واعطيته قلبي بقلم أميرة محمود الثانى

مراد استنا استنا بس متمشيش كده
مراد ، ملكش دعوه بيا يا حسام اطلع لمراتك
حسام ، اهدا بالله وكل حاجه هتتصلح
مراد ، عارف بعد اللي عملته ده دى لو اخر بنت في الدنيا مش عايزها
حسام ، طب اهدا الأول و كل حاجه هتتحل
مراد سابه وراح ركب عربيته ومشا

حسام طلع تاني لحور
حسام ، هي لسه جوه
حور ، اه مش راضيه تفتحلي خالص
حسام ، طب هي عملت كده ليه ده الراجل نازل مش شايف قدامه
حور ، أنا شايفه أنها صح يا حسام ازاي تعيش مع واحد غصبا عن أهله نور صح يا حسام أنا اللي غلط

حسام ، حور متعليش صوتك في ايه

حور ، مفيش يا حسام مفيش عارف أنا بخاف افتح باب الاوضه وانت مش في البيت عشان مامتك متقوليش حاجه تحرق دمي أو بباك يبصلي باحتكار أنا شايفه نور صح يا حسام لو اهل جوزها مش متقبلنها ازاي هتبني اسره في وسطهم قولي ازاي

حسام ، لو بتحب جوزها وهو بيحبها هتحبب أبوه وأمه والشارع كله فيها

حور ، احنا مش رخاص يا حسام أنا اللي غلطانه اني وافقت اكمل في حاجه كانت بدايتها غلط

حسام ، انا تعبت من الكلام ده يا حور والله تعبت

حور ، أنت تعبت من ايه ها تعبت من ايه أنا اللي

حسام قاطعها ، أنا ماشي يا حوور وأما تهدي انتي عارفه مكاني وسابها ومشي

حور وقفت مصدومه من رده فعل حسام
/////////////
حور وهي منهاره وعماله تعيط جامد خبطت علي باب نور
حور ، نور نور افتحي

نور قامت جرى فتحت الباب ، مالك في أي يا حبيبتي اومال فين حسام في أي مالك

حور بدموع ، أنا معدتش عايزه حسام أنا همشي وهسيب البلد

نور ، تمشي تمشي ازاي

حور ، أنا هصرف الشيك الصبح و مش هقعد في البلد دي دقيقه وانتي هتيجي معايا

نور ، حور في أي مالك طب مش انتي ربنا هداكي انتي وحسام واعترف بجوازه منك قدام أهله

حور ، مش عايزه اسمع حاجه عنه انتي نسيتي حسام ده السبب في كل حاجه وحشه في حياتي

نور ، انتي متاكده انك معدتيش عايزاه

حور ، اه انتي خلصتي امتحناتك خالص صح

نور ، اه

حور ، خلاص أجهزي عشان هنمشي الصبح هنصرف الشيك ونمشي

نور ، مش هينفع تروحي مكان بره مصر من غير موافقه جوزك

حور ، خلاص احنا نبعد خالص عن القاهره

نور ، خلاص ربنا يسهل اهدي كده وتعالي نامي والصباح رباح

//////////////
ايمان ، اومال السنيوره فين مش شيفاها يعني

حسام ، ارتاحي يا ماما معدتش عايزه تيجي هنا بسببك أنتي وبابا كرهتوا البنت في كل حاجه كفايه الظلم اللي شافته من الدنيا متبقيش انتي والدنيا عليها

ايمان ، وانا مالي بيها اصلا

حسام ، مالك اممم فعلا أنا اللي غلطان أنا كان المفروض اخدها ونبعد بس طلعت اناني زيكم

ايمان ، حسااااام

حسام ، بلا حسام بلا زفت وسابها وطلع اوضته

حسام دخل غرفته قلع الشميز وراح نايم فارد جسمه عالسرير
حسام لنفسه ، هي فعلا عندها حق أنا حرمتها من كل حاجه حلوه اي بنت بتتمناها حتي فستان الفرح ملبستهوش واهلي مش طيقنها عشان اتجوزتها من وراهم حتي يوم جوازنا كان يوم الحكم عليها بلإعد.ام أنا هصلح كل ده الصبح هحاول مع امي وهحجز قاعه وهعملها فرح مصر كلها تتكلم عليه أنا هعوضها عن كل حاجه وحشه عاشتها في حياتها

/////////////
حور طلعت الشيك من شنطتها
حور لنفسها ، كان نفسي تهون عليه بكلمه حلوه يا حسام كان نفسي تحض.ني وتقولي اي حاجه تصبر قلبي عن اللي شوفته للاسف ملمستش منك اي نظره حب ليه انا خلاص يا حسام انت اللي خليتني اختار ده وراحت بصه للشيك انت حقي وحق ابني وحق اختي وحق امي وحق ش.رفي اللي اتهان

//////////////
تاني يوم الصبح حور صحت بدرى وراحت البنك هي ونور يصرفوا الشيك
الموظف ، المبلغ كبير لازم تروحي للمدير

حور طلعت للمدير

المدير ، يعني حضرتك عايزاهم انهارده ضرورى

حور ، ايوه ضرورى يا فندم

المدير ، نص ساعه والمبلغ هيكون جاهز تحبي تشربي اي

حور ، لا مليش نفس اشرب حاجه ياريت بس المبلغ يجهز بسرعه

المدير ، تمام
////////////
حسام قام من النوم نزل يفطر مع أمه وأبوه

حسام ، أنا عايز اقولكم علي حاجه بس ياريت تحكموا قلبكوا فيها ضرورى

ايمان ، حاجه ايه

احمد ، أنا مش عايز اسمع حاجه دماغي وجعاني

حسام ، معلش اسمعني يا بابا ارجوك

احمد ، ها قول وخلصني

حسام ، لو عرفتوا أن جنا واحد اتعدي عليها وفقدها عذ،ريتها من غير ما يقصد

احمد ، ازاي يعني من غير ما يقصد

حسام ، حور كانت سكرتيره عندي في الشركه كانت بتشتغل وبتطفح الد.م عشان تلبي احتياجات امها واختها وفي يوم جالي صفقه حديد من استراليا عافرت لحد ما ريست عليه واحد من المنافسين التقال كان قصادي بس انا اخدتها دخل جو.اسيس عندي في الشركه حطولي مخدر اتسبب في اني زى ما شفتوا الفيديو اللي انتشر امها من الصدمه طبت في الارض م.يت.ه اتف..ضحت في الحاره بتاعتها هي واختها ومع ذلك طلبت منها تيجي تقعد معايا عشان مراد قالي أن في جواسيس في البيت عن طريق حور هنعرفهم اجت وقعدت معايه عشان تعرف السبب في اللي حصلها بس غصب عني وعنها حبينا بعض وافقت تعيش معايا بعد اللي عملته فيها ده كله فكرت تنزل اللي في بطنها اقنعتها اني عايزه لحد ما حسستها أن ده قدر ربنا عمله عشان نحب بعض ونعطي لبعض فرصه تانيه بس للاسف أنا معرفتش أقنعها انكم بتحبوها عشان فعلا عنيكوا كلها كره ليها مع انها اتظلمت جامد منكم

ايمان ، طب انت مقولتليش ليه كل ده جايز كنت حسنت علاقتي بيها دي ضحت بكل حاجه عشانك دي فعلا بتحبك

احمد. ، هي فين

حسام ، مع اختها في بيت مامتهم

احمد ، روح هات مراتك يا حسام
حسام بفرحه ، بجد يعني انتو هتصلحوا اللي عملتوه

ايمان ، أمم روح ياللا ياحبيبي

حسام قام من علي السفره جرى راح جاب موبايله من علي التسريحه
حسام ، اي ده مدير البنك متصل بيا اربع مرات من ساعه أما اتصل أشوفه عايز ايه

حسام ، الو

مدير البنك ، اهلا يا حسام بيه الفلوس وصلتلك

حسام ، فلوس ايه

مدير البنك ، في واحده اسمها حور جيبه شيك بتنين مليون واحنا قعدناها نص ساعه عشان نسأل حضرتك بس حضرتك مكنتش بترد

حسام ملامح الفرحه اختفت من علي وجهه ، يعني هي صرفتهم

مدير البنك ، ايوه يافندم

حسام ، تمام وراح قافل السكه

حسام ، ليه ليه كده يا حور ده انا حبيتك ليه تعملي فيا كده ليه كل اللي عيشتيني فيه ده كله وهم انتي قولتي انك بتحبيني ليه طلعتي بتضحكي عليه
موبايله رن

حسام ، ايوه يا مراد
مراد ، في ايه عالصبح مالك
حسام ، حور راحت صرفت الفلوس من البنك
مراد ، طب وانت زعلان ليه ماده حقها قصاد اللي حصلها منك
حسام ، مرااااد أنا بحبها ومش هسيبها يا مراد
مراد ، طب اهدي بس نفكر بالعقل وروحلها شوفها عملت كده ليه

حسام ، ماشي اقفل أنا هروح لها واتكلم معاها

///////////////
حسام قعد يخبط جامد عالباب ويتصل بحور ونور الموبايلات مقفوله

ام شريف ، مالك يا بني في ايه اهدا

حسام ، هما فين

ام شريف ، هما مشوا و حور سابتلك الرساله دي

حسام ، اخد منها الورقه وقلبه بيترعش وفتحها
حور ، حسام بيه أنا اسفه انا دخلت حياتك غلط وطلعت منها بهدوء عشان أنا مشوفتش من تحت راسك خير وانت كمان احنا الاتنين كنا بندمر بعض من غير مانحس انساني أنا سبت البلد خالص كمل حياتك واتجوز اللي تسعدك وانت تسعدها بس يكون برضا اهلك أنا هفضل مراتك لحد ما امو.ت بس من بعيد أنا مش هنزل اللي في بطني عايزاه ذكرى منك انا بعشقك بس لازم أدوس علي قلبي وابعد امبارح اتأكدت انك مبتحبنيش كان نفسي تضمني في حض.نك وتقولي اي كلمه حلوه تنسيني اللي انا فيه انا اسف يا حسام بس لازم ابعد سلام يا حبيبي

حسام ، ليه كده ليه يا حور ليييييه

ام شريف ، اهدي يابني اهدي هو في ايه

حسام نزل جرى من علي السلم واتصل بمراد

حسام ، حور مشت يا مراد سابتني ومشت سايبالي رساله أنها مشت ومش هترجع

مراد ، طب اهدا بس احنا هنحاول نوصلها اهدا

حسام ، اهدا ازاي يا مراد بقولك مراتي سابتني ومشت بتقولي هخلي اللي في بطني ذكرى منك

مراد بصدمه ، هي حامل

حسام ، ايوه انا عايزها من تحت طقاطيق الارض يا مراد
مراد ، أن شاء الله خير وهنعرف نوصلها متقلقش هي نور معاها

حسام ، ايوه

حسام قفل في وشه وراح الشقه اللي كان جيبهالهم بردك ملقهاش قلب الدنيا هو ومراد مش لاقين لها أثر

ياترى حور ونور راحوا فين بكره هنعرف

#يتبع
عدي ٨ شهور وحسام ميعرفش حاجه عن حور وكذلك مراد ميعرفش حاجه عن نور
مراد ، حسام أنا عايز اخطب جنا اختك
حسام ، طب وبالنسبه لنور
مراد ، نور مأصلهاش حبتني أنا خلاص نسيتها
حسام ، يعني لو نور ظهرت مش هتسيب اختي عشانها
مراد ، نور لو اخر بنت في الدنيا مش عايزها
حسام ، خلاص كلم ابوك يفاتح ابويا ونتوكل علي الله
مراد ، انا كنت خايف لتعترض
حسام ، لا مش هعترض اصلا نور وحور خلاص مش هيرجعوا حور شكلها نست كل حاجه بينا
مراد ، احنا جرحناهم وهما مصدقوا طلعلهم جناح وطاروا استحاله يرجعوا العش اللي شافوا تعب الدنيا فيه
حسام ، حور زمنها ولدت كان نفسي اعرف بنت واللا ولد كان نفسي ابني يتولد في حض.ني بس هي حرمتني من الشعور ده ربنا يسامحها

مراد ، حاول تعيش حياتك يا حسام دور وهتلاقي بنت ألحلال اللي تستهلك

حسام ، مش هتجوز يا مراد أنا مش عايز غير حور ولو هستناها ترجع ولو بعد خمسين سنه

مراد ، هي اكيد لسه في مصر واكيد هنوصلها لأنها مينفعش تسافر من غير موافقتك وغير كده احنا مش سألنا في المطار وقالو مفيش حد سافر بالاسم ده

حسام ، هلاقيها يا مراد يعني هلاقيها

مراد ، أن شاء الله يا حبيبي هتلاقيها أنا رايح بقا شغلي عشان القسم بيشغي رقاصات

حسام ، ماشي يا بتاع الرقاصات

مراد بصله بحزن وسابه ومشي

حسام ، أنا عارف ومتأكد انك لسه بتحبها يا مراد زى مانا لسه بحب حور رغم اللي حصلي منها
////////////
حور ، نور أنا خايفه اوي اول مره ادخل اوضه عمليات

نور ، متخافيش يا حبيبتي ربنا معاكي ادخلي وسمي الله واقراأي قرآن عشان تهدي

حور ، ماشي لا اله الا الله

نور ، محمد رسول الله

بعد نص ساعه الممرضه خرجت بالبيبي

نور أخدته منها ، ماشاء الله قمر ربنا يحميه يارب هي لسه قدامها كتير

الممرضه ، لا خلاص اهو الدكتور بيقفل الجرح وخارجه اهي حالا
////////////
الكل مجتمع علي السفره بيتغدوا في بيت حسام

حسام ، بابا مراد عايز يخطب جنا هو قالي أنه هيكلم أبوه بس اما يشوف حضرتك موافق واللا لا

ايمان ، اكيد مش هنلاقي لجنا احسن من مراد

احمد ، انتي شايفه ايه يا جنا

جنا بلقلقه ، يا بابي بس انا مش عايزه اتخطب دي الوقت
احمد ، وليه مش عايزه تتخطبي دي الوقت

جنا ، يابابي أنااا
ايمان ، انتي ايه الخطوبه دي بتبقي انتوا الاتنين بتتعرفوا علي بعض لو مرتحتيش متكمليش

احمد ،. بلغوا أن احنا موافقين يا حسام

جنا ، يابابي أنا مش عايزه اتخطب دي الوقت

احمد ، ليه انتي عندك ٢٤سنه يعني مش صغيره يعني

جنا ،. بس هو اصل

ايمان ، لا أصل ولا فصل بلغوا أن احنا موافقين يا حسام

حسام ، تمام هكلمه
////////////////
نور ، البيبي قمر خالص يا حور ربنا يباركلك فيه

حور ، يباركلنا مهو بدل مايكون ليه ام واب بقا ليه ام اسمها حور وام اسمها نور

نور ، طبعا يا حبيبتي بقولك أنا عايزه اسميه أنا بعد اذنك
حور ، هتسميه ايه

نور ، مراد

حور ، انتي لسه بتحبيه يا نور

نور ، مش عارفه بس محتاجه احس انه موجود معايا نفسي انده اسمه ويبقا دايما علي لساني

حور ، ارجعيله يا نور

نور ، مينفعش خلاص يا حور

حور ، ارجعيله يا نور كفايه لحد كده انتي فكرك اني مبسمعكش وانتي في اوضتك وانتي عماله تعيطي

نور ، يعني كنتي بتجسسي عليه

حور ، اه طبعا مش اختي علي فكره انا كنت بتع,ذب زيك بالضبط وكل مابسمعك كنت بفتكر حسام واقعد اعيط

نور ، مبتفكريش ترجعيله كفايه كده

حور ، في حاجات بتدخل جوه كلمت استحاله فحسام ده استحاله ارجعله ارجعي انتي لمراد وسيبيني وانا هكلمك عالطول اطمن عليكي

نور ، مش خايفه اقول لحسام مكانك

حور ، أنا لو معنديش ثقه في حد خالص فانتي الحاجه الوحيده اللي بثق فيها لانك أنا وانا عندي ثقه في نفسي يا نور

نور ، خلاص هقعد معاكي لحد ماتبقي كويسه وهرجع لمراد بس شرطي أن أهله هما اللي يجو يطلبو أيدي مش هرخس نفسي ليه
حور ، خلاص ماشي يا نور وانا والله هكون معاكي بقلبي يا روحي

نور ، ربنا يخليكي ليا يارب
//////////
بعد اسبوع

مراد ، الو

البواب ، ايوه يا باشا الانسه نور وصلت فوق في شقتها
مراد ، متأكد

البواب ، ايوه يا باشا

مراد ، لوحدها واللا معاها حد

البواب ، اه لوحدها وجيبه شنطه هدومها معاها

مراد ، تمام أنا جاي حالا لو اجت تمشي امنعها

البواب ، ماشي يا باشا وراح قافل السكه

مراد اتصل بحسام

حسام ، عايز ايه عالصبح

مراد ، نور رجعت الشقه اللي انت جبتهالهم

حسام ، حور معاها

مراد ، لا لوحدها أنا هروح علي هناك اجهز ياللا عشان نروح لها حالا

حسام ، طب أنا نازل اهو بسرعه ياللا وقفل السكه

مراد وصل قدام البيت لقا حسام واقف يستناه عشان يطلعو سوا
فوق عند نور الباب بيخبط

نور ، اكيد البواب جبلي الحاجه اللي عايزاها وراحت تفتح

نور ، مررااد

حسام ، ازيك يا نور ايه هتسبينا عالباب كده

نور ، اتفضلوا ادخلوا

حسام دخل هو ومراد ونور قفلت الباب ودخله وراهم

حسام ، حور فين يا نور

نور ، لو كنت جاي عشان حور فانساها يا حسام لأن حور استكفت من العذ,اب في حياتها

حسام ،. بس انا هعوضها والله عن اللي عملته فيها واهلي نفسهم عايزنها معدش حد هيضايقها

نور ، لا حور ربنا عوضها ببيبي زي القمر معدتش محتاجه حاجه من الدنيا غيره

حسام ، بس ربنا مأمرش بالظلم انتي كده بتساعديها في ظلمي

نور ،حسام بيه شرفت بعد اذنك ممكن تمشوا عشان عايزه انام جايه من سفر وتعبانه

مراد واقف مربع أيده وبيبصلها باحتكار

نور ، مراد بيه ممكن حض

وفجأة مراد فك أيده وراح ض,ربها بالقلم وراح شددها من شعرها

مراد ، عارفه لو مقولتيش مكانها فين أنا هدفنك مكانك

نور ، اااه سيبني يا ح*يوان يا زبا*له

حسام ، بس يا مراد مينفعش كده

مراد ، ملكش دعوه أنا عارف هتعامل ازاي مع الأشكال دي

حسام حاش مراد بعيد عن نور

حسام ، أنا قولت مينفعش كده لو قربتلها تاني صدقني هتزعل مني اوى يا مراد

مراد بزعييق ، انت بتدافع عن مين يا حسام عن مين مش دي اخت اللي اخدت فلوسك وابنك ومشت مش دي اختها الي كانت بتساعدها

نور بصوت عالي ، طب وبالنسبه للي عملتوه في اختي وبالنسبه للفض,يحه اللي اتفض,حتها بسببكم والفيديو اللي كان ممكن مينتشرش لو كان أتنازل عن الصفقه ومتنازلش عشان ميخسرش فلوسه وبالنسبه للولد اللي هي اتلطمت بيه وهو اصلا نتيجه غلطتك انت يا حسام بيه

حسام ، والله أنا هصلح كل حاجه قوليلي مكانها أنا والله بتعذ,ب بجد من غيرها

نور ، ايوه يا حسام اتعذ,ب يا حسام اتعذ,ب كمان وكمان جايز تحس بالنا,ر اللي حر,قت قلب اختي بيها

مراد ، عارفه لو مقولتيش مكان اختك فين وقسما بالله لهرميكي في الحجز لحد ما جتتك تع,فن

نور ، متقدرش يا مراد بيه متقدرش انت نسيت اني في حقوق وعارفه كويس في القانون

مراد ، القانون ده اللي هحبسك بيه

حسام ، مرااااد لو سمحت ياللا نمشي ياللاااا

مراد ،ماشي يا نور مصيري هرجعلك

حسام ، قبل مامشي ممكن اعرف اسم ابني ايه سميتوه ايه مش عايز حاجه تانيه

نور بدموع ، للاسف سميته مراد

مراد أتلفت لها وبصلها بصدمه