الفصل الثامن عشر
مجموعة شركات الدرة ……………هي مجموعة شركات مالكها
شخص أمريكي مصري ………….محمود الحويني
………..الشاب الذي قدم لإيطاليا منذ سنوات لا يملك قوت يومه
ولكنه الآن …………….الباشا …………….إستطاع يحيى بعد
سنوات قليلة من العمل مع الباشا أن يصبح ذراعة الأيمن وبذكاءه
المعهود إستطاع تطوير تجارتهم والشركات الصغيرة التي كان
يمتلكها محمود كواجهة من أجل غسيل الأموال ليتم بناء هذا
الكيان والصرح العظيم ……………فمن أصل 10 شركات في
المجموعة كانت شركتان فقط هم الشركات الحقيقية والباقي
واجهة لغسيل أموال تجارتهم الغير مشروعة التي تطورت أيضاً
على يد يحيى حيث بدأ نشاط كبير خاص بتجارة السلاح ………
كانت صوفيا تجلس بمكتبها عندما دخل يحيى مسرعاً
يحيى : الباشا جوه صح
صوفيا : اممممم بس بيتحدث في الفون ……..قالتها بدلال شديد
وهي تنظر نحوه
تابع يحيى وهو يتجه نحو مكتب الباشا دون أن ينظر نحوها :
عارف …………متدخليش علينا حد
تابعته بنظراتها ثم قالت لنفسها وهي تبتسم بسخرية : مو سهل
يحيى ……………مو سهل أبداً
على الرغم من حقدها عليه إلا أن جوليا كانت لا تخفي إعجابها
بهذا الشيطان الوسيم ………مصري أسمر قوي الملامح إستطاع
بذكاءه أن يصبح شريك بعدد لا بأس به من الأسهم في تلك
المجموعة …………….لم يهتم يوماً بجمالها وهي الشقراء ذات
الدلال …………..هي إبنة لأب لبناني وأم إيطالية
…………تعمل مع الباشا منذ زمن وقبل أن يظهر يحيى في
الصورة وهاهو يتخطاها ويتخطى باسم والجميع ويستولي
بالتدريج على العجوز .
نظر الباشا بإهتمام للاوراق أمامه ………..كان محمود رجلاً
تعدى السبعين من العمر ………..يتميز بشارب كثيف ونظارة
سميكة وملامح صارمة ……………إستطاع يحيى في وقت قليل
كسب ثقته التي كان نادراً ما يعطيها لأحد ………….أعجب
محمود بهذا المصري الفائق الذكاء ………….تذكر شبابه وتذكر
أيضاً ما كان يؤرقه طوال عمره ……….قال ليحيى بعد ان ألقى
على الأوراق نظرةً فاحصة
الباشا : كده تمام قوي بس حتسافر السودان تاني
يحيى : ماينفعش باولو يروح
الباشا : بتهرج يا يحيى هو من إمتى باولو بيسد في العمليات
التقيلة دي
يحيى : عندك حق
الباشا : سلمى برده
صمت يحيى ………….فقط أومأ رأسه بالإيجاب
تابع الباشا : ركز في شغلك بقه ………….الستات دول ما
بيطمرش فيهم
قال ذلك وهو ينظر نحو الصورة على مكتبه ………….طفل
صغير …….لم يتعدى عمره عدة أشهر ………تلك الصورة التي
لا يعرف أحد سرها حتى الآن ……………
كانت سلمى تجلس مع صديقتها ماريا بأحد المقاهي عندما
أخرجت من حقيبتها بعض الحبوب المسكنة لتبتلع قرصين
………
ماريا : سلمى ……….علاج ده
سلمى : على فكرة يا ماريا …………..أنا قربت أنسى إنك
إيطاليان
ماريا : هههههههههههههه أنا أحب كلام مصري ………..أحب
مصر
سلمى : ومصر بتحبك يا ماريا ………ضحكت بعدها سلمى بقوة
نظرت لها ماريا بخبث وهي تقول : دوا يخلي سلمى مبسوط
سلمى : لا لا دماغك راحت فين ده مسكن للصداع
ماريا : وليه عندك صداع سلمى مش نمتي كويس
سلمى : أنا الطبيعي بتاعي مش نمتي كويس
ماريا : اممممممم يحيى زوج مصري يحبك كتير
سلمى : إنتي فهمتي إيه طيب إتبطي وأقعدي ساكته بقه
ماريا : مش فاهم تقولي إيه
سلمى : ههههه اه ماخدتيهاش دي ………..سيبك فين فيكي
ماريا : فيكي عنده مشكلة مع بوي فريند …………
سلمى : اه ده الطبيعي ………………….أنا حاخد كابوتشينو
فيكي : اوكيه ………….
شردت سلمى بعدها قليلاً …………..كانت فعلاً تعاني من قلة
النوم ……………..قلق …………..أرق ……………أحلام
………….هواجس…………….عيون خضراء لامعة تطاردها
في أحلامها هي لرجل ……………..بل طفلة ………….تلك
العيون التي تنظر نحوها ضاحكة ……………هل هي هواجس أم
ماضي مدفون داخل عقلها التالف
وصلت مريم للنادي في الموعد المحدد …………..منذ سنوات
عندما قرر عمها أمجد عمل عضوية لها ولأمها ام تخطو قدمها
المكان والآن وجدث سبباً لكي تأتي ………..توجهت بثقة نحو
أحد المباني لتجد فتاة حسناء تجلس بمكتب الإستقبال
مريم : مساء الخير
الفتاة : مساء النور يا فندم
مريم : أنا كنت إتصلت علشان أسئل عن تدريب الرماية
الفتاة : اه حضرتك دي ورقة فيها الأسعار وكابتن معتز جوه
حيجاوب على كل أسئلتك
مريم : متشكرة ………………تصفحت مريم الورقة سريعاً ثم
دخلت لغرفة اخرى فوجدت شاباً يبدو في العقد الثالث من العمر
……….. له مظهر جذاب ……….عريض المنكبين
…………بمجرد رؤيته تشعر أنك أمام شاب قوي …………لفتت
مريم أنظاره بمجرد دخولها للغرفة فهي نوع لم يعتاده من الفتيات
…………فتاة جميلة تختفي خلف مظهر رجولي !!!! إتجهت له
مريم بثقة وقالت : حضرتك أستاذ معتز
معتز بإبتسامة : أيوه أنا
مريم : أنا كنت عايزة أستفسر عن تدريب الرماية الورقة هنا فيها
الأسعار بس كنت عايزة أعرف المواعيد
معتز : امممم إتعاملتي مع سلاح قبل كده
مريم : لأ أنا معرفش حاجة عن الأسلحة خالص
نظر لها بسخرية وتابع بنفس الإبتسامة : وإنتي بقة عايزة
تتعلمي رماية ليه ………حتصطادي بط
شعرت بالغضب من طريقته في الحديث تابعت بثقة وبملامح جادة
: أنا عايزة أقدم على رخصة سلاح ونصحوني قبل ده أتعلم
التعامل مع السلاح إزاي
معتز وقد بدت نبرته أكثر جدية : فعلا لازم قبل التعامل مع السلاح
نتعلم لإنه ممكن في لحظة يتحول لسلاح ضدك …………بس
موضوع الرخصة ده مش سهل خالص …………….
مريم : ساعتها يبقى يحلها ألف حلال
معتز : عموما يا آنسة …………..مش آنسة برده
مريم بضجر : اه
معتز : إحنا عندنا مواعيد حد وتلات وخميس وسبت واتنين
وأربع وفي ناس بتحب تيجي يومين بس وطبعا وفي الصبح وفي
بعد الظهر
مريم : بعد الظهر أنسب علشان شغلي …………طيب هو
حضرتك اللي بتدرب ولا في حد تاني
إبتسم وقد فهم مقصدها ثم تابع : في كابتن فوزي معايا
……..هو بيشتغل حد وتلات وخميس وأنا سبت وإثنين وأربع
مريم : متشكرة
معتز : لو أوكيه تنزلي الخزنة تدفعي الأول تحت وبعدين تطلعي
لمنة في الريسبشن تظبطي معاها المواعيد
مريم : خلاص متشكرة يا فندم عنئذنك
معتز : بس على فكرة نصيحة إتدربي معايا أنا
مريم : ليه بقه
معتز : أصل كابتن فوزي سنه كبر وبيزهق بسرعة
مريم : اممممممممم هو مش عيب تقول كده على زميلك ولا إيه
ضحك معتز لجرءتها في الحديث
خرجت مريم وعندها خرج معتز مسرعاً لمنة التي رمقته بغيظ ثم
إبتسمت وقالت : إرحم شبابك
معتز : بصي هي حتيجي تطلب منك مواعيد حد وتلات وخميس
منة : أيوه ماشي معاك فين المشكلة
معتز : لأ هي فاكرة المواعيد دي مع كابتن فوزي إنتي بقه
تسكتي خالص سيبيها فاكرة كده
منة : يا سلام …………ولما تعملي مشكلة
معتز : متخافيش أنا حاتصرف …………..يلا بقه خليكي جدعة
علشان أجيبلك العريس اللى وعدتك بيه
منة : وحتوفي بوعدك المرة دي
معتز : متخافيش بصي في الآخر لو فشلنا وملقيناش حد يرضى
يتجوزك حاتجوزك أنا
منة : كده أنا محدش يرضى يتجوزني
معتز : يا منة بهظر معاك يا جميل إنتي بس فكي عقدة السبانيش
شوية رابطاها جامد…………. حتى تعملك صداع
تركها معتز تتحسس رأسها وظل يتابع مريم بنظراته …….التي
بالفعل حجزت مواعيد مثلما توقع وخرجت على الفور .
في الصباح كانت مريم تجلس بمكتبها عندما نبهتها السكرتيرة
بقدوم زائر ………..
السكرتيرة : في واحد عايز حضرتك يا بشمهندسة
مريم : إسمه إيه
السكرتيرة : بيقول إسمه المهندس أحمد
مريم : اممممم مين ده ……….طيب دخليه
كانت مريم منشغلة بأوراقها عندما دخل إلي المكتب
…………..ظهرت على ملامحها الضجر بمجرد رؤيته ثم قالت :
اه ……………عايز إيه يا أحمد
