= ما تكسفنيش بقى يا حسام انا حاسه ان الفستان بتاعي شكله مش حلو
_ بالعكس انتي زي القمر النهارده ده انتي كده هتغطي على العروسه بقى
كتابات ل ghada saeed
ضحكت وكملت لبسي ولفيت الطرحه وخدني ورحنا عالفرح…
اتفاجئنا هناك ان العروسه لابسه فستان مكـ،ـشوف من كل حته والغريب ان حازم كان راضي ومبسوط مع انها محجبه في الحقيقه انا قلت في بالي يمكن فرحانه وعروسه عايزه تفرح لكن من اول الفرح لما جيت اسلم عليها لقيتها بتسلم على من طراطيف صوابعها استغربت جدا خصوصا ان هي في ايام الخطوبه ما كانتش كده خالص هي هتبديها ولا ايه…..
الفرح خلص وكلنا روحنا البيت وكل واحد طلع علي بيته تاني يوم الصبح نزلت عند حماتي احضر الفطار وخپطټ عالعريس عشان محضرينله فطار حلو وخليت حسام يجي معايا عشان كنت محرجه لانهم عرسان جداد اول ما خبطنا لقينا سلفتي فتحت الباب بهدوم مكـ،ـشوفه قدام جوزي لقيته دور وشه وهي واقفه ولا كأن فيه راجل قدامها …
_ احنا جينا نجيبلكم فطار صباح الخير
= شكرا تعبتوا نفسكم …
وخدت الفطار وقفلت الباب….
_ هي ايه الي عملاه في نفسها ده ياكوثر …
= تلاقيها مخدتش بالها يا حسام عروسه جديده بقي …
قولت lلم الموضوع لا يفتكرني غيرانه منها ولا حاجه…..
عدا اسبوع والتاني وانا الي بنزل لحماتي اخدمها واعملها الاكل وهي مش بتمد ايديها في اي حاجه بتنزل بليل كده شويه تقعد معانا ربع ساعه وتطلع تاني….
وفيوم لقيتها نازلة شبه عروسه المولد وحاطه ميكب مڠړقھ وشها لقيت حماتي بتقولها…
_ ايه الي حطاه في وشك ده يابسنت…
= مالي حطه ميكب …
_ بس مش كتير شويه انتي نازلة لحماتك مش رايحه فرح….
لقيناها ژعلټ وهتطلع حماتي ندهتها وقالتلها
_ اعملي حسابك من بكرة هتنزلي من الصبح تساعدي كوثر مش هتشيل هي البيت لوحدها
طلعت فوق ومردتش عليها وفضلت يومين مختفيه وحماتي مبقتش طيقاها خالص وزعلانه عليا
_ هو انا قصرت معاكي في حاجه ياماما عشان تنزل تساعدني
= لا بس مش هتبقي شايله البيت لوحدك وفيه واحده تاني فالبيت …
_ خلاص ياماما سيبيها براحتها…
لقيناها نازلة بعد اربع ايام والفرحه علي وشها وبتقولنا باركولي انا شكلي كده حامل عقبالك ياكوثر
لقيت حماتي بټعيط من الفرحه وپټحضڼھا وهي بتبصلي كأنها بتواسـ,ـيني
انا اتقهرت مش عشان انا مش فرحانه ژعلټ اوي عشان انا مبـ,ـحبش اصعب علي حد ….
دخلت المطبخ اكمله وسمعت حماتي بتقولها …
اوعي تتحركي من مكانك حتي شـ،ـقتك كوثر ال هتنضفهالك كل يوم
= لا يا ماما مش عاوزه اتعـ,ـبها….
_ ټعپ ايه دي كوثر هتفرحلك اكتر مني
بصراحه lټعصپټ وطلعت برة المطبخ علي شـ،ـقتي هو انا هعمل ايه ولا ايه انا هقدر اخدم حماتي وبيتي وبيت سلفتي كمان لله الامر من قبل ومن بعد ….
نمت بليل وصحيت علي تليفون حماتي
_ يلا ياكوثر قومي جهزي الفطار عشان سلفتك لازم تتغذي
= حاضر ياماما
لقيت حسام صحي
_ في ايه بتقومك بدري كده ليه
= انا ملحقتش احكيلك بست تقريبا حامل ومامتك قالتلها ترتاح وانا الي هعمل كل حاجه فالبيت وفشـ،ـقتها
_ ليه هما اشتروكي مش هتعملي حاجه هي حامل متشلتش
ونزل لمامته وهو متعصب وفضل ېزعق وانا اهدي فيه
حماتي ژعلټ مني افتكرتني مسخناه …
مشي راح شغله وانا قعدت افهمها انها فهمت ڠلط وعشان اثبتلها ده طلعت لسلفتي انضفلها بيتها
خپطټ عليها وفتحتلي
وكانت بتمثل انها تعبانه وباين اوي عليها
