كان بيستنى باباها بفارغ الصبر ووصل الصبح واتفق مع داليا يجي بالليل وهو متحمس زي العيل الصغير
رن تلفونوا وكانت هيا رد بلهفة : مسافة الطريق يا روحي
داليا بصوت متحشرج : كل شئ قسمة ونصيب يا مراد ربنا يسعدك انا اسفة
وقبل ما يتكلم قفلت الخط وهو كان بيحاول يستوعب سمع ايه حس ببرودة بجسمه وتقل في رجلي وقعد على ركبه ينهج ودموعه عرفت طريقها
دخلت عليه امه بابتسامه: ايه ي عر….
في ايه ي حبيبي عامل في نفسك كدة ليه ي روح امك
قعدت جمبه حضنها جامد وفضل يعيط بصوت عالي وقالها بعدم تصديق: قالتلي كل شئ قسمة ونصيب
ايمان ببكاء لحالتله ؛ هيا الخسرانة الف وحدة تتمناك
مراد بنفي : مش عايز الألف عايزها هيا يا امي اااااااه ليه ليه
زادت من حضنه وهي بتعيط جمبه
في مكان تاني كانت بتتجهز لخطوبتها لشريك باباها اللي تفرض عليها
#ط 5
اسراء هاني شويخ
#الخاتمة الصبح ان شاء الله
كانت بتستعد عشان تخرج من المستشفى وقلبها وجعها انه ما جالهاش وانه زي ما صدق ومشي
كان باباها ساندها وجمبها داليا اللي بصت قدامها وابتسمت وباباها شافوا وضحك …
رفعت عينيها ووقفت عن الحركة لما شافت اياد لابس بدلة شيك وفي ايدي بوكيه ورد قرب منها ونزل على ركبه وهو ماسك خاتم خطوبة وقال بعيون تلمع من الدموع وصوت عاشق : انا اسف اني عليت صوتي عليكي انا تعصبت عشان انتي رعبتيني عليكي خلتيني من خوفي ما احسش بالفرحة اللي بتمناها أيوة ما كنتش عايز نرتبط بالطريقة دي كنت عايز اعملك خطوبة ما تعملتش لحد بحبك لدرجة ماحدش يتخيلها تقبلي ي سالي تكملي باقي حياتك معايا وتنوليني شرف تبقي مراتي
كانت حاطة ايدها على بقها بتعيط وبس
اياد : احم قولي اي حاجة شكلي بقى وحش ورجلي نملت
قربت منها ونزلت قدامه وحضن.ته جامد
سالي : انا بحبك اوي والله
اياد بحنان ” ربنا يديمك ليا يا روح قلبي
احمد: مش نكمل حض.ن في البيت ولا ايه
قامت سالي بخجل وخبت وشها في حض.ن ابوها ضحك عليها هو واياد اللي حض.ن اخته بفرحة
داليا : مبروك يا ابيه
اياد : عقبال عندك يا روح ابيه
واخيرا وصل باباها وهي طايره من الفرحة
اياد بضحك: اهدي يا بنت انتي
داليا بعدم انتباه ” بحبه اوي
خبطها على راسها وقالها ما تتلمي يا بنت انتي
حض.نها وقال بحب : ربنا يسعدك يلا نشوف بابا ونقولوا
داليا بخجل: ماشي بحبك عفكرة
ضحك عليها ومشي معاها وراح لباباهم اللي وصل وغير هدومه قعدت جمبه وحض.نها
خالد : مبروك ي قلب بابي كبرتي وبقيتي عروسة
داليا بخجل واستغراب ” ربنا يخليك
اياد : انت عرفت ازاي ؟؟
خالد ” ده انور حيتجنن عليها وما صدق اني ارجع
قامت من مكانها مرة وحدة وبلعت ريقها وقالت بصدمة : انور مين
خالد ” انور ابن عمك نشأت شريكي شافك في الحفلة من شهرين وطلبك قولتله اما اسافر وارجع
اياد بعدم تصديق وهو يبيص لأخته اللي كأنها بتموت : ايه حيلك حيلك جاي مخطط ومقرر واحنا ايه مالناش رأي عرايس بتحركها
خالد: اتكلم معايا بأدب يا اياد
اياد : بلا اياد بلا زفت جوازة برضو عشان تحط مشروع جديد لمشاريعك انا اسف يا خالد باشا اختي مش للبيع
صفعه خالد بقوة وقال: انا وبنتي حرين بنتي مش حتكسر كلام ابوها خصوصا لما تعرف انها لو ما تجوزتهوش ابوها حيخسر كل ما يملك
كانت داليا بتبصلهم كأنها في دنيا تانية طلعت اوضتها ونامت كان لازم تنام اصلها لو ما نامتش حتموت والنوم بيكون هروب من كل حاجة
اياد بدموع : انت ايييييييه نوعك ايه
خالد : انا ابوك احترم نفسك
اياد : ابويا ههههههه انت عارف عندي كام سنة يا ابويا عارف داليا سنة كام عارف عننا ايه يومين معانا وسنة مسافر مشاريع حفلات فلوس
خالد : وكل ده لمين مش ليكوا
اياد : خود فلوسك وسافر اختي مش حتتجوز غير اللي قلبها اختاروا لو حقت.ل
خالد : ايه حتتجوز من ورايا زي ما انت عملت
اياد: والله كان نفسي اعرف انت فين عشان تخطبهالي واه حجوزها غصب عنك
خالد : مش حيحصل يا اياد انا حاخسر كتير اوي لو ما تجوزتش انور
اياد : والله العظيم لو حنشحت ولا يهمني حاخد اختي ومش حتتجوز زفت
خالد : ححرمك من كل ثروتي واشوف حتعيش انت وحبيبة القلب فين
اياد بضحك : انا اصلا ما بصرفش جنيه من فلوسك مش بقولك ما تعرفش عننا حاجة انا دكتور جامعي يا بابا وبقبض حلو اوي حاقدر اعيش انا واختي ومراتي من غير فلوسك
خالد : وممكن ما تبقاش دكتور جامعي حتعمل ايه
اياد بعدم اهتمام : مش انت اللي بترزق ده ربنا ” ولو اجتمعوا على ان يضروك بشئ لن يضروك الا بشئ قد كتبه الله لك ” يعني كله في ايد ربنا ممكن بثانية تفلس بايد ربنا برضو
وقفه صوت اخته وهيا بتقولوا : انا موافقة يا بابا
