جميله:لا طبعا مش خايفه
احمد:طيب مفيش بوسه كدا ولا كدا
جميله:لا طبعا
احمد:يعني مفيش فايده ولا اي
جميله :اه
وهوب قبل متكمل كلامها اثرها في قبله عميقه يبث فيها عن حبه وشوقه لها
احاسيس كتير متلغبطه ودقات قلبهم اخذت تتصارع
جميله حاولت تبعده عنها
لكن بعد دقائق ابتعد عنها وجميله كانت في حال غير طبيعي دقات قلبها المتصارعه واحاسيسها المتلغبطه
احمد خدها في حضنه يهديها:انا اسف بس والله غصب عني كان نفسي ابينلك حبي ليكي
جميله :متتأسفش انا مراتك صح
احمد:اه طبعا
جميله بابتسامه،:طيب انا واثقه فيك ويلا بقى علشان نروح ولو فضلنا هنا مش عارفه الشيطان ممكن يعمل اي تاني
احمد ضحك وهي ضحكت
وخدها ونزلوا ووصلها لبيتها
وقبل ما تنزل
_هتوحشيني
جميله بابتسامه:وانت كمان يلا باي
احمد قرب منها وباسها من خدها
احمد:هكتفي بديه دلوقتي
جميله اتكسفت ونزلت وطلعت البيت
وأحمد ابتسم بسعاده ومشي روح البيت
عند فارس ونور
نور كانت قاعده في البراندا وبصه السما
فارس دخل عليها
_القمر قاعد لوحده لى
نور بصتله بابتسامه،: عادي
فارس قرب منها وقعد جنبها وخدها في حضنه
فارس:مالك
نور بدموع:كنت خايفه لياخدني يبيعني ومشوفكش تاني
فارس:وانتى كنتي متخيله انى هسيبك تضيعي منى
نور :لا دي الحاجه اللي كانت مخلياني صامده وساكته مع أن دموعى كانت في عنيا
فارس:بس دا عهد واخده بيني وبين ربنا انى عمري مسيبك تضيعي مني يا نور
وبعدين يا ستي مين اللي عاوز يتكتب كتابه دا وعاوز حضن كتب الكتاب
نور:انا طبعا
فارس:واهو انا موجود علشان احققلك احلامك
نور:ازاي
فارس:ملكيش دعوة بقى دي مفاجاه
*جميل جدا انك تلاقي حد يحبك ويهتم بيك ويخليك رقم واحد في حياته تفاصيلك يهتم بيها وحياتك كلها تكون عباره عنه هوا وبس فسح وخروجات وكلام وحياة تانيه تعيشها مع الشخص دا يكون العوض والاب والاخ والصديق كمان شخص يعرفك من عنيك ويعرف أنت عاوز اي من غير متقول يقدرك ويحترمك تتجننوا سوا وتبقوا هبل سوا
ميهمكوش الناس اهم حاجه أن ايدك في أيديه❤️
#يارا_عبد_السلام
#البارت_الرابع_والثلاثون
#ما_قبل_الاخير
#
مر يومين على كلامهم من غير احداث الا انهم كانو عايشين من غير ما اي حاجه تقلقهم أو تعطل عليهم
في الصباح
نور كانت نايمه وفارس حاول يصحيها وهى مش راضيه تصحى
فارس جاب ميه ورش عليها
نور قامت يخضه:يا بابا عاااااااا اي دا
فارس فضل يضحك عليها
نور بصتله بغيظ:يا رخم يا رخم انا بكرهك
فارس قرب منها:قولتي اي سمعيني
نور بتوتر وخوف :انا قولت بحبك يا واد يا فروستي
فارس:جبانه
نور:طيب غور من وشي
فارس:هوا انتى مش ملاحظه ان النهارده في حاجه
نور:في اي يعني
فارس:هوا انتى فتحتى جروب الدفعه
نور :لا وافتحه لى
فارس:طيب افتحيه يا هبله النهارده حفلة التخرج يا مجنونه
نور يهبل:انت بتهزر صح ازاي انا هكلم جميله اتاكد
فارس:كلميها يا اختى
فارس خرج من الاوضه وهوا بيضحك على هبلها
اتصلت بجميله وجميله اكدتلها أن فعلا النهارده الحفله
نور قامت من على السرير وصوتت
*اعاااااااا ازاي النهارده الحفله انا مجهزتش نفسي
وفضلت تلف وتدور حوالين نفسها
ولبست ونزلت
وفارس بيضحك والكل بيبصلها
نور:في اي يا جماعه بتبصولى كدا لى
الكل :لا مفيش حاجه
الجد:يلا يا فارس خد. نور واحنا هنحصلكوا
وانت يا احمد روح هات جميله وحصلنا
فارس خد نور اللي كان باين عليها التوتر والخوف انها متطلعش من الاوائل وتحقق حلمها وفارس كان حاسس بيها وعارف هي بتفكر في اي وكان طول الطريق ماسك ايديها يطمنها
وصلوا الجامعه وكان كل الطلبه بتوع دفعتها هناك اترهبت من شكلهم وفارس خدها من ايديها وقعدها في مكان جنبه
بعد لحظات جميله جت وحضنتها وقعدت جنبها
الكل اتجمع وقعدوا لما شافوا العميد جاي
العميد قعد وكبار الدكاتره حواليه
وبداوا يوزعوا الشهادات لحد ما جه الاوائل
_دلوقتي هننادي على الاوائل اللي مكانهم محفوظ من اول سنه دخلوها هنا وهيبقى شرف لينا أنهم يكونوا زملا لينا
ونادي عليهم وجاب اسم جميله كانت التانيه وطبعا احمد من الطلاب اللي على الله حكايتهم👀🌚
بعدها فارس قام من مكانه
العميد بصله بضحكه
فارس طلع وقال:الف مبروك ليكوا كلكوا هتوحشونا طبعا برغم أن السنين كانت متعبه وعدت وان كان في ناس فيكوا كان في أملهم كليات تانيه بس طبعا ربنا بيختار الاحسن والافضل ليكوا وطبعا كلنا كنا اخوات ليكوا قبل ما نكون دكاتره واي حاجه عملناها معاكوا كانت لمصلحتكوا واتمنى ليكم كلكم كل التوفيق …
الكل سقف
فارس: دلوقتي انا حابب اقول اسم اللي طلع الاول هى ممكن تكون بالنسبه ليكم كلكوا شخص عادي لكن بالنسبه ليا انا كل حياتي
هي نور تبقى بنت عمى قبل ما تكون مراتى وانا حابب اقدملها الشهاده بنفسي علشان محضرلها مفاجاه كمان
تعالى يا نور
نور ابتسمت بفرحه ودموع وطلعت واستلمت الشهاده بتاعتها والوسام وعيطت من الفرحه
فارس:انتى مش كنتى عوزاني اتجوزك تاني وبماذون كمان
نور بصتله باستغراب ايوا
فارس:طيب تعالي
خدها من ايديها وراحوا لنهاية الطرقه وكان مستنيهم الجد ومحمد ومديحه واسراء ومعاه المأذون
نور بفرحه:الله انت مجنون والله
فارس:مجنون بحبك يا ستي
وبداوا في إجراءات الجواز من اول وجديد ونور الفرحه مش سايعاها وهوا ماسك ايديها احسن تضيع منه
“بارك الله لكما وبارك عليكما وجمع بينكما في خير
اول مره في حياتي اجوز اتنين مرتين ربنا يديم حبكوا لبعض الف مبروك
فارس قام من مكانه وخدها في حضنه ولف بيها قدام كل اللي واقفين مش مكسوف وهوا بيبين حبه ليها
فارس نزلها وغمزلها:علشان اثبتلك انى قد اي تحدي
نور ضحكت جامد واترمت في حضنه
_شكرا بجد انك مخلى عينيا دائما تلمع من الفرحه شكرا يا اغلى حاجه في حياتى
وبعدها عينيها دمعت
فارس مالك يا بنتي في اي
_كان نفسي بابا يكون معايا في يوم زي دا ويكون فرحان بيا انى حققت حلمه
فارس:طيب اي رايك نروحله
نور:بجد
فارس:طبعا
فارس خدها والكل راح معاهم وجميله وأحمد وكلهم كانت السعاده ماليه قلوبهم وكانو فرحانين
وصلوا للمكان اللي مدفون فيه عبدالله
والجد عينيه دمعت وهوا شايف اسم ابنه سابق اسمه وهوا جاي يقرأ عليه الفاتحه بدل ما هوا اللي كان يكون مكانه نور قربت منه
_بابا انا النهارده اتخرجت وطلعت الاولى شوف يا بابا انا جبت جدو معايا وعمو محمد وماما مديحه وفارس بقى جوزي خلاص انا خلاص بقيت مبسوطه بوجودهم في حياتى متخافش عليا شوف جدو جدو بيحبك اووي يا بابا واي حد اذاك خد جزاءه نام وارتاح يا حبيبي
الجد قرب منها وخدها في حضنه
الجد:مكنتش في يوم اتخيل انى اقف الوقفه دي كان المفروض العكس بس الحمد لله ربنا يرحمك يا ابني ويريحك ويغفرلك
عدي عليهم نص ساعه وقراوا عليه الفاتحه
ومشيو
عدي يومين كمان وكان الكل بيشتغل في البيت راسا على عقب بيحضروا لفرح احفاد المغربي
فارس ونور
وأحمد وجميله
وكان الكل فرحان والستات بتغني وبتزغرط
وكانت نور وجميله فوق في الاوضه بيجهزوا ومعاهم البنات اللي بتساعدهم
مر عده ساعات والليل جه
كان فارس وأحمد واقفين جنب بعض قدام المرايا بيحطوا اللمسات الاخيره
احمد:شكلى حلو
فارس وهوا بيعدله البيبيونه :قمر
وانا
احمد وهوا بيعدله الجرافات:جامد
والاتنين ضحكوا
وكان كل واحد معاه بوكيه ورد من اللي حبيبته بتحبه
احمد معاه بوكيه من الورد الجوري الاحمر لأن جميله بتحبه جدا
وفارس معاه ورد ابيض مع بنفسجي علشان نور بتحب الالوان دي
وخرجوا من الأوضه ونزلوا تحت
وبعد انتظار عشر دقايق
الجد نزل وفي ايديه نور ووراه ابو جميله وفي ايديه جميله اللمعه بانت في عين فارس وأحمد وهم شايفين الحوريات اللي هيتجوزوهم
الجد قرب من فارس وفي ايديه نور :خد بالك منها يا فارس نور امانه في رقبتك
فارس:نور دي حياتي يا جدي مش مراتى بس
ابو جميله قرب من. احمد اللي كان مبتسم اووي
_خلى بالك من البت يلا احسن والله انفخك
احمد:يلا مقبوله منك يا عمى وبعدين انت المفروض توصيها هى عليا من انا عليها
جميله بغيظ:قصدك اي
احمد مسك ايديها وباسها:مش قصدي حاجه انتى في عيوني يا عيوني
كل عروسين خرجوا
والستات بدأت تزغرط(معلش اصلي بحب الزغاريط اووي😂😂😂😂😂)
وبداو يرقصوا سلو على الاغنيه اللي اختاروها
(اول دقيقه)
وخلصوا الاغنيه وكل واحد شال حبيبته ولف بيها
نروح عند المتدهوله اللي اسمها اسراء
كانت لابسه فستان شيك جدا وماشيه بكعب هتتكفى على وشها
واخر مره واحد سندها
_حاسبي
اسراء بخجل :انا اسفه جدا انا بس اول مره البس كعب
مازن بابتسامه:اها عادي ولا يهمك انتي تقربي للعرسان اي
اسراء:انا اخت فارس وأحمد
مازن:دا بجد انا بقى صاحب احمد بس عمره مقالي انو عنده اخت حلوة كدا
اسراء:شكرا
عن اذنك
وبعدت عنه بتوتر وكانت هتتكفي على وشها تاني وبصتله ولقته مبتسم
ابتسمت هى كمان باحراج وراحت تقف جنب امها احسن ما هى ماشيه تخبط في الناس كدا
مازن واقف باصلها وبس
واحد صاحبه جه وقف جنبه
_انت فين يا عم مازن اختفيت فجاه
لا دانت مش معايا
حسن وهوا باصص على البنت اللي باصصلها مازن
_انت مجنون يا مازن دي مش للشقط دي اخت احمد وكمان دي لسه في ثانويه عامه متلعبش في عداد عمرك لو مش خايف من احمد خاف من فارس دا ممكن يقـ,ـتلك
مازن:ملكش دعوة انت انا عارف سكتها
حسن:ازاي يا فالح
مازن:هتجوزها
#يارا_عبد_السلام
#البارت_الخامس_والثلاثون
#والاخير
#
الفرح خلص وكل واحد وعروسته طلع على شقته اللي اتفاجئوا أن جدهم مجهزهالهم في حته ارض جنبهم علشان يكونوا عايشين براحتهم من غير اي قيود..
فارس ونور دخلو الشقه بتاعتهم اللي عجبتهم جدا وتصميمها كمان عجبهم
فارس:دا جدو دا طلع مش سهل خالص
نور:حبيبي جدو دا حلو اووي التصميم دا عجبني
فارس بغمزه:تعالى بقى نشوف اهم اوضه في الشقه دي
نور:مش فاهمه
فارس:لا انتى تفتحى مخك كدا
وخدها من ايديها وراحوا ناحيه اوضه النوم
اللي كانت متزينه ورد وبلالين لاستقبال العروسين
نور:الله عالجمال جدو دا طلع رومانسي والله بجد الله عليك يا جدو
فارس:فعلا جدو دا قمر
وقرب منها
فارس:وانتى قمرين
نور اتكسفت وبصت في الأرض
فارس:هوا احنا فينا من كسوف
وقرب منها بحنيه ومسك ايديها
_يلا يا حبيبتي ادخلى غيري واتوضي والبسي إسدال علشان نصلي ركعتين مع بعض
نور بفرحه:بجد يا فارس تعرف ان كان نفسي اللي اتجوزه يعمل معايا كدا
فارس بحنيه:طيب يلا يا حبيبتي ادخلى
نور دخلت بفرحه وفارس بدل هدومه ولبس ملابس مريحه
بعد ربع ساعه نور خرجت وهى لابسه الاسدال
فارس خدها من ايديها
ووقفت وراه وبدأ يصلي بيها
خلصوا وحط ايديه على رأسها وبدأ يقول دعاء الجواز وأنها تكون زوجة صالحة ليه وام مثاليه لاولاده بعد كدا
فارس شال الطرحه بتاعت الاسدال من عليها
_شكلك حلو بشعرك يا نور
نور بصتله باستغراب:والله مانت على طول شايفني بيه
فارس:اي رايك انا بس اللي تشوفه
نور:ازاي
فارس:انك تلبسي الحجاب يا نور انا فرحان جدا انك مؤمنه انا عاوز انك تكوني ملكي انا وبس ولو اطول البسك نقاب هلبسك بس مش وقته هكتفي بالخمار بس
نور:وانا موافقه علشان انا نفسي اخد الخطوة دي من زمان بس مكنتش لاقيه تشجيع وطالما انت جنبي ومشجعني انا موافقه
فارس قرب منها وباس رأسها وخدها في حضنه
فارس:متيلا بقى
نور:ها
فارس:ها اي
وفجاه كانت بين أيديه
فارس:جاء الوقت الذي أقوم فيه بتسطير خطوط عشقي جاهزة يا غزال
نور ضحكت ودفنت رأسها في رقبته
فارس:احنا ليلتنا عنب..
نروح بقى عند المجانين طبعا عارفيننهم جميله واحمد
جميله اول ما دخلت الشقه
_اللهم صل على النبي اي الجمدان دا انا لو كنت اعرف انى هتجوز في شقه زي دي كنت اتجوزت من زمان
احمد مسكها من قفاها:وكنتي هتتجوزي مين يختي
جميله:منا كنت مستنياك انت يا روحي
_ايوا اظبطي كدا
_بقولك اي يحماده
_قلب حماده
_يوووووه نستني
اه هوا بقى في الليله دي في اكل ولا هنقضيها سلامات من عالباب كدا
احمد :اكيد في اكل يختى يلا ادخلى البسي أو اقلعى عادي انا زي جوزك برضو وانا هستناكى هنا
_هوا
جميله دخلت وغيرت ولبست وخرجت
احمد سقف:اللهم صل عالنبي اي القمر ده اي الحلاوة دي
جميله لكسوف:دا أقل ما عندي على فكره
قعدت وبدأت تاكل فضلت يجي ساعه
احمد زهق من القعده:هوا انتى هتفضلي تاكلى كتير انا زهقت
جميله:طيب يا حبيبي قوم نام انت انا قاعده
احمد يصلها بخبث وعرف انها خايفه
قام وقف ووقف وراها
وجميله اتنفست
ولسه هتتكلم لقت نفسها مرفوعه من على الأرض وبين أحضانه
جميله اتكسفت و شها احمر
_احمد
_قلبه انا عارف انك خايفه بس صدقيني يا حبيبتي انا مش هأذيكي وانا معاكي
جميله :انا فعلا خايفه
أحمد وهوا بينمها على السرير متخافيش يا قلب احمد انا بحبك انتى مش عارفه دا
_اه عارفه
احمد يصلها وباس رأسها:طيب نامي يا حبيبتي طالما خايفه وانا مش هقرب منك الا لما تكوني جاهزة
وجه يمشي جميله مسكت ايده
_بس انا واثقه فيك
احمد ابتسم
وقال:ما كان من الاول
بعد مرور تلات شهور
صوت عالى خارج من شقة فارس ونور بسبب المشكله اللي بيتخانقوا عليها كل يوم
فارس:مش هنكشف يا نور انا سايب الموضوع دا على ربنا ومش مستعجل
نور بدموع:بس انا عوزا احس اني ام مليش دعوة
فارس قرب منها:يا حبيبتي كل تأخير فيه خير
نور:بس لازم ناخد بالاسباب ونكشف يمكن يكون في حاجه نعالجها ونلحقها اسمع مني يا فارس
فارس بعصبية:انتى لي مش عوزا تفهمي أننا كويسين مش معنى أن جميله بقت حامل على طول انك فيكي حاجه يا حبيبتي
نور قعدت على الأرض وعيطت
فارس قرب منها وقعد على ركبته
وخدها في حضنه انا عارف أنه صعب بالنسبه ليكي وانك نفسك انك تكونى ام وانا كمان نفسي اكون اب بس كل حاجه بوقتها يا حبيبتي مش كدا
نور هزت راسها باه وابتسمت
_خلاص يا فارس انا اسفه وهسمع كلامك
فارس باس راسها:حبيبتي والله زعل الدنيا كله يهون قصاد ضحتك دا انتي. طفلتي هتبقى طفله تخلف اطفال
وضحكوا واتراضت نور زي الهبله زي كل مره بياكل فارس بعقلها حلاوة
بعد مرور شهرين كمان
كانت نور صحتها في النازل وكانت دائما تعبانه ونفسيتها تعبانه لكن كانت بتحاول تبين قدام فارس انها تمام لكنه كان حاسس وعارف وشايف الحزن في عينيها
نور جت في يوم حست بتعب ودوخه
وكانت قاعده تاكل مع فارس بالليل عالعشا
قامت مره واحده ودخلت على على الحمام وبدأت تستفرغ وفارس قام وراها وحس بتعبها
_لا انا مش هسكت على تعبك دا انا لازم اخدك المستشفي البسي عقبال واجهز العربيه واطلع اخدك
نور هزت راسها بماشي
فارس نزل وقلبه واجعه على حبيبته هوا مش عاوز حاجه في الدنيا غيرها هى وبس لكن هى مش فاهمه دا وبتضيع نفسها
فارس جهز العربيه وطلع خدها وطلعوا على المستشفى جميله كانت واقفه في البلكونه
_احمد الحق
احمد جه وهوا خايف:في اي يا حبيبتي مالك في حاجه
_فارس لسه واخد نور وشكلها كان تعبان
اتصل بيه والنبي اتطمن عليها علشان هى كانت معايا النهارده باين عليها التعب
احمد اتصل على فارس كتير بس مفيش رد
فارس وصل المستشفي ودخل بنور وهوا عنيه بتدمع عليها
وطلب دكتورة تيجي تشوفها
الدكتوره جت:متقلقش يا استاذ انا هفحصها دلوقتي وان شاء الله مفيش حاجه
بدأت تفحصها
وبصت لفارس بابتسامه
_مش قولتلك مفيش حاجه للقلق دا مبروك المدام حامل في الشهر التاني ودي كانت من اعراض الحمل
فارس:اي دا بجد صح
نور:انتى انتى بتتكلمى بجد انا انا حامل يعني في بطنى بيبي وهبقى ام
وقامت تتنطط وتضحك وتزغرط
وفارس يضحك على جنانها وفرح اووي أنه شاف الفرحه دي في عينيها
خدها ووصلوا البيت وفارس كان ناسي الموبايل في البيت
احمد نزل ليهم بعد ما شافهم هوا وجميله وكانوا خايفين جدا على نور
فارس فتحلهم والفرحه كانت باينه في عينيه
احمد وجميله بصوله بقلق:نور مالها يا فارس
فارس ابتسم ودخلهم وكانت نور فرحانه
وجميله حضنتها
_مالك يا حبيبتي
نور بفرحه:انا حامل
جميله فرحت جدا وأحمد فرح جدا وحضن اخوه
_الف مبروك يا اخويا
فارس:الله يبارك فيك يا حبيبي وجميله تولد على خير يا رب
وكدا تكون أمنيتها اتحققت واتاكدت أن فعلا الصبر دائما بيكون وراه فرج كبير
مر سنتين
في شقه جميله
ياسين اقف بقى يا حبيبي
ياسين وهوا بيجري منها:لا مث عاوز اتل انا هلوح لاسيل
جميله،:طيب انزل لاسيل بعد ما تاكل
ياسين بطفوله:لا انا هاتل مع اسيل واتم (ادم)
جميله سابته وهوا خرج ونزل تحت وخبط براحه علي شقة نور
_افتحى يا طنط
نور فتحتله:يا قلب طنط من جوا
ياسين يصلها ببراءه:عاوز اثيل
نور بضحك:ادخل يا اخويا ادخل
ودخلت جوا الأوضه كان فارس قاعد
فارس:مين يا حبيبتي
نور:ياسين
فارس:عاوز اسيل
نور:اها اكيد
تفتكر قصه نور وفارس تتكرر
فارس بضحك:حاسس كدا دي تبقى قصه غريبه اووي
نور:مش ناوي تعملها روايه وتحطها في المكتبه بتاعتك
فارس يصلها بغموض وطلع كتاب من جنبه:خدي يستي ادي اول نسخه
نور:اي دا انت عملتها روايه بجد
فارس:اها بالتفاصيل
نور:الله ما في قلبي
فارس:انتى
كانت اسراء خارجه من كليه العلوم جامعه القاهره
بعد ما دخلتها بعد تعب دلوقتي في سنه تانيه
_انسه اسراء
اسراء بصت وراها
لافته شاب وحست انها تعرفه وافتكرت أنه هوا نفسه اللي خبطت في من سنتين في فرح واخواتها
اسراء:مين حضرتك
مازن:انا مازن فكراني
اللي كنت في فرح احمد وخبطتي فيا
اسراء في بالها:ازاي مفتكركش وانت دخلت قلبي يا جدع من اول نظره
اسراء:اه افتكرتك حضرتك عاوز اي
مازن:كل خير انا معجب بيكي جدا وباخلاقك وعاوزك في الحلال
موافقه
اسراء:طيب الكلام دا مش معايا دا مع بابا وجدو
_يعنى موافقه
اسراء بصت في الأرض
اللي بابا وجده يشوفوه بقى عن اذنك
وابتسمت ومشيت
مازن :ضحكت يعني قلبها مال انا رايح لبابا حالا
واسراء ضحكت على هبله لانه خطف قلبها اصلا
وبعدها مازن اتقدم لاسراء والكل وافق عليه
واسراء كمان كانت فرحانه جدا
وعاشت العائله سعداء كل منهم يحب الاخر ولا يوجد حقد ولا كره فقد تم دفنه من قبل في مقابر الحاقدين ✨
وكدا اقدر اقول
#تمت_بحمد_الله😂😂😂👀
استنونى في روايه جديده أن شاء الله ومستنيه دعمكوا ورايكوا
#يارا_عبد_السلام
