جوزى بيقول لابويا

وفي شقه حماتي دخلت وقالت

الام
يا حبيبي كل شيء قسمه ونصيب وانت ما لكش نصيب فيها خلاص بقى بكره يكرمك ببنت الحلال

ايهاب
من هو يا ماما ملقاش الا دي ويتجوزها هو عارف قد ايه انا كنت بحبها

الام
انت اللي غلطان برده عشان رحت قولتله الكلام ده ما انت عارف انه دايما بيبص الحاجه اللي في ايدك

ايهاب
مش لدرجه شريكه عمري كمان حرام عليه والله

الام
خلاص يا حبيبي ما تزعلش نفسك انا هخرج اعملك لقمه تاكلها ومش هاكل من غيرك يا ايهاب وبعدها خرجت وهو بيدا يفتكر

#فلاش باك

رمضان
هو انا يا ابني كل ما اعمل حاجه لازم تعمل زيي اشمعنا مسافر دلوقتي ما انا كنت بتحايل عليك انك تسافر كنت بتقولي لا

ايهاب
بصراحه في بنت عجباني هنا في البلد وعايزه اخطبها وانت عارف ان البلد هنا ما فيهاش شغل وما صدقت ان صاحبي سمير جابلي شغل في السعوديه وهسافر معاه

رمضان
مين دي بقى اللي دخلت مزاجك كده ما انت كنت رافض فكره الجواز وعملت تقول مش هتجوز

ايهاب
ليلى بنت عم سليم بني ادمه محترمه جدا ومؤدبه وانا بحبها قوي

رمضان
اه وانت قلت ليها بقى ان انت عايز تتجوزها ولا لسه مفتحتهاش اصل انا عارفك لخمه جدا

ايهاب
بصراحه مش عايزه اعلقها معايا ومش هتكلم معاها في اي حاجه الا لما اكون جاهز للخطوبه وهسافر كم سنه وارجع اجيب الذهب وبعدها
ارجع تتجوز

رمضان
اه تمام ماشي والسفر بتاعك امتى بقى ان شاء الله

ايهاب
ما انا مش عايزك تزعل مني بصراحه انا كنت مخلص كل حاجه وهسافر بكره باذن الله

رمضان
عادي يعني وانا ايه اللي يزعلني ما انا متعود منك على كده انا كمان مسافر الاسبوع الجاي وبعدها اسافر رمضان وقدا سنتين وراجع

الام
غريبه يعني مش كنت قايل لسه هتقعد شويه كمان ايه اللي ننزلك بسرعه كده

رمضان
بصراحه يا امي عايزه اتجوز وشقه اخويا متوضبه هتجوز فيها وبرده هوضبله شقتي

الام
الف الف مبروك يا حبيبي ما تعرفش انت فرحتني ازاي ومين بنت الحلال بقى اللي انت عايز تتجوزها

رمضان
ليلى بنت عم سليم انسانه كويسه ومحترمه وسالت عليها قالوا ليا لسه ما اتجوزتش

الام
ازاي عايز تتجوزها يا رمضان وانت عارف ان اخوك عايز يتجوزها هو كمان لا طبعا مش موافقه

رمضان
خلاص براحتك توافقي ولا ترفضي ده شيء يخصك انت مش عايزه تيجي معايا متجيش بس انا كده كده هتجوزها

الام
ليه يا ابني بس بتعمل كده حرام عليك تاخد بيحبك والله ليه عايز تاخد منه كل حاجه

رمضان
موضوع انتهي بالنسبه ليا امي وانا رايح وهتقدم بيها وفعلا راح واتقدم وبعدها اتجوزنا

#باك

وعند رمضان بيروح عند عمتو واول ما بتفتح ليه بتقول

العمه
رمضان معقول انت هنا دا انا قولت انك نسيتني خالص من ساعت ما انت اتجوزت

رمضلن
معقول انتي الي بتقولي ليا الكلام ده ما انتي عارفه انك الي في القلب ومبستريحش في الكلام مع حد الا انتي

العمه
مالك كده انا حساك مش علي طبيعتك هو في حاجه ولا اي

رمضان بضيق
ايهاب رجع من السفر النهارده وعرف ان انا اتجوزت ليلي وانتي عارفه الي فيها انا مش فاهم اي الي رجعو بس

العمه
ما يرجع يا حبيبي واي الي مزعلك يعني هو كان ليه عندك حاجه ولا اي انت ااتجوزت مراتك علي سنه الله وسوله والي عندو يعملو لو قدر يفتح بقو اصلا

رمضان
ما انتي عارفه ان انا هسافر هتصرف ازاي انا
انا بقول اخلي ليلي تقعد عند امها لحد ما الفتره الي اسافر فيها ولما ارجع ترجع شقتها

العمه
الكلام ده يا حبيبي لو مسافر اسبوع ولا شهر مش بتقعد بالسنه الطويله
ولو عملت كده مراتك هتشك ان في حاجه
وممكن توصل الطلاق وتخلي ايهاب فرحان فيك
ويمكن كمان يفكر أنه يتجوزها

رمضان
ده انا اقلته لو فكر في كده انتي مش عارفه
يا عمتي انا بقيت بحبها ازاي والله الاول
كنت متجوزها عند فيه بس بصراحه البت
كويسه اوي وتتحب

العمه
لا يا حبيبي اهدي كده وشوف انت عايز
تعمل اي واعمله

رمضان
ما تقوليلي يا عمتي اعمل اي اصل من ساعت ما شوفت ايهاب قدام عيني وانا مش عارف اتصرف ازاي

العمه
مفيش الا ان هيه تقعد في شقتها وتتعامل عادي علشان بطريقتك دي قدامها لو مش واخده بالها هتاخد انت فاهمني طبعا ولا انت مشواثق في مراتك
وانا عاوزاها تفضل قدامو كده يتحسر عليها

رمضان
عندك حق انا مش فاهم هو انتي لو مش موجوده في حياتي كنت هتصرف ازاي

العمه
دا انت الغالي علي قلبي يا بني الي طلعت من الدنيا بيه واعرف ان محدش هيحبك ربع الحب الي انا بحبهولك

رمضان
دي الحاجه الوحيده الي انا واثق فيها علي العموم قدامي يومين واسافر خدي الفلوس دي خليها معاكي وفي اي وقت محتاجه فلوس قوليلي انا رقبتي سداده

العمه
مااتحرمش منك يا حبيبي ما انا لسه قايله ان مليش غيرك

رمضان
تمام انا هنزل بقا علشان الوقت اتاخر حتي سيبت ليلي لوحدها ومن غير ما اقول ليها زمانها دماغها عماله تودي وتجيب