصبني على ابن صديق ليه متحملتش، اتجوزته واطلقت منه، كنت طول الوقت شايفة إنه انت يا عمر، مقدرتش أشوف غيرك. امسك عمر يديها واردف - ليه يا ريم ؟ ليه مقولتليش ده ؟ كنتِ قولي مش يمكن كنت قدرت اتصرف! وضعت رأسها على صدره ودموعها تنهمر - مقدرتش يا عمر، خوفي عليك سيطر عليا ومقدرتش افكر غير ف إني أبعد عنك واخليك تبعد عني، متخيلتش هتعب اوي كدة يا عمر، بس سلامتك عندي كانت أهم صدقني. ظل عمر يربط على ظهرها وهو يحاول تهدئتها - طيب اهدي يا ريم، اللي حصل حصل خلاص مش هنقدر نغيره مهما كان، الأهم دلوقت نصلح اللي جاي يا ريم ومنكررش غلطنا تاني. ابتعدت عنه وهي تمسح دموعها واردفت بسعادة - بجد يا عمر ؟ بجد سامحتني ؟ هتديني فرصة تاني ؟ - انتِ عارفة إني كنت بعشقك يا ريم، ومقدرتش انساكِ، للأسف معرفتش، حاولت اخرجك من جوايا بس كنت بلاقي قلبي اتمسك بيكِ وحبك اكتر يا ريم. - وانا كمان يا عمر، صدقني وانا كمان، مقدرتش اخرجك من جوايا. أكملت حديثها بحماس - هنعمل ايه دلوقت ؟ تكلم بابا ونتخطب ايه رأيك ؟ ضحك عمر على سرعتها بالأمر واردف - حيلك حيلك، لسة يا ريم، عايزين ناخد وقت شوية لينا.. مد أنامله وهو يرجع خصلات شعرها للخلف، ويهمس بجانب أذنها - يعني نتقرب لبعض تاني، اكيد كل واحد فينا حاجات كتير جواه اتغيرت، عايزين نعرف بعض تاني ونعرفها اكتر من الأول. ريم بخفوت من أثر لمسته لها - أيوة عندك حق. ابتسم لها عمر بسخرية وهو يرى حقارتها معه، لتتحول ابتسامته الساخرة وهو يراها تنظر لهُ - خلاص نرتبط فترة، نعرف بيها بعض ونقرب لبعض اكتر وبعدين تكلم بابا، اتفقنا ؟ - اتفقنا. تركها واقفة مكانها، وجلس خلف مكتبه مرة أخرى - يلا شوفي شغلك دلوقت لأني عندي شغل محتاج اخلصه. - طيب هنتقابل بليل ؟ - احتمال مش اكيد، سبيلي الكارت بتاعك لأن رقمك اتمسح من عندي، وهتصل بيكِ لو اكيد. تركت ريم الكارت الخاص بها، وقبلة عمر من وجنته وهمست بجانب أذنه - وحشتني يا عمر. وقفت مرة أخرى وتركته وغادرت المكتب بأكمله.. بينما رجع عمر برأسه للخلف واردف بوعيد - هندمكم يا شوية كلاب، صدقوني كلكم هتندموا.. قلب يأبى العشق الفصل الحادي عشر. مرت الأيام وعمر يبحث خلف جميع من حوله، يحاول جمع الأدلة، وإيجاد الأجهزة الناقصة لدى كمال، هناك خطب ما بكل شيء يحدث حوله، بـ أوقات يشعر وأن الأمر شبه مستحيل معه ولكنه فور أن يتذكر ياسمين واخبارها بثقتها به، يرجع عن تفكيره مرة أخرى وهو يحاول لملمة شتات نفسه للصمود أمامها.. انتهى يوم عمل آخر لديه وكل يوم يمر معه وهو يشعر باختناق أكثر من ذي قبل، خاصةً وإنه مر أسبوعًا ولم يراها ! يحادثها على الهاتف قط! أسبوعًا أوقن عند مروره أنه حقًا بات يعتاد على وجودها معه لدرجة أنه طوال تلك المدة يشعر بالاختناق لمجرد التفكير بأنها ليست معه. فتح عمر باب الشقة، ودلف بهدوء وهو يجد الظلام يملأ المكان بأكمله، والشقة هادئة بقدر كبير، تسرب القلق لـ قلبه، ثم دلف للداخل قائلًا بصوت مرتفع - ياسمين.. لم يأتيه الرد منها لـ يدلف لغرفتها ويشعل الضوء ليجدها تنام على الفراش وتضم جسدها بشدة حولها. اقترب عمر منها وأخذ يتلمس جبينها ليجد حرارتها مرتفعة لدرجة كبيرة، وذهب ليحضر إناء بهِ ماء باردة وجلس بجانبها يقوم ببعض الكدمات بعد أن هاتف صيدلية قريبة منهم أن تحضر لها بعض الأدوية..ف هو قد مر مع شقيقته و والدته بتلك الأمور كثيرًا.. مر الليل عليهم وغفى عمر بجانبها واستيقظ عند شعوره بطلوع النهار، انتفض من مكانه ونظر لـ ياسمين وجدها لازالت نائمة أثر الدواء الذي أعطاه لها، ليقيس حرارتها ويجدها رجعت لـ درجتها الطبيعية.. نهض عمر من مكانه وذهب للمرحاض، و وقف أمام المرآة بالداخل وشيئًا واحدًا يتكرر داخل عقله (ماذا لو لم يأتي بها ؟ ماذا كان حدث بها) لقد أتى وهي كانت شبه فاقدة للوعي! زفر بضيق وهو يلقي المياه على وجهه لعله ينفض أفكاره وشيئًا يقول بداخله (لكنك جئت ) كاد أن يخرج ولكن لفت انتباهه شيء صغير على حوض المياه، وامسكه لـ يجده إختبار حمل نتيجته إيجابية! ظل لدقائق يستوعب ما يراه. هل ياسمين تحمل طفله بداخلها الآن ؟ منذ متى تعرف ؟ من الواضح أن الإختبار كان في وقت قريب ! هل مرضت بسبب معرفتها بالحمل ؟ تذكر الدواء الذي أعطاه لها بالأمس ليهاتف الصيدلية ويعرف منهم إن كان خطرًا على امرأة حامل، ليجيبه الطبيب بأنها كانت حقنة لخفض الحرارة قط ليس لها أي آثار وأن الأمر الأكثر خطرًا هو استمرار إرتفاع الحرارة.. أغلق معه وخرج من المرحاض ليجد ياسمين جالسة على الفراش شاردة بأمر ما.. ابتسم عمر وتقدم منها وهو يجلس بجانبها، واردف - عاملة ايه دلوقت ؟ - الحمدلله. اقترب منها وهو يضمها بين ذراعيه واردف بإشتياق صادقة - وحشتيني اوي يا ياسمين. دفعته بعيدًا عنها واردفت باختناق - لو وحشتك كنت جيت طول الأسبوع اللي فات . نهضت من مكانها لتشعر بدوار شديد فور وقوفها وكادت أن تقع لـ يلحق عمر بها ويجلسها مرة أخرى.. - عايزة تروحي فين ؟ - ادخل الـ حمام. حملها عمر بين ذراعيه لتشهق ياسمين قائلة - انت بتعمل ايه ! - هدخل مراتي الحمام! قال جملته وهو ينزلها بمنتصف المرحاض واردف بمرح وهو يقرص ارنبة فمها بخفة - ها عاوزة ايه ؟ - تطلع برة عشان أخد شاور. اقترب عمر منها وهمس ببعض الكلمات بجانب أذنها لتشهق ياسمين وهي تدفعه بعيدًا عنها قائلة بصدمة - تصدق انت مش محترم ! فيه واحد محترم يقول اللي قولته دلوقت ؟ رفع عمر حاجبيه وهو يحاول كبت ضحكاته - فيه، لكن قد ايه مش عارف لأن المتجوزين كتير اوي. - عمر! قالتها و وجهها يندفع منه حرارة بسبب كثرة خجلها، ليزيح عمر خصلات شعرها للخلف قائلًا بحنو - قلب عمر.. طيب هسيبك لراحتك دلوقت، خدي شاور بس لو تعبتي أو حصل حاجة انا واقف على الباب ولو اتأخرتي ف انا هدخلك بنفسي. - لأ مش هتأخر لأن فيه حاجة عاوزة أقولك عليها. ابتسم عمر بسعادة وهو يستشعر ما ستقوله - مستنيكِ يا روحي. مر الوقت وخرجت ياسمين من المرحاض ترتدي بنطالًا من اللون السماوي فضفاض واعلاه تيشرت لونه بينك. نهض عمر من مكانه وابتسم لها وهو يترك هاتفه ثم اردف - عاملة ايه دلوقت يا روحي ؟ حاسة بتعب تاني. جلست ياسمين على الأريكة ثم هتفت - عمر انت اتجوزتني ليه ؟ ليه بتعمل معايا كل ده ؟ عشان بس وعد وعدته لـ بابا إنك هتحميني ؟ انا ممكن اسافر برة مصر بعيد خالص... قاطعها عمر بغضب - ايه تفكيرك ده ؟ معقول مش عارفة تحددي بعمل ده ليه ؟ ثانيًا سفر ايه اللي انتِ عاوزاه ؟ خلاص زهقتي من وجودك معايا ! اندفعت ياسمين نحوه وهي تمسك يده واردفت بلهفة - مش قصدي كدة يا عمر، بس انا خايفة فاهمني ؟ تنهد عمر وهو يضع رأسه بين يديه، بينما صمتت ياسمين عن الحديث مرة أخرى - كملي يا ياسمين، عايزة ايه دلوقت ؟ - عايزة اعرف اللي جواك، وتفتح ليا قلبك. رفع رأسه مرة أخرى ونظر لها واردف بنبرة تحمل الكثير من المعاني بداخلها - اللي جوايا كتير اوي يا ياسمين، كتير لدرجة انه لو طلع صدقيني مش هتفهميه. امسكت ياسمين يده واردفت بلهفة - طب جرب، صدقني جرب تطلع وانا هفهم والله. - عايزة تعرفي ايه بالظبط ؟ انا ليه معاكِ ؟ ليه بعمل كل ده و بدور ورا اللي قت.ل والدك ؟ عايزة تعرفي ليه سافرت معاه ؟ عايزة تعرفي ايه الماضي بتاعي اللي كل مرة بهرب منه ومن الكلام عنه ؟ ماشي يا ياسمين هقولك. نهضت من مكانها بسعادة واردفت - طيب غير هدومك حسن جاب هدوم ليك لحد ما اعملك قهوة واعملي معاك اتفقنا ؟ - لأ غلط عليكِ عشان.. صمت عمر عن إكمال الجملة ف هو لا يريد إخبارها بمعرفته، بل يريد ان تخبره هي، بينما توترت ياسمين واردفت - غلط ليه ؟ - عشان الدوخة اللي عندك، وكمان بليل اديتك حقنة ف نفطر الاول بعدين نشرب القهوة ونقعد نتكلم. - مش رايح الشغل النهاردة ؟ اراح عمر رأسه للخلف واردف بهدوء - لأ خدت إجازة يومين. ذهبت ياسمين لتحضير الطعام ومر وقت وكان يجلس الإثنان بـ الشرفة وامامهم كوبين من القهوة.. ارتشف عمر من فنجان القهوة و وضعه على الطاولة مرة أخرى واردف بهدوء - هستمعي للآخر من غير ما تقاطعي يا ياسمين، متحكميش على الكلام من مجرد بدايته أو من النص اتفقنا ؟ أخذت نفسًة بداخلها واردف بجدية - اتفقنا. - والدي اتوفى وانا عمري ١٥ سنة، من قبل وفاته قعد شهور ف السرير مبيتحركش، وقتها أمي كانت بتشتغل ف البيوت، بعد الحي بتاعنا فيه حي تاني بس أعلى مننا، بتاعنا زي ما شوفتيه ناس يعتبر قاعدين ف الشارع مش ف بيوتهم، ف أمي كانت بتشتغل عند التانيين لحد ما أبويا اتوفى، بعدها رفضت انها تنزل تشتغل، الأول كانت على ذمة راجل مهما كان الأمر ايه بس هي كانت متجوزة، بابا مات وسابها صغيرة ف انا مقدرتش استحمل ان ممكن حد يبص لأمي بنظرة مش كويسة أو إني اعرضها لموقف ف يوم مش كويس، واظن انتِ فهماني صح ؟ ابتسمت ياسمين بخجل وهي تحرك رأسها بمعنى نعم، ليفهم عمر إنها لم تفهم حديثه.. اقترب بالمقعد منها وامسك يدها واردف بهدوء كأب يجلس مع ابنته يشرح بها أمر ما.. - بصي، الناس اللي حوالينا مهما كان طبقتهم ايه، سواء فقير متوسط غني مخملي.. هتفضل النظرة بتاعتهم لأي واحدة أو مُطلقة شيء واحد، عارف إنه تفكير غلط بس دي حقيقة بتحصل حوالينا، ماما لما كانت بتشتغل بابا كان عايش، وجوده كان يكفي بأن محدش يبص ليها لأنها متجوزة، على ذمة راجل، فيه رجالة مش بتبص لـ كدة بس قليل شوية، أبويا لما مات انا مقدرتش إن أمي ممكن تتعرض لموقف من اللي بشوفهم قدام عيني، آه وقتها كنت عندي ١٥ سنة بس انا تربية شارع، عارف وفاهم الدنيا حواليا دايرة ازاي، ياما شوفت رجالة قدامي تتعرض لـ واحدة لمجرد معرفتهم إنها مطلقة أو أرملة، وفِكرهم واحد إن الست ف الوقت ده بتكون ضعيفة ف سهل كلمة تجيب وكلمة تودي، التفكير طبعًا كلوا غلط والرجالة اللي تفكر كدى ف منتهى القذارة، بس اكيد مش همشي قصاد كل واحد وافهمه ده! ف كان الأفضل عندي امي تقعد ف البيت تربي اختي وانا اشتغل واصرف عليهم. الأيام عدت وكان عدد ساعات شغلي بيزيد لأني دخلت ثانوي عام علمي رياضة، بكل الظروف اللي حصلت بس مقدرتش اتخلى عن حلم أبويا أنه يشوفني مهندس، الحلم ده هو خلاه ف دماغي من وانا صغير، وبقى حلمي انا وهو..كان كل ما حد يكلمه يقولي عليا اني هكون باشمهندس، كان طول الوقت يناديني يا باشمهندس كـ نوع من أنواع التحفيز ليا، وده اللي فعلًا كان بيحصل، لما مات واشتغلت وفكرت ابعد عن الدراسة كان صدى صوته دايمًا ف وداني وهو كل شوية يقولي باشمهندس، سعيت ودخلت هندسة وفضلت اشتغل شوية مع ناس بتمحر شقق اشيل ليهم المُعدات بتاعتهم، كهربائي ف حتتنا رايح يعمل شقة أروح معاه اساعده، نقاش بردوا نفس الكلام، اقف ف قهوة شوية وحتى ف الجامعة كنت بعمل كدة، بس أول سنة ليا ف الجامعة قابلت بنت، حبيتها من أول نظرة..كانت أول مرة ف حياتي أآمِن بأن فيه حب من أول نظرة، فضلنا سوى ٤ سنين مع بعض، كنت ف بغششها طول الوقت، كانت بتنجح وتعدي بسببي، وفضلنا سوى ولما اتخرجت روحت اتقدم لها لأنها قالتلي باباها مصمم يجوزها لابن صاحبه، البنت كانت من طبقة مخملية، حاجة عالية ودنيا تانيا عليا، بس هي كانت وهماني بالحب ومفيش حاجة هتفرق معاها غير أنها تكون جمبي بس.. تنهد عمر وهو يكمل حديثه بينما كانت ياسمين تستمع لهُ بإنصات شديد رغم آلام قلبها مما يقوله لكنها وعدته بأن تستمع لآخر حديثه - عشقتها يا ياسمين! مكنتش شايف غيرها، اتقدمتلها واترفضت، بعدين اكتشفت إني كنت مضحوك عليا و بتاخد على قفايا ! طلعت عايدة سنة أولى مرتين ولما أنا دخلت الجامعة كانت المرة التالتة ليها، صاحبتني لأني كنت شاطر وبذاكر ف قالت ده اللي هينجحني! متهنتش ف حياتي قد اليوم اللي اتقدمتلها فيه، ولما مشيت تاني يوم روحتلها النادي برغم الإهانة اللي خدتها بس فيه حاجة جوايا بتقولي يمكن مظلومة ! عودة للماضي قبل ثلاث سنوات وخمسة أشهر.. دلف عمر للنادي وظل يبحث عنها ليجدها تجلس على إحدى الطاولات مع رفيقتها، ابتسم بداخله وهو يحاول بث الأمل داخل قلبه وتقدم منها، لتتوقف قدميه بفعل نفسها وهو يستمع لحديثها مع صديقتها. - عمر ايه اللي أوافق عليه يا رودين! هعيش معاه فين ؟ ف المخزن اللي عايش فيه هو ومامته واخته ! احنا غرفة الخدم ف بيتنا أحلى من بيتهم..! ثانيًا انتِ عارفة انا ليه صاحبت عمر، عشان انجح مش اكتر، عمر برغم الظروف اللي كان فيها بس كان عايز ينجح ويجيب امتياز بأي شكل، ف قولت ده اللي مش هيخليني اعيد أولى جامعة تاني، كفاية إنها تالت سنة ليا ف أولى! صاحبته عشان كدة وفعلًا طلع كل كلامي ف محله واديني اتخرجت أهو، ف انسيه بقى ومتكلمنيش عنه تاني . تجمد جسده مكانه بصدمة، كلماتها كـ سهام من نار تترصد نحو قلبه ! بل انتشرت بجسده بأكمله ! غادر النادي بأكمله وعقله يأبى استيعاب ما استمع لهُ للتو! هل كان مغفلًا لتلك الدرجة ؟ حتى أنه لم يستطع مواجهتها ! بماذا سيواجه ؟ هل سيتحمل الإهانة مرة أخرى وهي تخبره تلك الكلمات أمام عينيه وموجهة لهُ ؟ عودة للحاضر مرة أخرى.. - قعدت فترة كبيرة ف البيت ف اوضتي بحاول استوعب اللي حصل طول الأربع سنين! الإنسان يتغفل شهر اتنين سنة ! لكن أربع سنين ومقدرتش أشوف الحقيقة ؟ كلهم حاولوا معايا، جيت ف يوم مقدرتش أشوف حزن أمي وكسرتها تدوم لوقت تاني، حزن اختي على أخوها، عرفت إن دول اللي يستاهلوا اقف علشانهم، ملهمش غيري وانا لو قعدت كدة هيلجأوا لمين غيري ؟ فضلت ادور على شغل كتير وحسن صاحبي يدور معايا لحد ما ف مرة خرجت من الشركة بعد ما سمعت نفس الجملة البايخة (سيب رقمك وهنتصل بيك) مشيت وفضلت طول اليوم قافل التليفون بتمشى ف الشوارع لحد ما حصل وشوفتك، وبعدها كل حاجة ف حياتي اتغيرت. نظر لها وابتسم واردف بنبرة هادئة - دي قصة حياتي قبل ما اشوفك يا ياسمين، عايزة تعرفي حصل ايه بعدها ؟ امأت ياسمين رأسها بمعنى نعم، ليبدأ عمر بسرد عليها ما حدث - أن ابوكِ اعتبرني ابنه، عرفني كل صغيرة وكبيرة عن شغله وحياته، أمني عليكِ وكان واثق إني قدها ومش هخون ثقته دي، عمل فيا جميل عمري ما هنساه وهو أنه اداني حياة تانية من جديد يا ياسمين. ابتلعت ياسمين ريقها واردفت بخفوت - ده اللي خلاك تتجوزني ؟ ضحك عمر عليها واردف - مش بقولك طفلة ؟ حمحم واكمل حديثه بجدية : لأ يا ياسمين، مش ده السبب، انا قعدت معاكم ف دبي ٣ سنين، مروا وأنا وانتِ صحاب فيهم، محكتش ليكِ أي حاجة عن الماضي خلال الفترة دي لأني حبيت أبدأ من جديد، أصنع حياه جديدة ليا من تاني، وده كان بسببك، كنت كل يوم بكتشف فيا حاجة جديدة! أولهم إني مكنتش بحب، إني بس عرفتها وكانت أول بنت تدخل حياتي، وقتها كنت لسة يعتبر مراهق عنده ١٨ سنة، خرجت من مراهقتي عليها هي، كبرت على فكرة إني بحبها وعايز اتجوزها، جرحي منها كان لسبب إني ازاي مقدرتش أشوف الحقيقة كل ده ؟ جرحي كان مني انا مش منها، من نفسي وعقلي وكل حاجة جوايا. - عمر.. نظر لعينيها بينما أكملت ياسمين.. - فيه حاجتين عايزة أقولك عليهم. - سامعك يا روحي. - أول حاجة انا بحبك، تاني حاجة انا حامل. أنهت كلماتها ليطبق عمر على شفتيها يقبلها بشغف يغمُر قلبه، وسعادة بما أخبرته به للتو.. ابتعد عنها وهو يشعر بحاجتها لأخذ أنفاسها، بينما اردفت ياسمين بتساؤل - مبسوط ؟ - مبسوط بس ؟ نهض من مكانه وهو يرفعها بين ذراعيه ويدلف بها للشقة وظل يدور بها بالمكان، وانزلها برفق واردف وهو يستند بـ جبينه على جبينها ويديه تعانق وجهها - عارفة، وسط كل اللي قولته، مقولتش ليكِ أهم حاجة بينهم، مقولتش إني كنت غريق ف وسط كل اللي حكيته واللي مريت بيه وانك الوحيدة اللي مديتِ ايدك وسحبتيني بكل الحب اللي جواكِ من غير ما تفكري ولا تسألي بعدها انا غرقت ليه وازاي ؟ وده اللي كنت محتاجه يا ياسمين، محتاج لحد يسمعني اتكلم وقت ما احب من غير ما يضغط عليا اني اتكلم، حد يشدني ويفكني من القيود اللي حواليا من غير ما يسأل انا اتقيدت ازاي وليه ؟ أنهى كلماته يقبلها مرة أخرى.. لـ يبث عشقه لها. قلب يأبى العشق الفصل الثاني عشر. صدم حسن مما يسمعه من صديقه - شاكك ازاي ف ناجي ؟ عمر بحيرة من أمره - مش عارف يا حسن، بس مش مطمن للراجل، حاسس إن وراه حاجة مش مظبوطة، عارف إنه الوحيد اللي كمال بيه كان بيثق فيه جدًا بس بردوا مش مرتاح، فيه حاجة غلط وراه، انا معرفتهوش مكان ياسمين، قولتله إنها هربت من أمها واني بردوا معرفش مكانها. - أنا مش هقولك خليك واثق فيه وكلام من ده، خليك معاه بس ف نفس الوقت متدلهوش الأمان، خد حذر منه بس من بعيد لـ بعيد. - انا شاكك إن الفلاشات اللي ناقصة معاه هو يا حسن، وقررت إني ادور وراه هو الأول، شكِ طلع ف محله يبقى كان بها، طلعت غلطان يبقى قطعت الشك خالص عشان اقدر أثق فيه. - طيب يا صاحبي شوف هتعمل ايه وبلغني بيه اعمله، وانا مستنيك. - ماشي يا حسن، مع السلامة. أغلق مع صديقه وخرج من الشرفة لغرفتهم و وجد ياسمين استيقظت من نومها وجالسة على الفراش تمسك أذنيها بيدها الاثنين.. اقترب عمر منها وجلس بجانبها واردف بتساؤل - مالك ؟ - الحلق وقع ومش عارفة البسه. - وريني كدة اقترب منها وامسك بالحُليّ وهو يساعدها في ارتداءه، انتهى عمر وابتعد عنها واردف بتساؤل - مكملتيش اسئلتك امبارح ؟ طالعته ياسمين بإبتسامة وهي تحرك كتفيها ببراءة - لأنك لو حابب تعرفني دلوقت أكيد كنت هتقول، وبعدين انت قولتلي من أسبوع إنك مش هتقدر تقولي تفاصيل دلوقت، ف انا مستنية الوقت المناسب يجي واكيد انت هتيجي تقولي. مد يده وهو يزيح خصلات شعرها للخلف - انتِ حلوة اوي يا ياسمين. - هو انت ليه دايمًا بترجع شعري ورا وداني ؟ - احلى فيكِ، لما بيكون جاي على وشك بيغطي ملامحك مش بيخليها واضحة. ابتسمت ياسمين وهي تضع رأسها على صدره وتغمض عينيها - انا بحبك اوي يا عمر. ظلت صامتة بعض الوقت على تلك الوضعية بينهم، تضع رأسها على صدره وعمر يأخذها بين أحضانه، يمر الوقت وهي بانتظار أن يروي عطش قلبها يومًا ويقول لها تلك الكلمة، رغم كل ما أخبرها به ولكنه لم يقولها حتى الآن! في مكان آخر.. تحديدًا مكتب ناجي استمع لرنين هاتفه وامسك الهاتف ليجيب بلهفة - باشا، وحشتني. استمع لصوت المتصل واردف - متقلقش، عمر معتمد عليا بشكل كبير، كل خطواته بيجي يقولي عليها. - لأ لأ متقلقش يا باشا، عقبال ما جه يشوف الفلاشات كنت أنا خدتها، وعمر مهما يدور مش هيجي ف باله انها معايا، لأن شكل كمال بيه ملحقش يحذروا مني.. أنهى كلماته وهو يضحك بسخرية، واستمع لصوت المتصل، واكمل - كلوا تحت ايدي وعنيا، عمر ميقدرش يعمل حاجة من غيري، وياسمين هربت حتى منه هو كمان ومش عارف يوصلها، لأ مرجعتش ليه متقلقش انا متابع. أغلق معهُ ونظر لصورة كمال الموضوعة على مكتبه، وامسكها واردف - حقك عليا يا كمال، بس انت عارف الدنيا مصالح ازاي! وانت مُت خلاص ف مفيش فايدة نقول مين قت..لك لأنه ده مش هيرجعك تاني يا كمال. قبل صورته و وضعها على المكتب مرة أخرى وأردف - حقك عليا يا كمال. على الجانب الآخر، أغلق الرجل معهُ واستدار للجالسة يجانبه واردف - بنتك مش مع عمر . اجابته بحقد - عرفت، طالعة لابوها.. ثم أكملت بشر : بس وغلاوة ابوها لأجيبها واوريها كان بيعمل فيا ايه. في شقة والدة عمر . دلفت دينا لغرفتها وجلست على الفراش وهي تشعر بضيق من كل شيء، الفراغ ذاته تشعر به! ياسمين كانت تملأ عليها كل شيء حولها، يكفي جلوسهم معًا في الليل، حتى حسن مر أكثر من أسبوع لم يحادثها قط! قطع شرودها صوت رنين هاتفها، لتمسك الهاتف وتراه آخر شخصًا، تخيلت يومًا أن يحادثها يومًا. أجابت بصوت مهزوز من كثرة الخوف من تلك المكالمة - الو. - اهلًا يا حلوة، كل ده متسأليش عني ؟ وانتِ شوفتي اللي جه فاجئة وقطع لحظتنا سوى عمل ايه فيا ؟ مبقتيش تحبيني يا دينا ! اخذت نفسًة بداخلها وحاولت تذكر كلمات ياسمين لها، وتحدثت بنبرة بها بعض القوة - انا محبتكش من الاول عشان مبقاش احبك دلوقت، انت كنت اكبر غلطة خدتها ف وقت فراغ كنت محتاجة حد فيه يملى وقتي بس، غلطة غلطتها واتعلمت منها الحمدلله وخدت درس كويس اوي فيها، ولو كلمتني تاني واتصلت بالرقم ده صدقني هخلي اللي اكلك علقة قبل كدة يديك واحدة زيها بس الفرق انها هتوديك القبر. أغلقت الهاتف بوجهه، و وضعت رقمه بالقائمة السوداء، والقت الهاتف على الفراش وظلت تردد بداخلها - ثقة اخويا مينفعش تضيع، ثقة حسن مينفعش تضيع، ثقة امي مينفعش تضيع.. نهضت من مكانها ودلفت للمرحاض وخرجت بعد وقت خرجت منه وارتدت إسدال الصلاة لتأدي فرضها.. مرت أيام أخرى وعمر يحاول أن يجد شيء خلف ناجي، وعادة مدة اختفائه عن ياسمين خوفًا عليها من أن يكون أحد يراقبه، وعلاقته بـ ريم تتقدم اكثر عن ذي قبل.. أما عن حسن ف كان مشغول بـ أمر كلفه عمر به وهو مراقبة ناجي خارج الشركة..ليأخذه الوقت بعيدًا عن دينا مرة أخرى. في صباح يوم جديد.. استيقظت ياسمين وهي تشعر بغثيان شديد، ظلت تولج للمرحاض تفرغ ما بجوفها وتخرج مرة أخرى متعبة اكثر من ذي قبل.. امسكت هاتفها لـ تتصل بـ عمر لعله يأتي ويأخذ ها للطبيبة ف هي تشعر بأنها ليست على ما يرام، وبالوقت ذاته تشعر بالخوف على طفلها ! هاتفته عدة مرات ولم يأتي رد منه وشعورها بالتعب بات ينهكها اكثر وما يتعبها هو شعورها بالخوف على طفلها لتحسم قرارها وتنهض من على الفراش ترتدي ملابسها وتغادر الشقة.. بينما على الجانب الآخر كان عمر يجلس بمكتبه مع ريم، يتحدثون ببعض الأمور فيما بينهم، وكلما ياسمين هاتفته كان يغلق الهاتف بسبب أن ريم كانت تشغله مرة أخرى بالحديث معها.. ريم بضحك - بس كل ما افتكر الموقف اضحك اوي حقيقي، إنك كنت هتتخانق مع دكتور ف الجامعة علشان كان بيعاكسني وعاوز يكلمني، شكلك وقتها كان فظيع يا عمر! استردت حديثها بإبتسامة - بس عارف، انا بعشق غيرتك يا عمر، مميزة من نوع خاص كدة، بحبها اوي وبحب دايمًا اثيرها جواك. نظر عمر لهاتفه الذي يرن وكاد أن يضع يده عليه ليجيب ياسمين، لتضع ريم يدها فوقه واردفت وهي تشد يده نحوها - قوم يا عمر خلينا نروح مطعم ناكل فيه أنا جعانة أوي. استسلم عمر لطلبها ظنًا منه أن ياسمين تريد أن تطمئن عليه قط، ليذهب مع ريم ويسرقه الوقت معها.. بينما على الجانب الآخر وصلت ياسمين لشقتها مرة أخرى بعدما غادرت عيادة الطبيبة التي رأت إسمها من شرفة غرفتها و وجدتها قريبة منها، هاتفتها وكان لحسن حظها إنها متواجدة بالعيادة. دلفت للشقة وبدلت ملابسها وكادت أن تجلس على الأريكة وسمعت رنين جرس الشقة.. نهضت وذهبت لفتح الباب وهي تتوقع أنه عمر لتصطدم بوالدتها تقف أمامها.. تراجعت للخلف وهي تشعر بإنقباضة داخل صدرها، واردفت بخفوت - ماما ازيك ؟ اندفعت شيرين لاحضانها واردفت من بين بكائها المزيف - كدة يا ياسمين ؟ تهربي مني بعد ما دورت عليكِ واستنيتك كل السنين دي ؟ هونت عليكِ يا بنتي ؟ رفعت ياسمين يديها وهي تربط على ظهرها - حقك عليا، بس الصدمة خلتني مش قادرة افكر ومش قادرة استوعب أي حاجة ف مشيت قولت اخد وقتي ف التفكير. ابتعدت عنها واردفت بحزم - واديكِ فكرتي أسبوعين وخدتي وقتك، ادخلي لمي هدومك وتعالي معايا. - حاضر بس انتِ عرفتي مكاني منين ؟ - شوفتك بالصدفة ماشية ف الشارع، كنت ماشية بالعربية ولقيتك، عقبال ما ركنتها ف مكان ونزلت لقيتك دخلتِ البرج ده ف سألت البواب وجيتلك. - طيب هدخل أجيب هدومي واجي. دلفت ياسمين للغرفة واغلقت الباب عليها، وامسكت بورقة وكتبت عليها كل شيء مر معها طوال اليوم، و وضعتها على المنضدة الصغيرة الموضوعة بالغرفة، وجهزت حقيبتها وارتدت ثيابها وخرجت من الغرفة وهي تشعر أن القادم لا يُبشر بالخير. في المساء ذهب عمر للشقة ليطمئن على ياسمين، بعدما هاتفها عدة مرات ولم يأتي منها رد.. فتح باب الشقة وظل يصرخ باسمها ويبحث إنها بارجاء المكان، ودلف الغرفة و وجد تلك الورقة على المنضدة.. - عمر.. انا تعبت الصبح، فضلت اتصل بيك كتير وكنت لوحدي، التعب كان بيزيد وخوفت على البيبي وكنت ببص من الشباك كتير وشوفت ورقة كبيرة لدكتورة، اتصلت ولقيتها موجودة وكشفت ورجعت، بس للأسف ماما شافتني وجتلي البيت دلوقت وعايزة تاخدني معاها، انا مش مرتاحة يا عمر وحاسة بأن فيه حاجة ممكن تحصل، بس لو حصلي حاجة زي ما إحساسي بيقول خليك عارف إني بحبك، وأنك أميري دايمًا، أنا آه زعلت منك وصعب عليا نفسي أوي إني كنت لوحدي وتعبانة وفيه طفل جوايا وانت مش بترد عليا، كان احساس وحش اوي يا عمر، بس ميمنعش إني بحبك. كور الورقة بين يديه واردف من بين أسنانه بغضب - ريم.. ألقى الورقة على الفراش وامسك هاتفه واتصل بـ حسن واردف - حسن، أم ياسمين جت وخدتها، انا رايح وهعرفها إن ياسمين مراتي، وهنرسم باقي الخطة على الأساس ده، ياسمين حامل يا حسن ومينفعش اخاطر بيها ف أي حاجة مهما كانت، ماشي ؟ - ماشي يا عمر، ده أفضل قرار خدته، مينفعش كنت تفضل سايبها لوحدها، روح البيت وخد مراتك وأي حاجة تانية تتحل، واصلا لو ناجي شاكك فيه زي ما قولت يبقى ده معناه إنهم عارفين إن ياسمين مراتك يا عمر. أغلق عمر مع صديقه ونزل من الشقة متجه نحو منزل ياسمين، وبعد وقت وصل للڤيلا و وجد الأنوار بها كثيرة ومن الواضح أن هناك إحتفال بالداخل. بينما على الجانب الآخر شهقت ياسمين بفزع واردفت - لأ مستحيل اقلع الحجاب يا ماما، انتِ بتقولي ايه ؟ وبعدين انا لما كنت بشعري مكنتش بلبس لبس عريان كدة ! شيرين بجدية - ياسمين، دي حفلة وكل الناس اللي فيها مستوى عالي ! مينفعش تبقي قصادهم بالقماشة اللي على دماغك دي، قومي البسي الفستان ده ويلا انزلي معايا عايزة اعرفك على ناس مهمة تحت. نفضت ياسمين ذراعها من قبضة والدتها واردفت بحدة - مش هلبس الفستان ده! مستحيل. صفعتها والدتها بحدة وهي تدفعها لتسقط ارضًا واردفت بحدة - خمس دقايق وتطلعي من الحمام لابسة الفستان ده، مفهوم ؟ تركتها والدتها وخرجت من الغرفة، بينما نهضت ياسمين بخوف على طفلها وهي تضع يدها على معدتها، وارتدت الفستان وخرجت لوالدتها.. نزلت ياسمين للحفل، و امسكت والدتها بيدها وظلت تعرفها على الجميع الرجال بالحفل.. جلست ياسمين على الطاولة وامامها شابًا في منتصف الثلاثين من عمره، قد أخبرتها والداتها أنه احد رجال الأعمال بالحفل.. نظرت ياسمين حولها بتوتر وهي تجد انظار الشاب نحوها تطالعها بنظرة غير مريحة قط.. وجدته ينهض من مكانه وهو يمد يده نحوها - تحبي نرقص ؟ كادت أن تعترض ولكن جاء صوت والدتها - طبعًا تحب، قومي يا ياسمين ارقصي مع عابد بيه. نهضت ياسمين من مكانها وذهبت معه لـ مكان الرقص، و وضع الشاب يده على خصرها وهو يقربها منه - تعرفي إنك حلوة اوي! ظل يتطلع لتفاصيلها واكمل - شعرك جميل، لونه حلو مناسب مع بشرتك البيضة، وعيونك البني، كأنك لوحة اترسمت والرسام اعتمد على تفاصيلها. - قولتها لكام واحدة ؟ عقد حاجبيه بتعجب واردف - هيا ايه ؟ - الجملتين اللي بتقولهم دول ! قربها إليه اكثر وهمس بجانب أذنها - يعجبني إنك فهمتيني، شكلك مش بتحبي تضيعي وقت! شهقت ياسمين وهي تجد الشاب يسقط ارضًا أثر لكمة أحدهم لهُ، لتجد عمر أمامها يخلع الجاكيت ويجعلها ترتديه.. صرخت ياسمين باسمه وهي تجد عابد ينهض ويلكم عمر، لتحدث حرب بينهم وسط الحفل، وكل من يتدخل يكون ضد عمر ويضربه مع عابد نظرًا لمكانة والده.. أخيرًا جاء أحدهم يبعدهم عن بعضهم البعض ليقول عمر بصوت غاضب وسط الحفل - مراتي مش للعرض يا حماتي! ثم اكمل وهو يرفع يده أمام وجهها بتحذير - المرة دي صدقيني هعديها بس احترامًا إنك أم مراتي غير كدة كنت هديت الحفلة دي فوق دماغكم.. أخذ عمر زوجته وهو يضمها إليه بتملك، وغادر الحفل وسط أنظار الجميع، أكثرهم يحقد على ياسمين لوجود رجل مثل عمر معها، والجانب الآخر يحقد على عمر! وهناك أعين تترصد نحوهم وهي تتوعد لهم. صعدت ياسمين بالسيارة واستدار عمر ليصعد بجانبها، ليغادر المكان بأكلمه.. توقف بمكانٍ بعيد ليستدير لياسمين التي تشهق بكثرة واردف بنبرة حاول جعلها هادئة - ممكن تهدي ؟ خلاص انا جيت ومحصلش حاجة ! اردفت ياسمين من بين شهقاتها الباكية - كان عاوزني اروح معاه، افرض مكنتش جيت ؟ انت الصبح لو كنت جيتلي يا عمر انا مكنتش جيت هنا.. شهقت بشدة لتكمل حديثها - انا مش بعيط على اللي حصل يا عمر، بس انا فعلًا لوحدي، طول الوقت لوحدي، محدش حاسس بيا ولا حد جه ف مرة حط ايده على كتفي وقالي عايزة ايه ؟ محدش فكر انا لوحدي كدة ازاي ؟ النهاردة الصبح كل حاجة كانت قدام عيني، لما كنت بتعب وبابا عايش كان بيفضل طول الليل جمبي وطول اليوم، مكنش بيسيبني غير لما أقوله انا كويسة ويشوف ده بعينيه، لو كنت بس فكرت إني اكلمه كنت بلاقيه هو كلمني وهو ف الشغل! طب ماما ظهرت فاجئة ! ازاي ؟ واللي حصل النهاردة ده ايه ! دي خلتني اقلع الحجاب ونزلتني ارقص مع واحد وهي عارفة هو عايز مني ايه ؟ متخيل ؟ أخذها عمر بين أحضانه وهو يمسح دموعها، لتكمل ياسمين حديثها - عمر انا بحبك بس انا على طول حاسة بوحدة، عايزة احس بس بوجودك معايا دايمًا، ممكن ؟ صعبة عليك ؟ بابا مكنش موجود دايمًا وف شغله بس كان طول الوقت بيحسسني إنه حواليا، وانه معايا، لو تعبت اطمن لمجرد شعوري بأن بابا حواليا، عايزة احس بده معاك يا عمر اغمض عمر عينيه بألم لأجلها واردف بخفوت - حاضر يا ياسمين. لا يحتاج المرء شيء سوى الشعور بأنه ليس وحده! إن هناك شخصًا معه، إن حدث له شيء يكون لديه الأمان بداخله بأن هناك يدًا ستمتد له ولن تتركه وحده، الروح دائمًا ترغب برفيق لها، تلامسه عن ذي بُعد وعندما يقترب منها تملأ يقينها بأنه معها ليبتعد وتبقى الروح رفيقًا للروح. لـ فرح طارق. قلب يأبى العشق. قلب يأبى العشق الفصل الثالث عشر. خرج عمر من الغرفة بعدما اطمئن على ياسمين وخلدت للنوم، ليحادث حسن. اجابه حسن ليردف عمر - حسن، هات دينا وماما على الشقة. - طيب عملت ايه ؟ احتكت أسنانه بغضب وهو يتذكر ما حدث - الكلاب روحت لقيتهم مخليين مراتي ترقص ف حضن واحد ! متفكرنيش يا حسن لأني لحد دلوقت هتجنن، المهم دلوقت فيه حاجة مهمة لازم نتكلم فيها.. - معاك يا صاحبي اتكلم.. تنهد عمر واردف بنبرة تحمل الضياع والشتت بداخلها - كلهم طلعوا عصابة مع بعض ! وسط رجال أعمال كل واحد بيكبر على قفا التاني..! شيرين والدة ياسمين، طلعت تبع ناجي، وكلهم يعرفوا بعض..من أولهم لاخرهم! - انت عرفت منين ؟ - شوفت ناجي ف الحفلة، كان قاعد هناك وحواليه بنات كلهم صغيرين..شافني فضل يدارى بيهم وفكرني مشوفتهوش، لو هو مش تبعهم مكنش عمل موقفه ده ؟ انا دلوقت فهمت اللعبة كلها ! كلهم تبع بعض، مجموعة رجال أعمال بيسندوا على بعضهم، وكمال بيه اكشتف ده وفضل يدور وراهم عشان يجمع عليهم الأدلة وكلهم يتسجنوا، ف طبعًا اتعاونوا عليه لأن كلهم ف مركب واحدة، هددوه الأول بـ ياسمين، ولما خدها وسافر ولقوه لسة وراهم ق...تلوه، ولما مات الفلاشات اختفت، كمال مكنش بيثق غير فيا وف ناجي، يبقى مفيش غير ناجي غدر بيه! - وهتعمل ايه يا عمر ؟ احتدت عينيه وهو ينظر للفراغ أمامه - لازم ادخل وسطهم بأي تمن يا حسن، بأي تمن كان. - حتى لو كان خسارتي ؟ استدار عمر لـ مصدر الصوت ليجد ياسمين تقف خلفه ودموعها تسيل من عينيها، أغلق مع حسن واقترب منها واردف بحذر - خسارتك فـ ايه ؟ مسحت ياسمين دموعها واردفت بنبرة جامدة - من حياتك يا عمر، هتدخل بينهم عشان تجيب حق بابا يبقى انا همشي من حياتك. - ياسمين ارجوكِ متصعبيش الموضوع عليا، ممكن ؟ اقتربت منه واردفت بصراخ - لأ يا عمر، بابا مات بسببهم، بقيت لوحدي بسببهم، ماما سابت بابا وسابتني لوحدي بسببهم، مش هتدخل وسطهم يا عمر واخسرك انت كمان، مش هعيش لوحدي يا عمر انت فاهم ؟ أخذها عمر بين أحضانه وأخذ يربت عليها واردف بحنو - مش هيحصلي حاجة يا روحي، متخافيش عليا، بس ده دين عليا يا ياسمين ولازم أرد الدين ده ف أسرع وقت. - دين لـ ايه ؟ بابا مستحيل يكون قالك حط رجليك ف النار اللي حرقته وسيب بنتي لوحدها ؟ - لأ يا ياسمين، بس لما كان عايش انا وهو اتواعدنا اننا نوقع الراجل ده، مكنش يعرف وقتها انهم عصابة، لو انا مدخلتش وسطهم هما عمرهم ما هيسيبونا وخاصةً مامتك يا ياسمين، اللي جاية وعايزة ترد ليكِ رد الفعل اللي ابوكِ عمله معاها لما عرف إنها على ذمته وبتخونه! امسك ذراعيها واكمل حديثه - سيبك من كل حاجة يا ياسمين، دلوقت شيرين عينيها عليكِ، تاخدك بأي تمن وترد حقها ! حقها اللي أي راجل مكانها كان هيبقى نفس رد فعله ده لو مكنش ق..تلها ؟ - طيب خلاص خلينا نهرب من هنا، انا معايا فلوس، وانت كمان معاك، اشتريت شقة ف مكان راقي محترم وعربية، بيعهم وتعالى نسافر اي مكان برة مصر بعيد عنهم. عمر بتهكم - واعيش حياتي هربان زي الفراخ ؟ مش قادر احمي مراتي من شوية ناس ! شايفاني مش راجل للدرجة دي ؟ - عمر ارجوك افهمني، طب بابا هل هو مش راجل ؟ ف النهاية ايه ؟ اتق...تل على ايديهم ! ده يعني انه مش راجل ؟ بالعكس يا عمر احنا هنسافر علشان تحميني مش علشان نهرب. ابتعد عنها عمر واردف بهدوء - أنا بدأت المعركة يا ياسمين، وللأسف مش هقدر أرجع منها. - يعني ايه يا عمر ؟ - يعني هكمل اللي بدأته للنهاية. جففت ياسمين دموعها واردفت بنبرة جامدة - يبقى تطلقني يا عمر، مش هقدر اعيش نفس الوجع مرة تانية، ف نطلق من دلوقت أحسن. - ليه بتفكري دايمًا بالسالب ! - بفكر بالواقع يا عمر مش بالسالب، بفكر ف بيتي وجوزي وابني أو بنتي اللي لسة بيتكون جوايا، بفكر اختك ومامتك اللي ملهمش غيرك، بفكر في كل اللي حواليا مش ف نفسي وبس يا عمر. - ليه مش عايزة تفهمي إن مجرد ظهوري أنا وانتِ ف مصر حطنا كلنا ف خطر ؟ ابوكِ اتق..تل فين ؟ ف دبي صح ؟ انتِ عاوزانا نسافر فين ؟ قوليلي! هنفضل نروح من بلد لـ بلد كل ما نحس إن علينا خطر ! طب ما ننهي كل ده دلوقت! أخذ نفسًا بداخله وامسك بيدها واكمل بهدوء - ياسمين، افهميني المرة دي، ابوكِ كان تفكيره غلط مكنش شايف كل حاجة بتحصل، كان مفكر انهم شخص واحد ف كان حاطط عينيه ف اتجاه واحد بسؤد لكن انا فهمت الدنيا، عرفت انهم اكتر من اتجاه، عرفت ولسة هعرف اكتر ايه بيحصل بينهم، وحسن معايا، ماشي ؟ مش بتثقي فيا ؟ خلي ثقتك فيا كبيرة المرة دي وصدقيني مش هخذلها، وعد يا ياسمين. - بثق فيك. أخذها بين أحضانه واردف بحنو - واوعدك مش هخذل ثقتك دي، ويلا خدي شاور لحد ما احضرلك الفطار، وحسن هيجيب ماما ودينا يقعدوا معاكِ. ابتعدت عنه واردفت بسعادة - بجد يا عمر ؟ - أيوة يلا، خدي الشاور وهتخرجي تلاقي الفطار جاهز. - لأ هستناهم. - هما زمانهم فطروا ف البيت، انتِ عارفة ماما بتحب الصحيان بدري وتفطر بدري، وبعدين انا مش مالي عينك تفطري معايا ؟ قبلة وجنته واردفت بلهفة - لأ والله مقصدش، حقك عليا..خلاص هاخد شاور على طول واخرج نفطر سوى. في شقة زينب.. كانت زينب لغرفتها تجهز حقيبتها، وخرجت دينا من غرفتها وهي تحمل حقيبتها و وضعتها أمام باب الشقة، و وجدت حسن يقف أمامها. كادت أن تذهب لغرفة والدتها لكن استوقفتها يد حسن التي قبضة على ذراعها، واستدارت دينا واردفت بغضب - انت مجنون ! ازاي تسمح لنفسك تـ.. قاطعها حسن - آسف والله مقصدش، بس عمال انده عليكِ مش بترضي، لاوية بوزك عليا ليه ؟ عقدت ذراعيها أمام صدرها واردفت - لأ والله متعرفش ليه يا سي حسن ؟ استند حسن على الباب وهو يفعل نفس حركتها واردف بحنو - معرفش والله يا قلب سي حسن. ظفرت دينا بحنق وغضب واردفت - وهتعرف ازاي وأنت عندك قلب أصلا ! - قلبي معاكِ بقى هنعمل ايه ؟ - حسن متعصبنيش ! - هي الحقيقة بقيت تعصب يا قلب حسن بس ؟ ضيقت عينيها واردفت بتساؤل - كنت فين طول الاسبوعين اللي فاتوا يا حسن ؟ حك حسن رأسه واردف - هو علشان كدة ؟ نظر لها واكمل حديثه بتبرير : والله مشغول مع عمر ف حاجات قد كدة، حتى هو طول الاسبوعين مراحش لـ ياسمين غير مرة واحدة ودي التانية، وتاني حاجة انا متخيلتش إنه هيفرق معاكِ يا دينا. لوت فمها واردفت بسخرية - ومش هيفرق ليه إن شاء الله ؟ - والله لو عارف مكنتش سألت يا دينا، وكنت اتخيلت ان ممكن يفرق فعلًا، بس طالما بيفرق كدة ف انا غلطان فعلًا وحقك عليا يا دينا، ولولا إنك لسة مش حلالي لـ كنت بوسة راسك كمان. - ماشي يا حسن. لكز ذراعها بذراعه واردف بعشق - بحبك يا بت والله، بس الظروف الفترة دي ملطشة معايا أنا واخوكِ وحطانا ف مليون حاجة، حتى الفرح احتمال يتأجل. أكمل حديثه بحنق - مش لو كنتِ سمعتِ كلامي كان زمانا مكتوب الكتاب قبل السحلة اللي انا فيها دي ؟ عاجبك كدة ؟ ابتسمت دينا على غضبه واردفت بعند - أيوة كنت عايزني اوافق اتجوز كدة بلوشي ! - بلوشي! قالها بسخرية، واردف : لأ ياختي، اديها مبقتش جوازة خالص، ويكون ف علمك بقى عمر يخلص من اللي هو فيه وهتبقى شبكة وكتب كتاب وفرح يا دينا، وابقي اعترضي بقى. كادت أن تتحدث ولكن قاطعهم صوت زينب - وماله يا حسن، نخليها فرح بالمرة. ضربت دينا الأرض بققدميها واردفت بغضب - انتِ مع بنتك ولا معاه ؟ - انا مع الحق، الواد مستنيكِ من وانتِ لسة عيلة! بعد كل ده تتمردي عليه ؟ وافقي وارضي بنصيبك واحمدي ربك! اختنقت بداخلها واجتمعت الدموع داخل مقلتيها، ثم اردفت وهي تمسك حقيبتها - شكلك خلصتي يما، خلينا نمشي. امسك حسن الحقيبة من يدها واردف - عنك انا هشيلهم. تركت الحقيبة وتركتهم وهبطت للاسفل، بينما نظر حسن أثرها وهو يرى تلك الدموع التي سالت من عينيها فور أن خرجت من الشقة. نظر لـ زينب واردف بضيق لبكاء معشوقته. - يلا يا مرات عمي. بعد وقت في شقة عمر، كانت تجلس ياسمين بسعادة داخل أحضان زينب التي كانت تضمها وعينيها دامعة بفرحة لسماعها بحمل ياسمين. دينا وهي تنظر للشقة حولها بانبهار - احنا هنفضل هنا ؟ عمر بمرح - احنا مش انتِ يا دينا. تدخل حسن وهو ينظر لـ دينا - لأ أنا قررت هاخد شقة لـ دينا ف الحي هنا، هو عجبها من أول ما دخلناه. اردف عمر بتذكر - صح يا أمي انا وحسن قررنا نبيع البيت اللي كنا ساكنين فيه. ضربت زينب صدرها بيدها واردفت بشهقة - يالهوي يا عمر ! هتبيع البيت اللي اتجوزت وكبرت وكبرتكم فيه يا ابني ؟ ده كل ذكرياتنا ف البيت ده! - يا ست الكل، هتعملي ايه بيه ؟ سكن ومشينا وجينا مكان أنضف واحسن واوسع مليون مرة، ومستحيل تروحي هناك تاني! تدخل حسن بالحديث قائلًا - أيوة يا مرات عمي، الحارة اتملت ناس وكلهم بلطجية وبقيت حاجة كلها قرف، كلهم بيتكلموا على بعض وما بيصدقوا يلمحوا حاجة يخلوها سيرتهم وانتِ شوفتي ده مع عمر وياسمين! ف بيت ايه اللي متمسكة بيه ؟ اكمل حديثه بمرح - البيت ده يتباع ويتكسر وراه زير كبير كدة . دينا بتأييد - طب والله حسن وعمر عندهم حق بيت ايه اللي زعلانة عنه يا امي ؟ انتِ فاكرة البلاوي اللي حصلتلنا فيه ؟ دا احنا نقوم نصلي ركعتين شكر إن ربنا خرجنا منه. لوت زينب فمها بعتاب - دلوقت بقى وحش ! مش البيت ده اللي كان لاممنا كلنا تحت سقف واحد ؟ احنا وابوكم ! خلاص بقى وحش بالنسبة ليكم ؟ قبل عمر يدها واردف - يا ست الكل طبعًا مش قصدنا كدة، بس الموضوع كلوا ان ربنا فتحها عليها ف ليه نقول لرزق ربنا لأ ؟ وكمان حسن ليه النص ف البيت ده، وهو عايز ينقل ويبدأ شغل على نضيف ! هو قالي محوش مبلغ ويادوب هيبيع البيت يشتري شقة هنا وبالباقي هنتشارك انا وهو ف مشروع نفتحه لينا. - طب ما أنا أرجع شقتي، وحسن يقعد ف شقته هو ودينا ويفتح مشروع بالفلوس اللي معاه ! ليه يبيع ؟ صمتت دينا بصدمة من حديث والدتها بعدما كانت ستتحدث معها، وابعدت يدها الموضوعة على ذراعها وهي تشعر بالإهانة منها للمرة الثانية ! لتلك الدرجة تراها أن عليها أن ترضى بأقل شيء ؟ هل هي قليلة ورخيصة لتلك الدرجة ؟ تركتهم وهي تنسحب منهم بهدوء شديد، ولم يلحظها أحد سوى حسن الذي شعر بها، وياسمين التي كانت صامتة وتتابع الحديث منذ البداية وشعرت بالشفقة لأجل دينا. توقفت دينا على باب غرفتها وهي تستمع لـ صوت حسن - لأ يا مرات عمي، دينا ليها الحق تختار هي عايزة تقعد فين وتعمل ايه وترسم حياتنا بالشكل اللي يريحها، ولو مش عايزة نبيع البيت براحتك، لو دخلت كذا شغلانة مع بعض وأجلت الفرح شوية قدام وعملنا زي ما اتفقنا خطوبة وكتب كتاب بس ف القاعة اللي هي تختارها، ف انا معنديش مانع، بس المهم نتجوز وهي تكون راضية عن الجوازة وتمشي بالشكل اللي يرضيها هي، ودينا عجبها المكان ده وانا مش هقدر أقولها لأ عليه. ابتسمت دينا بداخلها وهي تشعر بأن روحها باتت ترفع من جديد، ودلفت للغرفة واغلقت الباب خلفها، بينما ابتسم حسن وشعور بالراحة يتغلف قلبه لرؤيتها تبتسم وهذا يعني أنها ستدخل لغرفتها ولن تبكي مثلما كانت ستفعل. اردفت زينب بقلة حيلة - خلاص يا حسن انت وعمر، اعملوا اللي عاوزين تعملوه. عمر بسعادة - يعني هنبيع البيت ؟ - بيعه يا عمر، مش هيجي اغلى من اللي راح. قبل عمر رأسها واردف - لأ هيجي، صدقيني هيجي، ولو أطول اجبلك الدنيا كلها تحت رجليكِ يا أمي هعمل كدة. نهض حسن من مكانه واردف - طيب طالما وافقت ف انا هروح أشوف مشتري للبيت، معندناش وقت يا عمر. - ماشي يا حسن، مع السلامة. غادر حسن واستدار عمر لوالدته واردف - خفي على دينا شوية يا أمي، أختي مش قليلة علشان ترضى بالقليل، انا كنت هرد وهقول نفس الكلام اللي حسن قاله بس الواد مشتري اختي بالغالي ورد بالكلام ده. لوت زينب فمها واردفت - وانا قولت حاجة يا ابني ؟ انا قصدي الواد شاريها ف تحمد ربنا على نصيبها ! - ونصيب أختي تستاهل انه يكون افضل حاجة يا أمي، ولو مكنتيش وافقتي على حوار البيت انا كنت ساعدت حسن يجيبلها اللي هي عاوزاه، لأن اختي مش قليلة يما، دينا السويدي تستاهل الدنيا تحت رجليها وتتشرط عليها براحتها طول ما انا عايش وموجود. - ربنا يحفظك لينا يا ابني ويخليك لينا ويديك طولة العمر. بينما على الجانب الآخر في غرفة دينا، استمعت لـ حديث أخيها وشعور واحد يتغلف مشاعرها، هل لو عرف ما فعلته ستكون هذه نفس النظرة لها ؟ تشعر بالذنب حقًا بما فعلته ! أغمضت عينيها وهي تحسم قرارها - كفاية تفكير انا هقول لـ عمر، مش هخبي عليه حاجة، عمر لازم يعرف، وبعدين هيحصل ايه لو حسن جه ف يوم وعملتله حاجة وفتح الموضوع ده ؟ ف عمر يعرف مني دلوقت احسن، هو ميستاهلش يتحط ف أي موقف مش حلو مع صاحبه بعد كدة. قلب يأبى العشق الفصل الرابع عشر. دلف عمر لغرفته و وجد ياسمين تجلس أمام النافذة، وهي تمسك بكوب من القهوة بين يديها وتطلع أمامها للفراغ.. استند عمر برأسه على كتفها واردف بخفوت - مش قولنا نقلل القهوة يا ياسمين ؟ - مسألتنيش الدكتورة قالتلي ايه يعني! ظل صامتًا لم يجيبها، ليتفاجيء بها تنهض من مكانها وتضع الكوب على الطاولة واستلقت على الفراش.. - ياسمين انتِ مبسوطة إن ماما هتعيش معانا ؟ - مش ده كلامنا يا عمر. اقترب منها وجلس أمامها واردف - بس عاوز اعرف، مضايقة ؟ - لأ يا عمر هضايق ليه ؟ انا بحب مامتك وانت عارف ده، وهي كمان بتحبني، وشوفت انا فرحت ازاي إنها هتيجي تقعد معانا هي ودينا، ليه سؤالك ده ؟ حط رأسه بحيرة واردف - مش عارف. - ولا عشان لقيتني مضايقة ف قولت تسأل السؤال ده بحيث إنك تقول إني مضايقة بسببه واطلع غلطانة صح ؟ قالت كلماتها وهي تعتدل في جلستها، بينما نظر عمر لـ سقف الغرفة واردف بخفوت. - هرمونات الحمل بدأت ! - سمعني بتقول ايه ؟ نهض من على الأريكة وجلس بجانبها على الفراش واردف - بقول لأ يا ياسمين، سؤالي ده كان لازم يتسأل من بدري بس انا اللي اتأخرت فيه، زي ما اتأخرت بالظبط أسألك الدكتورة قالتلك ايه ؟ وضع عمر رأسه على قدميها واردف بتنهيدة منهكة - ياسمين، صدقيني انا مش عارف بعمل ايه ؟ حاسس إني تايه ! حتى معاكِ، مش عارف اتصرف أو اعمل ايه أو حتى اللي المفروض يتعمل ايه ؟ - ايه اللي انت عايزه يا عمر ؟ - اعيش معاكِ الحياة اللي اتخيلتها من أول ما قولتيلي بحبك، وبعدها إنك حامل يا ياسمين. - وايه اللي أنت رسمته ؟ نهض من مكانه واردف بلهفة وحماس - رسمت حاجات كتير اوي، انا وحسن فتحنا المكتب بتاعنا واشتغلنا فيه على نضيف، بنيت أسرة وبيت وعيلة اساس وجودهم انتِ، رسمت انك معايا طول الوقت بتدعميني، رسمت ان اكبر مشاكلنا تكون خناق بسبب عيالنا، رسمت كتير اوي يا ياسمين، رسمت حاجات مش هتتحقق غير لو ساعدتيني ف ده، شجعيني يا ياسمين وبلاش خوف. - خايفة اشجعك واكون بشجعك على حاجة هتأذيك يا عمر، خايفة أقولك آه كمل طريقك برافو بس ف النهاية.. - لأ انا محتاج تشجيعك يا ياسمين، الطريق أنا بدأت فيه خلاص، مفهوش رجوع دلوقت، عايز اجي ف آخر اليوم احط راسي على رجلك واحيكلك انا وصلت لـ ايه من غير ما احس بخوفك، بالعكس الاقيكِ فرحتي اننا قربنا خلاص. - حاضر يا عمر. قالتها وهي تبتسم لهُ وتعيد رأسه على قدميها ويدها تعبث بخصلات شعره، واردفت. - عملت ايه لحد دلوقت ؟ . - هدخل بينهم، انا دلوقت مع ناجي، عايز احسسه إني بدأت اشيل موضوع موت كمال بيه من دماغي، واني بس كل هدفي اكبر ف الشغل وابقى ليا شغلي الخاص مهما كان التمن، عايز احسسه تفكيري هو نفس تفكيره. - وهتبدأ تعمل ده امتى ؟ - من بكرة، هدخل الشركة واحكي ليه اللي حصل ف الحفلة وكإني مشوفتهوش، وف ضمن الكلام هقوله حمايا خلاص مات واتدفن، المهم دلوقت أآمن مستقبلي لـ بيتي وبس، و واحدة واحدة اوريله إني فعلًا عايز كدة، لحد ما هو بنفسه يدخلني بينهم ابتسمت ياسمين بإعجاب لتفكيره واردفت - عارف يا عمر ؟ انا بحب تفكيرك اوي، دايمًا بشوفك بتفكر صح مهما كان الموضوع مُعقد حواليك، حتى بابا لما كنت بقوله اشمعنا عمر ؟ كان يقولي شخص طموح، مش بيحلم وخلاص ! لأ بيحلم الحلم ويرسمه على الواقع، عارف هو بيفكر ف ايه ونتيجة اللي بيفكر فيه ده هيكون ايه، ودي اكتر حاجة مخلياني واثقة إنك قد اللي قولته دلوقت، هتعمل ده زي ما بتقول بالظبط ويمكن كمان بصورة أحسن وأفضل، بحب علاقتك بكل اللي حواليك، خاصةً دينا، بحب تقديرك ليها طول الوقت وعلاقتك بيها كـ أخ، بحب حبك لمامتك اللي حببني فيها، وبحبك انت اكتر من كل ده. نهض عمر وجلس أمامها واردف وهو يحتضن وجهها - وأنا بحبك انتِ يا ياسمين، بحبك فوق ما تتخيلي - بجد يا عمر ؟ ولا بتقولها عشان ملقتش رد على كلامي ؟ - وهو ينفع كلمة بحبك تتقال مجاملة ؟ - لأ - يبقى ازاي هقولها كدة، ويوم ما هجامل فيها هتكون لـ مراتي ؟ اندفعت بين أحضانه واردفت بسعادة. - أنا بقى بعشقك يا عمر. في صباح يوم جديد.. دلف عمر لمكتب ناجي بعدما أخذ الإذن بذلك، وجلس على المقعد واردف وهو يرجع رأسه للخلف - عرفت اللي حصل امبارح ؟ طالعه ناجي بعدم فهم مصطنع قائلا - ايه اللي حصل ؟ قص عليه عمر ما حدث بالأمس وانهى حديثه قائلًا - انا فكرت ف الموضوع كلوا يا ناجي، حتى ياسمين فضلت تعيط وتقولي نفس الكلام. - وايه اللي فكرت فيه وياسمين اتفقت عليه ؟ - إني أفكر ف بيتي وبس حمايا خلاص مات، والشر ملهوش رجلين مسيره ف يوم يوقع. اعتدل ناجي في جلسته وهو لا يصدق ما يسمعه واردف - وياسمين عادي وافقت ؟ وهتفكر ف بيتك بس ازاي ؟ - ياسمين وافقت لأن انت عارف، هي دلوقت ملهاش حد غيري وانا حكيتلك امبارح أمها عملت ايه ! ثانيًا بيتي أهم وأولى بكل حاجة، هشتغل معاك ف الشركة وف نفس الوقت هحقق حلمي وافتح مشروعي بأي تمن كان ايه هو، المهم إن حلمي يتحقق وإني أآمن مستقبلي. ناجي بتفكير في حديثه - عظيم يا عمر، تفكيرك عجبني جدًا. وضع عمر قدم فوق الأخرى واردف - ها قولي بقى، إبراهيم الشافعي كان عاوزني أروح الموقع واشوفه ع الحقيقة ؟ - انت رفضت ده ناسي ولا ايه ؟ - وناسي كلامي دلوقت ولا ايه ؟ قولتلك المهم احقق حلمي وهسيب كل حاجة تانية دلوقت يا ناجي. أحضر ناجي الملف من إحدى أدراج مكتبه واعطاه لـ عمر بفرحة من قراره - أهو الملف، وجوة الملف رقم إبراهيم، ادرس الملف كويس بحيث تروح هنا تعرف الدنيا ماشية ازاي وليه، واتصل بيه و قولوا قرارك بأنك هتمسك المشروع ده بنفسك. أخذ عمر الملف وغادر المكتب، وذهب لمكتبه واستدعى حسن وجلس الإثنان بدراسة الملف ف هما اتفقا على أن يتم العمل وهما معًا. بعد وقت من دراسة الإثنان للملف، اردف حسن - المشروع كلوا فيه حاجة غلط ! وحاجة كبيرة اوي كمان يا عمر ؟ ارتشف عمر من فنجان القهوة واردف - ما انا عارف، وايه هي الحاجة دي هعرفها لما اقدر اكسب ثقة ابراهيم فيا. - وانت اشمعنا إبراهيم ؟ يعني هو ملهوش.. - إبراهيم فرض من مجموعتهم، و وقوعه هيكون شيء مهم بالنسبة ليا يا حسن، الناس دي عندهم مبدأ واحد وهو البقاء للاقوى وبس. - عمر..اوعى تكون عينك على ابراهيم عشان تنتقم لـ اللي عمله هو وريم فيك زمان ؟ ضحك عمر ضحكة جانبية ساخرة - وفكرك إني هحطهم ف دماغي بسبب حاجة زي دي ؟ ريم دي آخرها عندي بس نظرة من فوق كدة وانا راكب عربيتي ! دي كفيلة تق..تلها وهي واقفة . - ماشي يا صاحبي انا بس حبيت أفهم. - تمام يا حسن روح مكتبك وكدة انا هكلم إبراهيم ونشوف هنعمل ايه. نهض حسن وغادر المكتب لتمر دقائق ويجد عمر ريم تولج للمكتب.. دلفت ريم للداخل والقت السلام عليه بدلع، واتجهت نحوه وجلست على قدميه، وسط دهشة وذهول عمر مما حدث للتو ! عانقت ريم رقبته واردفت بدلع - وحشتني يا عمر. حاول عمر ابعادها عنه واردف - وانتِ كمان يا ريم. - لأ لو وحشتك كنت جيت امبارح سهرت معايا يا عمر، مش عارفة انت رافض ده ليه ! - وانا مش عارف انتِ ازاي شايفة الحاجة دي عادية بالنسبالك كدة ! حركت كتفيها واردفت بلا مبالاة - لأني مطلقة يا عمر، ف عادي يعني الأمر مش هيعمل حاجة ! دفعها عمر بخفة من على قدميه ونهض من مكانه واردف - لأ يا حبيبتي الأمر ده حاجة وحاجة كبيرة أوي كمان، لأنه زنا يا ريم، حتى لو حصل النهاردة و روحت اتجوزتك بكرة هيفضل هو هو نفس الشيء والذنب علينا.. شعر بحدة حديثه ليكمل حديثه بنبرة حاول بها تلطيف الأمر - وكمان انا عايزك ف الحلال، انتِ بالنسبة ليا مش واحدة رخيصة أو سهلة إني أعمل معاها كدة ! لأ انتِ ريم حبيبتي اللي لو حد بس بصلها اخرم عينيه. ابتسمت ريم وهي تشعر بالرضا داخلها من كلماته، ثم اردفت - طيب تعالى نروح نسهر ف مطعم سوى، ايه رأيك ؟ - يا ريت لأني فيه حاجة مهمة عايز اقولها لك يا ريم. صفقت ريم بحماس وهي تتخيل أنه سيعرض عليها الزواج ثم اردفت - ماشي يا عمر، نتقابل بليل يا حبيبي. غادرت المكتب بينما جلس عمر مكانه وهو يأخذ أنفاسه وكإن أحدًا كان يخنقه للتو ! امسك هاتفه ليُهاتف إبراهيم الشافعي، و وجد صورة ياسمين التي وضعها خلفية للهاتف.. ابتسم عمر واردف بندم - عارف انك اتقبلتي كل حاجة بس ريم لو عرفتي اللي بعمله معاها عمرك ما هتقبلي ده، ولا انا قابل ده وطول الوقت حاسس إني بخونك بس اوعدك ف أقرب وقت كل حاجة هتنتهي يا ياسمين. تنهد عمر وهو يضع الهاتف على أذنه بانتظار إجابة إبراهيم عليه.. - إبراهيم بيه اهلًا بيك، انا باشمهندس عمر. - اهلًا يا عمر، ايه سر المكالمة ؟ - الحقيقة ناجي بيه كلمني النهاردة تاني عن المشروع، وللحقيقة انا قررت اشتغل فيه معاك، فكرت ولقيت مكسبه هيكون حلو بالنسبة ليا . - ده شيء ممتاز يا عمر إنك فكرت ف المكسب وسيبتك من كل حاجة تانية، صدقني مفيش حاجة هتنفعك غير الفلوس. ابتسم عمر بتهكم واردف - انت هتقولي يا ابراهيم بيه ؟ الفلوس كل حاجة عند كل الناس لدرجة أنها بقيت بالنسبة ليا أهم حاجة بردوا . - ياه يا عمر انت لسة فاكر ؟ قلبك ابيض بقى يا ابني، وبعدين صح انا سمعت انك اتجوزت، صورك منشورة ف كل الجرايد من الصبح، ده صحيح ؟ - أيوة صحيح، اتجوزت ويمكن ده اكبر سبب مخليني افكر ف الفلوس دلوقت، اصلي بعيد عنك بفكر اتجوز تاني. إبراهيم بضحك - لأ بعيد عني ايه، ادعي يقرب مني يا عمر، ع العموم مبسوط لقرارك ده، وكدة كدة ايه يعني ؟ شرعك محلل ليك بدل الواحدة أربعة، ومعاك فلوس تقدر تفتح بيوت الأربعة ف ليه لأ ؟ - عندك حق يا ابراهيم بيه، هنتقابل امتى ونروح الموقع ؟ عايز اعاين المكان عملي. - نتقابل دلوقت لو تحب. - تمام انا فاضي. - خلاص هبعتلك لوكيشن الموقع، وهستناك هناك بعد ساعة، مع السلامة. أغلق عمر معه، ونظر للهاتف بتقزز، و وجد إبراهيم أرسل له عنوان الموقع، واردف عمر - يا دوب المكان من هنا لـ هناك ساعة بس. في شقة عمر.. نهضت ياسمين من مكانها وهي تشعر بدوار يجتاح جسدها بأكمله..حاولت النهوض ولكنها لا تقدر على ذلك، امسكت هاتفها لـ تتصل بـ دينا التي هرولت اليها مسرعة فور أن رن هاتفها بإسم ياسمين.. دلفت دينا للغرفة واردفت بقلق - فيه حاجة يا ياسمين ؟ أمسكت ياسمين رأسها بتعب شديد - مش عارفة حاسة الدنيا كلها بتلف بيا. جاءت والدة دينا على نداء ابنتها، واردفت - ايه يا بنتي ؟ - مش عارفة ياسمين بتقولي دايخة وبصي وشها أصفر ازاي ؟ نوديها مستشفى طيب ؟ زينب بقلق - مش عارفة والمكان هنا غريب علينا ! - خلاص هتصل بحسن يجيب دكتور هنا ليها، كمان احنا لوحدنا مش هنقدر ننزلها. - طب ما تتصلي بـ جوزها احسن يا بنتي ؟ ياسمين بصوت متعب - لأ يا ماما، عمر لسة قافل معايا ورايح مكان بينا وبينه فوق الساعتين، وبلاش نقلقه على الفاضي كمان ! امسكت دينا هاتفها لتحادث حسن، وبعد مرور نصف ساعة اتت الطبيبة.. نظرًا لأن بعد الشركة عن المنزل اكثر من ساعة، ف فكر حسن أن يرسل طبيبة لهم يعرفوا ما بها حتى يصل هو.. اجرت الطبيبة كشفها على ياسمين واردفت - سكر الحمل عندك مرتفع جدًا، و واضح إن الأنيميا كمان شديدة. أنهت الطبيبة تدوين الدواء بالورقة، واكملت حديثها - دي أدوية، حقنة مثبتة للحمل ولازم تمشي عليها أول ٣ شهور، وحقن حديد تاخدهم ٦ مرات عشان منلجأش لتعليق كانولا، وده مع اهتمام بأكلها شوية، ولما تخلص الـ ٦ حقن تجيلي العيادة وتكون عاملة التحاليل دي بس اليوم اللي هتيجي فيه هي تحلل قبلها بـ يوم. دينا بإنصات لتعاليم الطبيبة - حاضر يا دكتورة، متقلقيش همشي على كل اللي قولتيه. ابتسمت لها الطبيبة واردفت بتساؤل - انتِ أختها ؟ - لأ أخت جوزها ودي أمي. - واضح إن علاقتكم حلوة ببعض، ربنا يديم المحبة بينكم. - صح يا دكتورة ياسمين أختي وربنا يشهد على كلامي، واللي حضرتك قولتيه هيتنفذ وهشرف عليه بنفسي، وامي بنفسها هتشرف على أكلها لحد ما تتظبط. - ربنا يقومها بألف سلامة، وهستناكم بعد أسبوع. غادرت الطبيبة وجاء حسن بعدها لتعطيه دينا ورقة العلاج ليحضر ما بها، بينما دلفت زينب للمطبخ حتى تطهو لها. بعد وقت جلست زينب أمام وياسمين واردفت - انا سلق..تلك فرخة تاكليها كدة بالشربة بتاعتها، وترُم عضمك شوية يا بنتي ! دا انتِ فأول أسبوعين حمل وتقولك حقن حديد ؟ وبعدين الصراحة انا قولت لحسن يجيب المثبتة بس، انا آه معرفش حاجة ف كلام الدكاترة بس اللي اعرفه ان حقن الحديد دي تتاخد بعد الشهر الرابع عشان غلط على الجنين، ف احنا كدة اطمنا ان الموضوع انيميا عندك يا بنتي، وده أنا هعرف اظبطهالك ازاي بشوية اكل حلوين من ايديا. دينا بمرح - أيوة بقى، زوزا بنفسها هتاخد بالها منك. لوت زينب فمها واردفت - طبعًا يا بنتي ! وانا عندي أغلى من دينا وعمر ؟ وعمر ياسمين اغلى حاجة عنده ف تعتبر الأغلى عندي بردوا، وبعدين كلوا لـ إبن الغالي اللي هينور ويشيل اسم ابني. اردفت دينا بتساؤل - افرضي انها بنت ؟ - هتبقى الغالية بنت الغالي بردوا، هو فيه أحلى من خلفة البنات ؟ اندفعت ياسمين لأحضان زينب واردفت ودموعها تهوى من فرط حنيتها عليها - انتِ جميلة اوي يا طنط، فعلًا انتِ ودينا وعمر عوض ربنا ليا والله. - طب احنا عوضك بقى ايه طنط دي ؟ - فكرتك هتضايقي لو قولتلك ماما زي عمر ودينا. - يوه يا بنتي ؟ وهو فيه أم تضايق ان عيالها يقولوا لها ماما ؟ ربتت زينب على ظهر ياسمين بحنو، بينما كانت دينا تقف تطالعهم بأعين دامعة من تأثرها بالموقف لتفتح زينب ذراعيها وتستقبل دينا بين أحضانها هي الأخرى قلب يأبى العشق الفصل الخامس عشر. حل المساء على الجميع، وانهى عمر عمله بالموقع، ثم ذهب للمطعم لمقابلة ريم.. هبط عمر من سيارته، ودلف للمطعم ليجد ريم تجلس بإنتظاره، تقدم نحوها وجلس واردف بأسف - آسف جدًا بس كنت مع والدك ف الموقع. ابتسمت ريم لهُ قائلة - ولا يهمك يا عمر، أخبارك إيه ؟ - الحمدلله وانتِ أخبارك ايه ؟ ظلوا يتحدثون في بعض الأمور وتناولوا العشاء معًا، ثم اردفت ريم - ايه الموضوع اللي عايزني فيه ؟ حمحم عمر وهو يتصنع عدم معرفته لكيفية بدأ الموضوع معها، واردف - ريم انتِ عارفة إني بحبك صح ؟ وعارفة إني فيه قرارات أوقات بناخدها بتكون غلط بس لازم تتاخد لأن مفيش اسلم منها للموقف نفسه ؟ - اتكلم على طول يا عمر انت بدأت توترني ! - ريم بصراحة انا متجوز، بس صدقيني بحبك، ومستعد اتجوزك، لأني لسة بحبك. لوت ريم فمها بتهكم وسخرية - أمال حضرتك اتجوزت ليه ؟ شفقة على البنت ! - لما اتجوزتي يا ريم هل معنى ده إنه كان شفقة على الراجل ؟ - أنا قولتلك سبب جوازي منه يا عمر. - وانا كمان ليا أسباب مش سبب واحد، بس للأسف مش هقدر أقولك، كل اللي أقدر أقوله ليكِ إني بحبك ومستعد اجي دلوقت واطلب ايديكِ من والدك، قولتي ايه ؟. - ومراتك ؟ انا مش هقبل اكون زوجة تانية ! - نمشيها عدل بينا ؟ انا تاني جوازة ليكيِ وانتِ كذلك ! حتى لو طلقتها هتكوني زوجة تانية يا ريم ! وبعدين انتِ عارفة إني بحبك، ودلوقت أنا معايا فلوس تكفيني اوي واوي كمان ! ايه يمنعك توافقي ؟ - مش عارفة يا عمر ! كلامك كلوا صعب. - ايه الصعب فكدة ؟ هتتجوزي حب عمرك ده فيه صعب يا ريم ؟ و دلوقت انا بدأت مشروع جديد، مكسبه ليا كفيل ينقلني نقلة تانية فوق اللي انا منقول فيها دلوقت ! وافقي وحطي ايدك ف ايدي وصدقيني مش هتندمي. رأى ترددها داخل عينيها، ليكمل حديثها دون كلل أو ملل - بتثقي فيا يا ريم ؟ - طبعًا يا عمر. أرخى ملامحه بحزن مصطنع واردف بحدة - لو بتثقي يا ريم كنتِ هتوافقي، لو بتحبيني أصلا كان زمانك مبسوطة دلوقت إني طلبتك للجواز، عن إذنك يا ريم أنا ماشي. امسكت ريم يده بلهفة بعدما نهض، واردفت - طيب خلاص اقعد، وبعدين انا مقولتش مش موافقة، انا قولت بس إني لسة بفكر ! ابتسم عمر لها واردف - ماشي يا حبيبتي، فكري براحتك وانا متشوق جدًا لـ ردك يا ريم. - طب ومراتك ؟ موافقة على ده ؟ أخذ نفسًا بداخله وهو يشعر باختناق مما سيقوله للتو، ثم اردف بهدوء - ملكيش دعوة بـ مراتي، المهم عندي دلوقت انتِ وبس يا ريم، قولتي ايه ؟ حركت ريم كتفيها بقلة حيلة واردفت - قولت إني بحبك يا عمر وهقبل بأي وضع معاك مهما كان ايه، لأني المهم عندي اكون معاك. تمتم عمر داخله بسخرية - ولا مع الفلوس اللي شايفاني بحققها ! طالعته ريم بعدم فهم واردفت - بتقول ايه يا روحي ؟ - بقول إني مبسوط لـ درجة إني عاوز اخدك ونروح اطلب ايدك دلوقت. - طب ما احنا فيها أهو يا عمر، يلا بينا. - بجد ؟ نهضت ريم من مكانها وهي تسحبه معها - بجد يلا نروح، بابي زمانه ف البيت دلوقت. نهض عمر معها وهو يشعر كل مرة بوغزى داخل قلبه مما يقوم بفعله، وشيء واحد يجول بعقله ( ماذا إن عرفت ياسمين ؟) بعد وقت وقفت سيارة ريم أمام الفيلا، وسيارة عمر بجانبها، ليترجل الإثنان من السيارة و يولجوا للداخل.. هبط إبراهيم من غرفته على نداء ريم لهُ، واردف - ايه يا ريم بتصرخي كدة ليه ؟ اقتربت ريم منه بسعادة - بصرخ ! انا هموت من الفرحة، يا بابي، عمر طلب ايدي وجه معايا يكلمك. نظر إبراهيم خلفها و وجد عمر يقف أمامه بثقة عالية واضحة على ملامحه، ليشير لهُ إبراهيم بالدخول.. دلف عمر وجلس على الأريكة وهو يضع قدم فوق الأخرى واردف - ريم طبعًا قالت لحضرتك انا جيت ليه ؟ انا جاي اطلب ايد ريم من حضرتك.. ابتسم ابراهيم لهُ واردف - وانا موافق يا عمر، طالما ريم بنتي موافقة. احتضنت ريم والدها بسعادة وقبلته، واردف إبراهيم - ايه رأيكم نعمل الخطوبة آخر الأسبوع ؟ عقد عمر حاجبيه بعدم فهم واردف - اشمعنا آخر الأسبوع ؟ ممكن نستنى إنتهاء المشروع ؟ - لأ يا عمر، خليها آخر الأسبوع والمشروع كدة كدة ماشي كويس وتمام، ف ليه منفرحش شوية ؟ تدخلت ريم بالحديث معهم - آه يا عمر بابي عنده حق، اخرجوا شوية من جو الشغل والمشاريع ونفرح حبة. - خلاص يا إبراهيم بيه طالما ريم مبسوطة بـ ده أنا موافقؤ لأني ميهمنيش غير سعادتها . نهض عمر من مكانه وهو ينظر لساعة هاتفه - عن اذنكم همشي ونتقابل بكرة ف المشروع . نهضت ريم معه واردفت - أنا هاجي مع بابي بكرة، ودلوقت هطلع اوضتي وأبدأ أجهز للحفلة يا عمر. - ماشي يا روحي، مع السلامة. غادر عمر الفيلا، ودلفت ريم مرة أخرى واردف إبراهيم - انتِ عارفة إنه متجوز يا ريم ؟ حركت ريم كتفيها بلا مبالاة واردفت - وانا مالي بـ ده يا بابي ؟ المهم بيحبني ومستعد يصرف علشاني، ولا ايه ؟ ابتسمت لهُ وتركته واقفًا مكانه وصعدت لـ غرفتها لتبدأ بما أخبرت به عمر.. على الجانب الآخر وصل عمر للشقة، وفتح الباب و ولج للداخل، و وجد المكان مظلم ليعلم أن الجميع نائمًا.. دلف لغرفته بهدوء ليجد ياسمين تجلس على الأريكة وهي تعبث بهاتفها بانتظار عودته.. نهضت ياسمين من مكانها فور رؤيته واندفعت نحوه وضمته واردفت - قلقتني عليك يا عمر كل ده ؟ ضمها عمر لصدره واردف بآسف - حقك عليا يا روحي، بس طولت وانا ف الموقع بدرس المشروع. ابتعدت عنه واردفت بإبتسامة وهي تساعده في خلع الجاكيت - ولا يهمك يا روحي، أنا بس مكنتش عارفة مالي، من بدري وانا حاسة قلبي مقبوض اوي، وإن فيه حاجة بتحصل ! علقت الجاكيت واستدارت له واردفت - بس خلاص اطمنت لما جيت و واقف قدامي دلوقت كويس وبخير، يلا ادخل خد شاور عقبال ما احضرلك العشا. - انتِ اتعشيتي ؟ - لأ مستنياك. ابتسم لها عمر ابتسامة مهزوزة مرتعشة وهو يخشى أن تعرف ما فعله اليوم ! بعد وقت انتهى الإثنان من تناول العشاء معًا، لتقول ياسمين وهي نائمة داخل أحضان عمر - النهاردة حسيت بدوخة كبيرة الصبح وحسن بعتلي دكتورة.. عمر بقلق - وقالتلك ايه ؟ - انيميا وسكر الحمل نسبته عالية، وكتبت ليا حقن لتثبيت البيبي، وماما عملتلي غدا فراخ مسلوقة وفضلت تغصبني أكلها.. ضحك عمر على نبرتها وهي تتحدث عن الطعام واردف بضحك - انتِ مبتحبهاش ولا ايه ؟ - باكلها بس مش مسلوقة ! بس مامتك عملتها بنفسها وفضلت تقولي عشان البيبي والانيميا وتأكلني بـ ايديها وكمان حصل.. نهضت من مكانها وسردت عليه موقف دينا و زينب وما أخبرتها به الطبيبة عن قربهم لبعض.. أنهت حديثها واردفت وهي تحرك كتفيها - مقدرتش بعد كل ده أقولها مش بحبها، ف كلتها، بس هي كانت عملاها بطريقة حلوة، كان فيه ف شوربتها طعم غريب بس عجبني. أعادها بين أحضانه مرة أخرى واردف بضحك - آه ده سر زوزا ف الطبيخ. - مرضيتش تقولي ايه هو ! - صدقيني انا ابنها بقالي ٢٦ سنة ومعرفش ايه هو السر، ودينا بقالها ٢١ سنة وبتدخل معاها المطبخ دايمًا عشان تعرف ومبتعرفش ف الآخر ! ياسمين بتذكر - آه صح، دينا سهرانة النهاردة عشان عاوزاك ف موضوع مهم يا عمر، وهي قاعدة ف اوضتها مستنياك. عقد عمر حاجبيه واردف بتساؤل - موضوع ايه ؟ نهضت ياسمين من أحضانه وحركت كتفيها بعدم معرفتها بالأمر ثم اردفت - روح وانت تعرف طيب . نهض عمر من مكانه واردف - حاضر يا حبيبي هروح اشوفها واجيلك على طول. - مستنياك يا روحي. وقف على باب الغرفة واردف - عارفة لو نمتي هعمل ايه ؟ ياسمين بمشاكسة - هتعمل ايه يعني ! - هطبطب عليكِ يا روحي هعمل ايه غير كدة. ضحكت ياسمين عليه وأرسل لها عمر قبلة هوائية وغادر الغرفة متجه لغرفة شقيقته. أطرق عمر باب الغرفة، و ولج للداخل بعدها وجلس بجانب دينا على الفراش - قولي يا حبيبتي سامعك اهو، ياسمين قالتلي إنك عاوزاني ف موضوع. فركت دينا يديها بتوتر واردفت - آه يا عمر، بس بالله عليك توعدني تسمعني للآخر وتفهمني يا عمر أرجوك. - وأنا مش بفهمك يا دينا ؟ - لأ لأ مش قصدي كدة، لما أقولك هتعرف قصدي ايه بس ارجوك اسمعني للآخر. سردت دينا كل ما حدث معها بداية من معرفتها للشاب ونهاية لما حدث واخبار حسن لها بأنه سيتزوجها وموافقتها عليه.. أنهت حديثها وهي تشهق من كثرة بكائها - والله يا عمر عارفة إني غلطت، بس صدقني اتعلمت، اتعلمت وخدت الدرس اوي يا عمر، صدقنـ.. لم يشعر عمر بنفسه سوى وهو يصفعها على وجهها بحدة جعلت فمها يسيل منه الد.....ماء.. وقف مكانه وهو لا يستوعب ما فعله للتو ! هل رفع يده على دينا ؟ شقيقته وابنته ؟ التي حملها بين يديه وكانت تنام داخل أحضانه ؟ وضع رأسه بين يديه ثم مسح شعره بحنق واردف بصدمة مما سمعه - انتِ عارفة لو حسن مكنش وصل كان هيحصلك ايه ؟ طب سيبك من انه كان هيعتدي عليكِ، ده كان ممكن يق...تلك ! نهضت دينا من على الأرض وامسكت يده وهتفت ببكاء - أنا آسفة والله يا عمر اتعلمت، غلطت وخدت الدرس يا عمر صدقني. - طب وربنا اللي شايفك ؟ مفكرتيش إن ده حرام وليه عقاب عليه ؟ - والله اتعلمت يا عمر، صدقني خدت الدرس كويس اوي والله يا عمر. - ادخلي اغسلي وشك يا دينا دلفت دينا للمرحاض وجلس هو مكانه وهو يحاول أن يهدأ من روعه، ظفر بغضب واردف وهو يهدأ من روعه - اهدا يا عمر.. دي دينا انت مربيها كويس، كل الناس بتغلط وهي اتعلمت، ممكن يكون غلطك انت، اني سيبتها لوحدها ف مصر، دينا طول عمرها لوحدها، كنت أقرب حد ليها وفاجئة بعدت وسافرت..اهدا مينفعش رد فعلك ده، هي كان ممكن تخبي عليك وحسن عمره ما كان هيقولي ده بس هي جت حكيتلك وده ف حد ذاته شيء كويس، متخلهاش تندم إنها اتكلمت وخليك هادي.. فاق من تفكيره على شعوره بجلوس دينا على الأريكة بجانبه، رفع عمر رأسه وابتسم لها بانهاك وتعب وهو يفتح لها ذراعه لتندفع دينا بين أحضانه وتردف من بين بكائها - صدقني يا عمر انا غلطت واتعلمت والله، أنا آسف سامحني عشان خاطري، مقدرتش اقعد من غير ما اقولك وانا شايفة بصتك وثقتك فيا وأنا مخبية عليك حاجة كبيرة زي دي، مقدرتش يا عمر لأني متعودتش أعمل غلط من وراك، بس صدقني دي غلطة ومش هكررها. ربت عمر على ظهرها بحنو واردف بهدوء - خلاص يا دينا، اللي حصل حصل، اتعلمتي من غلطك وعرفتي إن شباب النت دول هدفهم ايه من ناحية البنت ؟وبعيد عن ده انتِ عارفة إن ده حرام ؟ وانتِ واحدة محجبة، ملتزمة، لابسة الزي الشرعي اللي ربنا أمرنا بيه، ياسمين لبسته زيك آه طلبت منها ده بس هي لما شافتك فيه اتحمست اكتر وبقيت تلبس زيك، عارفة ربنا أمرك بـ ايه ونهاكِ عن ايه، حافظة كتابه ولغاية أحاديث الرسول حفظاها، وقعتي بسبب شيطان دخل دماغك ف لحظة ضعف بس فوقتي وخدتي الدرس، وده المهم عندي دلوقت. ابتعدت دينا عن أحضانه واردفت برجاء منه - يعني مش زعلان مني يا عمر ؟ لسة واثق فيا ؟ ولا صورتي اتهزت قدامك ؟ - بالعكس، وثقت فيكِ اكتر وصورتك عليت ف نظري لما عرفتي غلطك واتعلمتي ومقدرتيش تكدبي عليا وجيتِ قولتي ليا برغم إنك عارفة مدى حجم الذنب اللي عملتيه. ابتسم عمر وهو يضمها إليه مرة أخرى - انتِ بنتي يا دينا، واجبي كـ أب أعرفك الصح من الغلط ايه هو ؟ مش اعاقبك على الغلط وخلاص ! بس صح.. اعتدلت دينا ونظرت له بتركيز واكمل عمر - انتِ وافقتي على حسن عشان كدة ؟ يعني خوفتي يقولي مثلًا ولا ايه عشان مفهمتش دي ؟ - ف الأول فكرت أنه لما قالي أوافق عليه ف وقتها وكان متعصب أوي عليا، وفضل يقولي مش هسيبك لغيري وغصب عنك هتقولي لـ عمر إنك موافقة، وسابني ومشي وقتها حسيته تهديد ليا والصراحة خوفت، ياسمين عارفة الموضوع كلوا وكانت معايا خطوة بـ خطوة، كانت عارفة قبل ما اروح واقابل الشاب وهي حذرتني بس انا مسمعتش كلامها، وحتى روحت ف يوم من غير ما أقولها، ولما حسن عمل كدة اتعصبت وراحت هزقته جامد اوي، حتى لو تلاحظ إن الكلام بينهم شبه معدوم، لأن ياسمين هزقته جامد وحسن بيحس بيتحرج يكلمها أو حاجة. - طب و دلوقت ؟ - دلوقت لما ياسمين اقترحت عليا أقعد اتكلم معاه، قالي انا مكنتش بهددك، بس إني فكرت إنك بتحبي غيري ده حلاص أقول الكلام بس عمره ما كان تهديد، وطلب مني اديله فرصة يخليني أحبه وانا اديته. ابتسم عمر وهو يضمها مرة أخرى بين أحضانه ويقبل رأسها - وحسن إبن حلال يا دينا، ولو كان ايه حصل عمره ما كان هيقولي حاجة، ولا حتى هيذكر بينك وبينه اللي حصل ف يوم من الأيام، حسن صاحبي وعشرة عمري وانا عارفه، هو آه مجنون واللي عمله كان اجن منه بس واثق انك هتحبيه. دينا بخجل - عمر.. - امممم اخذت نفسًا بداخلها واردفت بخجل - انا حبيته فعلًا. ضحك عمر على صوت شقيقته المغلف بالخجل، واردف بضحك - مش بقولك انه مجنون ؟ وانتِ اجن والله. نهض من جانبها واردف - انا رايح لمراتي لأنها مستنياني. وقف عند باب الغرفة واستدار واردف بتساؤل - هو انتِ حبيتي حسن ازاي ؟ انتوا بتتكلموا ؟ دينا بتسرع ولهفة - والله لا دا أنا حتى متخانقة معاه عشان بقاله اسبوعين مش بيسأل عليا. صمتت دينا وهي تستوعب ما قالته، بينما ضحك عمر بشدة عليها وغادر الغرفة ودلف لغرفته وهو لا يزال يضحك على وجه شقيقته.. صمت عمر عندما وجد ياسمين التي من الواضح أنها كانت تجلس على الأريكة تنتظره ولكنها غلبها النوم، ليقترب منها ويحملها، ويستلقي على الفراش وهو يضعها بين أحضانه.. قبل عمر رأسها وهمس لها بعشق - بعشقك يا ياسمين. قلب يأبى العشق الفصل السادس عشر. مر الأسبوع على الجميع، مر على ياسمين وهي كل يوم تتأكد عن ذي قبل بأن هناك شيء ما يحدث عمر يخفيه عنها، ودينا شعرت براحة داخلها واصبحت تتحدث وتضحك مع ياسمين بخفة لعلها تزيل أفكارها.. بينما حسن ينفذ جميع تعليمات عمر في البحث خلف ناجي بشكل دائم.. في حفلة خُطبة عمر وريم.. وضع عمر الدبلة في اصبع ريم، وفعلت ريم بالمثل وصفق الجميع لهم، لتمر الحفلة في جوٍ مرح على الجميع عدا عمر الذي كان يتذكر ياسمين، وحديثها طوال الأسبوع بأنه يفعل شيء يخفيه عنها.. مرت الحفلة وعاد عمر للمنزل، وفتح باب الشقة ودلف للداخل، ليجد ياسمين جالسة على الأرض تحمل صورة بين يديها تتطلع لها.. اقترب عمر منها وكلما اقتربت قدميه كان يشعر باقترابه من نهايته حتمًا.. هوى على قدميه بجانبها ليحدث ما توقعه، ياسمين تحمل صورة لـ عمر وهو يضع الدبلة بـ يد ريم. رفعت ياسمين نظرها نحو عمر وعينيها منتفخة من كثرة البكاء، واردفت بصوت خافت - ليه كدة ؟ طب طالما بتحبها ليه مثلت كل ده عليا ؟ ليه ضحكت عليا يا عمر ؟ ابتلع عمر ريقه بتوتر - لأ صدقيني مش كدة، دي خطوبة صوري بس قدام الناس، لكن عمري ما هتجوزها يا ياسمين، عمري ما هقدر اهد بيتي بالطريقة دي! انا مش وحش للدرجة دي يا ياسمين! - أمال إيه ؟ بتنتقم منها علشان سابتك ؟ معقول شغلاك للدرجة دي ؟ - لأ صدقيني لا، ريم لو يوم كنت افكر انتقم منها كان يكفي ابصلها من فوق بس ! مجرد بصة يا ياسمين، بس هي مش شغلاني للدرجة دي ! وضعت الصورة أمام عينيه واردفت بصراخ - أمال ايه دي ؟ ها..رد قولي ! صمتت ونظرت للصورة مرة أخرى ونظرت لعمر واردفت بترجي - طيب هي مش صح ؟ يعني الصورة متركبة صح يا عمر ؟ انت بتحبني والصورة دي متركبة . ظلت تكرر جملتها وهي تقطع الصورة، ليتجمد جسدها على صوت عمر - انا بحبك بس الصورة حقيقية، بس والله بحبك يا ياسمين. - طيب بتحبني، الخطوبة صوري زي ما بتقول، ليه ؟ اكيد عشان تنتقم منها يا عمر ! وجعت قلبك للدرجة دي ؟ لسة جرحها جواك لحد دلوقت ؟ لدرجة أنك تخطبها وتقرر تعمل نفس الحاجة ؟ - صدقيني لأ. تركته ونهضت من مكانها واردفت بنبرة جامدة - طلقني يا عمر. ظل صامت وهو ينظر لها، لتصرخ ياسمين به - بقولك طلقني ودلوقت.. - انتِ طالق يا ياسمين. انتفض عمر من أفكاره ليجد نفسه واقفًا أمام باب الشقة، بعدما غادر حفلة خطوبته هو وريم.. كل ما حدث للتو من وحيّ عقله الباطن فقط ! ياسمين لم تعرف شيء حتى الآن ولن تعرف شيء، يجب إنهاء كل شيء يحدث حوله باسرع وقت.. دلف للشقة و وجد الجو هاديء حوله، ليتجه لغرفته وفتح الباب ليجد ياسمين نائمة بمنتصف الفراش.. ابتسم عمر وشرع بخلع ملابسه ودلف للمرحاض أخذ شاورًا دافئًا لعله يزيل أحداث اليوم. خرج عمر من المرحاض واتجه نحو الفراش ليستلقي عليه وأخذ ياسمين داخل أحضانه..لتضمه هي الأخرى وهي تنكمش بجسدها لتلتصق بجسد عمر.. في صباح اليوم التالي... استيقظ عمر من نومه ليجد ياسمين نائمة بجانبه وهي تضع قدميها الإثنين فوقه، وتفرد ذراعيها على الفراش ورأسها بعيدة عنه كل البعد..! ضحك بخفة عليها ف تلك هي نومتها متحررة على الفراش بأمر عجيب بالنسبةٍ له ! ف هو ينام ويستيقظ بنفس مكانه، لكنها ليست هكذا ! أوقات يجد رأسها عند قدميه وتضع قدميها عند رأسه، أوقات أخرى يجدها تنام بـ عرض الفراش وليس بـ طوله كـ بقية البشر ! أوقات أخرى يجدها نائمة فوقه..! والآن يجد تلك النومة الغريبة التي تنام عليها، لا يعرف إن كانت نائمة بـ عرض الفراش أم بـ طوله ! خرج من الغرفة بعدما أخد شاور وياسمين لازالت نائمة، و وجد والدته فقط من تجلس بالخارج.. جلس بجانبها على الأريكة واردف بتساؤل - أمال دينا فين ؟ - نايمة. - اكيد اتعلمت الكسل من ياسمين. ضحكت والدته على قوله، واردفت - يعني هيصحوا يعملوا ايه ! بيفضلوا قاعدين الأول مراتك قبل ما تحمل كانوا بيشغلوا أغاني ويرقصوا دلوقت بقيت حامل، ودينا خلاص اتخرجت من جامعتها ومعندهاش حاجة تعملها، ف بيصحوا بعد الضهر كدة. - ربنا يخليكِ ليهم يا ست الكل. تركها عمر ونهض من مكانه ودلف لغرفته مرة أخرى حتى يرتدي ملابسه ويذهب للشركة وسؤال واحد يدور داخل عقله ( كيف لم تخبره ياسمين من قبل بأنها تجيد الرقص ؟) أغلق عمر الخزانة وهو يحادث نفسه - لازم تبدأ تتعاقب احسن بدأت تخبي عليا حاجات قد كدة. بعد وقت ليس بقصير، داخل مكتب عمر.. كان يجلس داخل مكتبه يباشر بعض الأعمال ليقاطعه رنين هاتفه ليجد رقم إبراهيم.. - عمر..شوفت الشركة اللي دخلت السوق جديد ؟ عقد عمر حاجبيه بعدم فهم - شركة ايه ؟ - مش عارف شركة ايه ! شركة صاحبها مجهول بقيت فاجئة منافسة لشركتي متخيل ؟ اصحى ف يوم وليلة ألاقي كل أرباح شركتي نزلت للنص ؟ - طيب اهدى شوية يا ابراهيم بيه، لازم الأول تعرف مين صاحب الشركة دي، وتتكلم معاه وتعرفوا انكم مينفعش يكون بينكم عداوة كدة خاصة إنه لسة ظاهر ف السوق! بس ثواني.. اكمل حديثه بتفكير - اشمعنا نافسك انت ؟ وليه بالقوة دي كدة ؟ انت ليك أعداء واصلة للدرجة دي ؟ - ليا يا عمر اكيد، بس مش للدرجة بتاعت الشركة دي ! بقولك ف يوم وليلة خسرتني نص ارباح الشركة ! متخيل ؟ - طيب انا جايلك دلوقت ونتكلم بهدوء ونشوف حل للموضوع وبإذن الله نوصل لـ حل. خرج عمر من مكتبه ليجد حسن أمامه الذي أردف بتعجب - رايح فين مستعجل كدة ؟, قص عليه عمر ما حدث لـ يردف حسن بدهشة - غريبة دي !, طب روح شوف الدنيا فيها ايه هناك وحاول توصل لـ حاجة. - ما أنا هعمل كدة فعلًا، يلا سلام. بعد وقت وصل عمر لـ شركة إبراهيم الشافعي، وصعد لمكتبه و وجده يجلس بانتظاره.. نهض إبراهيم بلهفة قائلًا - شوفت االي حصل ! انا هتجنن يا عمر ! - انا عندي الحل. - الحقني بيه. جلس عمر أمامه واردف بهدوء - هنعمل شركة تانية قصادها، وعشان تكبر بالسرعة الممكنة هنحتاج لشيء، هتعملي توكيل للشركة دي، وعن طريق التوكيل هعمل شركة تانية هتنافسك وتنافس الشركة اللي بتنافسك دلوقت، وبعد وقت تضم الاتنين على البعض والرِبح يكون ليك، قولت ايه ؟ إبراهيم بتردد - مفيش حل غير ده ؟ - فيه عادي، بس الفكرة ف إن ده هينفعك انت ف المستقبل، فكر من جميع النواحي، انت ف محنة دلوقت استغلها للأفضل. - بس.. قاطعه عمر وهو ينهض من مكانه - فكر يا إبراهيم بيه بس أتمنى ف أسرع وقت لأن كدة شركتك بتقع. - طب اشمعنا هعمل ليك توكيل ؟ - لأن مينفعش انت تظهر ف الصورة، لازم يكون من بعيد، طرف مجهول خالص هو اللي يقوم بـ كدة، وده اقتراح لو عندك شخص أفضل واثق فيه تعملوا التوكيل دي شركتك وبردوا هساعدك ف التانية اكيد. - خلاص يا عمر انا موافق هنبدأ امتى ؟ نظر عمر لساعة يده واردف - العقار دلوقت زمانه اتقفل، بكرة نروح تعملي التوكيل ده، ودلوقت هروح أشوف موقع كويس وشركة تكون جاهزة ومبنية مش محتاجة تاخد وقت. - تمام يا عمر. كاد عمر أن يرحل لكنه استدار مرة أخرى واردف بتذكر - فاكر شركة كمال الهاشمي ؟ الشركة مقفولة متهدتش ولا حد خدها، واظن الشركة كانت متصممة بشكل هايل، ودي فرصة كويسة لينا. إبراهيم بتفكير - تصدق صح ! طب خلاص ظبط الموضوع ونشتري الشركة ف أسرع وقت. - والفلوس ؟ انت بتقول خسرت كتير هيكون معاك تمنها ؟ - مش عارف يا عمر ! - تدخل شريك معاك موثوق فيه ؟ - هو مين ؟ - هو مين دي سيبها عليا ولا مش بتثق فيا ؟ إبراهيم بتسرع - لأ طبعًا بثق فيك، خلاص شوفه وكلمني يا عمر بس ف أسرع وقت الشركة التانية كأنها بتحدف صواريخ علينا ! - متقلقش كل ده هيتحل، عن اذنك. غادر عمر وابتسامة ترتسم على شفتيه وهو يغلق جاكيت بدلته وغادر الشركة بأكملها. قبل عام مضى.. عمر بصدمة - حضرتك بتقول ايه ؟ ازاي هتكتبلي الشركة كلها بإسمي ؟ كمال بجدية - أيوة يا عمر، شركتي ف مصر هتتكتب بإسمك، وهتفضل لحد ما تكون قادر ترجع مصر وتفتح شغلك الخاص بيه. ابتعد عمر واردف بعدم تصديق - حضرتك بتهزر اكيد ! وضع كمال الملف بين يديه واردف - مش بهزر، الشركة اتنقلت بإسمك فعلًا، من كام يوم خدت توقيعك لإتمام التصميم اللي عملته، وقتها كان توقيع للشركة يا عمر، مبروك عليك. - كمال بيه ارجوك متهزرش ! شركة ايه اللي تكون بإسمي ؟ طب خليها بإسم ياسمين ؟ - ياسمين بنتي مش هتقدر تديرها، وأنا مش هعيش طول العمر يا عمر، ياسمين لو اتعرف إن الشركة بإسمها هي هتتحط ف شبكات صيد مش هتقدر تطلع منها. - أنا آسف بس مش هقدر صدقني! اقترب منه وهو يضع يده على كتفه - انا واثق فيك يا عمر، واثق إنك ف يوم هتوصل فعلًا، يوم ما تحقق اللي عاوزه وتفتح بدل الشركة اتنين وقتها فلوس الشركة حطها بإسم ياسمين ف البنك، قولت ايه ؟ نظر عمر للملف بتردد ونظر لـ كمال مرة أخرى الذي اردف - متفكرش يا عمر، دي فرصتك. - بس عمري ما أقبل إن فرصتي تكون على حساب نصيب غيري يا كمال بيه ! - عمر انا مش هعيش طول العمر، لو جرالي حاجة ياسمين العيون هتبقى عليها. - طب اكتبها بإسمها وخليني وكيل ليها. تنهد كمال بقلة حيلة - هكتب الشركة بإسم ياسمين بس هخليك انت اللي ليك حرية التصرف ف الشركة. - وليه تلغي حقها ؟ - ما هي بإسمها يا ابني ! لغيته فين ؟ ولا انت ناوي تاكل عليها الأرباح ؟ - لأ طبعًا مش ده القصد ! - يبقى تاخد الملف والشركة بقيت بإسمك وكل سنة هتطله أرباح ياسمين من الشركة وتحطها بإسمها ف البنك، حلو كدة ؟ تنهد عمر وهو ينظر للملف، لحلم حياته الذي أصبح بين يديه، هو بالتأكيد لن يأخذ حق ياسمين، سيفعل كل شيء بما يُرضي ربه ! عودة للحاضر.. ترجل عمر من سيارته عند إحدى المباني، ليجد حسن يقف بانتظاره.. تقدم عمر منه واردف - اتأخرت عليه ؟ حسن بسخرية - لأ هما ساعتين بس. ابتسم عمر مبررًا - معلش يا حسن حقك عليا، المهم دلوقت. - ايه يا صاحبي ؟ - احنا مش هنبيع البيت، والفلوس اللي انت عايزها انا هديهالك يا حسن. - لأ طبعًا ده على جثتي يا عمر ! - طيب خلاص خدهم سلف ! ايه رأيك ؟ استلف مني واتجوز ولما تظبط امورك وتنزل شغلك ونخلص من كل الحوارات دي، هنقسم المبلغ وكل شهر تديني منه حاجة لحد ما يخلص، قولت ايه ؟ حسن بتفكير.. - أدام هرجعهم ليك ف ماشي يا عمر. ربت عمر على كتف صديقه واردف - حلو، يلا بينا بقى زوزا عاملة غدا وعزماك تاكل معانا. بعد وقت كان يجلس الجميع على مائدة الطعام، يتناولوا في جوٍ عائلي يروق الجميع عدا ياسمين.. همس عمر بجانب أذنها بتعجب من حالها - مالك يا ياسمين ؟ انتبهت لهُ ياسمين من شرودها - ها لأ مليش. أشار للصحن الخاص بها واردف - طيب كلي وبطلي لعب ف الأكل. - حاضر. أكمل تناول طعامه وهو ينظر لها بين الحين والآخر متعجبًا من شرودها المستمر، وحالتها الصامتة.. هل عرفت بأمر خطوبته من ريم وذاك هو رد فعلها ؟ نفض الفكرة من نظره قائلًا : لأ أكيد لو عرفت كانت قلبت الدنيا. بعد وقت كان حسن يقف بالشرفة، و وقفت دينا خلفه واردفت - اتفضل يا حسن، قهوتك. استدار حسن وأخذها منها بإبتسامة بينما اردفت هي - على فكرة أنا قولت لـ عمر. ابتلع حسن ريقه بتوتر واردف - على ايه ؟ - على كل اللي حصل يا حسن.. ثم أكملت والإبتسامة ترتسم على شفتيها : بس متقلقش وتتوتر اوي كدة، فيه حاجة مقولتهاش ليه، بس لو مجرد تفكير أو محاولة لأنك تكررها ف اكيد هقوله. - قولتيله ليه يا دينا ؟ تنهدت دينا واردفت براحة وابتسامة مرتسمة على شفتيها - عشان متعودتش أعمل حاجة واخبيها على عمر، حتى لو حاجة غلط يا حسن، غلطة غلطها واتعلمت منها آه بس كنت حاسة كأن هم كبير على قلبي وانا طول الوقت بكلم عمر ومخبية عليه حاجة. ابتسم حسن وهو يشعر بالفخر بها، كم تأخذ قلبه تلك الفتاة دائمًا، ويشعر بفخر ناحية قلبه لأنه اختارها وأحبها هي قط. طالعته دينا بتعجب من تلك النظرة التي يتطلع بها لها، واردفت - فيه ايه ؟ - فيه إنك دايمًا بتخليني احبك واعشقك يا دينا كل شوية. استدارت دينا وهي ترحل بخجل بينما ضحك حسن على خجلها، ليستدير على صفعة عمر لهُ خلف رأسه، واردف مقلدًا إياه - فيه إنك دايمًا بتخليني احبك واعشقك يا دينا كل شوية. أكمل حديثه بجدية وحزم - اتلم بدل ما الغي فرح وجواز والليلة كلها. - يا عم كلمة من نفسي ! انت مش قريت الفاتحة معايا ؟ يعني ف حكم خطيبتي ! - لأ قريت الفاتحة بس متفقتش معاك على كدة. - نعم يا روح أمك ! عمر بجدية - انا قولتلك يا حسن، قريت فاتحة بس بردوا فيه حدود، لحد ما يتكتب كتابكم واكيد مش هدخل ايه بينكم. - ماشي يا عمر. - ماشي يا صاحبي. في المساء، انتهى اليوم ورحل حسن.. دلفت ياسمين لغرفتها واستلقت على الفراش بانهاك وتعب، بينما دلف عمر خلفها بقلق لأجلها وجلس بجانبها واردف وهو يتلمس جبينها - ياسمين، انتِ كويسة ؟ - آه يا عمر، مالي ؟ - مش عارف عشان كدة بسألك، بس اللي عارفه إنك فيه حاجة، ايه هي ؟ - لأ يا عمر مفيش. سحبها عمر من على الفراش وهو يأخذها بين أحضانه - بتخبي عني يا ياسمين ؟ مش اتفقنا مش هنخبي حاجة عن بعض ؟ - بس انت خبيت. تجمد جسده وتوقفت يده عن التربيت على ظهرها، واردف بتوتر - خبيت ايه ؟ - مش عارفة، بس انت مخبي عني حاجة يا عمر، و واثقة من كدة، بحسك طول الوقت معايا متوتر..مش على بعضك، وأنك مخبي حاجة عليا طول الوقت. - يا حبيبتي بس كل ما الوقت بيعدي وبقرب من الهدف اكتر بتوتر وانا قولتلك إنه بس شوية وقت وخلاص صدقيني، وكمان انا قربت..قربت اوي كمان يا ياسمين، قدامي خطوتين هعملهم وكل حاجة هتخلص خالص. ابتعدت عن أحضانه واردفت بلهفة وهي تحتضن وجهه - بجد يا عمر ؟ - بجد يا قلب عمر. قلب يأبى العشق الفصل السابع عشر. أيام تتلوها الأخرى وعمر يقع كل تركيزه على الشركة وبناء إسمها أمام السوق، لتكُن لائقة بقدر كافٍ أن تنافس أكبر شركتين داخل السوق، شركة إبراهيم الشافعي، والأخرى التي صاحبها مجهولًا عن الجميع.. أصبح عمر لديه حق بالتصرف بأي شيء داخل شركة إبراهيم، وبالوقت ذاته تقع الخسائر بشكل مستمر على الشركة، من جهة شركة عمر، والأخرى الشركة مجهولة الهوية.. ياسمين كل يوم يمر قلقها يزداد عن ذي قبل، ويقينها يزيد بأن هناك شيء كبير يخفيه عمر عن قلبها، ف لما لا تشعر بذلك وهي تعشقه ؟ ثلاث سنوات قضتهم من عمرها تراقب عمر فقط ! كرست ثلاث سنوات لأن تعرف من هو عمر، بطل تفاصيل حياتها، ف كيف لها بألا تشعر ؟ بينما كان حسن يقع تركيزه داخل شركة ناجي التي أصبح عمر قليل الذهاب لها، ليبقى حسن أعين لـ عمر داخل الشركة يراقب كل صغيرة وكبيرة تحدث بداخلها. دلف إبراهيم لمكتب عمر واردف بغضب - ممكن أعرف سيادتك بتعمل ايه ؟ انا شركتي وقعت خالص ! اسمها قرب ينتهي من السوق ؟ كل ما اكلمك تقولي مسألة وقت يا ابراهيم بيه ! عايز اعرف ف دماغك ايه دلوقت يا عمر. نهض عمر من مكانه واردف بهدوء - انا قولتلك من البداية، شركتك هتقع ف الأول بس بعد كدة هتضم على الشركة دي وبالتالي كل خسايرها هتكبر من جديد ! إبراهيم بغضب وصراخ - انا شركتي تنضم لشركة كمال ؟ عقد عمر حاجبيه بينما صمت إبراهيم وهو يستشعر ما سيقوله، ليكمل حديثه - عمر.. شركتي بتنهار من كل جانب، حتى الموظفين فيها مش عارف اقبضهم ! - حلها بسيط، خد مبلغ مني تحت الحساب وقبض موظفينك ! لوى إبراهيم فمه بتهكم - تحت الحساب ؟ أخذ نفسًا بداخله واردف وهو يحاول كسب عمر ناحيته، ف هو بات يعلم عقل عمر الآن وكم هو سيكون خطرًا عليه إن لم يكسبه لصفه - عمر انت عارف يعني ايه شركة تبنيها ف سنين تتعب وتشقى عشان تكبر وتيجي ف يوم وليلة تلاقي كل حاجة حواليك بتقع ؟ كل تعبك وفلوسك وشقاك يتهدم على الأرض ! - وأنا فاهم ومقدر ده كويس يا إبراهيم بيه، وقولتلك الموضوع كلوا مسألة وقت، شركتك بتقع بس الشركة دي بتزيد، ويوم ما اسم بتاعتك يتحط جمبها ونعلن دمج الاتنين، كل االي خسرته هيزيد الضعف ! - ماشي يا عمر، أتمنى الوقت ده يعدي بأسرع ما يمكن. ابتسم لهُ عمر واردف - متقلقش يا إبراهيم بيه، الوقت خلاص ف نهايته. استدرك عمر حديثه - الموقع خلاص الناس هتستلم الڤلل بتاعتها، كل حاجة خلصت وتمت. عقد إبراهيم حاجبيه بدهشة - ف السرعة دي ؟ - الناس مكنتش بتنام عشان تخلص ف أسرع وقت، وبعدين اتبنى ف شهر يعني ٣٠ يوم مش قليل، ده غير أني جايب كذا شركة بناء مش شركة واحدة ولا اتنين، ف الموضوع مخدش وقت، والناس هتستلم الڤلل وهي تصمم داخلي على مزاجها طبعًا، وده هيزود فلوسك لأن المفاتيح هتتسلم وف المقابل هتاخد الشيكات بتاعتك. تهللت اسارير إبراهيم بسعادة - بجد يا عمر ؟ يعني خلاص الناس هتستلم الڤلل وتدفع باقي الفلوس ؟ - أيوة، انا خلصت شغل ف الشركة وهنزل بنفسي أسلم كل حاجة دلوقت، وقولتلك مسألة وقت والدنيا تتظبط، والوقت ف نهايته خلاص. - معاك حق يا عمر، الوقت فعلًا ف نهايته، حقك عليا اتعصبت عليك بس.. قاطعه عمر بإبتسامة - متقلقش مقدر ده ومتفهم موقفك..يلا عن إذنك هروح دلوقت لأني واخد معاد مع أصحاب الڤلل. غادر إبراهيم ولملم عمر اشيائه وغادر المكتب هو الآخر ليضع ضربته الأخيرة بحياة إبراهيم والتي ستؤدي بِه لـ الهلاك. في المساء عاد عمر للمنزل بسعادة حقًا تغمر قلبه، سعادة لم يعرفها منذ وقت طويل..طويل جدًا حقًا. دلف للشقة بوقت متأخر وجد الجميع نائمًا، ليتجه نحو غرفته ويجد آخر شيء توقع أن يختم يومهُ بِه.. اقترب عمر من ياسمين التي كانت ممسكة بحقيبة تحمل بها جميع ثيابها، والخزانة فارغة أمام عينيه، و وجهها منتفخ من كثرة البكاء الذي لم تجف دموعها حتى الآن.. عمر بخفوت - ياسمين. ألقت ياسمين الهاتف الخاص بها بوجهه، ليمسكه عمر ويجد صورته وريم داخل أحضانه أمام الجميع، وصورة أخرى وهو يضع الدبلة داخل يدها.. نظر عمر لـ ياسمين وكاد أن يتحدث لكنه عم الصمت المكان أثر صفعة ياسمين التي هوت على وجه عمر.. تراجعت ياسمين للخلف بخوف وشهقة مما فعلته، وهي ترى نظرات عمر التي لم تنم على الخير أبدًا. ابتلعت ياسمين ريقها بخوف، ولكنها ابت الخضوع لهُ واردفت بصراخ - أنت إنسان حقير، وزبالة ! بتعمل كل ده عشان حبيبة القلب ! دخلت وسطهم وكل يوم بتعلى، عملت شركتك اللي هي أصلا من فلوس بابا الله يرحمه، بابا اللي دخلك بيته وعملك إنسان فعلًا ! ف الآخر اتجوزت بنته وخليتها ف بيتك واحدة ترجع ليها آخر اليوم تضحك عليها بكلمتين وخلاص، وانت طول الوقت داير مع حبيبة القلب بتاعتك، اخترت تدخل وسطهم وتبقى وسط ناس زبالة قت...لت بابا بدم بارد، وبتعلى بفلوس حرام ! خدت شركة بابا اللي صرف عليك وعملك إنسان وف الآخر ؟ طلعت حقير وزبالة ! - خلصتي كل اللي جواكِ ؟ قالها بنبرة جامدة ليأتيه إجابتها عليه : ده ميجيش ربع اللي جوايا يا عمر، صغرت في نظري بطريقة حقيرة زيك بالظبط. - إبراهيم اللي بتقولي دخلت معاه عشان بنته هو ده اللي قت...ل ابوكِ، وهو نفسه اللي ابوكِ عاش حياته كلها وراه عشان يوقعه، إبراهيم ده اللي خد أمك منك زمان عشان يعلم على ابوكِ ويعرفه إن الدنيا بالفلوس وبس ! وللأسف سابتك وراحت لحد عنده ! إبراهيم ده اللي ابوكِ ف عز ما كان بين الحياة والموت كانت كلمة واحدة على لسانه وهي إني اوعده مسبش حقك ولا اسيبه يدوس عليكِ واكمل بنفسي كل حاجة هو بدأ فيها. امسك الهاتف و وضعه أمام عينيها - شوية الصور دي اللي خليني حقير ف نظرك ؟ وانسان رخيص ابوكِ جابه من الشارع عمله بني آدم صح ! عارفة مين دي ؟ ريم..بنت ابراهيم اللي ق..تل ابوكِ واللي من وقت ما شوفتك وبقيت معاكِ أو بمعنى اكبر من وقت ما بقيتِ على ذمتي وانا قطعت كل ذكرى كنت محتفظ بيها عندي، بس ف نفس الوقت دي الوحيدة اللي كانت هتخليني أقرب من أبوها عشان أقدر أحقق اللي انا عاوزه. تعرفي ؟ ليه دايمًا كنت ببقى متوتر ومش على بعضي وأنا معاكِ ؟ لأني كنت طول الوقت حاسس بالذنب ناحيتك ! رغم أني مخطبتهاش لأني بحبها أو حتى فيه ذرة حب جوايا ليها، وعملت ده عشان أجيب حق ابوكِ اللي راح غدر بس بردوا كنت حاسس بذنب إني باخدك ف حضني وأنا ف نفس الوقت بخونك ! اللي هي دي أصلا عمرها ما تتسمى خيانة. قبض على ذراعها واردف بغضب - وف المقابل ايه ؟ عملتي ايه انتِ ؟ نفض ذراعها واكمل حديثه وهو يضحك ويتذكر حديثها لهُ وكلماتها السامة التي طعنت قلبه بها - طلعت إنسان رخيص ابوكِ جابه من الشارع عمله بني آدم ! طلعت أحقر واحد شوفتيه ف حياتك ؟ طلعت عايش على فلوس ابوكِ ! عارفة ابوكِ اتحايل عليا قد ايه عشان أخد الشركة ؟ وف الاخر لما زهق من ردي خد توقيعي وقالي أنه لتصميم وكان على عقد بيع الشركة ليا واتفاجئت بعد ما عمل كدة ولقيته بيديني ملف بيثبت إني مالك الشركة ! ظلت تستمع إليه بصدمة لكل ما قاله، لينظر لها عمر بقسوة - عارفة ايه غلطي ؟ إني اتجوزت عيلة زيك ! تفكيرها لو بنت ف سن مراهقة هتفكر بطريقة أفضل منه بعد كل اللي حكيته ليكِ يا ياسمين عن ريم، بس ع العموم ملحوقة، هتولدي وأنا خلاص، أسبوع بالكتير والدنيا تنتهي وبعدين تعدي الشهور وتولدي واطلقك، وتشوفي راجل فعلًا بني آدم من غير ما ابوكِ يعمله بفلوسه، وشركتك اللي بتقولي إني خدتها وعايش عليها ف دي من بكرة يا ياسمين هتتنقل بإسمك. تركها واقفة مكانها وغادر الغرفة وصفع الباب خلفه بحدة جعلتها تنتفض، بينما هوت هي على قدميها وهي تبكي وتتذكر ما اردفت به وما قاله لها . بعد وقت كان يجلس عمر بـ شقة حسن بالحي القديم الذي كان يقيمون بِه، يشعل سيجارته وينفث بشراهة ليستمع لصوت صديقه - اتفهم موقفها يا عمر شوية، ربيها حبة يا أخي لكن مش تطلقها، انقل الشركة بإسمها وسيبها خالص، بس متهدش بيتك وتخسر ابنك ومراتك وتخلي طفل ملهوش ذنب يعيش أمه وأبوه بعيد عن بعض من قبل ما يجي ! تنهد عمر وهو يستند برأسه على الأريكة - عارف يا حسن، بس كلامها مكنش هين عليا ! - ولا شيء سهل إن واحدة بتحب جوزها و واثقة فيه وملهاش غيره، يتيمة أم وأب يعتبر ! تلاقي صور مبعوتة ليها وجوزها حبيب قلبها بيلبس واحدة تانية دبلة ! وصورة تانية واحدة غريبة ف حضن جوزها ؟ وكمان هي حامل يا عمر يعني أصلا الحوامل دول أسمع إنهم بيتكلموا من غير عقل بسبب هرمونات حمل وشغلانة معاهم. - وانت حملت قبل كدة ؟ دفعه حسن بالوسادة واردف - تصدق إنك عيل رخم ! وبعدين ده رامي صاحبي مراته حامل وكل شوية يجي يقعد يشتكيلي بتعمل ايه فيه و وحم..تصور صحته الساعة أربعة الفجر عايزة تاكل درة مشوية ! - بقولك ضربتني بالقلم ! نهض حسن من مكانه واردف - براحتك يا عمر، بس انت واخد الموضوع على كرامتك اوي ومش شايف من ناحيتها هي ايه ؟ يعني تخيل انها كانت تعبانة ف الشقة لوحدها وحامل وبتتصل بيك مش بترد ونزلت راحت لدكتورة وهي لوحدها ملهاش قرايب حتى، وف الآخر يتبعت صورة وانت مع واحدة ف مطعم بتاكل وتضحك معاها وهي كانت لو ماتت ف الشقة مكنتش هتلحقها ؟ عمر بتفكير - انا هتجنن واعرف مين اللي بعت الصور دي! - اهدى على مراتك يا عمر، مش بقولك راضيها دلوقت، سيبها يومين وهي طيبة وأكيد هتحاول تكلمك، ف من مرة ولا اتنين بالكتير مشي الدنيا ماشي ؟ - ماشي يا حسن. تركه حسن ودلف لغرفته، بينما ظل عمر يتذكر حديثها وتلك الكلمات التي أصابت صميم قلبه دون رحمة ! هل حسن على حق ؟ في صباح يوم جديد، دلف عمر لغرفته داخل شقته هو وياسمين، و وجد ياسمين تجلس على الأرض وهي تضم قدميها لصدرها وتبكي.. اقترب عمر منها وجلس بجانبها وهو يعطيها قلم وبعض الاوراق - امضي هنا. دفعت ياسمين يده واردفت بصوت مبحوح - مش همضي حاجة. - امضي متخلنيش اتعصب يا ياسمين ! اخلصي امضي دلوقت. امسكت ياسمين يده واردفت - مش همضي يا عمر مش غصب ! - لأ غصب يا ياسمين. امسك يدها بالقوة وهو يصرخ بها بغضب، لتخشى ياسمين غضبه وتمسك بالقلم بيد مرتجفة وتمضي بمكان ما يشير لها.. نهض عمر من مكانه واردف بسخرية - مبروك عليكِ الشركة يا مدام ياسمين، عن اذنك. تركها عمر وغادر الغرفة بل الشقة بأكملها وكان الجميع لازال نائمًا.. مر اسبوع عمر يتجاهل به ياسمين قدر المستطاع، اسبوع قدر على ان يوقن إنها أصبحت حالهُ ومحتاله حقًا ! لقد مر عليه وكأنه دهرًا كاملًا لأنه يعرف حزنها ! هل عشقها لتلك الدرجة حقًا ؟ أراد معاقبتها ولكنه في الحقيقة لم يعاقب سوى نفسه فقط ! بينما كانت ياسمين طوال الوقت داخل غرفتها، تأكل غصبًا عنها وذلك بسبب زينب التي دائمًا تقوم بنفسها تطهو لها الطعام وتجلس جانبها تطعمها بنفسها.. بينما دينا كانت حزينة لأجل تلك زهرة الياسمين التي باتت تذبل يومًا بعد يوم.. في صباح يوم جديد.. وقف إبراهيم مكانه بصدمة واردف - والشرطة عايزة تاخدني ليه ؟ دلف الظابط للمكتب واردف بجدية وعملية - حضرتك متهم بقت...ل ١٢ شخص يا إبراهيم. - نعم ! ده حصل امتى ؟ - تعالى معانا وحضرتك تفهم كل حاجة ف النيابة. بعد وقت جلس إبراهيم أمام الظابط وهو يستمع لهُ. - حضرتك بنيت كومباوند جديد، فيه مجموعة ڤلل واللي للأسف أصحابهم وهما بيصمموها من جوة الڤلل وقعت عليهم وده لأن سيادتك جبت أرخص الحاجات ف البناء ! إبراهيم بصدمة - ازاي ؟ ده عمر اللي عمل كل حاجة. وضع الظابط أوراق أمامه واردف - كل حاجة تمت بإسم حضرتك، فواتير وعقود واتفاقات، كل الورق اللي معانا يثبت بإنك المتهم. • • • وقعت ريم مغشية عليها بعدما جاءهم صوت القاضي - حكمت المحكمة على ابراهيم الشافعي، بتحويله إلى فضيلة المفتي، رُفعت الجلسة. • • • خرج عمر من المحكمة هو وحسن صديقه، ليضم الإثنان بعضهم البعض حسن بسعادة - مبروك يا صاحبي، كنت واثق إنك هدخلهم السجن كلهم. - بس للأسف ام ياسمين هربت. - ده الأفضل يا عمر، ياسمين مكنتش هتتحمل ده، مهما كانت حصل ايه بس هي ف النهاية أمها. - عندك حق يا حسن، يلا بينا نروح. في المنزل.. تجمدت دينا مكانها وحسن يخبرها أن هناك اسبوع فقط على زفافهم ! - نعم ده ازاي ان شاء الله ! اسبوع ايه ونتجوز ؟ حسن بهدوء - آه يا دينا مش هستنى، وبعدين قولت لـ عمر و وافق ورحب، والشقة جبتها هنا زي ما حبيتي، العفش جبت كلوا والشقة تعتبر اتفرشت، ناقص ايه غير اننا ندخل البيت زي أي زوجين ! تدخلت زينب بالحديث قائلة - طب ايه ناقصك يا دينا أو رفضك ليه ؟ - يا ماما ازاي ؟ أعرف إن فرحي بعد أسبوع ! ده كلام يا ماما ؟ حسن بهدوء وهو يحاول إقناعها ف هو يعلم كم أن دينا عنيدة لابعد حد - انتِ عارفة إن يوم فرحنا فيه واحدة تانية هتعرف إنها هتتجوز ف نفس اليوم ! - قصدك ايه ؟ - عمر فرحه معانا ف نفس اليوم هو وياسمين، بس عاملها مفاجئة ليها هتعرف ف نفس اليوم الصبح وهو هيكون مجهز كل حاجة، ف متكسريش الفرحة و وافقي بقى ! نفس اتجوز انا وصاحبي ف يوم واحد يا بنتي ! دينا بتفكير - طب الفستان والميك اب وكل ده ؟ - الفستان ف لحظة هنشتريه، والميك أب عمر اتفق مع بيوتي سنتر كويس، فرش الشقة هتودي حاجتك بس وهنجيب اتنين ستات تفرش وانتِ بس هتكوني واقفة معاهم تقولي يحطوا فين ويعملوا ايه ! ها قولتي ايه ؟ دينا بقلة حيلة - ماشي يا حسن، موافقة. قلب يأبى العشق الفصل الثامن عشر والأخير. امسكت ياسمين بالورقة لتقرأ ما بها من مكتوب.. (عارف اللي قولتيه كان بسبب ايه، بس غصب عني أثر فيا وجرح كرامتي يا ياسمين، انا بعدت عنك الفترة اللي فاتت عشان اعاقبك شوية، بس انا معاقبتش حد غير نفسي، فترة عرفت فيها اني بعشقك يا ياسمين، واني من غيرك انا تايه وسط، زي شخص أعمى ف مكان لأول مرة يروحه مش عارف يتحرك فيه ! انا الأعمى وانتِ النور اللي هشوف بيه يا ياسمين، بعشقك يا زهرة الياسمين، وكمان انا جبتلك فستان فرح، هنعمل فرح كبير ليا وليكِ، الدعاوي كلها كانت فيها أسمي واسمك ما عدا الدعوة اللي دينا وريتها ليكِ، متحمس اوي اشوفك بالفستان الأبيض يا عروستي). ضمت الورقة لصدرها وعينيها تنهمر منهما الدموع، لتضع دينا يدها على كتفها واردفت - مش قولتلك عمر بيحبك واللي قاله ليكِ كان بسبب تأثير الكلام عليه ؟ يلا افتحي فستانك وشوفيه عشان نجهز معناش وقت. جففت ياسمين دموعها وهي تحرك رأسها بعد تصديق وفرحة تغمر قلبها - حاضر.. حاضر. بس بطني ! نظرت دينا لمعدتها واردفت - مالها ؟ ده محدش مصدق إنك حامل يا بنتي ! ضحكت ياسمين عليها وشرعت الفتاتين للتجهيز ليوم زفافهم.. مرت الساعات عليهم، لتنتهي بهم وياسمين واقفة تنظر لنفسها بعدم تصديق وهي ترتدي فستان الزفاف الأبيض ! هل حقًا ارتدته ؟ لم تتخيل ذلك يومًا ! تقصد إنها منذ زواجها بعمر لم تتخيل أنه سيفعل ذلك ! استدارت على صوت زينب وهي تضم فمها وتضع يدها أعلاه لتطلق الزغاريد بالمكان.. وقفت الفتاتان بتوتر، ليصعد عمر اولًا يأخذ شقيقته من يدها يعطيها لزوجها بالاسفل، وقف عمر أمام شقيقته وقبل رأسها واردف بحنو - مبروك يا أحلى بنوتة ف الدنيا، مش مصدق إن بنتي ربيتها وكبرت كدة وبإيدي هسلمها لـ عريسها يا دينا ! اندفعت دينا داخل أحضان شقيقها وهي تحاول كبت دموعها قائلة - بس يا عمر انا هتجنن واعيط ! ابعدها عن أحضانه واحتضن وجهها واردف - النهاردة تفرحي وبس، مفيش عياط ولا دموع ولو حسن عمل كدة ف يوم وخلاكِ تعيطي قوليلي وانا هتصرف معاه. - ربنا يخليك ليا يا أجمل أخ واحن أب. نزل بها الاسفل واعطاها لـ حسن، ثم صعد مرة أخرى ليأخذ زوجته.. توقف عمر مكانه وهو يرى ياسمين تقف أمامه، يشعر وكأنها أميرة حقًا.. بل هي أميرة عن حق ! أميرة قلبه، وعشقه وحياته. أخذها بين أحضانها بعدما قبل رأسها، ثم امسك بيدها وهمس جانب أذنها - كان نفسي المفاجئة تطلع هنا وتنزلي زي دينا بس تحت هتكون أفضل. عقدت ياسمين حاجبيها بعدم فهم، بينما أخبرها عمر - هنشوف تحت وتفهمي. هبط العريسين للاسفل ودلفوا للقاعة، التي انصدمت ياسمين فقد كانت كبيرة جدًا، تجمع عدد هائل من الناس، كانت تراهم من قبل ! إنهم أصحاب والدها، رجال أعمال من مختلف الأشخاص، حفل زفاف كبير..ضخم.. استشعر عمر صدمتها ليميل نحو أذنها - حفلة أتمنى تليق بمقامك يا زهرة الياسمين. استدارت ياسمين وهي تجد جميع الأنوار تتصدر نحو الباب، لتجد باب القاعة يُفتح مرة أخرى ويظهر أمام الجميع (كـمـال الـهـاشـمـي) اردف عمر لـ ياسمين - ابوكِ يا ياسمين، عايش مماتش، جه النهاردة يحضر فرحك، كان نفسه يسلمك ليا بـ ايديه، بس دخل القاعة دلوقت أفضل. نظر عمر نحو كمال وابتسم لهُ بثقة ليبادله كمال الإبتسامة وهو يقترب ببطيء نحو ابنته، وكل شيء مر يمر بينه وبين عمر.. • • • - انا المقدم كمال الهاشمي، مقدم ف المخابرات السرية المصرية، مهمتي اقبض على رجل الأعمال إبراهيم الشافعي، بينا مصلحة مشتركة يا عمر، هو حطم آمالك وأحلامك، وانا عايز أخدم بلدي، واللي هتعمله ده هيكون خير. • • • - هتروح لـ ناجي وتشتغل ف شركته، من هناك هتقدر تبدأ وتكون ف وسطهم يا عمر، ياسمين مش هتقدر تخبيها لأن هي اللي هتكون السبب اللي هيدخلك وسطهم. - بس ده مش خطر عليها ؟ - كلنا حواليها يا عمر، متقلقش. • • • - إبراهيم هيحاول يق...تلني يا عمر، ولازم نبين انه نجح عشان يقدر يتصرف براحته بعد كدة. - وياسمين كدة لازم تعرف ! - ياسمين هي اللي هتثبت إني مت فعلًا ف مينفعش تعرف يا عمر. • • • - دول طلعوا عصابة يا عمر، شبكة رجال أعمال متعاونة سوى عشان يعلوا ف السوق، واللي مساعدهم إن كل واحد شركته بتساعد التاني يعني مفيش بينهم منافسة، بالعكس بينفعوا بعض، وكلهم مستعدين يعلوا على حساب أي حاجة، يعني مش إبراهيم بس ! - طب والعمل ايه ؟ - تدخل وسط الشبكة دي، واللي هتدخلك فيها ريم، لازم تخطبها يا عمر. - وياسمين ! دي مراتي يا كمال بيه مش هقدر اعمل كدة ! - لازم يا عمر، واوعدك كلها وقت صغير وهنفهمها كل حاجة، بس لازم تخطب ريم، وكمان ياسمين حامل يعني مستحيل تطلق منك. • • • - هتدخل المشروع مع إبراهيم وتكون المسئول عنه، بس من وراه هتعمل كل حاجة بإسمه هو، مش هتخلي ايه إثبات عليك بأن الكومباوند انت اللي مصممه، وانت اللي جبت شركة المعمار اللي هتبني، ودي انا هظبطها، هنظبط شهادات وفاة مزورة، والكومباوند كلوا هيتهد ونطلع بشهادات الوفاة وهيكون كل حاجة بإسم إبراهيم هيتحبس، إبراهيم هو الراس الكبيرة بتاعتهم لو وقع تعرف إن كلهم وقعوا. • • • - هتاخد شركتي يا عمر، كتبتها بإسمك، الشركة هتاخد دعم من رجل أعمال على علاقة بيه ف دبي، الدعم ده كفيل إنها تكبر، وف نفس الوقت بتوكيلك لـ شركة إبراهيم هتفضل تخسره شركته من كل ناحية، والشركة المجهولة دي شركة لـ رجل اعمال من الوسط النضيف، عملت اتفاقية معاه والضرب هيكون من الناحيتين، انت وهو. • • • - كمال بيه، إبراهيم اتقبض عليه دلوقت، وناجي جه يهرب بس انا قفشته واتقبض عليه هو كمان، بس للأسف شيرين هربت برة مصر ولحقت نفسها. - مش مهم يا عمر، شيرين زي الفيران كدة، بيخاف ويستخبى بس بـ شوية جبنة رومي هتيجي ف المصيدة. • • • سار كمال نحو ابنته، التي اندفعت لداخل أحضانه وهي تبكي.. ابتعدت ياسمين وظلت تتحسس وجهه قائلة بعدم تصديق - انت هنا ؟ معايا بجد ؟ أنا مش بحلم زي كل مرة صح ؟ نظرت لـ عمر الواقف بجانبها واردفت - بابا هنا يا عمر صح ؟ قولي آه بالله عليك قولي إني مش بحلم. ضمها كمال بين أحضانه واردف بحنو وهو غير قادر على حبس دموعه اكثر - انا هنا يا حبيبتي، جمبك ف فرحك، شايفك وانتِ بفستانك الابيض جمب عريسك. - وحشتني أوي، ليه عملت كدة ؟ ليه قدرت تبعد عني ؟ عمر فهمني كل حاجة من شوية، بس مقدرتش أصدق ! مقدرتش أصدق غير لما أشوفك وبردوا لحد دلوقت مش قادرة أصدق انك عايش بجد ! مر الزفاف عليهم وسط فرحة وسعادة من الجميع، الكل سعيد من قلبه، الجميع يرقص ويغني ويمرح بـ صدق حقيقي.. صعدت ياسمين للسيارة المخصصة لها وعمر بجانبها، و وجدوا كمال هو من سيكون السائق لديهم.. نظر كمال لهم من المرآة واردف - العرسان رايحين ؟ نظر عمر لـ ياسمين بفرحة واردف - الغردقة. على الجانب الآخر في سيارة حسن ودينا، كان حسن هو سائق السيارة ودينا تجلس بجانبه، اردف حسن - انتِ عارفة احنا رايحين فين ؟ عقدت دينا حاجبيها بتساؤل - فين ؟ نظر حسن للطريق أمامه وهو يزيد من سرعة السيارة - الساحل. بعد مرور خمس سنوات.. عاد عمر للمنزل و ولج للداخل ليجد طفليه ( حمزة الذي يبلغ من العمر خمس سنوات، وآدم الذي يبلغ ثلاث سنوات) يهرولون نحوه مسرعين، ليحمل عمر طفله الصغير (آدم) ويمسك الآخر بيده ويدلف بهم للشقة.. نظر آدم ليد والده الفارغة واردف بتساؤل طفولي - فين الحاجة الحلوة ؟ - انتوا عايزين حاجة حلوة ؟ حرك الطفلين رأسهم وهم يصفقون بحماسء ليخرج عمر من الجاكيت الخاص به، شيكولاتة لـ طفليه واعطى كلًا منهم واحدة لهُ.. قبل آدم في وجنته واردف وهو يعطيه الشيكولاتة - دي لـ آدم حبيب بابا. ثم قبل الآخر واعطاه الآخر قائلًا - ودي لـ حمزة روح بابا . جرى الطفلين من على قدميه وهما يباشرون لعبهم لينهض عمر ويدلف لغرفته، ويجد ياسمين بالداخل تقف أمام المرآة تقوم بظبط شعرها.. تقدم عمر منها و وقف خلفها واردف بعشق وهو يقبل عنقها - وحشتيني يا ياسمينتي. استندت ياسمين برأسها على صدره واردفت - وانت كمان وحشتني. - أمال ماما فين ؟ - اتعشت هي وحمزة وآدم وخدت علاجها و دخلت تنام، انت عارف العلاج بينيمها. - وانتِ مستنياني ؟ - أها. قبل عمر عنقها مرة أخرى واردف بخفوت - طيب هاخد شاور واخرج نتعشى، بس متحضريش حاجة هنحضره سوى اتفقنا ؟ استدارت ياسمين، وطبعت قبلة على شفتيه واردفت - اتفقنا. دلف عمر للمرحاض وخرج بعد وقت، ليجد الجو هاديء حوله، خرج من الغرفة وذهب غرفة أطفاله ليجد ياسمين تحمل أدهم بين يديها وتضعه على الفراش برفق.. خرجت من الغرفة وابتسم لها عمر، بينما اردفت هي - فاجئة ملقتش ليهم صوت وطلعوا نايمين هنا على الأرض ! أشارت نحو حمزة واردفت - شيلت آدم بس حمزة مقدرتش اشيله، لأنه على الأرض وهوطي جامد ومعرفتش ارفعه، ف شيله انت. ابتسم عمر لـ ابنه، وحمله بين ذراعيه ليضعه على فراشه برفق ويخرج من الغرفة وكاد أن يتجه للغرفة لكنه وجد ياسمين في المطبخ.. دلف وهو يحتضنها من الخلف قائلًا - مش قولت تستنيني ؟ شهقت ياسمين بفزع - خضتني يا عمر ! ابتسم وهو يوزع قبلات متتالية على عنقها ويزيل من يديها ما تمسكه قائلًا. - سلامتك من الخضة يا قلب عمر. حملها بين ذراعيه وهو يتجه بها للغرفة بينما اردفت ياسمين - عمر ! بتعمل ايه ؟ عمر بضحك وهو يقبل ارنبة انفها - هطمن على الخضة يا روح قلب عمر. تمت فرح_طارق.

بقلم هاجر جمال الثانى

قلب يأبي العشق بقلم فرح طارق 1

مقالات ذات صلة

اترك تعليقاً إلغاء الرد

أنت تستخدم إضافة Adblock