” عند خالد وزينة ”
خالد: ايه رايك في المصنع
زينة: جميل جداً و مكانه مناسب كمان
خالد: بجد يعني عجبك
زينة: ايوه جميل اووي
خالد: عقبال ما نتفرج على شقتنا ياقلبي
زينة بضحك: بطل محن
خالد: يبنتي انتي مش بتعرفي تردي بكلمه حلوة ليه
زينة: معلش ادينا بنتعلم
خالد بضحك: طيب يلا بينا انا عازمك على الغدا النهارده
زينة: مش هينفع
خالد: مفيش اعذار النهارده يلا بينا
زينة: يا خالد ارجوك
خالد: يلا قدامي مفيش اعذار
بياخدها وبيمشوا لحد ما بيوصلوا على البحر
زينة: هو انت مش قلت هنغدا ولا غيرت رأيك وهنقضيها عصير
خالد: لا يختي متخافيش هنتغدا
زينة بضحك: اين المطعم انا لا اراااه
خالد بيشاورلها على مطعم صغير بيطل على البحر البحر: دا اجمل مطعم ممكن تروحيه في حياتك
زينة: كنت قول انك مفلس من الاول
خالد بضحك : لا ياختي دا اغلى من ماك اصبري بس اتقل تاخد حاجه نضيفة
زينة: لما نشوف
خالد: يلا بينا
زينة: يلاااا
————
عند كتاكيت الحب بتوعنا يامن وتسنيم 😂❤
بتصحى تسنيم من النوم مش بتلاقي يامن جمبها
تسنيم: يااااامن انت فين
بتلاقيه داخل وفي ايديه صنية فطار: هنااااا يا روحي
تسنيم بابتسامه : صباح الخير
يامن: صباح الورد والفل والياسمين وكل حاجه حلوه
تسنيم بتضحك
يامن: بالضحكة دي انا قلبي متعلق
تسنيم: يامن صوتك وحش متغنيش
يامن: تصدقي انا غلطان ت
تسنيم: لا يروحي مش غلطان
يامن: والله انتي اللي روحي…. يلا نفطر بسرعة عشان يومنا طويل
بيفطروا وبعد وقت بياخدها وبيخرجوا
تسنيم: مقولتليش هنروح فين
يامن: هنطلع سفاااري
تسنيم: بتهزر صح
يامن: ايه مش عجبك ممكن نغيير عادي
تسنيم: لا عاجبني طبعاً
بيقضوا النهار كله هناك
تسنيم: انا جعانة
يامن: يلا ادينا مروحين اهووو
تسنيم: بص بقا هنتعشى اندومي و بيبسي و هنتفرج على فيلم لشاروخان
يامن: اندومي يا تسنيم
تسنيم: ايه مش عاجبك
يامن: لا عاجبني عاجبني
تسنيم: اشطا يلا بينا بقى
يامن: طيب نروح السوبر ماركت نجيب اندومي الاول
تسنيم: انت صح … في هايبر ماركت اهو يلا بينا
بياخدوا عربية تسوق وبيدخلوا الماركت
تسنيم بتبص على الاندومي الكوري الحراق وبتضحك
يامن: مستحييييل… اوعي تفكري حتى
تسنيم بتبصله ببراءة زى الاطفال: عشاااان خاطري
يامن: متحلميش
تسنيم: عشان خاطري…. عشان خاطري
يامن: هتولعي فينا
تسنيم: انا بحب الاسبايسي
يامن: ما دا مش اسبايسي دا مطبوخ في جهنم
تسنيم: يلا بقا عشان خاطري
يامن: يلا يا اخر صبري
بعد وقت بيكونوا وصلوا البيت وواقفين بيطبخوا سوا
يامن: انا واقف جمبك وعيني بتحرقنى امال لما ناكل بقى
تسنيم: استنى بس دا تحفه… بعدين انا عملت كيسين من البارد عشان لو مقدرتش تستحمله
يامن: كان ماله الكيس ابو 3 جنيه بس
تسنيم بتضحك: يلا بقى انا هغرف وانت روح شغلنا الفيلم
بيقعدوا قدام الشاشه وبشغلو الفيلم وبيبدأوا ياكلو
يامن بياخد اول معلقه و بيقوم يتنطط
تسنيم بضحك: بقى معلقة تعمل فيك كدا
يامن : يالهوووي يا تسنيم ايه دا
تسنيم: خليك انت في البارد تعالى
يامن: انتى بتاكلى كدا ازاي
تسنيم: دا متعه والله
يامن:متعة ايه بس
تسنيم: تعالى جرب كمان معلقه
يامن: مستحيل
تسنيم: طيب خد دي من ايدي
بياكلها يامن وهو بيبص لتسنيم وسرحان في عيونها
تسنيم: اشمعنا المرة دي مقومتش تتنطط
يامن: عنيكي
تسنيم: ايييه
يامن بيكمل اكل وهو باصص في عنيها
تسنيم: يا سلام يعني كده مش بيحر’قك
يامن: تؤ
بيخلصوا اكل ويامن بياخدها في و وبيتفرجوا سوا على الفيلم لحد ما بيناموا مكانهم، بتصحى تسنيم تاني يوم وبتلاقي يامن قاعد بيتفرج عليها وهي نايمه
تسنيم بنوم: صباح الخير
يامن: صباح النور
تسنيم: انت بتبصلي كده ليه
يامن: انا من ساعه ما صحيت وانا سرحان في ملامحك مش مصدق انك معايا
تسنيم بتبتسم بخجل
يامن: يلا عشان نفطر
تسنيم: يلا
بيفطروا وبيقضوا النهار كله برا، بيروحوا وبيناموا شويه بتصحى تسنيم بليل و مش بتلاقي يامن جمبها بتنادى عليه بس مش بيرد بتلاقي جمبها علبه على السرير ووردة حمرا ورساله بتفتح تسنيم الرساله وبتقراها “البسي الفستان دا و لما تخلصي هتلاقي عربية بسواق مستنياكي برا”بحبڪ” ”
بتبتسم تسنيم و بتفتح العلبه بتلاقى فيها فستان احمر جميل جدا وسيمبل بتجهز نفسها وبتلبس و بتطلع تلاقي العربية مستنياها بتركب فيهاا وبتمشي
————————–
“عند سامر”
بيكون قاعد في شقته بقاله كام ومش بيخرج بيكون نايم وباب شقته بيخبط بيفتح وبيلاقيه خالد
خالد: ايه يبني مختفي فين
سامر: مشغول شويه اليومين دوول
خالد:و مالك بتتكلم كده ليه
سامر: بقولك ايه ياخالد انا مش فايقلك
خالد: انت بتكلمني كدا ليه
سامر بيدخل الاوضة وبيجيب دفتر المذكرات وبيرميه في وش خالد
خالد:ايه دا
سامر: اقرأ وانت تعرف
خاالد: طيب عرفنى دا ايه
سامر: اقرا من 460 للاخر
خالد بيفتح الدفتر وبيبدأ يقرا ومش بيدي اي رد فعل
سامر بيبصله باستغراب وخالد بيكمل قراية
سامر بشك : انا كنت عارف؟
خالد بيهز راسه ب ايوه
—————
عند تسنيم ويامن
بتوصلها العربيه للبحر وبتلاقي يامن مستنيها قدام اليخت اول ما بيشوفها بيبتسم
يامن:الفستان طلع اجمل مما كنت متخيل
تسنيم :ما انا اللي محلياه
يامن: طبعاً يا اميرتي
بيمسك ايديها وبيساعدها تطلع اليخت بعدها بيربط على عيونها شريط اسود
تسنيم: ايه دا بقا
يامن: خاطفك شوية بعيد عن العالم
بيمسك ايديها وبيمشي بيها لحد ما بتوصل الترابيزة العشا بيفك الشريط من على عيونها
بتلاقي المكان كله ورد وشغال فيه ميوزك رومانسي واضاءة هادية
يامن بيمدلها ايده: تسمحيلي بالرقصة دي
بتبسم وبتمسك ايده وبيبدأو يرقصو
يامن: تعرفي إني نفسي اخبيكي بعيد عن عيون النااس
تسنيم: ليه بقا
يامن: عشان بغير مش عايز حد يشوف الجمال دا غيري
تسنيم: يا سلااااام… و ايه كمان
يامن: نفسي اكمل الباقي من عمري كله معاكي… انتى اجمل حاجه حصلتلي فى حياتى نعمة بشكر ربي عليها
يامن بيبوس جبينها :بحبڪ
بتخلص الرقصة وبيقعدوا على السفرة وبيتعشوا
تسنيم: بس جامدة الافلام دي
يامن: عجبتك
تسنيم: جدا
بيقضوا سهرتهم في اليخت و بيرجعوا اخر الليل
تسنيم: ايه رأيك نمشي لحد الشاليه
يامن: يلا بينا
بيتمشوا سوا وبيكون مقربين يوصلوا فجأة الدنيا بتطمر عليهم
تسنيم: ايه دا… بتمطر في شهر 5
يامن: احنا نحس
تسنيم: المطر خير… انا بحبه
بتقف تسنيم تحت المطر وهى مبسوطة بيشلها يامن وبيلف بيها
تسنيم بتبو’س خده: بحبك
يامن: حاسس إني بحلم
تسنيم: وانا كمان
يامن بيبص للسما: يارب لو دا حلم ف انا مش عايز اصحى منه طول عمري
بيفضل شايلها لحد ما بيوصلوا الشاليه
تسنيم: نزلنى بقا
يامن بينزلها على السرير وبيقرب منها وبيبو’سها وتسنيم بتتجاوب معاه بيفك زراير القميص و……
تصمت شهرزاد عن الكلام غير المباح
بعد فترة
يامن بصدمه: تسنيم انتي بنت!!
يُتبع ..
الحلقة التاسعة
سامر بيمسكه من هدومه بعصبيه وبيزعق: انت كنت عارف قذ’ارة ابوك كل السنين دي وساكت
خالد بيبص في الارض ومش بيتكلم
سامر بيضر’به وبيز’قه بعنـ’ـف: انا كل دا كنت عايش في وهم
بياخد الدفتر وبيمشي من الشقه خالص و خالد بينزل وراه بس مش بيلحقه
——————-
” عند تسنيم ويامن ”
بيكونوا قاعدين مصدومين هما الاتنين من اللى حصل
تسنيم: انا مبقتش فاهمه حاجه… ازاااي كدا
يامن: تسنيم ممكن تحكيلي ايه اللي حصل يوم الحادثة
تسنيم: انا مش فاكرة حاجه كل اللى فاكراه اني كنت لوحدي في البيت و حسين جه واول ما فتحتله الباب حط حاجه على وشي زي مخدر ومن بعدها محستش بنفسي غير وانا…. “بتعيط” غ.. غير…
يامن بياخدها في ه: خلاص متكمليش اسكتي… بلاش عياط
تسنيم: انا مش فاهمه حاجه.. معرفش ايه اللي حصل
بيرن موبايل يامن بأسم سامر و بيتجاهله
تسنيم: مين
يامن: سامر
تسنيم: طيب رد
يامن: مش وقته دلوقتي
بيرن تانى
تسنيم: رد عليه شوف عايز ايه
بيرد يامن: الو
سامر: انت فين
يامن: ايه يبني في ايه
سامر بعصبيه: انت فين
يامن: انا في شرم… في ايه مالك ايه اللي حصل
سامر: طيب ارجع دلوقتي
يامن بعصبية : في ايه يا سامر قلقتني
سامر: لما تيجي هحكيلك.. حاول ترجع دلوقتي بسرعه
يامن: انت قلقتني.. هرجع دلوقتي حاضر
تسنيم: في ايه
يامن: مش عارف ماله بيقولي ارجع دلوقتي
تسنيم: معقول يكون عرف حاجه من ابوه
يامن: مش عارف بس نبرة صوته وطريقته مش مطمنانى
تسنيم: طيب هنعمل ايه
يامن: يلا نجهز الشنط ونرجع
تسنيم: ماشي
يامن: انا عارف اننا ملحقناش نقعد بس وعد هعوضك عن السفريه دي
تسنيم بتبسم وبتقوم تجهز الشنط
———————-
“عند سليم ”
بيكون قاعد في شقته اللى كان مجهزها لفرحه هو وتسنيم بيكون ماسك صورتها في ايده
سليم بحزن : فرحنا كان هيبقى بكرة… المفروض ان النهارده الحنة و إني بجهز كل حاجه واسعد واحد في الدنيا… ليه حصل كل ده.. ليه
بيرن موبايله وبتكون زينه
سليم بملل: الوو
زينة: تسنيم راجعه دلوقتي هى ويامن من شرم
سليم: ليه… اي اللي حصل
زينة: مش عارفه بتقول ان يامن عنده شغل ولازم يرجع ضروري
سليم: يعني بكرة هتكون هنا
زينة: ايوه
سليم: كدا احلوت خالص
زينة: انت ناوي علي ايه
سليم: هتعرفي بكرة
مش بيستنى رد من زينة وبيقفل الخط.. بيبص لصورة تسنيم اللي في ايده بيمسك الولاعه وبيحرق الصورة وهو بيبتسم بخبث
—————————–
“في بيت منه”
رغده: مالك يا منة في ايه
منة بضيق: ايه يا رغدة
رغدة: حالك مش عاجبني يامنة… من يوم الحادثه وانتى مش مظبوطه في ايه… يوم زينة ما جاتلك قابلتيها وحش وبعدها زعلت ومشيت علطول
منة:ممكن معتش تجبيلي سيرة زينة تاني
رغده: طيب ممكن انتى تحكيلي في ايه
منة: انا هنام تصبحي على خير
بتنام وبتحط الغطا على وشها
رغده وهى بتشد الغطا: ما انا مش هتحرك من هنا غير لما تقوليلي مالك
منة بتحط الغطا على وشها تاني: يووووه بقا …. اطلعي يا رغده عايزة اتخمد
رغده: خلاص حاضر
بتطلع رغده وبتطفي النور
بتشيل منه الغطا من على وشها وبتفضل تعيط ولما بتحس ان صوتها بدأ يعلى بتحط الغطا على بوقها
منه بعياط : ياربي انا تعبت… تعبت
—————————–
” صباح يوم جديد بيكون تسنيم ويامن رجعوا ”
يامن: في ايه يا سامر انت قلقتنى
سامر بيطلع من جيبه الدفتر: انت شفت الدفتر دا قبل كده
يامن بياخده منه وبيفتحه: ايوه دي مذكرات امي
سامر : افتح من اول 460 وقولي دا خطها بجد
بيفتح يامن الصفحه وبيبص: ايوا خطها… في ايه يا سامر
سامر: اقرأها وانت تعرف
يامن: انت رايح فين
سامر: مش عارف.. لما تخلص كلمني او تعالى الشقه عندي
بيسيبه سامر وبيمشي.. بيكون يامن قاعد على كرسى قصاد البحر وبيبدأ يقرأ
” انا عرفت ڪل حاجه… عرفت حقيقه سليمان و مبقتش قادره اعيش مع ذنب نور اكتر من كدا… انا شوفت رسالتها اللى كانت كتباها قبل ما تنتـ’ـحر بس مقدرتش اتكلم..”سليمان اغتـ’ـصب نور لما حسين كان مسافر وعشان كده انتحرت.. هو كان بيحب نور من وهما لسه اطفال بس هي اختارت حسين واتجوزته وهو عشان ينتـ’ـقم منها عمل فيها كده ” انا بعدها مكنتش عارفه اعمل ايه فضلت كاتمه السر دا 3 سنين وحساني بتخنق بس النهارده عرفت ان سليمان قتـ’ـــل جوزي وانا مش هسيبه… انا هفضـ’ـحه و هقول لحسين وهبلـ’ـغ عنه .. سليمان شيطـ’ـان و عمل كده في نور عشان يرضى غروره و قتـ’ـل رأفت عشان الشغل عشان ياخد كل حاجه ليه هو لوحده … انا خايفه من اللى ممكن يحصل”
“سليمان بيهددني و انا خايفه… يامن وصيتي لو انا معرفتش اعمل حاجه معاه تاخد انت حق ابوك انا عارفه ان في يوم اكيد هتقرأ الدفتر دا بس مش عارفه ساعتها هيكون ايه اللي حصل.. سليمان شيطان لو انا معرفتش اخد حقنا منه يبقى انت اكيد هتقدر ”
بيكون يامن بيقرأ و مصدوم بيفضل يقلب في الدفتر مش بيلاقي في حاجه بيجيب اخر صفحه بيلاقي فيها كتابه
” ازيك يا يامن انا حسين طبعاً انت دلوقتي مصدوم ومش مصدق و عايز تعرف ايه اللى حصل لأمك… انا هحكيلك بس الاول عايز اشوفك… انا مأذتش تسنيم زي ما انتم فاكرين انا بس وهمت الكل ان دا حصل بس في الحقيقه تسنيم سليمه وتقدر تكشف عليها عشان تتأكد… لو عايز تعرف الباقي هاتلي تسنيم و خالد و سامر وتعالى على العنوان دا ******”
يامن بيقفل الدفتر و بيقوم يمشي بيكون ماشي كأنه متخدر و مش مستوعب اللى بيحصل… بيوصل بيت سليمان وبيخبط بتفتحله تسنيم
تسنيم : مالك يا يامن
مش بيرد عليها وبيزقها وبيدخل بيشوف سليمان قدامه
سليمان: ايه يا يامن في ايه
يامن بيفضل واقف مكانه و بيبصله وهو مش مستوعب كل اللى حصل
بيفتكر كلام امه و دموعه بتنزل وبيمشي ناحيه سليمان بيقرب منه بس قبل ما يوصله بيغمى عليه وبيقع
تسنيم بتصرخ:يااااااااااامن
بتجري عليه هي وسليمان
تسنيم بخوف : يامن فوق… فتح عينيك يا يامن
سليمان بيلمح الدفتر اللى وقع من جيب يامن لما وقع
تسنيم بعياط: بابا هو مش بيرد عليا ليه
سليمان بتوتر: هااا… مش عارف.. مش عارف
بيجي خالد على صوت تسنيم: ايه داا في ايه
تسنيم بعياط: مش عارفه يامن ايه اللي جراله
خالد: طيب اسنديه معايا نقومه
تسنيم بتهز راسها بعياط: حااضر
بيسنده الاتنين و بينيموه على الكنبة
بعد فترة بيفوق
تسنيم: ي.. يامن انت كويس
بيبص حواليه وبيمسك دماغه: كان حلم صح
تسنيم: ه.. هو ايه اللي حلم
خالد:في ايه يا يامن
بيرن موبايل يامن وبيكون سامر
يامن: الوو
سامر: هتجيب تسنيم وخالد زي بابا ما قال
يامن الموبايل بيقع من ايده وبيتكلم بصدمه: مكنش حلم
تسنيم:حلم ايه… في ايه
خالد بيعرف ان يامن قرأ المذكرات و بيتوتر
خالد: تسنيم روحي اعمليله كوبايه ليمون تفوقه شويه
تسنيم: حاضر
خالد بتوتر : يامن سامر قالك ايه
يامن بيحط ايده في جيبه مش بيلاقي الدفتر بيقوم يقف و بيدور عليه
خالد: انت بتدور على ايه
يامن بيمسكه من ياقه قميصه بعصبيه: ابوك راح فين يا خالد
خالد بتوتر: معرفش
يامن بيقلب الترابيزة في الارض: اخد الدفتر و مشي بس وديني ما هرحمه
تسنيم بتيجي تجري على الصوت وفي ايديها كوبايه عصير
تسنيم: في ايه.. ايه اللي حصل
يامن بيبصلها بعصبيه ومش بيتكلم
تسنيم بتقرب منه: اهدي يحبيبي في ايه… خد اشرب دي
بيزق الكوبايه من ايديها بتوقع تتكسر
يامن بجمود : انتي طالق
بتبصله تسنيم ب و الدموع بتتجمع في عينيها
بيسبها يامن وبيمشي بتطلع تجري وراه وبته من ضهره
تسنيم بعياط: متسبنيش… انا اسفه انا مش عارفه في ايه اللي حصل بس متسبنيش
بيزقها يامن وبيركب عربيته بتجري وراه وبتخبط على ازاز العربيه
تسنيم بعياط: يامن متسبنيش… انت رايح فين فهمنى ايه اللي حصل انا عملت ايه
بيتجاهلها وبيمشي بتفضل تجري ورا العربيه وهى بتنادى عليه لحد ما بتوقع على الارض بيجي خالد يجري وبيقومها
تسنيم بعياط: هو سابني ليه
خالد بيسندها عشان تقوم
تسنيم: خالد في ايه… ايه اللي بيحصل ده
خالد: تعالي بس ندخل البيت اهدي
تسنيم بعياط وصريخ : يامن طلقنى
خالد: اهدي يبابا اهدي كل ده هيتحل
تسنيم بعياط: انا.. انا عملت ايه طيب
خالد بيها: معملتيش حاجه يعمري… متخافيش
بيغمى عليها في ه
خالد بخوف وهو بيخبط على وشها : تسنيم… تسنيم افتحى عنيكي
بيشلها وبيدخل بيها البيت وبينيمها على الكنبه
خالد: كنت عارف ان هيجي اليوم دا
بيسمع الباب بيخبط بيجري يفتح بيلاقيها زينه اول ما بيشوفها بيها
زينه بتبعده عنها بإحراج: في ايه يا خالد
خالد بيحس باللي عمله و بيبص في الارض
زينه: هو مفيش حد هنا
خالد: تسنيم جوا
زينه: طيب هي فين
خالد بيشاورلها بأيده: جواا مغمى عليها
زينه: ايييه… مالها
بتدخل تجري على جوا وبتشوف تسنيم نايمه على الكنبه
زينه: : ايه اللى حصل
خالد بينهار: كنت عارف ان شره هيأذينا في يوم بس مكنتش عايز اختى تتأذى منه… مقدرتش احميها منه
بيقع في الارض على ركبته و بيعيط
زينه بتقرب منه بقلق : في ايه يا خالد
خالد: في حد هيتقـ’ـتل.. مش هيسبوه عايش انا عارف و المشكله اني مش هقدر امنعهم لأني شفت قذارته زمان بعنيا
زينه: ه.. هو مين
خالد مش بيرد و زينه لا ارادياً بتاخده في ها بيفضل يعيط
”خالد مش ضعيف.. هو تعب وكلنا بتجيلنا لحظات انهيار زيي دي”
