استوب 🙂 إي رأيكوا في تصرف زين ؟؟
انا عن نفسي شايفه انه تصرف صح لان اهم حاجه رضا اهلي حتي لو علي حساب نفسي
احب اشكر كل واحد وواحده نبهني علي الثغرات إللي ناقصه في الروايه عشان ميبقاش فيها حاجه حرام تمنع جواز زين من نبض
ثانيا : اتمني تكون الناس دلوقتي بقت راضيه ومش عندها مشكله في علاقه زين ونبض
وإللي عندة حاجه يقولها عشان ممكن مش اخدت بالي منها 🤗
وشكرااا ع تفاعلكم السكر زيكم ❤️🎶
يتبع ❤️
أماني المغربي 🎶❤️
🤎5🤎
روايه #صغيرتي🖤
تليفون نبض كان عمال يرن كتير برقم زين بس هي كانت بتكنسل : اوووف بقا
ساميه : ما تردي ي حبيبتي ممكن يكون عاوزك في حاجه مهمه تخص تيته
نبض بضيق : اوووف بقا الو انت عاوز اي
صرخت عندما استمعت للطرف الآخر : اي زين عمل حادثه
ساميه بخوف : حادثه استر يارب استر وجيب العواقب سليمه
نبض بخوف : هو في مستشفي إي.. تمام ثواني واكون عند حضرتك شكرا
نبض مسحت دموعها بسرعه : جابوة في المستشفي هنا انا هنزل اشوفه وانتي خلي بالك من تيته
قبل أن تستمع إلي الرد من والدتها ذهبت سريعا لكي تراه وظلت تدعي أن يكون بخير فمهما حصل بينهم فهو كل ما تملك في هذة الحياه ولا يمكن أن تتخيل حياتها بدونه
ذهبت نبض إلي الاستقبال للأستعلام عن الحاله التي اتت بحادث سيارة
نبض بخوف : لو سمحتي في حاله لسه داخله دلوقتي في حادثه عربيه ممكن اعرف هو في انهي اوضه
الممرضع : اوضه العمليات دور **** غرفه ****
نبض : تمام شكرا
توجهت نبض حيث اخبارتها وجدت شاب يقف أمام باب العمليات
نبض : حضرتك انت إللي جبت زين
الشاب : ايوة حضرتك انا إللي اتصلت بيكي
هزت رأسها بنعم
نبض : ممكن اعرف إي إللي حصل بالظبط
الشاب : كان سايق بسرعه كبيرة وفجأة لقينا العربيه اتقلبت جرينا عليه وطلعناه بالعافيه وجبناه المستشفي
نبض حطت إيدها علي بوقها وعيطت : طب هو عامل اي دلوقتي
الشاب : هو حاليا ذي ما انتي شايفه في العمليات ولسه محدش من الدكاترة طلع
🎶بعد مرور أكثر من ثلاث ساعات من التوتر والخوف 🎶
خرج الطبيب لتجري عليه نبض بخوف : طمني ي دكتور زين عامل اي
الدكتور : حضرتك تقربي للمريض إي
نبض : بيكون خال… احم قصدي جوزي
الدكتور : هو حاليا احنا عملنا إللي علينا والباقي علي ربنا حالته كانت جايه صعبه جدا احنا قدرنا نوقف نز*يف المخ وعلاجنا الكسور إللي في جسمه بس لسه مقدرش احدد ليكي حالته غير بعد ٢٤ ساعه الجاين وادعي له يتجاوز المرحله
وإلا للاسف هيدخل في غيبوبه لو مفقش خلال ٢٤ ساعه الجايه
عن إذنك
نبض غطت وشها بإيدها وعيطت وظلت تدعي أن ينجوا وإن يكون بخير
🎶🎶🎶🎶🎶🎶🎶🎶🖤🎶🎶🎶🎶🎶🎶🎶
عدي تلات ايام ولسه زين مفاقش امه عرفت وإنهارت وفضلت تأنب نفسها لأنها السبب
🖤في اوضه زين 🖤
نبض مسكت كف ايدة وباسته ودموعها بتنزل : مش ناوي تقوم بقا انت وحشتني انا اسفه ي خالو
مسحت دموعها انت بتزعل لما اقولك خالي صح خلاص انا مش هقولك خالو وهقولك زين
عيطت : مش انت بتقول انك بتحبني وعاوز تتجوزني انا موافقه اتجوزك بس انت قوم انا بحبك اوي ي زين بحبك
نبض نامت علي صدرة : انت عارف إني ماليش غيرك في الدنيا دي قوم عشان خاطري مش هضايقك وهسمع كلامك بس انت قوم
حسن بحركه فابعدت بسرعه وقلبها بدء يدق جامد
نبض بلهفه : زين انت اتحركت
بس للاسف لقته ذي ما هو رجعت عيطت تاني لما عرفت إنو بيتهيأ لها<!–nextpage–>
في وسط بكائها سمعت صوت خفيف فتحت عيونها بسرعه لقت زين فاق
ضحكت وطلعت تجري تنادي مامتها : ماما زين فاق زين فاق ي تيته
الكل جري عنده بص زين للكل باستغراب : انا فين وانتوا مين !!؟
بصوا كلهم لبعضهم بصدمه
الام : زين ي حبيبي انا امك انت مش فاكرني
غمض عينه وهز راسه بالنفي
دخل الدكتور : حمد الله بسلامه ي د زين
زين : هو انا اسمي زين ؟
الدكتور : انا مش عارف اسمك
هز رأسه بالنفي
الدكتور : ولا تعرف مين دول
زين : لا
الدكتور : اممم يعني حضرتك مس فاكر إي حاجه
زين : لا
🖤🖤🖤🖤🖤🖤🖤🎶🖤🖤🖤🖤🖤🖤
تسريع الاحداث
الام : طمني ي دكتور هو زين ماله ولي مش فاكر حد فينا
الدكتور : دكتور زين عمل حا*دثه والاعتداءه اثرت علي دماغه جامد وشكلها اثرت علي الجزء الخاص بالذاكرة بس اطمنوا مع الوقت هيفتكر كل حاجه بس لازم حضرتكوا تساعدوه بدا وتنشطوا له الذاكرة
الام لزين : زين حبيبي
زين : انتي مين
الام بدموع : انا امك ي حبيبي ابتسم لها وشاور علي الباقي : مين دول
الام : دي ساميه اختك ودي بنتها
بصت نبض لستها وسكتت
وإللي واقفه هناك دي سميرة اختك ودا ابنها محمد
ابتسم لهم وسكت
🖤بعد مرور اسبوعين 🖤
اتحسنت صحه زين وقرر يرجع البيت
ساميه : يلا ي نبض جهزي هدومك عشان تيجي معايا مبقاش ليكي قاعدة هنا احنا اطمنا علي زين لحد ما بقا كويس ف يلا
نبض بجمود : انا مش هتحرك من هنا غير لما يقف علي رجله ويتعافي نهائيا
ساميه : يعني إي؟
نبض : يعني ي ماما انا مش هسيب خالي وامشي
ساميه بحدة : بس هو مبقاش خالك ولا بقا ليكي اي صله تربطه بيكي عشان تفضلي قاعدة معاه
نبض : لا في انتي نسيتي اني مراته
ساميه بصدمه : انتي بتقولي اي
نبض : انا بقول إللي انتي نستيه انا مش هسيب زين وهو في الحاله دي مهما حصل
ساميه : مش دا إللي مكنتيش طايقه تسمعي صوته ولا حتي تشوفي وشه
نبض : وقتها كنت متعصبه وزعلانه منه ولسه برضو بس هو دلوقتي محتاجني وانا مقدرش اسيبه وامشي بعد كل إللي عمله ليا
ساميه : بس هو دلوقتي مش محتاجك اهله معاه غير انه مش فاكرك اصلا
نبض : مش مهم .. المهم اني افضل جنبه لحد ما يقف علي رجله ويرجع زين إللي اعرفه
حتي لو مكنش خالي بس هو إللي مربيني هو إللي بس مجرد ما اعطس كان بيجري يوديني لدكتور مكنش بيخليني احس اني يتيمه
كان دايما بيخاف عليا اكتر من نفسه ولو روحت وسبته دلوقتي وهو في أمس الحاجه ليا يبقا انا قليله اصل وخسارة فيا كل إللي كان بيعملوا عشاني
نبض سابتها ودخلت تتطمن علي زين إللي كان بيهزر مع بنت اخته سميرة
نبض كانت بتبص عليهم بحزن لولا إللي حصل كانت دلوقتي هي إللي مكان دهب بتضحك معاه
دهب : تعالي ي نبض واقفه بعيد كدا لي
دخلت نبض وابتسمت بحزن
دهب : تعرف ي خالو نبض دي كانت لما تشوف حد فينا بيلعب او يهزر معاك كانت دايما تيجي تحشر نفسها معانا وتقول دا خالي لوحدي ومحدش يهزر معاه غيري
هههه بس دلوقتي تشوفها تحسها واحدة تانيه غير نبض إللي كلنا نعرفها
زين : معلش ي دهب ممكن كوبايه ميه
نبض : خليها وانا هجيب ليك
زين : لا استني انا عاوز اتكلم معاكي يلا ي دهب
دهب : حاضر ي خالو
زين : تعالي ي نبض اقعدي جنبي
نبض اتوترت وقلبها بدء يدق جامد من اول ما عرفت انه مش خالها وهما مش قعدوا اتكلموا مع بعض لوحدهم
اول ما قعدت مسك ايدها فسحبتها بسرعه وبلعت ريقها
لمس خدها برقه بإيده السليمه فغمضت عينها وبدأت تتمفس بسرعه
ضحك زين : مالك بترتعشي كدا لي كأني حبيبك مش خالك
فتحت عيونها بسرعه وبدء قلبها يدق جامد وطلعت جري من الاوضة بسرعه
فابتسم بخبث ومثل أن ايدة وجعته ااااه
قبل ما تطلع سمعته بيتألم فرجعت له تاني بخوف
نبض بخوف : انت كويس اتصل بالدكتور
زين ابتسم بحب : كويس بس ممكن تساعديني انام
نبض : حاضر
ساعدته ينام واعتدلت بس هو مسك ايدها
زين : نبض
نبض بتوتر : نعم
زين رفع ايدة ورجع شعرها خلف ودنها : انا
…..ززززين
بصوا الاتنين للصوت
جريت صاحبه الصوت علي زين وزقت نبض
وعناقته
زين حبيبي الف مليون سلامه عليك ي روحي شاله انا وانت لا ي روحي
بعدها زين : انتي مين ؟
سميرة من الخلف : دي رهف خطيبتك ي زين<!–nextpage–>
بص زين علي نبض وقال : خطيبتي !!!!!!!!!!
🎶🎶🎶🎶🎶🎶🎶🖤🎶🎶🎶🎶🎶🎶🎶
يتبع 🤎
أماني المغربي ❤️
💞6💞
روايه #صغيرتي💞
بعدها زين : انتي مين ؟؟
سميرة من الخلف. : دي رهف خطيبتك ي زين
بص زين علي نبض وقال : خطيبتي !!!!
نبض اتصدمت أول ما سمعت الكلام وبصت بسرعه لسميرة
ابتسمت سميرة بخبث : وبصت علي امها
✨فلاش بالك✨
سبحان الله بحمدة سبحان الله العظيم
سميرة بصدمه : انا هتجنن يعني ساميه مطلعتش اختي وزين دلوقتي متجوز من نبض إللي هيا كانت المفروض بنت اخته لا لا بجد انا عقلي مش قادر يستوعب
الام : ومين فينا قادر يستوعب لحد دلوقتي
انا لحد دلوقتي مش مصدقه أن ابوكي عرف يضحك علينا الفترة دي كلها وخلاني اربي بنت حبيبته
سميرة : طب هتعملي اي دلوقتي ي ماما
الام : زين قبل ما يعمل الحاثه ويفقد الذاكرة كان هيطلق نبض بس دلوقتي صعب جدا يطلقها لاني قولتله انها بنت اخته
سميرة بخبث : طب إللي يخليه يطلقها ويخرجلك نبض دي من حياته وتبقا مجرد ذكري
الام : وإزاي بقا
