محروس
عشان يعمل عليها أعمال عشان الحاجات دي بتجيب حلو اوي مع الأعمال والجن العفاريت الهي جن لما يلغبطة البعيد
هانم
طيب وده بقا مقابل ايه يا محروس يعني هو ناوي يديك ايه في المقابل
محروس
هيديني طبعا فلوس كتيره يا هانم وبيقولي قال ايه طاقة القدر هتتفتح لي شوفي الراجل الناقص
هانم.
طيب وانت رافض ليه يا محروس طيب ما انت اصلا بتخرج الجثث وبتبعها للطلبه بفلوس قليلة خالص وده اكيد هيبقا معاه الخير كله مش كده ولا ايه
محروس
انتي اتجننتي يا وليه ولا ايه انتي عايزاني ادي له جثـ,ـث الأطفال الصغيرة واقطع له جثث الناس الكبيرة واديها له انا لا يمكن اعمل حاجه زي دي
هانم
طيب ما دي زي دي يا محروس ما انت كده بتبيع الجثة وكده بتبعها فرقت ايه يعني ياخويا عشان ترفض وبعدين يا راجل خلينا نقب على وش الدنيا اقولك على حاجة اقله انا اخد الفلوس واروح اعمل عمليه عشان اخلف
محروس
وتفتكري انا لما ابيع جثث الأطفال انتي كده هتعرفي تعملي عمليه وربنا هيبارك لنا يا هانم والنبي الله يخليكي انا مش عايز كلام في الموضوع ده تاني
هانم
مفيش فايدة فيك يول عمرك بتحب الفقر وعايز تعيش فيه علطول كده بس انا عايزة اخلف يا محروس وعايزة العمليه والعملية عايزة فلوس كتيرة اوي اتصرف بقا
محروس
انا عارف اني مش هخلص منك ولا من كلامك يا هانم انا داخل انام وانتي كمان اتخمدي وليه فقرية بصحيح
وسابها ودخل على اوضتة وبعدها هانم مسكت تليفون محروس وطلعت رقم حسيب واتصلت وهو اول لما رد قال
حسيب.
كنت عارف انك هتكلمني تاني يا محروس اصل انا العرض بتاعي متيفوتش ابدا
هانم بصوت واطي
بس انا مش محروس انا هانم مراتة وبكلمك من وراه هو مش عايز يشتغل معاك واصلا انساه خالص لان محروس مبيحبش الشغل بتاعك ده
حسيب
الله طيب ولما هو كده انتي بقا متصله بيا ليه يامدام ايه انتي عايزة تبلغيني انه مش عايز الشغل معايا وبس ولا ايه
هانم
لا انا عايزة اقولك اني انا اللي هعملك الشغل اللي انت عايزة وهساعدك وهجيب لك الجثة اللي انت عايزها
حسيب
حلو اوي الكلام ده بس هتعمليها ازاى دي بقاااا
هانم
لاااا ماهو مش، هينفع الكلام في التليفون كده انا كده كده معاك في الشغلانة دي هعملك كل اللي انت عايزة بس نتفق الأول
حسيب.
اعتبري اننا متفقين بس ياريت تعدي عليا بكرة ونتفاهم سوا ونتكلم في المفيد قولتي ايه يا مدام
هانم
. خلاص اديني العنوان بتاعك وانا هجي لك علطول
وبعدها أداها العنوان وتاني يوم الصبح هانم راحت لمحروس المكان اللي بيدفن فيه وقالت له
هانم
صباح الخير بقولك ايه يا محروس انا رايحة مشوار كده على السريع وجايه هو انت بتجهز الترب دي ليه ياخويا هو في جثة جايه ولا ايه
محروس
اكيد طبعا يا هانم في جثة جايه في الطريق وبعدين ما انتي عارفه يا وليه ان كل ساعه بندفن جثة هو يعني الدفن بيخلص
هانم
طيب يا خويا ربنا معاك انا همشي بقا رايحة احد سعدية اختي وبعدها هقضي لنا شوية حاجات لينا عشان البيت فاضي ومفيهوش حاجة
محروس
ماشي يا هانم روحي انتي بس متتأخريش بقا يابت عشان تعملي لي كوارع النهاردة ماشي
وبعدها مشيت هانم وراحت لحسيب الدجال وقالت له
هانم
ها قولي بقا هنتفق على ايه عشان خاطر اجيب لك اللي انت عايزة وكمان عايزة اعرف انت بتاخد جثث الأطفال بتعمل بيها ايه بالظبط
حسيب
ملكيش فيه تعرفي انا باخد جثث الأطفال بعمل فيها ايه اهم حاجة انك تجيبي لي العيل من دول وتاخدي عليه مبلغ حلو قولتي ايه
هانم
وانا موافقه طيب انت عايز الجثة امتى بالظبط بقا
حسيب
في أسرع وقت وياريت النهاردة يعني يكون احسن وهديكي عشرين ألف على الجـ,ـثة
هانم بفرحة بس دارتها عشان طمعت في اكتر وقالت
هانم
ااا لا لا شوية يا سي حسيب المبلغ ده طيب ماتزوده حبه كده ياخويا ينوبك ثواب فيا
حسيب
بقولك ايه ياست انتي هو انتي هتتأمري عليا ولا ايه لا انا اقدر بعون الله اجيب لي عيل من العيال الصاحيه اللي بتجري في الشارع وتلعب دي ولا الحوجة ليكي ولا لجوزك غيرش بس انا مش عايز اذي الأطفال عشان دول احباب الله
هانم
ياسلام لا قلبك كبير يا معلم حسيب وده على اساس يعني أنك كده مش بتاذيهم بس ماشي خلاص انا موافقه اديني عربون دلوقتي واول لما تيجي جثة عيل صغير
حسيب
لاااا انا مش بدفع غير لما اشوف الشغل قصاد عيني تديني المعلوم اديك الفلوس وبعدين انا مستني اهو والفلوس مش هتروح بعيد
هانم
خلاص يا معلم وانا عند قولي اديني انت بقا كده يومين اكون جهزت لك المطلوب
حسيب
افرضي انا عايز لرجل ولا دراع هتعرفي تجبيهم ولا ايه اظن انتي ست ومش هتعرفي تعملي كده يعني اكيد ده هيحتاج تكسير وسلخ وكده
هانم
لا يا خويا في الحاجات انت لازم تجيب لي رجلين كده يكونو شداد وانا ساعتها هتصرف واخليهم يدخلو التربة ويعملوا اللي هما عايزينو
حسيب
ماشي يلا بالسلامة انتي ياست الستات
ومشيت هانم من عنده وعدت الصيدليه وقال للصيديلي
هانم
سلام عليكم يا دكتور والنبي ياخويا ملقيش عندك اي حاجة منومة لحسن انا بقالي تلات ايام مانمتش ولا دوقت النوم بعيد عنك كنت سهرانة بأمي اللي كانت تعبانة ومرتاحتش فنفسي انام
الدكتور
هو للأسف يا فندم الحبوب المنومة بالزات دي بتنزل جدول بس بس هساعدك واديكي حاجة تنيمك بس منصحكيش انك تاخدي منها كتير لبعدين اضرارها مش كويسه خالص
هانم
حاضر يا دكتور من عنيا تشكر ربنا يخليك
ومشيت بسرعه راحت البيت اللي في المقابر ومحروس قال لها
محروس
كنتي فين يا هانم كل ده ياوليه انا كنت مستنيكي يعني لا عملتي لي اكل ولا حاجة وراجعة تتمخطري
هانم
معلش اديني جيت وبعدها عدي يومين وجات فعلا جثة طفل عنده سنتين مات وأهله راح ودفنوه ومحروس بعد ماخلص دفن راح لهانم وهو حزين وهي قالت له
هانم
مالك يا محروس ايه يا راجل زراعتها عنب طلعت بصل
محروس
انتي بتتريقي يا هانم تصوري انا كنت بدفن دلوقتي طفل صغير
ولما هانم سمعت كده فرحت اوي بس مبينتش وقالت
هانم
لا حول الله ياربي طيب اومال هو الطقل ده مدفون في انهي تربه يا محروس تصدق انا زعلت اوي
محروس
ايوه الله حاجة تزعل فعلا هو مدفون في التربه اللي جنبنا علطول دي يلا ربنا يصبر أهله بقولك انا عايز اكل عشان ادخل انام الليل دخل علينا
هانم
من عنيا انا حالا هحضر لك الاكل هعملك احلى كوبايه شاي ياحبيبي
وبعدها فعلا محروس اكل وهانم عملت له الشاي وحطت له المنوم فيه وشربة محروس ونام علطول
وهانم نفذت المطلوب منها وخرجت الطفل اللي مات وراحت بيه لحسيب وقال لها
حسيب
عفارم عليكي يا هانم والله وعملتي اللي جوزك الفقر مرضاش يعمله وعشان كده خودي دول عشانك اهم المبلغ اللي اتفقنا عليه
هانم
ياخد عدوينك ياخويا انا همشي بقا يا حسيب قبل محروس مايصحي وميلاقنيش
ورجعت هانم المقابر وكانت الدنيا ليل ودخلت جنب محروس وفي نص الليل سمعت صوت طفل بيبكي وقالت
هانم
بسم الله الرحمن الرحيم هو الصوت ده جاي منين هو في حد معاه عيل صغير ولا ايه ممم محروووس يا محروووس يلهوي قوم يا راجل انت ايه نايم في بحر
وفجأه لقت باب الاوضة بيتفتح وطفل صغير بيزحف داخل منه وبص لهانم برعب وكان وشة شاحب ومرعب اوي وفضل يعيط وهو بيبص على هانم وفجأة نط عليها على السرير وهانم فجأة سرخت ومحروس قال لها
محروس
هانم يا هانم فوقي فوقي انتي بتحلمي بكابوس ولا ايه قومي يا هانم
هانم فتحت عنيها.
انا فين ها انا فين ألحقني يا محروس ده كان عايز يمـ,ـوتني كان عايز يمـ,ـوتني
محروس
هو مين ده ياوليه اني مفيش حاجة انت كنتي بتحلمي بكابوس
هانم. باستغراب
كابووس طيب يا محروس الحمد لله انه كابوس ياخويا
محروس
وليه مجنونة صحيح انا رايح اشوف شغلي وخرج محروس وراحت جري هانم على مكان ماهي حاطه الفلوس ولقتها مكانها وقالت
هانم
طيب الحمد لله انكم انتو كمان مطلعتوش كابوس وفضلت تحـ,ـضن الفلوس وبعد يومين اتصل بيها حسيب وقال لها
حسيب.
جرا ايه يا ست الستات هو مفيش جثث تانية جايه ولا ايه ده احنا لسه بنستفتح الشغل مع بعض
هانم
ماهو مفيش حاجة اعملك ايه انا يعني ياخويا وبعدين هو انت مستعجل ليه كده اصبر علي رزقك
حسيب
انا صابر يا جميل اهو وبقولك ايه كنت عايزك تيجي لي عشان في موضوع عايز اكلمك فيه اصل بفكر اذودك قولتي ايه
هانم
بجد والنبي وانا موافقه خلاص هنيم المنيل على عينة واجيلك باللي ويمكن من هنا بالليل يكون جه حاجة في الترب
وفعلا على بالليل راحت له بس كانت معاها جثة طفل صغير عنده اربع سنين وقالت لحسيب
هانم
مبحبتش ادخل عليك بأيدي فاضية خود ادي العيل اللي طلبتة
حسيب
ايوه كده هو ده الشغل يا هانم والمره دي هديكي كتير عن الي اتفقنا عليه خودي مش خسارة فيكي
ناهد
من يد معدمهاش يا حسيب
حسيب
انا خدامك ياست الستات بس لو تيجي كده بس هتبقي قمر
