هي عارفه ان هنا بتغير من غصون بس مكنتش متوقعه انها ممكن توصل بيها انها تتمنالها الموت…
_رمى عواد غصون بقوه في المخزن لتصرخ من شده المها
انكمشت على نفسها بخوف شديد و هي بتستعد لتلقي مصيرها و اللي هيكون على ايد ابن عمها
فضلت تبكي بقوه و خوف
_في المساء
وصل يونس القصر بعد ما جده طلب منه من غير ما يعرفه
بمجرد ما دخل القصر لاقى مكالمات كتير من أمه
لاقى الكل متجمع و مرات عمه بتبكي بقوه و امه قاعدة بتترعش بخوف
اتكلم يونس باستغراب
= طلبتني يا جدي!
كامل بحده و هو بيبص لحامد
= روح هاتها من المخزن
_هز حامد راسه بشر و راح جاب غصون من المخزن
تحت نظرات يونس اللي مكنش فاهم اي من اللي بتحصل
_خرج كامل الصور من جيبه و اداها ليونس
كور يونس الصور في ايديه بغضب مفرط و بص لغصون اللي كانت بتترعش بخوف شديد و بتبصله بتوسل
اتكلم كامل بغضب
= بنت عمك جابتلنا العار…
و انا جيتك هنا عشان انت كبير العيله من بعدي و انت اللي هتغسل عارنا…
_ يونس بصله بصدمه كبيره
رجع بص للصور بغضب و كان موزع نظراته ما بين الصور و غصون
منى كانت بتبصله و بتتمنى انه يرفض و يقنع جده
لان كامل مش بيسمع من اي حد غير يونس
لكن خالف كل توقعاتها لما اتكلم بحده و هو بيمسك ايد غصون بكل قوته
= تحت امرك يجدي
غصون و منى بصوله بصدمه كبيره اما الباقي فكانوا بيبصوا بشماته
اتكلم كامل بحده
= خلص… و ادفنها… على طول انا مش عايز حتى اشوف جثتها…
منى هزيت راسها بالنفي و اتكلمت بخوف شديد و بكاء
= لا بنتي
حرام عليكوا يا ظالمه
غصون
كانت لسه هتروح عندها بس مسكتها نبيله و منعتها
اتكلمت منى ببكاء
= سبيني حرام عليكي سبيني دي بنـ….
قاطعها كامل و هو بيتكلم بحده و غضب مفرط
= منى!!!!
افتكري كويس اوي اللي قولتهولك يا مرات ابني
_ بصيت منى لهنا بخوف شديد
خد يونس غصون تحت نظرات الاعتراض من منى و نواره و كل واحدة فيهم كانت خايفه على اللي تخصها
منى خايفه على بنتها اللي خلاص هتروح منها و نواره خايفه على ابنها من الشرطه لو عرفت
خد يونس غصون في عربيته و رفض اي حد من الغفر يجي معاه
وقف قدام جبل عالي جدا ، خرجها من العربيه بغضب
و وقفها على الجبل و طلع مسدسه…
و اتكلم بصوت عالي
= لييييه!
غصون ببكاء
= و الله العظيم ما عملت حاجه
و الله العظيم انا مظلومه يا ابيه و الله العظيم ما عملت حاجه
_قالت كلامها قعدت تحت رجله و هي بتبكي بانهيار و جسمها كله بيترعش بقوه
_ في عربيه كانت واقفه بعيده عنهم و متابعهم
اتكلم شخص بكل هدوء
= ايوا قسم شرطه سوهاج
فيه جريمه قتـ.ل بتحصل دلوقتي في ………..
قال كلامه و قفل و هو بيبتسم بشر…. و متابعهم بكل برود و تسليه
= على ما الشرطه توصل يكون هو خلـ.ص عليها و يمسكوه و هو متلبس و أبقى خلصت منهم هم الاتنين
_ يونس بصلها بحده و غضب و بدون اي رحمه نزل لمستواها و وقفها على حافه الجبل و
يُتبع……
هااا نكمل و لا ايه
لو حابينها عايزين تفااعل قوي جدا عليها عشان نكملها
#الفصل_الاول
بقلم_يارا_عبدالعزيز
الفصل الثاني
_بصلها بغضب و بدون اي رحمه وقفها على حافه الجبل متغافل تماما عن توسلاتها و بكائها اللي يحركوا الحجر
كان لسه هيوقعها….
بس وقف و هو مكور ايديه بغضب مفرط لدرجه ان عروقه كلها برزت لما سمع صوت راجل جاي من وراه و بيتكلم بلهفه و حده
= استنى عندك!
_التفتت يونس للصوت اللي عارفه كويس جدا و همس بصدمه
= بابا!
_جري رأفت عليهم و اتكلم بحده و هو بيبعد يونس بغضب من قدام غصون و بيقف قدامه و بيتكلم بغضب مفرط
= انت اتجننت!!
عايز تموت… بنت عمك!!!!!!
يونس بحده
= انت متعرفش هي عملت ايه!
لو تعرف انت بنفسك اللي هتخلص… عليها
رأفت بغضب
= ايااا كان اللي عاملتهه دي ميديكش اي حق انك تموتها…
انت مين انت!
انت مين عشان تنهي حياه بني ادم
اللي هتعمله دا جريمه يعاقب عليها ربنا و القانون و انا مستحيل اسمحلك تضيع نفسك بالشكل دا
بس انا اللي غلطان انا اللي سبتك لجدك يربيك لحد اما طلعت نسخه منه في القسوه و في كل حاجه
يونس بحده و هو بيجز على سنانه بغضب
= انا لو مش شايف ان حكم جدي صح مكنتش نفذته
هي تستاهل اللي هيحصلها
الموت.. هيكون رحمه ليها و لينا
رأفت بحده و هو بيقف في وش يونس بتحدي
= و انا دلوقتي بأمرك باعتباري ابوك انك تسيب بنت عمك و متجيش ناحيتها يااا انا بنفسي اللي هبلغ عنك!!!!!
_يونس و غصون بصوله بصدمه كبيره
اتكلم يونس ببرود و ابتسامه سخريه
= مش هتصدم!!!!
انا لو كنت خايف من الشرطه لو بنسبه واحد في الميه مكنتش وافقت جدي بس تمام عايزاها تعيش خليها تعيش رجعها بقى للقصر و خلي جدي هو اللي بنفسه يخلص.. عليها
سواء انا أو غيري غصون نبيل الجابري باللي عاملته حكمت على نفسها بالاعدام…
اتنهد رأفت بغضب و اتكلم بحده
= اممممم
بس غصون هترجع القصر و محدش هيقدر يهوب ناحيتها و انت اللي هتساعدني
يونس بصله باستغراب ، اتكلم رأفت بهدوء
= انت هتتجوز غصون يا يونس!!
و دا الحل الوحيد اللي هيرحم غصون من غضب جدك عليها
جدك اهم حاجه بالنسباله سُمعة العيله و لما انت تتجوز غصون بعد اللي حصل سُمعة العيله هتفضل زي ما هي و محدش هيقدر يتكلم على بنت عمك نص كلمه
بقلمي يارا عبدالعزيز
يونس بغضب
= مستحيل
انت عايزيني انا يونس البسيوني اتجوز واحده ضيعت شرفها… و سُمعتها
_غصون بصتله بالم و دموع حتى اقرب الناس ليها شايفنها بشعه و من كلام عمها انه جاي بس عشان يساعدها لكنه مصدق عليها اللي شافه
حسيت ان ملهاش اي حد تتسند عليه و انها وحيده
رجعت لورا و هي مش مستوعبه اللي بتعمله و في لحظه كانت بتقع من على حافه الجبل
يونس و رأفت بصولها بخوف شديد
اتكلم يونس بخوف و صوت عالي
= غصوووووووون
_جريوا عليها و من حُسن حظها مسكت في الحافه بايديها
بصيت لارتفاع الجبل بخوف غمضت عينيها و هي بتستسلم لواقعها
حسيت ان الموت.. هيكون ارحم ليها بكتير من مستقبلها اللي خلاص بقى معروف بالنسبالها
كانت لسه هتسيب ايديها بس اتفاجات بيونس بيمسك ايديها و بيتكلم بلهفه و دموع اول مره تشوفها في عينيه
= متخافيش
هاتي هاتي ايديك و اطلعي معايا هطلعك
_رأفت و غصون بصوله بصدمه
اتكلم رأفت بلهفه و خوف
= امسكي ايد ابن عمك يحبيبتى متخافيش
