احببت مريض نفسي بقلم اسراء ابراهيم

…………………….
كانت جميلة وسيف داخلين عالعمارة اللي ساكنة جميلة فيها بس كالعادة وقفها نبيل وده يبقي صاحب العمارة اللي دايما بيعاكسها وبيضايقها بالكلام واول ما شافته جميلة حطت ايديها في ايد سيف اللي بصلها وتبت في ايديها بتلقائية
نبيل باستغراب اهلا بست البنات ايه ده مين ده بقي
جميلة ببرود ده سيف جوزي يا استاذ نبيل هو لسة راجع من السفر حضرتك عايز حاجة
نبيل بتوتر ها لا خالص حمدالله علي سلامتك يا استاذ سيف
سيف كان هيرد بس جميلة لحقته عشان ميتكشفش انه مش طبيعي فلحقت نبيل بالكلام وردت هي
جميلة بسرعة الله يسلمك يا استاذ نبيل بعد اذنك بقي
نبيل باستغراب الا هو فين الشنط بتاعة الاستاذ لمؤاخذة
جميلة بتوتر ها اصل هي في الفندق اه شنطته في الفندق وهيبعتوهالنا في اي تحقيق تاني بقي
نبيل باحراج لا العفو يا ست هانم اتفضلو
جميلة اخدت سيف وطلعو علي فوق علطول واول ما ركبو الاسانسير اتنهدت جميلة براحة
سيف پخوف يا طنط انا خاېف هو ممكن نخرج بقي
جميلة بتلقائية طبعا خلاص فاضل دور واحد اصلا انا ساكنة في التالت يلا وصلنا
سيف اطمن اول ما خرجو ووقفت جميلة قدام باب شقتها وبعدين اتنهدت وهي مترددة بس اخيرا حسمت امرها ودخلت هي وسيف
………………………..
هدي پصد،،مة يا نهارك اسود يا جميلة انتي ايه اللي خلاكي تعملي كدة علي اخر الزمن هنقعد راجل غريب في شقتنا
جميلة باقناع يا ماما افهميني سيف اصلا مش في عقله الطبيعي يعني مټخافيش منه وبعدين بصراحة هو صعب عليا اني اسيبه في الشارع يتبهدل وهو اصلا شكله ابن ناس ومش وش پهدلة وكمان بصراحة جاتلي فكرة اني اخلص من رخامة الشخص البارد اللي اسمه نبيل ده اللي مش سايبني في حالي
هدي پغضب وانا قولتلك اني كفيلة بيه وقولتلك لو ضايقك تاني عرفيني وانا هعرفه مقامه
جميلة بحزن يا ماما هو بيعمل كدة عشان مش سايف

—

معانا راجل ولا حتي خال ولا عم داخل خارج علينا فعشان كدة ولا هيتهز بكلامك معاه ولا حتي تهزيقك ليه لانه انسان قذر صدقيني يا ماما اللي عملته عين العقل وكدة كدة انا بدور علي مكان تاني بس لحد ما الاقي مكان كويس نعيش فيه بعيد عن هنا سيف يعيش معانا واهو ناخد بالنا منه وكمان في نفس الوقت يمنع عنا مضايقة الناس لينا
هدي كانت باصة لسيف اللي بيلعب بتليفون جميلة ومندمج بيه وصعب عليها فعلا شكله
هدي بتنهيدة طب معرفتيش اي حاجة عنه الشاب ده
جميلة بنفي خالص حاولت اسأله بيقولي انه كان مع مامته وتاه منها وزي ما انتي شايفة بيتكلم بعقل طفل ده بيقولي عنده 10سنين تخيلي
هدي بحنية يا عيني اكيد اهله قالبين الدنيا عليه
جميلة بحيرة والله انا هعمل اللي عليا وهروح مكان ما شوفته هناك واحاول اسأل جايز حد يكون سأل عليه
هدي وهي بتقوم طيب هدخل اجيبله هدوم من بتاعة ابوكي الله يرحمه بس هو هينام فين
جميلة بثقة هينام في اوضة الضيوف انا هظبطها وينام فيها

سيف ببراءة انا جعان يا هو انتي اسمك ايه
جميلة بابتسامة انا اسمي جميلة ودي ماما هدي وحاضر هقوم اجيبلك تاكل بس اغير هدومي الاول اتفقنا
……………..
بعد اسبوع كانت داخلة جميلة من باب الشقة بعد ما تعبت من اللف علي شقة جديدة بعد ما خلصت شغلها واول ما دخلت اتفاجأت بسيف شهقت جميل بخجل وقلبها دق جامد اوي وبعدته عنها بسرعة وهي بتبص يمين وشمال پخوف احسن تكون امها شافتهم وبعدين اتنهدت براحة لما مالقتهاش وبصت لسيف بتوتر وهي مش عارفة تسيطر علي دقات قلبها
جميلة بعتاب سيف انت ليه عملت كدة مش عيب
سيف بتلقائية اصلك وحشتيني يا جميلة وسألت ماما هدي عليكي قالتلي انك في الشغل وجاية بس انتي اتأخرتي
جميلة في سرها يابني ارحمني كمان بتقولي وحشتيني يخربيتك لو بعقلك كنت اتجوزتك دلوقتي بس للاسف احم سيف بص بلاش تعمل كدة تاني عشان كدة عيب ماشي قولي سمعت الكلام انهارده
هدي وهي خارجة من الاوضة سمع الكلام اوي ده مكنش بيعدي ساعة غير لما يسألني عليكي ده امه مسألش عليها كدة
جميلة بصت لسيف ومتعرفش ليه كانت فرحانة انه سأل عليها بس اتوترت لما عنيها جت في عنيه فسابتهم ودخلت اوضتها وقفلت عليها
جميلة باستغراب هو انا ايه اللي بيحصلي ده اشمعني سيف يعني رغم انه مش بعقله بس لما عنيه بتيجي في عيوني بتوتر ومش عارفة ايه بيحصلي لا يا جميلة اوعي تكوني يا لهوي لا طبعا احبه ايه بس اكيد لا
……………………..
عدت فترة كبيرة علي الاحداث اللي حصلت كانت جميلة قربت من سيف اوي واتعلقت بيه زي ما هو اتعلق بيها ومكنتش جنيلة بتيأس كانت دايما بتدورله علي اهله بليل كانت قاعدة جميلة في البلكونة وبتشرب النسكافيه بتاعها وسرحانة وقاعد قدامها سيف اللي كان مركز فيها ومبتسم
سيف بابتسامة عارفة يا جميلة انا كان نفسي يكون عندي بابا بس ماما قالتلي انه عند ربنا ومش هيرجع تاني
جميلة بحزن متزعلش يا سيف انا كمان بابا عند ربنا بس انت دايما لما يوحشك ادعيله ان ربنا يرحمه ماشي
سيف بطاعة حاضر بس انا مكنتش عاوزه يمشي انا كنت بحبه اوي
جميلة بحنية ماهو مش كل اللي بنحبهم هيفضلو عايشين معانا علطول هيجي يوم ويفارقونا وممكن اصلا احنا اللي نفارقهم يا سيف لان ربنا كاتب لكل واحد عمره ومحدش عارف امتي بس الاهم هو انك تعمل ايه عشان اليوم ده
سيف باندفاع بس انا مش عاوزك تفارقيني يا جميلة انا حبيتك اوي ومش عاوز ابعد عنك
جميلة وقلبها بيدق پعنف احم اانا معاك يا سيف ومش هسيبك المهم انك انت اللي لما تلاقي مامتك متسيبنيش
سيف بثقة لا خالص انا اصلا هاخدك معايا ومش هسيبك ابدا وهقول لماما اني عايز اعيش معاكي علطول
جميلة بتهرب الوقت اتأخر يلا قوم نام بقي وانا كمان هنام عشان عندي شغل الصبح
سيف بتلقائية انا عاوز اروح معاكي الشغل والنبي يا جميلة وافقي والله هبقي شاطر ومش هتشاقي خالص
جميلة وهي بتضيق عنيها متأكد

—

من كلامك ده اصل انا مش مصدقاك
سيف بثقة بصي مش هتسمعي صوتي ابدا ابدا
جميلة بقلة حيلة ماشي يا سيف اما اشوف