نصيب القمر بقلم زهرة الربيع

#نصيب_القمر_4
قلعت الحلق ورمته عند رجله بنرفزه وقالت..ده حقك وحل عني
طه اتعصب من اللي عملته ومسك الحلق بتاعها شاله من على الارض وفرد ايدها وادهولها بغضب وقال انا لو كنت عايز فلوس ولا كانت دي نيتي كنت قبلت بفلوس حمزه اكتر بكتير من تمن حلقك ده ..و لو كنت عايز المسك او اخذ منك حاجه من الي في بالك كنت اقدر اعملها واحنا في الاوتيل اللي هناك…لان هناك محدش كان هيسالني بتعمل ايه ..حتى لو غصب عنك ومن غير جواز …كل الحكايه اني حبيت نقرب من بعض بما اننا اتجوزنا وخلاص وادينا بنتسلى شويه لكن خلاص مبقتش عايزك حتى لو انتي اللي اتحايلتي اوعي من خلقتي

قال كده ودخل على الحمام بغضب

قمر قعدت على السرير وبقت تجهز هدوم ليها وتقول بغضب شديد . لو انتي اتحايلتي قال ..على اساس هاتحايل عليك وا،،طي بجد

طه خرج من الحمام كان لابس البنطلون بتاعه وبس نفس البنطلون لانه مش معاه هدوم

قمر بصت له بغضب مصطنع واخـ,ـذت الهدوم بتاعتها ولسه هتروح على الحمام مسك ايدها وقال بسرعه استني

قمر وقفت مكانها و مش بتبصله وهو شدها ليه وبص لعيونها وقال… انتي زعلتي ولا ايه معاكي حق …احم مكانش ينفع اقرب لك كده بس…بس اصل انتي جامده قوي وقولت بما اننا اتجوزنا يعني مش هنخسر حاجه

قمر قالت بضيق شديد…بس انا هخسر..ولو سمحت خليك بعيد عني الفتره اللي هنفضل فيها سوا

طه قرب منها اكتر وقال… ما وعدكش الصراحه

قمر اتنهدت بضيق وهزت راسها بيأس ومشيت على الحمام وهي متضايقه

طه ابتسم عليها ونام على السرير هو بيفكر في كل ملامحها وعيونها ودموعها وقربها ولحظه ما با،،سها كل حاجه معلمه في دماغه ومش قادر ينساها اتنهد وقال…ايه البنت دي غريبه قوي زي ما تكون مغناطيس ربنا يستر

بعد شويه خرجت وهي لابسه لبس بيتي بسيط ورقيق رغم بساطتو الى انه كان هينطق عليها وراحت مددت على الكنبه

بقى يبصلها باعجاب و اتنهد وقال.. يا بنت الناس تعالي نامي على السرير..احنا كتابنا الكتاب مش هقرب لك نامي نوم بدل قطمة الضهر دي
بقلم…زهرة الربيع
قمر قالت بعند… لا انا هنام هنا ولو سمحت ما تعملش زي امبارح وتشيلني بعد ما انام

طه ضحك وقال ..لا طبعا مش هشيلك بعد ما تنامي هشيلك وانتي صاحيه انا لسه هستنى

واتقدم عليها وشالها بالغصب وهيه بقت تهز رجليها علشان يسيبها وبتقول بس يا طه ..طه لو سمحت نزلنييي

طه ضحك ورماها على السرير وقرب منها قال..اتخمدي من غير ما تتعبيني

قمر قالت بغضب.. لا يمكن مستحيل

ولسه هتبعد شدها عليه بقوه وحط رجله على رجليها وحوطها بايديه وقال اهدي علشان ننام ..وهمس عند ودنها وقال… بقولك اهدي بلاش جنان لارقعك بوسه انيمك للصبح.

قمر قالت بتوتر ..ممكن تسيبني بس انا هنام على الكنبه والله انا مش هرتاح كده

طه حط ايده ورا شعرها على رقبتها وبص لعيونها وقال بس انا مش هرتاح وانتي على الكنبه امبارح ما عرفتش ارتاح على السرير وانتي على الكرسي واضطريت نمت على الارض ..صدقيني اهدي شويه هترتاحي

قمر اتنهدت بياس .. وفضلت ثابته مكانها وهو بص لعيونها جامد وقال..ها مرتاحه كده ولا ايه

قمر قالت بتوتر وغضب منه ..لا مش مرتاحه هابقى مرتاحه اكيد لو بعدت عني

طه شدها عليه اكثر وقال…بس انا مرتاح قوي كده تعرفي زمان ما كنتش اعرف انام ابدا غير في حضن امي زي كده بالظبط

قمر نفخت بغيظ وقالت.. هو انا امك

طه ضحك وقال لاطبعا اكيد انا كبرت خلاص مبقاش ينفع انام في حضن امي واصلا هيه الله يرحمها..بس هو كده الراجل ربنا علشان يريحه يخليه ينتقل من حضن لحـ,ـضن

قمر قالت..وهو مينفعش تنام من غير ما حد يحضنك
طه قربها ليه اكتر وقال.. لا طبعا انتي فاكره الموضوع سهل

قمر اتجمعت الدموع في عينيها وقالت…معرفش سهل ولا صعب انا عمري ما حد حضني.. لما كنت صغيره ماما اتطلقت من بابا ..وعلشان تغيظه اتجوزت بسرعه وفضـ,ـلت انا مع بابا كنت انام في اوضه لوحدي ولما ابويا توفى رجعت عند ماما كان جوزها دايما يضايقني هي كانت تنام معاه هو يخليها تنام ويجي لي اتمنيت اوقات لو انا نايمه في حضنها من كتر خوفي.. اوقات كنت اصحى من النوم الاقي الاقيه عندي في الأوضه و و
بقلم…زهرة الربيع
قمر مقدرتش تكمل وبقت تبكي بشده وطه اتصدم من اللي حصل للبنت المسكينه دي شدها لحضنه جامد وبقى يمسح دموعها بايديه وقال … ما فيش حاجه تستاهل دموعك ده واحد وسخ وغار انسيه خالص انا مستحيل اخليه يقربلك تاني لو حصل ايه ..انا جنبك مش هسيبك

قمر بصت لعيونه بدموع وكانت كلماته كفيله تطمنها جدا مدت ايديها وحطيتها على ظهره واتخبت في حضنه اكثر

طه اببتسم بسعاده وشدها لحضنه قوي وقال نامي نامي وانتي مطمنه انا جنبك

قمر قالت بهمس..انا قلقانه لانك جنبي

طه ضحك جامد وحضنها وقال… لا بجد اطمني امان والله