بيجي الليل وبيكون الكل متجمع على سفرة العشا
سميح: متجمعناش على السفرة دى بقالنا 10 سنين من ساعه ما سافرت يا يامن
يامن: ربنا ما يحرمنا من اللمة دي تاني يا جدي
سامر: ما انت لو تتهد وتبطل سفر انت وخالد مش هنتحرم من اللمه دي
يامن وخالد بيوه
خالد: بس ياض اسكت
سامر بيبص ل ريم اللى كانت قاعده بتضحك فى سرها: بيحترموني اوووي
ريم بضحك: وااااضح
خالد: زينه انتي بتشتغلي فين دلوقتي
زينة: مهندسة كمبيوتر مع تسنيم في نفس الشركه
منة: وانا كمان معاهم
مش بيهتم خالد ليها وبيكلم زينه: انا جيت وناوي افتح مصنع هنا و محتاج مهندسه كومبيوتر
تسنيم: مستر خالد نحن هنااااااااا…. انا ومنه شغالين نفس الشغلانة برضو
خالد بإحراج: احم… مش قصدي ما انا عايزكم انتوا التلاته
سامر: وهتجيب مرتبات للتلاته منين انت فاكر نفسك مليونير
خالد: سامر اخرص عشان هزعلك
سامر بيبص ل ريم: مش قولتلك بيحترموني
بيضحكوا كلهم
بعد وقت بيخلصوا اكل والبنات بيشيلوا الاكل
سامر بياخد الاطباق من ريم: هات عنك يا جميل
ريم بإحراج: لا سيبهم
سامر: والله ما تحصل
بياخد منها الاطباق و بيمشي خطوتين وبيتكعبل و بيوقع الاطباق كلها في الارض
تسنيم: نهار ابيض يا سامر الاطباق اتكسرت
سامر: متقلقيش انا كويس محصليش حاجه
تسنيم بته على ضهره : ما تولع انت انا فى الاطباق اللي اتكسرت دى
بتوطي تسنيم تلم اللى اتكسر و بتجرح ايديها
يامن بيشدها: بس سبيهم…. سامر لم اللى هببته دا
تسنيم: لا انا هلمه
بيسحبها يامن من دراعها و بيغسلها ايديها بالماية
تسنيم: يامن بس
مش بيرد عليها وهى بتزقه بعيد
تسنيم:انا مش صغيرة هغسلها انا عادي
يامن:الجرح لازم يتعقم و يتربط بحاجه
بيقف يامن وراها و بيحط ايديها تحت الماية بتضايق تسنيم من قربه وبترفع راسها و بتشوف انعكاسهم في المرايا
يامن: لايقين على بعض صح
بتزقه تسنيم بس هو بيكون مكتفها بإيده
يامن: كنت ناوي ارجعلك مكنتش ناسيكي
بتزقه تسنيم وبتنجح انها تبعد عنه
تسنيم: كدااااب… لو كنت عايز ترجع كنت رجعت من زمان
بتسيبه تسنيم ومش بتديله فرصة يرد
————
نــــــــــــــــــــــــــــيــــــــــــــــــــــرة وائـــــــــــــــــــــــــل
بيعدي وقت والشباب بيقعدوا كلهم في الجنينه
سامر: جماعه نلعب كوتشينه و لا نعمل ايه فكروا معايا
زينه: نلعب الشايب
تسنيم: انا موافقه
خالد: وانا كمان
سامر بيبص ل ريم: ايه رأيك يا ريم
ريم بإحراج: ماشي
خالد: بطل محن يا سامر
سامر: يبني كل مرة بتضيع البرستيچ ينفع كدا
بتوزع تسنيم الورق وبيجي الشايب من نصيب زينة
سامر: مش معايا
تسنيم: ولا انا
يامن: مش معايا برضو
خالد: ولا انا
منه: حتى انا
ريم: زينه هو معاكي
زينة: طب والله حرام كده
بيضحكوا كلهم وبيبدوأ يلعبوا بياخد خالد الشايب من زينة وبيبقى من نصيب منة في الاخر
منه: جماعه انتوا بتهزروا صح
خالد: انتى اللي سحبتيه اعملك ايه
زينه: يلا بقى كل واحد يحكم عليها حكم
سامر: ايه رأيك تغني
منه: لااالاااا
خالد بضحك: زمان صوتها نشاذ
زينة: انا بقول حفاظاً على حاسه السمع بلاش منه تغني
بيضحكوا كلهم ومنه بتتحرج
سامر: يلا يا منه غني غني
خالد: طيب انا هقوم اعمل مكالمه عبال ما تخلصوا
بتغني منه وبيكون صوتها جميل جداً وبيوقف خالد لما بيسمع صوتها : ” وبحبڪ والله والله والله بحبڪ… قد اللي فات من عمري بحبڪ وقد اللى جااي من عمري بحبڪ… قد اللي فات من عمري بحبڪ وقد اللى جااي من عمري بحبڪ.. وبحبڪ♡”
” فلاش بااااك من 4 سنين”
بيكون خالد ومنه قاعدين في جنينه البيت
خالد: منة بقالك خمس دقايق عماله تقولى انا… امممم… انا
منة بإحراج:ا.. اناا
خالد: تاني يا منة انااا… ما تتكلمي وتقولي في ايه
منة: خلاص انسى… مفيش حاجه
خالد: هو ايه اللي انسى مفيش حاجه
منة: خلاص والله انسى
خالد: انتى هبلة ولا انتي اللي كدا
بتبص منه في الارض بحزن
خالد بضحك: انا بهزر انتي زعلتي ليه
منه: خالد انا بحبك
خالد: اه عارف
منة بدهشة: بجد
خالد: ايوه عارف انا الاسطوانه دى… خالد انا بحبك اوى والله وبعتبرك اخويا الكبير وعارفه انك مش هترفضلي طلبي ممكن تخلي تسنيم تخرج معايا النهارده وهنيجي بدري والله… عارفها انا الاسطوانه دى زينة وريم بيعملوها علطول
منة بتتجمع الدموع في عيونها وبتتكلم: ايوه صح… ممكن تخليها تخرج معايا
خالد: زينة جايه معاكم
منة: لأ
خالد: يبقى مفيش خروج… انا مش بآمن ان تسنيم تخرج لوحدها
منة بتحاول تتماسك : ليه
خالد: زينة متربية مع تسنيم و مع بعض دايما ف هتخرجوا خدوا زينة معاكم
منة: حاضر
بتمشي منة وهى بتعيط
منة بعياط : مش بيحبني…هو عارف إني بحبه لو كان بيحبني زي زينة ما قالت كان قال
باااااااااااااااك
نــــــــــــــــــــــــــــيــــــــــــــــــــــرة وائــــــــــــــــــــــــــــــل
بيصقفوا كلهم لمنة
سامر بيصفر: برافووووووووووو
تسنيم: منة انا اول مرة اعرف ان صوتك حلو كدا
بتبتسم منه
سامر: غني تاني يا منه
منة: لا كفاية كدا
بيجي سميح وبينده سامر
سامر: جماعه هكلم جدي انا جاي محدش يلعب من غيري
بيقوم خالد يقف بعيد وبينادي على زينة
خالد: زينة تعالي ثانية
زينة: حاضر
بتروحله زينة وبيقفوا تحت شجرة
زينة: اييه يا خالد
بيطلع خالد سلسلة من جيبه
خالد بابتسامة: ايه رأيك
زينة: جميلة اوي لمين دي
خالد: ليكي
زينة: ليا انا
خالد بابتسامة: ممكن البسهالك
بتبتسم منه وبتهز راسها ب”ايوة”
بيلبسها خالد السلسلة و بتكون منة شايفاهم
خالد: بحبك يا زينة
زينة بتوتر: ايييه
خالد: بحبك ومحبتش قدك من لما كنتي عيلة بضفاير
زينة: و أنا كمان بحبك
خالد بفرحه : ايييه انتى بتتكلمي بجد
زينه بتبتسم وبتهز راسها بإحراج
خالد: قوليها تاني ونبي… حد يقرصني انا اكيد بحلم
زينة بتضحك
خالد: قوليها كمان مرة عشان خاطري
زينه: بحبك
خالد بصوت عالي: يجدعااااااان قالت بتحبني
زينة بته في كتفه: بس يا خالد
بينادى عليه يامن: مبروووووك يا خالد نبقى نعمل الفرح سوا بقاااا
بتكون منة قاعده و بتحاول تبان هادية بس دموعها بتخونها وبتعيط
بتمسك ريم ايديها : منة اهدي
منة: ا… انا… انا ماشية
بتاخد شنطتها وبتطلع تجري على برا
خالد: انا رايح اقول لجدي
زينة: رايح فين تعالى هنا
خالد بيدخل يجري على جوا و بيروح لجده بيسمع سامر وسميح بيتكلموا
سميح: بقالي 5 شهور بكلمك عشان تيجي يا سامر وانت مكنتش بترد حتى
سامر: يا جدي صدقني مكنتش قادر اجي… كنت عايزني ابص في وشك انت وتسنيم وعمي سليمان ازاي بعد اللي حصل
سميح: اللي حصل انت ملكش ذنب فيه
سامر: ذنبي ان حسين يبقى ابويا
سميح: حسين هو اللي غلط مش انت … وانا اقسم بالله لو اعرف مكانه هه بإيدي على اللي عمله في حفيدتي
بيدخل خالد المكتب: عمل ايه يا جدي
نــــــــــــــــــــــــــــيــــــــــــــــــــــرة وائــــــــــــــــــــــــــــــــل
————
بتطلع ريم تجري ورا منة
ريم: منة اهدي… استنى يا منة
مش بترد منة عليها وبتفضل تجري وهي بتعيط وبتعدي الطريق
ريم بصريخ :حااااااااااسبي
فجأة بتخبطها عربيه و بتجري عليها ريم
ريم: منة… لاااا…. منة فوقي
بيتلم النااس وبينزل اللى خبطها من العربيه
ريم اول ما بتشوفه بتبصله بصدمه
ريم: انت
و……….
يُتبع ..
الحلقة الخامسة
ريم بصريخ: حااااااااسبي
بتخبطها عربيه و بتجري عليها ريم
ريم: منة… لاااا…. منة فوقي
بيتلم النااس وبينزل اللى خبطها من العربيه
ريم اول ما بتشوفه بتبصله بصدمه
ريم: انت
بيبصلها: ريم
ريم بتبص على منه اللى بيكون مغمى عليها وراسها بتنزف
ريم بعياط: مازن انت عملت اييييه
مازن بيشيل منة وبيدخلها العربية
مازن: يلا اركبي نوديها المستشفى
بتركب ريم جمب منة وهي بتعيط
ريم بعياط: منة فوقي عشان خاطري
مازن: متقلقيش هتبقى كويسه
————-
خالد: حسين عمل ايه يا جدي
سميح: خالد… انت هنا من امتى
خالد: انتوا مخبين عليا ايه تاني
سامر: مفيش حاجه يا خالد
خالد: انا عايز اعرف دلوقتي ايه اللي حصل في غيابي
بتدخل تسنيم وهى بتعيط: منة عملت حادثه وفي المستشفى
————-
في المستشفى
بتكون منه في العمليات و ريم قاعده بتعيط
مازن بيطبطب على كتفها : اهدي يا ريم هتكون كويسة انشاء الله
ريم بتبص على ايده بعصبيه بيبعد عنها و بيتكلم: احم… ريم انا اسف بس هى اللى ظهرت فجأة قدام العربية انا مش غلطان
ريم بعصبية: عمرك ما بتعترف انك غلطان… دايما شايف نفسك ملاك مش بتغلط عمرك ما هتتغير يا مازن
مازن: لازم تطلعيني انا الغلطان في الآخر زي كل مرة
ريم: امشي من هنا يا مازن
مازن: مش همشي غير لما اتطمن على البنت اللي جوه دي
بيجي تسنيم ويامن وخالد وزينه وسامر
تسنيم: ريم…. ايه اللي حصل منة فين
ريم بت تسنيم وهي بتعيط: في العمليات يا تسنيم
زينة: اهدي يا ريم هتبقى كويسه انشاء الله
بتبصلها ريم بعصبية ومش بترد عليها
زينة: في ايه يا ريم
خالد: فين اللى خبطها يجماعه
مازن ببرود : اناا
خالد بتهديد وعصبية : اقسم بالله لو حصلها حاجه مش هرحمك
مازن بيرد ببرود: انشاء الله هتقوم بالسلامه وعلفكرة انا مش غلطان هي اللى كانت بتجري وظهرت فجأة قدامي
بيتعصب خالد وبيمسكه من ياقه قميصه: انت واحد قليل الادب وعايز تتربي
بيبعده يامن وسامر عنه بالعافية
يامن: بس يا خالد اسكت احنا في المستشفى
خالد: انت مش شايفه بيتكلم ازاي
يامن: اهدى يا خالد سيبه
بتطلع ممرضة من اوضة العمليات
الممرضه: محتاجين دم بسرعه
ريم: فصيلة دمها ايه
الممرضة:
خالد: انا زيها خدوا مني
مازن: وانا كمان
الممرضه: كويس خالص تعالوا معايا يلا
بعد وقت بتخلص العمليه وبتطلع منة و بتتنقل العناية
مازن: اظن كدا اقدر امشي بعد ما اطمنا عليها
ريم: غور في داهية
مازن: متشكر يا بنت الناس
نــــــــــــــــــــــــــــيــــــــــــــــــــــرة وائــــــــــــــــــــــــــــــــــل
سامر بعصبية: في ايه يا جدع انت ما تحترم نفسك
مازن: انا محترم غصبن عنك… بعدين انا ساكت لكم من بدري عشان كنت بقول متوترين
ريم: عمرك ما هتتغير يا مازن… هتفضل زبالة دايما
بيبصولها كلهم باستغراب انها تعرفه
سامر: انتي تعرفيه؟
ريم: للاسف
مازن ببرود : طيب انا ماشي… باي يا روماا
سامر: مين دا يا ريم
مش بترد ريم عليه
بيتعصب سامر وبيمشي
تسنيم: ريم هو دا مازن
بتهز ريم راسها ب”ايوه”
بتاخدها تسنيم في ها
——–
بيعدي يومين بتكون منة خرجت من المستشفى
يامن: تسنيم
تسنيم: نعم
يامن: انا كنت مكلم سمسار على شقه وجابلي 3 شقق والمفروض اروح النهارده اختار
تسنيم: ربنا معاك
يامن: طيب تعالي معايا
تسنيم: اجي اعمل ايه
يامن: هي دي مش هتكون شقتك برضو المفروض تختاريها معايا
تسنيم: يامن احنا بنمثل قدام النااس وبس ودلوقتي مفيش حد موجود ف ملوش لزوم اللي انت بتعمله دا
يامن : تصدقي انا غلطان
تسنيم مش بترد
يامن: تمام يا تسنيم براحتك
بيجي خالد: ايه يا جماعة مالكم
يامن:مفيش حاجه انا ماشي
خالد: خد بس تعالى هنا رايح فين
يامن: رايح اتفرج على الشقق
خالد: طيب ما تاخد تسنيم معاك
يامن: قولتلها مرضتش
خالد: ليه يا تسنيم
تسنيم: انا… انا تعبانه مش قادره اروح
خالد: تعبانه ايه ما انتي زي القردة اهو قومي البسي وروحي مع جوزك يلا
تسنيم: يا خالد اسكت
بيضر’بها على قفاها خالد: ايه يا خالد اسكت دي
تسنيم: يا خالد بقاااااااا
ببضر’بها تاني وبيضحك
تسنيم بتخبط برجليها في الارض زي الاطفال : والله هروح اقول لجدو
يامن وخالد بيضحكوا على شكلها
خالد: يلا يابت اخلصي روحي البسي بطلي دلع .
تسنيم: طب مش رايحة يلا بقا
خالد: اخلصي انتى مفكيش كمان قفا بقيتي عامله زي الهيكل العظمي
تسنيم: وكمان بتتنمر عليا
خالد: اطلعي البسي احسنلك
تسنيم بتمشي وبتتكلم :حسبي الله ربنا على الظالم والمفتري
خالد: يلا يا بت بطلي برطمة
يامن بضحك: طب والله جدع
خالد: يامن انتوا مخبين عليا حاجه
يامن: مخبين ايه بس يا خالد في ايه
خالد: انا مش اهبل بطلوا تستغفلوني… علاقتك انت وتسنيم مش طبيعيه و جدي وسامر كانوا بيتكلموا عن حاجه ليها علاقه بحسين جوز امك يوم حادثه منة
يامن: حاجه ايه… انت بتقول يا خالد
خالد: محدش راضي يريحني في البيت دا ويعرفني في ايه
يامن: علفكره مفيش حاجه انت مكبر الموضوع
بتيجي تسنيم: انا خلصت
بيبصلها يامن وبيسرح فيها
كانت لابسة بنطلون وايد ليج اسود و قميص بيبي بلو رقيق جداً و رابطة شعرها على ورا
بيقرب منها يامن وبيفك شعرها: كدا اجمل
خالد بيشده من قفاه: حيلك يبابا انت بتعمل ايه
يامن: ايه يبني دي مراتي
خالد: مش قدامي يجدع بعدين انتوا لسه معملتوش فرح يبقى متقربش ليها
يامن: اركن على جمب ونبي باخالد
خالد: طب تصدق بقا انا هاجي معاكم ما انا مش مآمن تخرجوا لوحدكوا
تسنيم: ايوا يا خالد تعالى
نــــــــــــــــــــــــــــيــــــــــــــــــــــرة وائــــــــــــــــــــــــــــــــــــــل
يامن: ما صدقتي انتى ايوا ياخالد تعالى… هاكلك انا يعنى ولا ايه
بيضحك خالد: انت بتتحـ’ـرش بيها قدامي عايزنى اسيبكم تخرجوا لوحدكوا ازاي
يامن: يجدع والله مراتي…. مرااااااااااااتي
بيجي سميح: ايه يا ولاد صوتكم عالي ليه
يامن بيستغل الموقف عشان خالد ميجيش معاهم
يامن: عايز يجي معايا انا وتسنيم واحنا بنختار الشقة
سميح: واحد ومراته هتروح معاهم تهبب ايه يا خالد
خالد: يا جدي دااا
سميح: دا ايييه
بيسكت خالد
يامن: طب حيث كدا استأذنكم اناااا
بيشد تسنيم وبيمشي وبيطلع لسانه لخالد
خالد بيبصله بغيظ
سميح: سوق براحة يا يامن
يامن:حاضر يا جدي
———–
” في بيت ريم ”
أميرة “والدة ريم”: يلا يا ريم الغدا
ريم: مش جعانة يا ماما كلي انتي
أميرة: في ايه يا ريم حالك مش عاجبني في الاول كنت بقول قلقانه على صاحبتك بس ما منة طلعت من المستشفى وبقت كويسة في ايه مالك
ريم: مفيش حاجه يا ماما أم
أميرة: لا في… انتي من امتى بتخبي عليا يا ريم
ريم: مش بخبي والله ياماما بس مش قادرة اتكلم
أميرة: لو متكلمتيش معايا هتتكلمي مع مين يا بنتي دا احنا ملناش غير بعض
بتها ريم وبتعيط
أميرة: فيكي ايه يا حبيبتي مالك
ريم بعياط : شفته يا ماما… شفت مازن
أميرة: ايييه… شفتيه فين وازاي
ريم: هو اللي خبط منة… لسه زي ماهو اسلوبه متغيرش
أميرة: ولا هيتغير يا بنتي… اللي زي دا مش بيتغير
نــــــــــــــــــــــــــــيــــــــــــــــــــــرة وائـــــــــــــــــــل
————–
” عند سليم”
بيكون قاعد في مكتبه وموبايله بيرن
سليم: الو
مجهول: رايحين يختاروا الشقة النهارده
سليم: تمام خالص… خليهم يختاروا براحتهم
مجهول: هو انت ايه اللي في دماغك
سليم: هتعرفي في الوقت المناسب… بس انا لحد دلوقتي معرفش انتي ايه اللي في دماغك و بتعملي كدا ليه
مجهول: هتعرف في الوقت المناسب يا حضرة الظابط
سليم: وانا مستني
————
عند سامر
بيكون قاعد في شقته وبيتفرج على فيلم بيسرح في البطلة وبيتخيلها ريم
سامر: هي سحرتني ولا سحرتلي دي هو انا مالي في ايه مش عارف ابطل تفكير فيها
بيمسك موبايله وبيجيب الاكونت بتاعها
سامر: ابعتلها ادد… لالا هتقول عليا مدلوق وبجري وراها
بيحط الموبايل جمبه
سامر: بس دي وحشتني وانا قلقان عليها من يوم الحادثه
بيمسك موبايله تاني وبيبعت ادد
سامر: 5 دقايق لو مقبلتهوش هلغيه
بيفضل ماسك الفون وبيبص على الساعه بيفوت نص ساعة ومش بتقبله
سامر: يمكن تكون قافلة دلوقتي… اه اكيد قافلة
بيجيله اشعار انها قبلته بيقف على الكنبة وبيتنطط
سامر: قبلته…. قبلته
بيفتح الماسنجر وبيبعتلها”ازيك ”
بترد عليه “الحمدلله انت عامل ايه”
سامر “بخير طول ما انتي بخير”
بتعمل سين ومش بترد
سامر: احييه دى مش بترد… طيب اعمل ايه
بيبعت”انا كنت قلقان عليكي يوم الحادثة ف قولت اتطمن ”
ريم”انا بخير الحمدلله شكرا على السؤال”
سامر:” ابداً دا واجبي… هو انتي تعرفي اللى خبط منة دا منين”
ريم: “دا مازن طليقي”
بيبص سامر للرسالة و بتحتل الصدمه ملامح وشه
نــــــــــــــــــــــــــــيــــــــــــــــــــــرة وائـــــــــــــــــــــــــــــــــــــل
——————
“عند يامن وتسنيم”
تسنيم: ممكن توديني بيت منة الاول اطمن عليها
يامن: انا واخد معاد مع السمسار مش هينفع بعد ما نخلص هوديكي
تسنيم: تمام
يامن: هو انتي مش بتروحي شغلك ليه
تسنيم: اطردت من الشركة عشان مكنتش بروح
يامن: ومكنتيش بتروحي ليه
تسنيم بضيق: كان ايام الحادثة
يامن: اههه… طيب مدورتيش على شغل ليه بعدها
تسنيم: مش عايزة اطلع من البيت اصلا
يامن: مش عشان حادثه حصلتلك هتفضلي قاعدة في البيت وقافلة على نفسك لازم تتطلعي وتشوفي حياتك ومستقبلك
تسنيم بسخرية: اللي متحاوط بالنار غير اللي واقف بعيد
يامن: بس لو اللي واقف بعيد روحه في اللي متحاوط بالنار هيتعذب معاه
تسنيم: انت عايز توصل لأيه
يامن: ولا حاجه انا عايزك ترجعي لحياتك الطبيعيه مش اكتر
تسنيم ببرود: حياتي الطبيعيه هرجعلها لما اتطلق منك واتجوز سليم
يامن بيسوق بسرعة وهو متعصب
تسنيم: هدي السرعة شوية
يامن مش بيرد عليها وبيزيد اكتر
تسنيم: يامن مينفعش كدا
يامن بعصبية : انتى مش بتحبيه… انتي مش بتحبي غيري عنيكي فضحا’كي يا تسنيم
تسنيم: انا بكرهك يا يامن…. بكرهك
يامن: كدااااابة…. بصي في عنيا وقوليها
تسنيم: هدي السرعه وبص على الطريق يا يامن
يامن: بصي في عنيا وقوليها الاول
تسنيم بتصرخ : حاااااااااااااااااااااسب
يُتبع ..
الحلقة السادسة
تسنيم: حاااااااااسب يا يامن
بتكون في بنت قدامه بس بيتفادها و بيخبط بالعربيه في عمود
تسنيم بتتخبط خبطه بسيطه مش بيحصلها حاجه لڪن يامن بيتعور ودماغه بتجيب دم والناس بتتلم عليهم
يامن: سليمه مفيش حاجه يجماعه… امشوا
تسنيم بخوف: يامن انت كويس
بيحط ايده على راسه: كويس.. كويس
تسنيم بخوف: ا… انت اتعورت دماغك بتنزف بتوجعك صح
يامن بيمسك ايديها وبيحطها على قلبه: دا اللي بيوجعني
بتبعد عنه بيشدها عليه وبتبقى في ه
يامن: قولي انك محبتيش غيري…. قولي ان محدش دخل قلبك من بعدي
بتحاول تبعد وهى متعصبة بس هو بيكون مكتفها بإيده
يامن: عايزة تبعدي عني ليه… انا بحبك
تسنيم : ابعد يا يامن
يامن بيقرب منها وبيبو’سها
بتزقه و بتنجح انها تبعد عنه و بته بالقلم
يامن بيحط ايده على وشه وبيبصلها بحزن
تسنيم بتعيط : انت زباله يا يامن… مش عايزة اشوف وشك تاني
يامن بيشدها له وهى مش بتقاومه بالعكس بتشدد من ه وبتعيط.. بيبوس راسها وبيطبطب عليها
يامن: انا اسف… مكنش قصدي والله… خلينا نبدأ من جديد خلينا نكمل حياتنا مع بعض انا مش عايز حاجة من الدنيا دي غيرك… عارف إني كنت واطي ومرجعتش طول ال10 سنين اللي فاتوا ولا حتى كلمتك بس انا كنت خايف… مكنتش عايز اعلقك بيا وانا بعيد وكان في مشاكل كتير في حياتي هناك… انا مكنتش لاقي آكل بعد ما سافرت الفلوس خلصت مني و كنت شغال طول اليوم… كنت بقعد بالايام من غير آكل… حسيت اني فاشل وان ضيعت كل حاجه عشان كده مكنتش بكلمك
تسنيم بتكون كل دا في ه بتتكلم بعياط: وبعد ما اتخرجت واشتغلت ونجحت مرجعتش ليه
يامن بيغمض عينه بألم: مكنش بإيدي
تسنيم: انا كنت بأجل فرحي على امل انك ترجع… مكنتش بتفارق بالي محبتش غيرك
يامن: انا رجعت ومش هسيبك تاني… عمري ما هبعد عنك ضيعتك مرة ومش هضيعك تاني
تسنيم بتشدد من ه: متسبنيش
يامن: اموت قبل ما اعملها
تسنيم: بعد الشر عليك متقولش كده
يامن: بحبك
تسنيم: وانا كمان
يامن: هتفضلي مداريه في ي كدا كتير م ترفعي وشك وتقوليها
بترفع تسنيم وشها: بحبك
بيقرب منها يامن ولسه هيبو’سها بيخبط حد على ازاز العربية وبيكون لابس لبس شرطه
_انزلي انت وهي يالا
يامن وتسنيم بيبصوا لبعض
_انزلوا انت لسه هتندهشوا
يامن: في ايه حضرتك بتكلمنا كده ليه
_ فعل فاضح في الطريق العام يحلو انت وهي… انزلوا يلا
ايه النحس ده طيب😂
تسنيم بتبص ليامن: يعني ايه
يامن: دا بوليس الاداب
بتبصله تسنيم بصدمه
يامن بيضحك: متخافيش تعالي انزلي
بينزلوا هما الاتنين وبيقفوا قدام الظابط
يامن: حضرتك دي مراتي
الظابط: اثبتلي
يامن: احنا لسه كاتبين الكتاب من كام يوم القسيمه لسه مطلعتش
الظابط: يبقى قدامي على البوكس انت وهي
يامن: طيب انا ممكن اتصل بحد من اهلنا دلوقتي يجي
الظابط: في القسم بقا ابقى اتصل براحتك
تسنيم بتبص ليامن: ايييه
يامن: نركب البوكس بكرامتنا يلا
تسنيم: يامن اعمل حاجه
يامن بيضحك: دي حكو’مه مقدرش اعمل حاجه
بيركبوا البوكس هما الاتنين
—————
عند سامر
بيكون قاعد مصدوم وبيبص على الرساله اللي بعتتها ريم “ايوا مازن طليقي”
بتبعتله ريم رساله: “رحت فين؟ ”
سامر: هو انتي كنتي متجوزة
ريم: ايوه
سامر: وبعدين
ريم: اتطلقنا بعدها بسنة… كن عندي 20 سنة وقتها
سامر: دلوقتي عندك 24 صح
ريم: ايوا
سامر: لسه بتحبيه
ريم: مش بكره قده
سامر: تتجوزيني
بتشوف المسدج ومش بترد
ريم لنفسها: انا حكتله عشان يبعد بس دا… دا بيعرض عليا الجواز
بتقفل الموبايل وبتبص لنفسها في المرايه وبتتكلم
ريم: اوعي تصدقيه.. كلهم زي بعض بعدين دا عازب هيقبل بمطلقه ازاي… اكيد كداب
بتدخل مامتها الاوضة
اميرة: مالك ياريم قاعده كده ليه
سامر بيرن على المسنجر
اميرة: ردي على موبايلك
ريم: لا
اميرة: في ايه يا ريم
ريم بتكنسل على سامر: مفيش حاجه ياماما
بيرن موبايلها تاني
اميرة بشك : ما تردي ياريم في ايه
مش بترد وبتاخد منها اميرة الفون وبتفتح
سامر: ردي عليا ياريم موافقه تتجوزيني
اميرة: انت مين يبني
سامر: ايه دا مين معايا
اميرة: انا والدة ريم
سامر: والله طيب كويس خالص بصي بقا يا حماتي انا عايز اتجوز بنتك
اميرة: انت مين… مين دا ياريم
ريم: د… دا… دا
سامر: سيبك من ريم دلوقتي لانها تقريبا مصدومه.. هقولك انا مين
اميرة: قول
سامر: انا سامر حسين متولي مهندس مدني.. عندي شقه اربع اوض وصاله وحمام ومطبخ … عندي 28 سنة و كمان قريب تسنيم ومتربين سوا…. ها قولتي ايه يا حماتي
اميرة: طيب اديني وقت وهرد عليك
سامر: بصي انا بلبس وجاي دلوقتي اديني العنوان كده
اميرة: تيجي فين بس
سامر: هاجي اتقدم
اميرة: طيب مستعجل على ايه
سامر: عشان بحبها
اميرة: بس..
سامر: يلا بقى ونبي مليني العنوان
بتتنط ريم وبتشاور لامها ب “لا”
سامر: ملكيش دعوه بريم اللي زمانها بتقول لا دي واديني العنوان يا حماتي
اميرة: طيب هتجيب مين معاك
سامر: انا معنديش اب وام بس عندي عمي سليمان ابو تسنيم وجدي سميح وخالد ويامن… انا هاجي دلوقتي لوحدي وساعه الاتفاق هجيبهم
اميرة: طيب العنوان****و هتيجي تقابل خالها لان هي باباها متوفي
سامر: شكرا شكرا شكرا… 5 دقايق وهتلاقيني عندك
بتقفل المكالمه وريم بتبصلها بعصبيه
ريم: ليه كده يا ماما
اميرة: الواد شكله بيحبك.. دا حتى معطنيش فرصه اقوله انك مطلقة شفتيه كان بيتكلم ازاي
ريم بحزن : هو عارف اني مطلقه ياماما
اميرة: هو عازب؟
ريم: ايواا
اميرة: وكان ملهوف وهو بيتكلم كدا… الواد دا شكله بيحبك اوي
ريم: بس انا مش بحبه
اميرة: مش دا سامر اللي بتكتبي عنه في مذكراتك بقالك سنه
ريم: مامااااااا… انتي بتقري مذاكراتي
اميرة: احم…. لاااا ماهووو
ريم: ماهووو ايه يا ماما… انتى بتتجسسي عليا
اميرة: عيب يبت احترمي نفسك
ريم:يا ماما فين خصوصيتي
اميرة: خلاص بقا يا ريم كنت عايزة اطمن عليكي
بتخبط ريم راسها بكف ايديها: صبرني ياااارب
——————
“عند خالد”
بيرن على زينه
خالد: قلبي يا قلبي
زينه: قلب قلبك
خالد: ااههه قلبي الصغير لا يحتمل والله
زينة بتضحك
خالد: لالالا… كدا كتير
زينه: بس بقا بطل محن
خالد: دبش بس بحبك برضو
زينه: انا دبش يا خالد
خالد: تؤتؤ انتى قلبي
زينه: لا والله
خالد: اه والله… انتى قلبى وروحي وعقلي وكل حاجه
زينه بضحك : بس بقا عشان بتكسف
خالد: لا وش كسوف البت
زينه: خالد اتلم
خالد: احم طيب انا رايح النهارده اشوف المصنع اللي هشتريه وكنت عايزك تكوني معايا
زينه: معلش مش هعرف اجي النهارده
خالد: ليه طيب
زينه: كنت في الشغل من الصبح ومش قادره هموت وانام
خالد: طيب ياقلبي ارتاحي انتى دلوقتى ونروح بكرا
زينه: لا لا روح انت
خالد: لا مش هروح غير معاكي.. انا عايز ابتدي معاكي كل حاجه ونبني مستقبلنا سوا
زينه: قلبي يانااااس
خالد: والله انتي اللي قلبي
بيرن يامن على خالد
خالد :طيب ياقلبي انا هقفل دلوقتي عشان يامن بيرن هشوفه عايز واكلمك
زينه: تمام
خالد: الو
يامن: ايوا يا خالد…بقولك ايه هات بطاقتك وتعالي قسم***
خالد: قسم؟….ليه ايه اللي حصل
يامن:هشرحلك بعدين تعالى الاول بس
خالد:طيب انتوا كويسين…حد جراله حاجه
يامن:احنا كويسين متقلقش تعالى بسرعه بس
خالد: طيب ربع ساعه وهكون عندك
——————
“في بيت سليم”
بيكون نايم على السرير و ماسك الموبايل بيتفرج على صور خطوبته هو و تسنيم و باب اوضته بيخبط
سليم بعصبية: قولت مش طافح
بيدخل ابوه: ومش طافح ليه انشاء الله
سليم: احم… بابا اسف مكنتش اعرف انه انت
بليغ”والد سليم”: مالك يا سليم في ايه
سليم: مفيش حاجه
بليغ: عرفت انك واخده اجازة يا حضرة الظابط ممكن اعرف ليه
سليم: محتاج اريح شويه
بليغ: ترتاح من ايه
سليم: تعبان يا بابا ومحتاج ارتاح شويه
بليغ: انت عرفت انها اتجوزت صح
سليم: عرفت
بليغ: وهتفضل معلق نفسك بيها كدا كتير
سليم: مش متعلق ولا حاجه
بليغ: لا متعلق… وعلفكرة عيب جداً لما ست اللي تقلب حالك كدا يحضرة الظابط
سليم مش بيرد
بليغ: انت ظابط يعني المفروض تكون راجل… مش تقعد تعيطلي على واحده
سليم بيتعصب: اانت ليه مش حاسس بيا… ليه دايما مش حاسس بيا ربتنى بقسوة و عمرك ما كنت حنين عليا…. عمرك ما وقفت جمبي عمرك ما اخدتنى في ك
بليغ بسخرية: اخدك في ي ما تيجي اشيلك واطبطب عليك احسن
سليم: عمرك ما هتتغير…. طبعك القاسي دا دمرني
بليغ: بقا حته بنت تعمل فيك كده… ايه المراهقه المتأخرة دي يا حضرة الظابط
سليم: انتوا ليه مش عايزين تفهموا ان البنت دي كانت روحي… كانت الهوا اللي بتنفسه عايزني في لحظه انساها… عايزني اعيش حياتى كدا من غيرهااا
بليغ:وانا اللي كنت فاكر انى ربيت راجل طلعت عيل تافهه بتعيط زي النسو’ان
بيسيبه سليم وبيمشي برا البيت و بيسوق عربيته بسرعه لدرجه انه كان هيعمل حادثة اكتر من مرة… بيوصل المقابر وبيقف قدام قبر امه وهو بيعيط
سليم بزعيق: انتي سبتيني ومشيتي ليه…انا كنت محتاجك ليه مشيتي
بيقعد في الارض على ركبته وهو منهار
سليم: من ساعه ما مشيتي وانا ادمرت… ملقتش حد يحن عليا من بعدك… انا تعباااااااان يا امي… والله العظيم تعبان… البنت الوحيدة اللي حبيتها كسرت قلبي ومشيت طلعت كدابه ومبتحبنيش… انا لوحدي يا امي… مليش حد… ابويا عمره م حسسني انه جمبي كان قاسي طول عمره… وحشتيني اوي يا ماما
فجأه بيجي حد بيطبطب على كتفه وهو بيتخض وبيلف ليها
سليم: انتي؟
————–
“في بيت ريم”
بيكون سامر قاعد مع والدة ريم وخالها
خال ريم: نورت يا استاذ سامر
سامر: دا نورك يا خال بس انا مهندس مش استاذ
خال ريم: نرجسي
سامر: تؤ تؤ مش كدا بس بحب لقب مهندش
خال ريم: طيب يا بشمهندس… ادخل في الموضوع يلا
سامر: انا طالب ايد ريم
خال ريم: وانت عارف انها مط..
سامر قاطعه: عااارف… عارف وميفرقش معايا انا بحبها وعايزة اتجوزها اي حاجه تانيه مش فارقة معايا
خال ريم: بس واحد عازب زيك ايه اللي يخليه يتجوز م….
سامر قاطعه للمرة التانيه:سبق و قلت لحضرتك إني بحبها و مفيش حاجه تانيه فارقه معايا
خال ريم: والله انا موافق بس الرأي في النهاية رأي ريم
بتدخل ريم الصالون: وانا مش موافقه
——————-
في قسم الشرطه
خالد: اداااااب؟؟
يامن: خالد اهدى انا هفهمك
خالد بعصبية : تفهمنى ايه… انتوا كنتوا بتعملوا ايه بالظبط
بتكون تسنيم واقفه ورا يامن مستخبيه فيه
خالد: مستخبيه وراه يختي فكراني مش هجيبك
يامن: اهدى يا خالد احنا في القسم تعالى نطلع ونتفاهم
بيطلعوا برا و تسنيم لسه مستخبيه في يامن
خالد: تسنيم لو مطلعتيش قدامى دلوقتي هجيبك من شعرك
يامن: طيب احترم ان جوزها موجود
خالد: انت تخرس خالص
يامن: شايف دماغي دي… شايف بص متعورة ازاي
خالد بيبص عليه: من ايه دا
يامن: عملنا حادثة العربيه و ساعتها تسنيم اتخبطت وكانت خايفه فتها عشان تهدا لقينا الظابط فوق دماغنا
خالد بشك: بتستهبلوا صح؟
يامن: مش شايف الدم اللي في دماغي… طيب تعالى اوريك العربيه
تسنيم: والله هو دا اللى حصل
خالد: طلعلك صوت دلوقتي يختي
تسنيم: ما عشان هو بيقول الحقيقه
خالد: بقى اخرتها اجيبك من القسم و آدااااب يا تسنيم ادااااااب
بيضحكوا كلهم
تسنيم بضحك : مع جوزي بعد اذنك.. دا سوء تفاهم بس
يامن: قولتي ايه
تسنيم: دا سوء تفاهم بس
يامن: لا اللي قبلها
تسنيم: مع جوزي
يامن: ايواااااااااااااااا بقااااااااا
خالد بيمسكه من ققفاه: عجباك الكلمه اوي
يامن: اه عجباني عندك مانع
خالد بيجري وراه وبيقعدوا يهزروا وتسنيم واقفه بتضحك عليهم فجأة بتتبدل ملامحها كلها لخوف وصدمه وبتصرخ و…….
يُتبع ..
الحلقة السابعة
سليم: انتي؟
بتبصله وبتبتسم: ايوا انا
سليم: زينة انتي بتراقبيني؟
زينة: براقبك ايه… انا كنت هنا بزور بابا
بتقعد جمبه وبتتكلم: شكلك تعبان اوي مالك
سليم: مفيش حاجه انا لازم امشي
بتمسك ايده: استنى
سليم بيبص على ايديها وهى مش بتهتم وبتتكلم: خليك شويه انا عايزة اتكلم معاك
بيشد ايده منها وبيقعد: عايزة ايه
زينة: هنعمل ايه
سليم: هنعمل ايه في ايه
زينة: في اللي اتفقنا عليه
سليم: انتي كل اللى عليكي تجبيلى معلومات عنها وبس
زينه: ايوا لحد امتى
سليم: لحد ما انا اقولك كفايه
زينة: انت ناوي تعمل ايه
سليم: مش عارف
زينة: ازاي بقا
سليم: خططت كتير و قولت هعمل حاجات كتيرة اوى بس مش قادر أذيها
زينة: بس هي أذتك وخانتك
سليم: بس مش عارف اعملها حاجه
زينه: لازم تاخد حقك
سليم: انا عايز اعرف انتي بتعملي كده ليه… دا انتى اقرب حد لتسنيم
زينه: عشان هي مؤذيه و اذتني انا كمان
سليم: مؤذيه ازاي مش فاهم
زينة: مش لازم تفهم… المهم انك لازم تاخد حقك منها وانا كمان هعمل كدا
سليم: انتي اعملي اللى عليكي بس وانا هتصرف
زينة: انا بحكيلك كل حاجه عن حياتها وكل تفصيله بتحصل بس مش شايفاك بتتحرك ولا بتعمل اي حاجه
سليم: هعمل ….. و الله لاعمل كتير اوي
———————
عند تسنيم
بتكون واقفه بتضحك و يامن وخالد بيهزروا وفجأة بتحتل الصدمه ملامح وشها وبتصرخ وبتغطي جسمها بإيديها وبتصرخ: لاااااااا لاااااااا ابعد عني
بيجري عليها يامن وخالد
خالد بخوف: في ايه… هو مين
تسنيم لسه على حالتها و بتصرخ بيها يامن: اهدي… اهدي
تسنيم بصريخ وعياط : خليييه يبعد…. ابعده عني ماتخليهوش يقرب
يامن: مفيش حد اهدى انتى معايا متخافيش
خالد: اييه اللي بيحصل انا مش فاهم حاجه
يامن: مفيش حاجه اهدى بس
بيبوس راس تسنيم: متخافيش يا عمري مفيش حد خلاص
بتعيط تسنيم جامد وفجأة بيغمى عليها… بيشلها يامن
خالد بعصبيه: ايه اللي حصلهااااا… اختى مالهااااا
يامن: وقف تاكسي بس
بيوقفوا تاكسي وبيركب يامن في الكنبه وبينيم تسنيم على رجله… و خالد بيركب قدام جمب السواق
خالد: اطلع على المستشفى
يامن: لا على البيت هي مش محتاجه مستشفى
خالد: يعني اييه… انت شايف انها ينفع تروح بحالتها دي
يامن: خالد اسمع كلامي بعدين متنساش اني دكتور
خالد: اختى هتروح المستشفى انا لازم اطمن عليها واعرف مالها
بعد وقت بيوقف السواق عند المستشفى وبينزل خالد من العربيه
يامن: اطلع ياسطا على البيت في******
السواق: طيب نادى الاستاذ اللى نزل
يامن: سيبه واطلع
بيسمع السواق كلام يامن وبيمشي وخالد بينادي عليه بس مش بيرد عليه وبيمشوا
—————-
في بيت ريم
ريم: بس انا مش موافقة
سامر: يعني ايه
ريم: كلامي واضح علفكره انا مش موافقة
خالها: عيب كده يا ريم
ريم: انا قلت اللي عندي ورأيي مش هيتغير
بتسيبهم وتمشي وبيرن موبايل سامر برقم غريب بيتجاهله
خالها: انا بعتذر عن اللى حصل ده يبني بس انت شفت هي قالت ايه
بيبعتله الرقم رسالة “رد بسرعه” وبيرن تاني
سامر: بعد اذنكم مكالمه مهمه
خالها: اتفضل يبني
بيرد سامر و ملامحه بتتبدل كلها لخوف
سامر: طيب يجماااعه انا مضطر امشى دلوقتي معلش
اميرة: مالك يبني وشك مخطوف كده ليه
سامر: خير… خير انشاء الله
خال ريم: ابقى طمنا
بيبتسمله سامر وبيتكلم بصوت عالي: ياريم…. انا مش هسيبك وهرجعلك تاني وهتوافقي… انااااا بحبك ياريم
بتكون ريم واقفه ورا الباب وسمعاه وبتضحك بعدهابتسمع الباب بيتقفل وبتعرف انه مشى فبتدخل الصالون
اميرة: ليه عملتي كده…. الواد محترم وبيحبك
ريم: ونبي اسكتي ياماما
خالها بيتكلم بعصبية: احترمي نفسي شويه… بعدين هتفضلي قاعده كده طول العمر ما صدقنا الحمل خف على امك وجوزتك و كان يدوب معاش ابوكي على قدها هي واخواتك بعد ما كانت بتسدد في ديون فرحك… وفي الاخر رجعتيلها بعد كام شهر وقهرتيها
اميرة: بس يا سعد ملوش لزوم الكلام ده
سعد: يعني ايه ملوش لزوم… هى بنتك مش عارفه الناس بتقول عليهت في الرايحه والجاية… دا الواحد بقا يحط وشه في الارض وهو ماشي من كلام الناس عليها
ريم بصريخ: بسسسسسس…. ايييييييييه كفاااااية بقاااا… هو انا عاملة عملة ولا فضحا’كم عشان تحطوا وشكم في الارض وتتدارو من الناس وكلامهم… ليه مش بتقفوا وتردوا عليهم و تدافعوا عني… المجتمع اللى احنا عايشين فيه دا مجتمع متخـ’ـلف ومفيش وراه غير الكلام… انا مطلقه مش عامله حاجه غلط تخليوا عايزين تخلصوا مني كدا و تتدارو من الناس
بتسيبهم وبتدخل اوضها مش بتدي لحد فرصه انه يرد بتقفل باب اوضتها وبتفضل تعيط
ريم بعياط: ربنا ينتقم منك يا مازن
فلاش بااااااك
بتكون ريم محضرة عشا و مزينه البيت كله بالورد ومشغله ميوزك رومانسي مستنية مازن يرجع
ريم: عايزة اشوف ردة فعله هتبقى عامله ازاى لما يعرف اني حامل
بتسمع صوت الباب بيتفتح وبتخبي اختبار الحمل ورا ضهرها و بتشغل الكاميرا عشان تسجل اللحظه دى بس بتتقلب كل حاجه لكابوس لما بتشوفه داخل و معاه بنت حاضنها و باين انهم الاتنين سكرانين
ريم بصدمه: ا… ايه داا
مازن بسكر: اييه دا… ا.. انا شكلي جيت عنوان غلط
ريم بتقرب منه وبتمسكه من قميصه: ايه القرف دا… انت بتشرب
بيزقها مازن: بس كده… غوري
ريم بتزقه و وبتت فيه: ايه اللي انت هببته دا… حرام عليك… حرام
بيها بالقلم وبتوقع وبتتخبط في بضنها
ريم بتمسك بطنها بألم : اااااااااااااااااااه
وفجأة بتلاقى نفسها بتنزف
ريم بعياااط: لا…… لااااااا ابني…. ااااااااه… الحقنى يا مازن ابننا
بيها مازن بالرجل: اخرصي بقاااا
وبياخد البنت اللى معاه وبيدخل بيها الاوضه وسط صريخ ريم وعياطها
باااااااااااااااك
بتفتكر ريم و بتحط ايدها على بطنها: انا اسفه يا حبيبي مقدرتش احميك… انا اسفه
بيخبط باب الاوضه
اميره: افتحي يا ريم….. افتحي يا حبيبتي عشان خاطري
ريم بزعيق: مش عايزة اشوف حد… سيبوني في حاااالي
————————–
“في بيت تسنيم”
بتكون نايمه على السرير و يامن قاعد جمبها وحاضنها
بيبصلها يامن وبيبعد خصلات شعرها عن وشها و بيبصلها بحزن
_انا اسف مكنتش جمبك….. لو موجود مكنتش خليت حد قربلك كنت هحميكي…. انا اسف
بيدخل خالد وهو متعصب وبيشد يامن من على السرير وبيه بوكس
خالد: ابعد عن اختى
يامن: وطي صوتك
خالد بعصبيه: انا عايز اعرف دلوقتي اختي مالها… مخبين عني ايه
يامن: اطلع برا بس ونتفاهم
بيشده خالد وبيطلعوا برا
خالد بعصبيه: اتفضل احكيلي في ايه يلا
يامن بيبص في الارض
خالد: متعصبنيش يا يامن فهمنى اختى مالها
بيجي سميح على صوتهم: انا هحكيلك اختك ماالها يا خالد
بيحكي سميح اللى حصل تحت صدمه خالد اللى كان بيعيط ومش مصدق اللى حصل لاخته
خالد: كنت عارف انه هينتقم بس مش بالطريقه دي… كنت عارف انه هيدمرنا بس مش كدا
بيدخل سليمان: هو مين دااا… انتوا بتقولوا ايه
بيقوم خالد وبيمسكه من ياقه قميصه وهو بيعيط
خالد بعصبيه : انت السبب…. بسببك كل دا حصل منك للله ربنا ينتقـ’ـم منك
———————
“في بيت منه”
بتكون نايمه على السرير ورجليها مكسورة ودماغها ملفوفه بشاش، بتدخل اختها الكبيرة رغدة
رغده: الجميل هيفضل زعلان كده لحد امتى
منه: ونبي يا رغده سيبيني لوحدي
رغدة: اسيبك لوحدك ازاي بقااا
منة: يا رغدة ونبي سيبيني مش عايزة حد
بيرن جرس الباب
رغده: هشوف مين على الباب ورجعالك
بتفتح رغدة وبتلاقيها زينه بتستقبلها وبتدخلها لمنة
زينة: عامله ايه دلوقتي طمنيني عليكي ياقلبي
منة ببرود: كويسه
زينة: الحمدلله انا كنت قلقانه عليكي اوي
مش بترد منه وزينه بتتحرج
رغدة: انا هروح اعملكم حاجه تشربوها
زينة: مفيش داعي متتعبيش نفسك
رغده: لا مفيش تعب ولا حاجه
بتمشي رغده وبيتبقى زينه ومنه لوحدهم
زينه: مالك يا منة
منة: وافقتي بيه ليه وانتي بتحبي سليم
زينه بارتباك: س… سليم مين يا منه
منة: سليم الانصاري يا زينة
زينة بعصبية : انتى بتخرفي بتقولي ايه… شكل الحادثة قصرت على عقلك
منة: اطلعي برا
زينة: انتي بتطرديني
منة: براااا يا زينه
——————————
” في مكان مهجور ”
سامر: هو انا مش قولتلك بطل تكلمنى وتتصل بيا
حسين: يامن وتسنيم شافونى النهارده
سامر: اييييه
حسين: وتقريبا خالد كمان
سامر: يعني ايه… شافوك ازاي
حسين: كنت رايح اسلم نفسي في القسم وهما كانوا واقفين هناك
سامر: و مسلمتش نفسك ليه
حسين: لما شافوني هربت بسرعه ومشيت
سامر: مش عارف اصدقك حتى
حسين: وانا هكدب عليك ليه
سامر: انا عايز افهم ان جايبني ليه دلوقتي
حسين: عشان لو موت ابقى شفتك
سامر دموعه بتخونه: انت بتعمل فينا كده ليييه
حسين: عشان انتقم واخد حقي
سامر بعصبيه: من ميييين… تنتقم من مين
حسين: من سليمان
سامر: لييييه… عملك ايه سليمان
حسين: عايزك انت ويامن الاول وخالد
سامر: انت اتجننت صح
حسين: لازم تعرفوا الحقيقه
سامر:حقيقه ايه… دا يامن وخالد لو شافوك هيخلصوا عليك
حسين: لما يعرفوا اللي عايز اقوله مش هيعملوا حاجه
سامر: انت اتجننت رسمي… البرشام لحس مخك
حسين: كلمهم خليهم يجوا هنا كلهم
يُتبع ..
الحلقة الثامنة
سامر : لو عرفوا مكانك هيـ’ـوك
حسين : وانا اللى بقولك هاتهم
سامر بعصبيه : حرام عليك حس بيا بقى… ازاي عايزني اعمل كده
حسين: لازم الكل يعرف الحقيقة حتى لو كان تمنها حياتي
سامر: حقيقة ايه… انت مخبي عني ايه عرفني
حسين بيطلع من جيبه دفتر مذكرات : الحقيقة كلها موجوده هنا
سامر: ايه دا انا مش فاهم حاجه انت بتخرف زي كل مره صح
حسين: انا ولا مرة كنت بخرف
سامر: ارحمني بقاااا انا مبقتش فاهم حاجه
حسين: اقرا من الصفحه 460 للاخر
بياخد سامر الدفتر وبيبصله بسخريه
حسين: اقرأ يلاااا
سامر: هقرأ لما نشوف اخرتها ايه
بيفتح يامن الصفحة اللى ابوه قاله عليها وبيبدأ يقرأ بعدها بلحظات بتحتل ال ملامح وشه و بيعيط
سامر بعصبيه : مستحيل…. لا… مستحيل
حسين: كمل يا سامر
سامر بيرمي الدفتر في الارض بعصبية: كدب… كل ده كدب… مستحيل
حسين: كمل الباقي
سامر بعصبية: مش هكمل حاجة… انت كداب
حسين بسخرية: وريها ليامن وهو هيعرف خط امه اكيد و ساعتها هتعرف مين الكداب الحقيقي
سامر بياخد الدفتر وبيمشي من غير ما يتكلم وبيتصل على يامن بس مش بيرد
سامر: لو الكلام ده يطلع صح انا مش هرحم حد
بيركب عربيته وبيكمل قراية المذاكرات و دموعه مغرقه وشه بيخبط بإديه على الدركسيون بعصبية
سامر بعصبية وعياط: حراااااام…. حراااااام كل ده
————————
“في بيت تسنيم ”
يامن بيبعد خالد عن سليمان
يامن: عيب يا خالد…ايه اللى بتعمله ده
خالد بعصبية: بسببه كل دا حصل…. هو السبب
سميح: ايه اللي انت بتقوله دا يا خالد
خالد بيبص لسليمان بقرف: قولهم… عرفهم انا قصدي ايه
سليمان مش بيرد وبيسبهم ويمشي
خالد: هيهرب عشان مش قادر يتكلم… تعالى هى يا سليمااااان احكيلهم… خليهم يعرفوا الحقيقة
بيمشي سليمان و خالد بيتعصب وبيكسر في البيت
يامن: اهدى يا خالد ايه اللي انت بتعمله
بيتجاهله خالد وبيفضل يكسر في كل حاجه حواليه ويامن بيحاول يهديه لحد ما بيقع في الارض وبيقعد يعيط
خالد بعياط: مقدرتش احميهاااا… مكنتش جمبها
يامن: اهدى يا خالد
خالد بعياط وقهرة : مقدرتش احمي اختى يا يامن
سميح: سليمان ايه علاقته بالموضوع يا خالد
خالد: روح اسأله
سميح بعصبية : في ايه هنا انا معرفهوش
خالد مش بيرد عليه وبيطلع اوضة تسنيم بيدخل يلاقيها نايمه بيقعد في الارض جمب سريرها وبيمسك ايديها وبيعيط
خالد بعياط: انا اسف يعمري
بيفتكر لما ته لما جاي من السفر
خالد: كنتي بتعيطي وتقوليلي انك محتجانى لما رجعت وانا كنت غبي ومش فاهم.. بس وحياتك عندي لا اجبلك حقك
—————————-
بعد مرور يومين بتكون حاله تسنيم اتحسنت و سامر مختفي محدش يعرف عنه حاجه وخالد ويامن قالبين الدنيا على سليمان
يامن: جدي….. خالد
بيردوا الاتنين عليه: ممكن استأذنكم اخد مراتي ونسافر شويه نغير جو
خالد: تسافروا لوحدكم؟
يامن: ايوه… هنسافر شرم شويه
سميح: وماله يبني خد مراتك وروحوا غيروا جو
خالد بعصبية: هو ايه دا يا جدي يعني ايه ياخدها ويسافروا
سميح : خاااااالد…. دا واحد ومراته انت مالك
خالد: ياا جدي دول لسه معملوش فرح
سميح: بس مكتوب كتابهم مت …. وبعدين انت عارف ان اختك نفسيتها تعبانه خليها تغير جو
خالد بيبص لتسنيم اللى بتكون قاعدة ساكته: عايزة تروحي معاه
تسنيم مش بترد
خالد: ردي يا بنتي عايزة تروحي
بتهز راسها ب ايوه
خالد: اطلعي جهزي شنطتك طيب
بتبصله تسنيم بفرحه: بجد
خالد: اخلصي جهزي شنتطك قبل ما اغير رأيي
بتقوم تجري ناحيه اوضتها بس بترجع تبوس خالد من خده
وبتمشي
خالد: هتسافروا امتى
يامن: النهارده بليل انشاء الله
خالد: دا انت مجهز كل حاجه بقى
يامن: احم… طيب هقوم اجهز شنطتي انا كمان
خالد :سامر مختفي بقاله يومين متعرفش حاجه عنه
يامن: لا مكلمتهوش
خالد: ممكن يكون عارف مكان ابوه
يامن: معتقدش بس حتى لو عارف مكانه مش هيسلم ابوه بإيديه
خالد: عندك حق… طيب روح يلا جهز حاجتك عشان متتاخرش
يامن: تمام
———————
” في ڪافيه ”
سليم بغيظ : مسافرين شرم لوحدهم؟
زينة: ايوه… بعدين مالك مصدوم كده ما هو جوزها
سليم بيبصلها بغيظ ومش بيرد
زينة بتمسك ايده : سليم انساها وشوف غيرها… في ناس تانيه بتحبك بجد وتستاهلك
بيشد ايده من سوسن حناكه، اقصد زينه😅😂
سليم: هو انتي جايباني لحد هنا عشان تقوليلي انها مسافرة شرم
زينة: احم… يعني قلت اشوفك ونفكر هنعمل ايه
موبايل زينة بيرن باسم خالد ومش بترد
سليم: هنفضل قاعدين كده كتير
ببرن الموبايل تاني ومش بترد برضو
سليم: ما تردي يبنتي
زينة: عادي… حد مش مهم
سليم: طيب انا همشي عشان عندي شغل
زينة: خليك شويه
سليم: بقولك عندي شغل لازم امشي
زينة: احم… طيب
بيمشي سليم وهي بتفضل قاعده وبتسرح
فلاش بااااااااااااااااك
بيكون منة وزينة قاعدين في كافتيريا الجامعة
منة: انا كتبت المحاضرة لتسنيم عشان كانت موصياني
زينة: والله كتر خيرك يا منوش. دي معاها برد هيموتها
منة: طيب ما دام عارفة انها تعبانه مكتبتيش انتى المحاضره ليه
زينة: ما انا خطي وحش بعدين البركة فيكي
منة: اه يا صحاب مصالح
بيرن موبايل زينة و اول ما بتشوف اسم سليم بترمي الموبايل
منة: في ايه
زينة بدهشة: داااا… داااا سليم
منة بتها بالاسكتش: ما تردي يا غبيه
زينة: مش عارفه اخد نفسي
منة: براحة خدي نفس و اهدى
بتعمل زينة زي ما منه قالتلها وبتمسك الفون
منة: يلا ردي
بتيجي ترد الفون بيفصل
زينة: المدة خلصت
منة: م الصبح بقولك ردي
بيرن الفون تاني و كان هيقع من ايد زينة بس بتلحقه
منة بتشجيع: يلااااا
زينة: ا… الوووو
سليم: انسه زينة ازيك
زينة: الحمدلله
سليم: اسف اني اتصلت بس انا كنت عايز اقابلك
زينة: ت… تقابلني انااااا
سليم: ايوه لو مفيش مانع يعني
زينة بتبص لمنة
منة: قولي ايوه…. يلااا
زينة: ط… طيب مفيش مانع
سليم: كويس خالص… طيب تحبي نتقابل فين
زينة: في المكان اللى يناسب حضرتك
سليم: بلاش حضرتك دي….. طيب نتقابل في كافيه***
زينة: تمام ماشي
سليم: تمام… سلام يا قمر
بيقفل سليم الخط وبتكون زينة في حالة ذهول
منة: قالك ايه
زينة: قالي يا قمر
منة: الله الله… عايز يقابلك وقالك يا قمر كدا الموضوع اتطور
زينة: تفتكري عايز يقابلني ليه
منة: ممكن يكون عايز يتقدملك
زينة بفرحة: يتقدملي اناااااااا
منة: ليه لا
بعد وقت بتكون زينة قاعدة في الكافيه ومستنية سليم
زينة لنفسها: يا ترى عايز يتقدملي بجد… يااااا حلم بعييييييييد
بيجي سليم: هو ايه اللى بعيد بتفوق من شرودها على صوتهزين
زينه بخضة : هاااا
سليم بيضحك على شكلها: مالك في ايه
زينة: انت هنا من امتى
سليم: لسه جاى
زينة بارتياح: طب الحمدلله
سليم: هو ايه
زينة:لا متخدش في بالك
سليم بضحك: طيب
زينة: ممكن اعرف حضرتك جايبني هنا ليه
سليم بارتباك: احم… هو يعني… هو موضوع حساس شويه وخايف انك تفهميني غلط
زينة لنفسها: شكل كلام منة صح
سليم:انتي سرحتي في ايه
زينة: هاا… لا معاك.. كمل في ايه
سليم: بصي انا مش هلف وادور عليكي هقولك الصراحة
زينة بابتسامه: قوووول
سليم: انا بحب تسنيم وعايزة اتجوزها وكنت عايزك تساعديني اني اعرف رأيها عشان لو موافقة اروح اتقدم
بينزل الكلام على زينة زي الصاعقه و بتتبدل ملامحها كلها لحزن بس بتحاول تسيطر على نفسها
زينة: بجد… مبروووك
سليم بضحك : مبرووك ايه بس هو احنا لسه عملنا حاجه… انا عايزك تعرفيلي رأيها عشان يبقى فيها مبروك والجو دا
زينة بتضحك بكسرة: تحت امرك طبعاً… هكلمها واعرفلك رأيها
سليم: بجد شكرا يا زينة….. انتي بالنسبالي اخت والله وكنت عارف انك مش هترفضي طلبي
زينة: اختك….”بتكمل بابتسامه” اه طبعا اختك…. طيب انا لازم امشي دلوقتي عن اذنك
سليم: استنى اشربي حاجه الاول
زينة بتقف وبتاخد شنطتها: مرة تانية عشان اتأخرت عن اذنك
بتمشي ومش بتستنى منه رد…. بتطلع برا الكافيه بتلاقي الجو بيمطر و بتجري وهي بتعيط تحت المطر
بااااااااااااااااااااااااك
بتفتكر زينة وبتمسح دموعها اللى نزلوا من غير ما تاخد بالها
زينة : بحبڪ💔
