الصعيدي والعمياء بقلم نوران احمد مليجي

ماجد : عايز اتحدث وياكي اطلعي البسي عنخرج بره بسرعه متتاخريش عاد عتبص علي اي عاد كانك عايز تتلطش اياك

فادي : لع يا واد عمي اني رايح لجدي مليش صالح بيك انت وهيا

طلعت نور وقعدو في جنينه

ماجد : هتجوليلي بجا اي حكايه الواد ده ولا تشوفي وشي التاني واني معايزش تشوفه ده واصل

نور : هو انا هحكيلك مش عشان انت بتخوفني بس لان بطمن معاك شويه حكايتي بدأت معاه وانا في الجامعه شافني وحاول يكلمني علي الاميل بتاعي كتير لحد ما اتكلمنا اي بتبصلي كدا ليه متتعصبش انا عارفه اني غلطانه المهم انه بدأ يهتم بيا والوقت ده كان البيت كله بعيد عني ويبعت فون جديد ولاب وهدايا كتير وكان بيقول ليا انه عايز يصرف عليا واكون مسؤوله منه عرفته رقم بابا وكلمه وتوافق علي الخطوبه وبدانا نخرج انا وهو رسمي كان بيعلي صوته عليا طول الوقت وفي مره واحد عاكسني وانا ابتسمت لما شوفته اتضايق بحب غيره الولد علي البنت بس مكنتش متوقعه ابدا انه ينزل فيا ضرب وشي كله كان جروح وقال لو قولتي لابوكي اي حاجه عن اللي حصلت ده هجيلك حتي وانتي نايمه من الشباك وهبهدلك حاسيت وقتها انه مش انسان طبيعي وكنت خايفه اوي منه تصرفاته وحركاته شخص متملك مجنون مش طبيعي ابدا بقيت اخاف اخرج معاه ولو سمعت صوته بترعش من الخوف لحد ما في يوم بابا شافه وهو بيضربني وعرف عنه معلومات انه كان بيراقبني من فتره ودخلي بشكل معين علشان احبه ويرتبط بيا ويقدر ياخد شركات بابا والفلوس وبيغير عليا غيره مرضيه و كان بيهددني ودايما بيشك فيا ومبقتش اعرف اخرج بابا اقترح عليا اسافر معاهم نغير جو واجمد شويه ولما نرجع نفسخ الخطوبه دي بس ومن وقتها حصل كل ده زي ما انت شايف

ماجد : ما عحبش اشوف دموعك دي واصل بعد أكده طول ما انا معاكي معايزش اشوف دموعك دي واصل مفهوم تعالي عنركب الحصان ده

نور : انا مبسوطه اوي حاسه بالحريه والراحه جوايا كان الهوا ده بيغسل قلبي من جوه وبيشيل الهموم شكرا بجد ليك النهار ده احلي يوم عشته من فتره طويله اوي

ماجد : ربنا يجدرني واسعدك طول الوجت يلا نروح الوجت اتاخر وعمك عبدالله عيتعصب

في بيت عدلي
فادي : يعني ينفع أكده يا جدي الناس عنجول علينا اي عاد البلد كلياتها عيتحدثو عن السنيورة بت البندر وعندليب الصعيد عصافير الحب وانت تعرف يا جدي عندنا اهنه التار ولا العار سيرتها بجت علي كل لسان وكيف بتعيش وسط رجاله في الجصر لازم تتصرف يا جدي بت عمي لازم تتجوز واني معنديش مشكله اتجوزها واتستر عليها اخدمني يا جدي وجوزهالي

رجعت نور مبسوطه

عدلي : توك ما جيتي كل ده يطلع منك وانتي عميه امال لو كنتي بصحتك كنتي عملتي اي

نور : اي الكلام اللي حضرتك بتقوله ده يا جدي انا مش فاهمه حاجه

عدلي : الناس كلت وشنا بسببك وبسبب صرماحتك مع واد عمك وعيجولو انها جصه حب والأصول متجولش بت تخرج لوحدها وتعيش مع شباب عاد ولا اي وعشان أكده عتتجوزي فادي وفي اجرب وجت

وكدا تكون خلصت حلقتنا استنونا في بارت جديد مع السلامه وهستنا رايكم وتعليقاتكم بقلمي نوران احمد

#بقلمي_نوران_احمد_مليجيالصعيدي والعمياء 5
#بقلمي_نوران_احمد_مليجي

في بيت عدلي

نور بصدمه : اي الكلام الغريب اللي بتقوله ده يا جدي لو حاسس اني تقيله عليك وبدأت الناس تتكلم عني خلاص انا هسافر وارجع بيتي انت مش مضطر تتحملني

عدلي : اجعدي اهنه وصوتك معيعلاش عليا واصل يا بت البندر الحريم ملهمش رأي واصل اهنه

عبدالله : لع يا بوي معوافجكش في اللي عتجوله ده اللي جلبها يختاره عتتجوزه وبعدين يا بوي كانك معندكش غير فادي واصل مش اكده ماجد ليه مش في الحسبه

عدلي : جدامك يومين عتختاري فيهم الي عتتجوزيه فادي ولا ماجد واهنه خلصت الحكايه

بدأت دموع نور بنزل

عبدالله : متبكيش عاد يا بنيتي معتجلجيش اني في ضهرك معيحصلش حاجه معايزاهاش رايحه فين بس يا بتي متخرجيش لواحدك

نور وهي بتخرج من الباب : عايزه اخرج شويه عايزه افكر في كل الاحداث دي سيبني لواحدي لو سمحت

طلعت ناحيه سوق قرب منها ولدين صغيرين وفضلو يشدو لبسها ويلفو حواليها

عبد الصبور : طنط يا طنط عتعرفي تجوليلي اني رافع جدام عينيكي كام صباع دلوجيت اه صح نسيت انك معتشوفيش مش اكده يا صالح

نور : بس يا حبيبي كفايه يا بابا انا تعبت كفايه كدا

دخل ماجد البيت وشاف أبوه حزين

ماجد : مالك يا عبدالله عاد شايل طاجن ستك ليه وولدك علي وش الدنيا

بدأ عبدالله يحكيله كل حاجه اتعصب ومشي يدور عليها

عند نور في السوق وقعت علي الارض وخبطت في ولد عيط وجاب أمه وبدأت تدور علي العصايه

عفاف : كيف واحده معتشوفش حاجه تمشي اكده في الشارع من غير حد عميه يا اختي متجرفيناش وخليكي في بيتك مش ناجصين

نبيله : جري اي يا عفاف عتستاجوي علي البت عاد اكمنها مسكينه ومتجدرش ترد عليكي اتجي الله يا شيخه

مسكت نور العصايه ودموعها بتنزل وبتمشي بعيد عنهم وبتخبط في اللي حواليها لحد ما وصلت لارض مزروعه وسمعت حد بيجري وصوت

تهاني : خلاص يا بوي عشان خاطري يا بوي مهعملش اكده واصل ورحمه امي متضربنيش ارجوك واستخبت وري نور رفعت نور العصايه

نور بخوف : لو لو سمحت ممكن تهدي الأمور بتتحل بالهداوه والله

ولسه الراجل بيمد ايده يضربها عشان يشد بنته وقف قصاده ماجد

اترعب الاب اسماعيل : م ماجد بيه اني اني اسف مجصدش حاجه هي تبعك والله لو اعرف انها تبعك كنت فرش ليها الارض ورد وضايفتها حجك علية وحجك عليا يا هانم معتزعليش مني

فضلت تخبط بايديها لحد ما مسكت جلبيته اطمنت بيه

ماجد : انتي زينه يا نور تعالي نجعد في اي حته ارتاحي ومتخافيش واني معاكي واصل وكل حاجه هتتحل طول ما اني معاكي

نور بدموع : انا انا عايزه اروح كفايه كدا ارجوك روحني مش عايزه افضل هنا ولا عايزه اتكلم مع حد

ركبها العربيه وبص للبسها المتوسخ وزعل عليها وصلو نزلت نور وماجد وراها وقدام البيت

ماجد : معتتجوزيش حدي معيزاهوش طول ما اني علي وش الدنيا ولو لزم الأمر اجيبلك شجه لحالك واخلي بالي عليكي معسمحش لحد يضايجك واصل

نور : انت ممكن تتجوز واحده عميه يا ماجد مش هتعرف تكون لا زوجه ولا ام هتتحمل حد يزود عليك عبئ كل حاجه بدل ما تساعدك وتهتم بيك انت اللي دايما هتعمل كل حاجه وتساعد وتهتم بيها

ماجد : عشيلها فوج راسي او عحبها وتستاهل وبت ناس واكده ولا اكده سواء بتشوف او لا عجيب ليها ناس تخدم عليها معتشيلش هم اي حاجه اهم حاجه راحتها

حضنته نور : مش بطمن غير معاك انت ولو هختار حد هختارك انت لحد ما تحب وتلاقي بنت الحلال ووقتها ممكن تطلقني
اتكسفت من نفسها ودخلت اوضتها بسرعه ومن بعيد كان شايفها فادي ومتعصب

في اوضه نور رن الفون بتاعها وردت

رحمه : يا بنتي كنتي فين زهقتيني يا شيخه مش عارفه اوصلك عايزه احكيلك حاجه بما اني في السجن وفاضيه كنت في فرح وفي واحد زي القمر يا بت مز كان بيبصلي وبيشاورلي عايز يكلمني وياخد رقم الفون بتاعي طبعا محترمه ف رفضت

نور : رفضتي ازاي انتي عيانه ولا اي اول مره ترفضي واحد

رحمه : يا بت لازم اكون تقيله بردو مينفعش اكون واقعه اوي كدة اسكتي واسمعي بقا اي الرغي ده

نور : معلش بس عايزه اعرف ازاي بتكلميني وانتي في السجن يعني هناك في تليفونات عادي كدة

رحمه : ما انتي لو تخرسي وتديلي فرصه كنت شرحت يخربيتك اي ده المهم يا اختشي روحت من الفرح وإذ الاقي يا سبحان الله المز بعتلي اد علي الفيس

نور : اي رايك تختاري الفاظك اي الألفاظ دي بجد بقيتي لوكل جدا

رحمه : خليكي في حالك قبلت طبعا الاد كفايه كدا تقل علي الواد قبلت وقعدنا اسبوعين بنتكلم وكل كلامه انه عايز يتجوزني رسمي وكدا واحدد معاد مع اهلي

نور : حلو ده اول مره متمديش ايدك في الزباله وتطلعي رجاله اول راجل محترم اخيرا

رحمه : اصبري علب رزقك يا اختي الخزوق لسه مجاش اسمعي للاخر دخلت يا بت علي البروفيل بتاعه لقيته منزل صوره وحد معلق ليه انه ابو محمد واكتشفت انه متجوز ومخلف

نور : احيه اي ده الهبل ده هو في ناس ممكن تعمل كدا بجد عادي

رحمه : ولسه هو انا سكت روحت يا بت كلمت العروسه اللي كانت في الفرح تسأل جوزها عنه وان في واحده تعرفه معجبه بيه عرفت انه بيحب مراته جدا وحياتهم سعيده جدا ولسه عامل ليها عيد ميلاد جامد جدا من اسبوع ومروق علي حاله ابن الصرمه اسكت لا طبعا كلمته من عند زميلي في الشغل وخليته يقوله انه كسب في سحب موبايل جديد ولازم يبعت العنوان عشان يستلمه وعرفت بيته فين روحت هناك وعرفت كل حاجه من البواب وعرفت مواعيد شغل مراته من كام لكام فضيت ليها يوم ووقفت استناها لحد ما رجعت من الشغل ووريتها كل حاجه ورنيت عليه قدامها وهو نزل نحنحه وحب فيا كالعاده مراته سمعت شبشبتله وزعقت وعلت صوتها وقولت ليها خدي حقك بطريقتك بس حقي لسه مرجعش روحت يا بت رزعته علقه ومتجبس في المستشفي دلوقتي وبلغ عني وفي السجن دلوقتي

نور : جدعه ده انتي كوين بنت كوين بيعجبني فيكي حبك للمشاكل ودخلو الاحداث

رحمه : متستهبليش بقا محتاجه حد يضمني ويطلعني مش قولتي ابن عمك المز اللي بتكرشي عليه ده وكيل نيابه

نور : انا متكلمتش عنه خالص ولا انه وكيل نيابه ولا زفت عرفتي الكلام ده منين

رحمه : جمعت عنه معلومات ما انا لازم اعرف هتعيشي مع مين يا حبيبي هو اي حاجه كدا وخلاص

نور : طب اقفلي اقفلي اشوف ماجد لو يقدر يساعدك
ويجيبك هنا بالمره

رحمه : بت انتي بتحبيه صح اعترفي قولي بسرعه بتحبي الواد ده صح المعلومات بتقول انه مز بس لازم اتأكد مفيش اي صوره كدا

قفلت نور في وشها وكلمت ماجد وحكتله

ماجد : معتجلجيش عروح ليها دلوجيت عندي شغل بالمره اشوفه واجيبها معايا

نور : شكرا جدا معلش بتعبك معايا كدا علي طول دايما في مصايب وانت بتلحقني

ماجد : انتي بت عمي لو مهعملش اكده معاكي هعمل اكده لمين معتعرفيش اني هحبك كد اي جصدي هعزك كد اي