قصة بعد زواجى

وفهمت، فهمت إن خالتي عايزة توريني إن اللي بيحمد ربنا على البلاء بيرتاح، اللي بيسلم أمره لله كل حاجته بتتيسر تيسير غريب، ولما بدأت أضحك فعلًا ونفسيتي تتغير طلبت مني نزور دكتورة نسا تعرفها شخصيًا، ولما اتوترت ابتسمت وطمنتني، وفعلًا روحنا وكشفنا، واستغربنا لما قالت إني سليمة بنسبة مية في المية، وإن التوتر ميعملش اللي أنا حكيته ده، وإن فيه حاجة مش مفهومة في الموضوع، وفعلًا استغربت، من يوم ما اتطلقت والنزيف انتهى تمامًا..

بدأت خالتي تشك إن معمولي حاجة، يمكن سِـ,ـحر، وروحنا لمُعالج ورقاني وقال إني سليمة تمامًا ومفيش أي أعراض للسِحر، ولما لقتني ببكي من الحيرة ابتسمت وقالتلي
(خدنا بالأسباب كلها نستنا النتيجة بقا يا هبلة أنتي)

وغصب عني ضحكت، وأكدتلي إن ربنا شايلي خير أكبر، وفي نفس الليلة لقيت ابن خالتي الكبير داخل محروج أوي وأمه بتقوله (اتكلم يا بني) وصارحني إنه عاوز يتجوزني بس مُحرج لأنه لسة شاب وظروفه صعبة شوية وأنا بنت الحاج (ياسر الغول) أغنى تاجر في البلد وأبويا كان استحالة يوافق، طمنته وقولتله أنا هخليه يوافق وفعلًا بدأت أنسى كل القديم وأفكر بس ازاي أقنع أبويا يوافق على ابن خالتي وأجي أعيش مع الست الملاك دي..

وفعلًا أبويا وبسبب كلام الناس والمشاكل ما صدق ووافق فورًا، وبدأت أجهز لفرحي وسط فرحة خالتي وابنها اللي طمنوني تمامًا وقالوا إن اللي حصل مش هيتكرر مرة تانية، وقبل فرحي بأيام جاتلي مكالمة من رقم غريب، ولما رديت لقيت صوت واحدة غضبان وسيل كامل من الشتايم لأني انتقمت وعملت سِحر ودمرت حياتها، وانتهت المكالمة بكلمة (حسبي الله ونِعم االوكيل)
ولما شوفت ده رقم مين لقيته متسـ,ـجل باسم (هالة حمدي) دي هالة صاحبتي واللي اتجوزت طلـ,ـيقي..

بس أيه اللي يخليها تعمل حاجة زي دي، رنيت على أبويا لان كان بقالي شهرين عند خالتي وعرفت منه إن طليقي اللي هو ابن عمي مسكها ضـ,ـربها في الشارع وكان هيمـ,ـوتها وطـ,ـلقها، واتهمها إنها سرقته كمان، وأثناء ما كانت بتضـ,ـرب فضلت تقول إن أنا عملتلهم سِحر وبنتقم من اللي عملوه فيا، الكلمة معدتش مرور الكِرام على أبويا وجابه وعمل قعدة وهدده كمان، عشان يعرف هما عملوا أيه معايا..

وكانت الكـ,ـارثة اللي لحد انهاردة مش مصدقاها، ابن عمي كان بيحبها وكانت بتحبه وكانوا على علاقة مع بعض، بس مكنش عارف يتجوزها لأن عندنا عُرف متوارث إن الشاب بيتجوز بنت عمه، وبما إن نصيب أبويا كبير في التِجارة فكان لازم يكمل العُرف ده ويتجوزني عشان يتقسمله في المحلات نِسبة كبيرة، وطبعًا اتقدملي ورسموا خِطة كاملة هو وصاحبتي..

وأول ليلة قالي إنه تعبان وهينام، وبقا يوميًا بيجيب دم فاسد ويرشه على السرير وأنا نايمة، وبما إني فعلًا مبفهمش في أي حاجة وأمي ربتني وأنا مقفول عليا فصدقته إن ده نزيف مني، واتفق مع دكتورة تقول إني مريضة فعلًا، وفضل يشوه سُمعتي عشان أنا اللي أطلب الطلاق ويكون له حِجة وسط أعمامي وأبويا ومينقصش من نصيبه في المحلات لأن مش هو اللي طلب الطلاق..

وفعلًا طلقني واتجوز حبيبته وخد نسبته كاملة كمان، بس سبحان الله حد فعلًا عملهم سِحر، اتنين زي دول استحالة المُحيط بتاعهم يكون سوي، واتقال إنهم عاشوا في جحيم طول فترة جوازهم اللي سبحان الله استمرت نفس عدد أيام جوازي منه، لحد ما سحلها في الشارع وقال إنها سرقته واتفضحوا الاتنين بأفعالهم واتردت ليا كرامتي كلها، يومها خالتي حـ,ـضنتني وقالتلي نصًا
(عرفتي بقا إن اللي يبتسم لبلاء ربنا بيراضيه وزيادة، ابتسمي دايمًا يا بنتي لأقدار الله وحده ولو الواد ابني زعلك في يوم قوليلي وأنا أعلقهولك)
وضحكتني من جديد ربنا يباركلي فيها..

وَعَنْ أبي يَحْيَى صُهَيْبِ بْنِ سِنَانٍ رضي الله عنه قَالَ: قَالَ رَسُولُ الله ﷺ:
[عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ] رواه مسلم
بقلم: أحمد محمود شرقاوي
…………
لو عندك أي حكاية غريبة أو مخيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص كل اللي تعرفه عن الحكاية أو الموقف المخيف ده بدون استئذان وتأكد اني هشوف رسالتك بأمر الله..
بقلم: أحمد محمود شرقاوي
………
متنساش لو عجبتك القصة تعمل لاف وتعليق برأيك في كومنت..

ومتنساش تمنشن أقرب صديق لك عشان يتابع معانا القصة أو تشاركها مع أصحابك..

وفولو لصفحتي الشخصية لو أول مرة تتابعني عشان يوصلك كل جديد..

بقلم: أحمد محمود شرقاوي.