تبكي بشدة وتتوسل له ان لا يأذيها لكن ما يرى امامه هو حبيبته وذاك الرجل يحاول الاعتداء عليها
هند : حط نفسك مكاني خطفوا ابني وهددوني عايزني اعمل ايه انا بحب اسراء جدا
يوسف بابتسامه: يعني مش بتغاري منها عشان جوزها بحبها وجوزك طلقك وما سألش فيكي
نظرت به بصدمة واستمرت بالسكوت
يوسف : ايه فاكراني مش حاسس ولا شايف غيرتك الشديدة والكلام الي كنتي تعبي دماغها بيه ولا محاولتك تلفتي انتباهي بلبسك العريان
هند : انا انا .. انت غلطان
يوسف : وجتك فرصة من دهب تنتقمي منها تتفضح وانا أطلقها لأني مش حاقبل مراتي تكون ممسوكة آداب
تسمع له برعب شديد وقلبها اوشك على التوقف
يوسف : اللي ما تعرفهوش انه حبي لاسراء جنوني مرضي حتى لو هيا كدة فعلا مش حسيبها ايه رايك
هند بصدمة : للدرجة دي
يوسف: واكتر من كدة بكتير وخليكي تتمناني الموت مش حتنولي قوليلي دلوقتي كل حاجة بالتفصيل ان كنتي عايزة تخففي عقابك
بدات تروي له كل شئ وأسماء وأرقام من طلب منها ذلك
هند : ابوس ايدك سامحني
يوسف : حاضر بس مش حتشوفي ابنك تاني حودي لابوه
هند: لا لا ابوس ايدك لا ده اللي طلعت بيه من الدنيا
يوسف : شعور انك تتحرمي من حد بتحبي بيوجع مش كدة جربي ودوقي يا هنود
تركها متجمدة مكانها وخرج يريد الانتقام لكنه لم يعرف من المسؤول الكبير عن هذا …
اتصل بادم واخبره الاسماء التي لديه وبعد ساعتين
ادم : يوسف باشا الواد موجود عندنا هات المدام تتعرف عليه
ذهب الى بيته باشتياق شديد لكنه اخفاه فطلبها للطلاق ألمه بالشدة
شاهين : اهلا يا ابني اتفضل
يوسف بابتسامه : معلش يا عمي عايز اسراء ساعة زمن وحنرجع نتعشى هنا
شاهين: وعد
يوسف؛ وعد
شاهين: انا ما حبتش اضغط عليها لما جت منهارة بس انا متأكد انك حتخفف عنها
يوسف بحب : اكيد يا عمي ناديها اذا ممكن عشان مستعجل
خرجت اسراء بعينين متورمة من شدة البكاء جعلته يتمنى ادخالها قلبه والاكتفاء بها
مشت اسراء امامه دون اي كلام فقط كانت في عالم اخر وصل مركز الشرطة ودخل الغرفة
ادم : يا عسكري هات الواد
دخل الراجل الغرفة وهو يرجف حينما عرف انها زوجة يوسف ناصر القاضي
ادم : مدام اسراء بصيلوا هو ده
كانت ترجف بشدة اقترب منها ضمها من كتفها ورفع راسها وهمس بحنان العالم كله : اوعي تخافي وانتي معايا افديكي بعمري بصيلوا هو ده
نظرت له قليلا وتذكرت حينما حاول تقبيلها غصبا لتعود لحضن يوسف ترجف بشدة
يوسف بهدوء : هو ده
هزت راسها بالايجاب ليسحب يوسف سلاحه من جيبه ويطلق النار عليه لتستقر الرصاصة برأسه ويسقط قتيلا ..
#يتبع
