قام واتحرك نحيتي وهو بيميل بنص جسمه وبيبص جوا عيوني
المقابل انك تساعديني في سرقه ملف مهم جدا جدا من شخص بيكرهني وعايز يلف حبل المشنقه حوالين رقبتي
واشمعني انا!
لان محدش غيرك يقدر يعمل كده
ازاي
مال علي ودني وهو بيهمس ببطئ
لان الشخص ده يبقي تيم الزناتي
قلبي دق بړعب
وشي بهت واتحول لونه للاصفر الداكن
الصدمه الجمت لساني في الحقيقه
اما عنه ابتسم بخبث وهو بيقف وبيحط أيده في جيوبه
بالظبط اللي جه في دماغك تيم الزناتي ابن خالك
رديت والدموع بتلمع في عيني
ل لا لا ارجوك مش هقدر اعمل كده م مش هقدر أنا….
بتحبيه مش كده
بلعت ريقي وسكت ودموعي بتزيد
قعد مره تانيه علي الكرسي وهو بيبصلي ببرود
اللي بيحب حد اظن بيعمل اي حاجه علشان ينقذه مش كده يا لوله!
قالها بابتسامه بارده وهو بيبص ل ليلي اللي كانت بتبصله بقرف وهي ماسكه ايدي وبتضغط عليها في محاولة انها تطمني رغم أنها خاېفه اكتر مني
اخد نفس عميق ومط شفايفه بلا مبالاه
بس تعرفي أن هو كمان بيحبك
لا ده بيعشقك
مره سالته ايه نقطه ضعفك
قالي صوفيا
قالي أنه مستعد يعمل اي حاجه علشانك
لدرجه انه ممكن يضحي بحياته لاجل عيونك!
حط رجل فوق التانيه وبصلي بتأثير مصطنع
اظن أن انتي كمان بتحبيه ومتقدريش تستغني عنه
علشان كده لازم تساعديني اوصل للملف
ولو رفضت
هز رأسه بهدوء
ليكي كامل الحريه
بالسهوله ديه!
لا طبعا لو
—
رفضتي إذا انتي مستغنيه عنه
يعني ايه
رد بصوت مرعب حاد غليظ وهو بيبصلي بشړ
يعني لو الملف مبقاش عندي في خلال ٤٨ ساعه قولي علي حبيب القلب يا رحمن يا رحيم
وانا ايه اللي يضمنلي انك بعد ما تاخد الملف مش ھتأذيه!
هز أكتافه بلا مبالاه
استلم الملف واتأكد اني مش فى خطړ وقتها هبعد عنه تماما انا زعيم ماڤيا اه بس عندي قلب ومحبش افرق عصافير الحب عن بعض!
غمضت عيوني وانا بتنفس بسرعه
وفي صراع يطول شرحه جوايا
كنت قدام اختيارين اصعب من بعض
اوافق وانقذ تيم لكن اخسر ثقته فيا للأبد
او ارفض واعرض حياته للخطړ ووقتها اخسر قلبي وروحي اللي هيموتوا معاه
ميلت ليلي علي ودني بهمس
وافقي يا صوفيا
هزيت راسي بنفي ودموع
مش هقدر يا ليلي مش هقدر أخسر ثقته فيا انا اكتر واحده بيثق فيها في العالم!
تخسري ثقته افضل من خسارته يا صوفيا
وجايز لما يعرف انتي عملتي كده ليه يسامحك
ها ياقطه قرارك ايه
هزيت راسي وانا بهمس بصوت مبحوح
موافقه
عين العقل
وفجأه قرب مني وسحبني من دراعي وهو بيبص جوا عيوني بتحذير وټهديد
اي حركه غدر كده ولا كده صدقيني وقتها مش هرحمك
خليكي متأكده أن من وقت ما تخرجي من هنا عيوني هتكون عليكي ليل مع نهار كل حركه هتكون عندي صوت وصوره مفهوم يا قطه!
هزيت راسي وانا بغمض عيوني پألم من أيده اللي كانت غارزه في دراعي
ساب ايدي وطبطب علي وشي بابتسامه خبيثه ومقرفه
ربنا معاكي ياقمر
رجعت البيت
فتحت الباب بالمفتاح
واول ما دخلت لاقيت اللي بيجري نحيتي بلهفه
صوفيا انتي كنتي فين!
اترميت في حضڼ ماما وانا بغمض عيوني بتعب وإرهاق وبهمس بخفوت
انا كويسه متقلقيش
حاوطت وشي بقلق وعيونها بتلمع بالدموع
كنتي فين كل ده كلمتك كتير ومردتيش حصل حاجه انطقي يابنتي متوجعيش قلبي
هزيت راسى والدموع بتلمع في عيني
صدقيني مفيش حاجه حصلت انا كويسه ا انا انا بس محتاجه ارتاح دلوقتي ممكن
لا مش ممكن
قالها تيم اللي ظهر فجأه وخرج من الصالون
بمجرد ما سمعت صوته قلبي اتنفض وركبي خبطت في بعض!
قرب مني بملامح حاده فبلعت ريقي ورجعت خطوه لورا پخوف
