هذه لستُ آنا…الحلقه الثانيه
بعنوان:حياه جديده
________________
الإنسان مش عارف ربنا مقدمله الخير فين و إمتا و إزاي و يمكن مشاكل حياتنا دي تكون بداية الحاجات الحلوه!!طب ده إزاي يعني الحاجات الوحشه اللي بتحصلنا بتبقا بداية حاجات حلوه كتير؟؟
_____________
*الساعه ٨ الصبح متولي داخل من البيت مكتئب مكسور الخاطر *
زينب بوجع…متولي قولي إنك لقيتها
متولي بتنهيده….صحابها بردو مش موجودين و محدش يعرفلهم وجود هنا
زينب بدموع…يارب استرها ياااارب
متولي….خشي نامي يا حبيبتي ربنا معاها
زينب….و انا هيغفلي عين بعد اللي حصل
متولي….خشي يا زينب استريحي عشان متتعبيش و ضغطك زمانه بقا عالي
زينب….انا مش حاسه بضغط ولا نيله ولا حاجه انا عايزه بنتي يا متولي انا لو اعرف إن دماغها كويسه مكنتش هبقا خايفه عليها كده و الزفت اللي صحابها بيشربوهولها
متولي…يا زينب ربنا القوي يقدر يعمل كل حاجه آنا بكره هنزل اتنطط ف كل حته و اعرف هما راحوا فين متوجعيش قلبي اكتر ما هو موجوع انا مش ناقص مفيش مكاتب فاتحه الوقتي لو عليا كنت روحت
زينب بعياط….يارب هونها
_______________
ف إحدى مستشفيات الكبيره بالقاهره اكبر مستشفى بالقاهره يعتبر صاحبها راجل غني جدا اسمه سالم عنده ٥٩ سنه بس مهتم بنفسه جداا و هو دكتور نفساني و ميبانش عليه سنو ده خالص عندي ولد اسمه كرم ٣١ سنه دكتور جراحه و بنته محاميه كبيره اسمها عليا ٢٥ سنه …المستشفى كبيره جدا و جميع الاقسام ليها طراز تحفه و عيلة سالم غنيه جدااا و ابنه دارس الطب ف امريكا (حبيت اشرح بالظبط عشان ابسطلكوا تفكيركوا)
جات ٣ عربيات اسعاف بسرعه بحالة طوارئ…
سالم…يا ساتر حصلهم اي يا محمود
محمود رجل الاسعاف….حادثه على الطريق السريع لبعد بوابة القاهره لسه ياعيني ٣ شباب مشافوش النور ياعيني بس شكلهم كانوا مش واخدين بالهم انهم ماشيين فالطريق المعاكس عجنتهم تريلة بضاعه ٧ طن
سالم…لا اله الا الله دخلهم بسرعه عالعمليات يابني و ناديلي الزفت كرم بسرعه معرفش راح فين
*معلومه … كرم بتاع بنات و شاقط ممرضين المستشفى كلهم ما شاء الله*
عليا…يا زفت انت قاعد هنا بتاخد رقم الممرضه و ابوك عاوزك في حاله محتاجاك
كرم…اتلمي يا بت رايحله
عليا…كرم ..
كرم…نعم
عليا…انت بردو مش موافق على عاصم
كرم…قولتلك مليون مررره عاصم ده لأ
عليا ااتنهدت بحزن….
*مشي كرم*
كرم…خير يا بابا ؟؟
سالم…حالة الشباب اللي جوا دول يابني حاله خطر ادخل تابع حالتهم كلهم جراحه و خش دلوقتي عمليه فالاوضه دي بجد ربنا يسترها دول لسه شباب
كرم…متقلقش يا بابا ربنا يقومهم بالسلامه
*خرجت عليا بتتمشى عالنيل و عاصم كلمها و جالها عاصم ده شاب ٢٦ سنه كان بيدرس ف كلية فنون جميله و اعجب بيها اوي و من ساعتها و هما بيحبوا بعض و هو ولد غلبان و شايف المُر مع اخواته البنات و امه و ابوه ميت و مش معاه فلوس و مش مترفهه زي عليا*
عاصم…عليا فهميني هو ليه رافضني
عليا….معلش يا عاصم انا بحاول معاه
عاصم ….بحبك اوي و مش بتصور ف يوم ابقا من غيرك
عليا بضيق…ولا انااا
عاصم…انا هروح بكره اكلمه و افهمه إني بحبك و هعمل كل مجهوداتي و اعيشك احلى عيشه
عليا…ربنا يخليك يا عاصم
*عند كرم طلع من بعد عمليات ٦ ساعات الساعه حالياً ٨ الصبح*
سالم…كرم تعالى مكتبي
كرم…ايوا خير
سالم…احكيلي عن الحالات
كرم…للاسف في بنت منهم ف غيبوبه و والولد البقاء لله كان التأثير عليه جامد
سالم…لا اله الا الله و البنت التالته
كرم…دي بقا كويسه كانت مجرد خبطه ف دماغها و كسور و لسه هنشوف حالتها اما تفوق
سالم…انهي بنت؟؟
كرم…شعرها ملون كده بنفسجي ف احمر ف بني
سالم…اااه تمام المهم فين تقارير بتاعتهم و اهلهم؟
كرم….مش لاقيين اهلهم و تليفانتهم اتكسرت مش لاقيين اي حلول و بالنسبه للتقارير ف جسمهم كان شارب كمية مخدرات
سالم….اتاريهم عملوا حادثه المهم لما البنت اللي بتقول عليها تفوق خليها تقول على الاهالي و ييجوا ياخدوا عزا ابنهم و كدا
كرم…حاضر متقلقش عايز حاجه تاني؟؟
سالم..اه كان في شاب مبلغ عن الحادثه لسه قاعد برا؟؟؟
كرم…اه معرفش ليه
سالم…اسأله كده ماله
*خرج كرم*
تيمور شاب ٢٥ سنه اللي جابهم و اتطمن عليهم لحد المستشفى
كرم….يا استاذ حضرتك خلاص امشي احنا هنجيب اهلهم
تيمور…طب طمني عالبنت اللي جوا بالله عليك
كرم….حضرتك تعرفها؟
تيمور…م…معرفهاش.. بس قولي ونبي هي كويسه؟
كرم…هي الوحيده اللي كويسه بس لسه لما تفوق هنشوفها
تيمور…طب انا هفضل قاعد لحد ما تفوق
كرم…طب حضرتك لو تعرف اهلها ناديهم
تيمور…معرفهمش انا اعرفها هي بس..
كرم…طب ما تفهمني حاجه و اشمعنا البنت
تيمور…ااصل..
****************
*فالاوضه عند سلمى فاقت*
الممرضه …حمدالله على سلامتك يا قمر
سلمى…انا فين؟؟
الممرضه.. فالمستشفى!
سلمى…طب ولعي النور….
الممرضه …حضرتك هو مولع
سلمى بزعيق ….يعني اي مولع انا مش غبيه افتحي النور انا مش شايفه حاجه
الممرضه بتوتر…طب طب ثانيه واحده
…..***************
الممرضه…استاذ سااالم الحق البنت اللي جوا بتقول انها شايفه ضالمه..
سالم…يلهوي اتعمت؟؟ كنت شاكك
الممرضه …طب اعمل اي
سالم…كرم هو اللي بيتابع حالتها روحي قوليله
*عند كرم*
تيمور….اصل …انا لازم امشي بعد اذنك
كرم…يا استاذ يا استاذ يادي النيله
الممرضه…دكتور كرم
كرم ب حب…اي يا قلب كرم
الممرضه الدكتور سالم بيقولك المريضه اللي ف غرفه ١٦ فاقت و شكلها اتعمت
كرم…لا اله الا الله هروح اشوفها
*راح لأوضة سلمى*
كرم…بصي اهدي يا انسه و فهميني براحه حاسه ب اي
سلمى…انا معرفش حاجه خااالص انا مش شايفاكوا انا شايفه الدنيا كحل
كرم…طب انتي اسمك اي
سلمى بعياط…معرفش معرفش
كرم….اممم حالتك مش كويسه انتي مش فاكره حاجه خالص
سلمى بعي…مش فاكره
اط******************
كرم….طب اهدي يا انسه
سلمى…اهدى ؟؟ اهدى اي؟؟
*كرم شاور للممرضه تديله حقنه مهدئه و ادتهاله و اداها لسلمى و نامت ف خرج كرم يدور على اي حاجه كانت معاهم ملقاش غير سلسة فالخزانات بتاعة المرضى كانت مع سلمى مكتوب فيها اسمها و عرف ان اسمها سلمى و خرج راح مكتبه قلع البالطو و خد مفاتيح عربيته و نزل راح نحية باب المستشفى شاف ابوه واقف بيمضي على حاجات ف وقف يكلمه*
كرم…بابا!
سالم…نعم يابني؟
كرم…انا عرفت إن البنت اللي طلعت مش بتشوف اسمها سلمى و هي شكلها مش فاكره حاجه
سالم…تمام يابني انا مش عارف الشباب اللي زي النسمه دول ليه جرالهم كده ربنا ينجيهم من اللي هما فيه و يغفر للولد اللي اتوفى
كرم…يارب..عن اذنك انا همشي
سالم…اتفضل!
*خرج كرم لقا عاصم مستنيه بعربيته اللي بنقول عليها اسمها خنفسا فضحك كرم بسخريه و قاله…*
كرم بسخريه…اي يا قمر الليالي جاي تاخد عليا ب اللامبورجيني بتاعتك
عاصم….عليا مش هنا اصلا انا جايلك
كرم…اللهم اجعله خير
عاصم….يا كرم انا..
كرم بضحك…استاذ كرم
عاصم…يا استاذ كرم آنا بحب اختك و هسعدها انا طالب ايدها منك و انا …
كرم..قولتلك مليون مره لأ يابني بص لعربيتي كده و عربيتك ولا اصلا عربيتك دي تيجي سعر الشنطه بتاعة عليا ؟؟ فوووق لنفسك انت مجرد واحد طمعااان ف فلوسناو متنساش نفسك اوي لو شوفتك معاها تاني مش هيحصلك كويس فاهم
عاصم…علفكره انا مش طمعان و انا معنديش حاجه اهم من كرامتي بس عشان بحبها اقدر اتجوزها و هخليها تتنازل عن حقها و اتجوزها من وراك
كرم بزعيق…طب انت الجاني على نفسك
*ركب كرم العربيه راح لشقته المنعزله اللي فاكتوبر قعد يفكر فالبنت القمر اللي ربنا جعل من نصيبها العمى و فقدان الذاكره طب و دي هتعمل اي؟؟؟؟هتعيش ازاي؟؟؟بدون اهل و بدون نظر كان ارحملها الموت*
نام كرم فالجنينه…
