فاطمه ويوسف الجزء الاول

يوسف بزعيق:رد عليا
سيف:اااا والله يايوسف الوقت سرقنا ومخدناش بالنا صدقني دي اخر مرة
يوسف:هو مفيش خروج تاني اصلا عشان تتعلموا بعزد كده ان كل شوية تبصوا في الساعة
سيف:انا اسف يايوسف
يوسف:اخرس ومش عايز اسمع صوتك وعلي الله اشوف وشك في مكان اكون انا موجود فيه
وخرج يوسف من الاوضة
&&&&&&&&&&
عند جيهان
عادل:جيهااااان
جيهان:نعم
عادل:افرحي ياقلبي لقيت خطة جامدة جدا
جيهان بفرحة:بجد ايه هي
عادل:…………. ها ايه رايك
جيهان بفرحة:وااااااااو جامدة جدا
عادل:بس هنفذها امتي
جيهان:اديني يومين وهقولك
عادل:ماشي بس مش المفروض يبقا ليا مكافاة
جيهان:ههههههههههههه اه طبعا
عادل شالها ودخل بيها الاوضة
&&&&&&&&&&
مها:يوسف يايوسف
يوسف:نعم ياماما
مها:اطلع نادي مراتك واخوك عشان ينزلوا يتعشوا معانا
يوسف بتنهيدة:حاضر
يوسف طلع ل فاطمة
يوسف:فاااااطمة
فاطمة بصتله
فاطمة:ن ن نعم
يوسف:انزلي عشان تتعشي
فاطمة:مليش نفس
يوسف بصرامة:وانا مش هعيد كلامي تاني انزلي عشان تتعشي ولو منزلتيش يومك هيبقا اسود فلمي الدور
وخرج وسابها
&&&&&&&&&&
يوسف راح ل سيف
وخبط ومفيش رد
يوسف فتح الباب واول مافتح
يوسف بصريخ:سيييييييييييف
الكل طلع جري علي اوضة سيق يشوف في ايه
“وطبعا انتوا كمان عايزين تعرفوا في ايه انا هقولكوا”
يوسف دخل الاوضة لقي سيف مرمي علي الارض مغمي عليه شاله وجري بيه علي العربية يوديه المستشفي وطبعا الكل وراه
&&&&&&&&&&
في المستشفي
الدكتور خرج من عند سيف
يوسف بقلق:خير يادكتور
الدكتور بانفعال:هو انا مش قولت محدش يزعله عشان ميتعبش لغاية مانجهز ورقة عشان يسافر ويعمل العمليه
يوسف بقلق اكبر:ايوة يعني ايه اللي ححصله
الدكتور:ده من حظه ان الورق جهز خلاص المفروض يسافر بعد بكرة
يوسف:ان شاء الله طب هو ينفع يخرج معانا صح
الدكتور:اكيد لازم يخرج عشان يجهز للسفر وياريت تبعدوا عنه اي حاجة تزعله لان ده هيضر صحته ااكتر
يوسف:ان شاء الله
وخرج الجميع من المستشفي وذهبوا الي البيت
“عارفة انكوا عايزين تعرفوا عمليه ايه اللي سيف المفروض يعملها….سيف عنده القلب وهيسافر يعملها برا مع اكبر دكتور قلب ”
&&&&&&&&&&
عند جيهان
جيهان:دوووولة
عادل:اممم
جيهان:بص يابيبي هنفذ الخطة ببكرة
عادل باستغراب:اشمعنا ده حتي لسه معداش يومين
جيهان:اصل عرفت ان هو هيسافر عشان عمليه سيف فعيزاه يسافر وهو مخنوق منها او علي الاقل يكون اتخانق معاها…ضـ,ـربها…طلقها…طردها…اي حاجك المهم يحصل تاتش جامد بينهم
عادل:حاضر عايزة حاجة تاني
جيهان بشر:لا مش عايزة دلوقتي كفاية عليهم اللي هيحصلهم
&&&&&&&&&&
تاني يوم
يوسف دخل لسيف
يوسف بندم:سيف انا اسف عشان زعلتك متزعلش مني ياحبيبي
سيف بابتسامة:ومين قالك ان انا زعلان منك انا زعلان من نفسي عشان زعلتك مني انا اللي المفروض اقولك انا اسف وحقك عليا
سيف قام ولسه هيبوس دماغ يوسف
كان يوسف سبقه وباس دماغ سيف
يوسف:انا اللي غلطان مش انت يلا انزل عشان تاكل معانا
سيف:حاضر بس ممكن سؤال
يوسف:طبعا
سيف:انت صالحت فاطمة
يوسف بصله وسكت
سيف:عشان خاطري يايوسف صالحها فاطمة ملهاش غيرك دلوقتي وبعدين انت زعقتلها جامد ده انت صوتك كان وصلي وانا في الاوضة
يوسف:حاضر عشان خاطرك انت بس
سيف:ربنا يخليك ليا
يوسف:ويخليك ليا ياحبيبي يلا ننزل
سيف:يلا
&&&&&&&&&&
وفي اوضة السفرة كان قاعد مراد ومها وفاطمة وسيف ويوسف
يوسف:فاطمة بعد مانخلص اكل اطعلي الاوضة 5 دقايق عشان عايزك
فاطمة:حاضر
وبعد مااكلوا
&&&&&&&&&&
في اوضة يوسف
يوسف:انا اسف متزعليش مني
فاطمة بصتله ومتكلمتش
يوسف قرب منها اوي وقالها
يوسف:فاطمة عايز اقولك حاجة مهمة
فاطمة بدات تتوتر من قربه ليها
فاطمة بتوتر:ات ااا اتفضل
يوسف قرب اكتر
يوسف بهمس:انا بحبك
يوسف مدهاش فرصة ترد لان هو اخدها في حـ,ـضنه وبدا يبوس فيها وهي مصدومة ومش مديا اي رد فعل نهائي
بس قاطعه صوت رسالة
يوسف بغضب:اووووووووف ده مين الغتت ده
فاطمة رغم صدمتها من اللي حصل لكن ابتسمت وفرحت
اما يوسف اللي كان فرحان ان هو اعترف بحبه ليها والابتسامة اللي مليا وشة فجاة اختفت والدنيا ضلمت في وشه التليفون وقع من ايده وكان حد ضرـ,ـبه بالنار اكنه بيمـ,ـوت مش شايف حاجة قدامه نهائي مش سامع اي حاجة حواليه مش سامع نداء فاطمة ليه ولا حاسس بحركة فاطمة ليه مفيش اي حاجة تدل ان هو في وعيه او ان هو عايش اصلا
فجاة الكل طلع علي صويت جاي من اوضة فاطمة ولما دخلوا لقوا يوسف واقع في الارضة سايح في دمه…مفيش حركة…مفيش نفس…مفيش نبض ضعيف…مفيش اي حاجة خالص…ودوه المستشفي ولما الدكتور خرج قال كلمة هزتهم كلهم هزت المستشفي كلها كلمة رنت في ودنهم وبالذات فاطمة رن ااكتر من مرة الدكتور قال
الدكتور:البقاء لله وترددت كثيرا في اذن فاطمة”البقاء لله…البقاء لله…البقاء لله….وهكذا”
ياتري دي النهاية؟؟
فعلا يوسف مات ؟؟؟
طب ومين مـ,ـوته؟؟؟
وموـ,ـته اذاي اصلا؟؟؟
طب وسيف عمليته مش هتتعمل؟؟؟
وياتري سيف عمليته هتنجح ولا لا؟؟؟
وياتري فاطمة بتحب يوسف ولالا؟؟؟
رايكوا
توقعاتكوا

#الحلقة_السادسة

فاطمة بصدمة:ازاي ها ازاي يوسف لازم يعيش لازم يعيش فاهم اعمل اي حاجة ارجووك
مها ببكاء:ارجوك يادكتور حاول تاني ارجوك يارب احميلي ابني يااااارب
سيف كان واقف بيعيط هو ومراد
الدكتور:يابنتي احنا عملنا اللي علينا بس ده قدره
فاطمة بصريخ:يعني ايه يوسف مماتش انت فاهم يوس
قاطع كلام فاطمة خروج الدكتور الثاني
الدكتور 2:دكتور يادكتور
الدكتور 1:نعم
الدكتور 2:المريض اللي جواة استجاب لينا. وقلبة اشتغل تاني
الدكتور 1:بجد….بعد اذنكوا ياجماعة
ودخلوا ليوسف تاني
فاطمة بفرحة وبكاء:الحمدلله الحمدلله شكرا يارب شكرا يارب ربنا يقومك ليا يايوسف
مها ببكاء الفرحة:الحمدلله يارب الحمدلله
مراد وسيف:الحمدلله يارب
&&&&&&&&&&
عند جيهان
جيهان بزعيق:عاااااااااادل يا عاااااادل
عادل:في ايه بتزعقي كده ليه
جيهان:تقدر تقولي ايه ده
عادل:ايه
جيهان رمت الجرنال في وش عادل
جيهان:اتفضل شوف ايه ده
عادل مسك الجرنال ولقي ان مكتوب
خبر عاجل
“تم نقل يوسف الشناوي الي المستشفي عقب اصابته بطلق ناري في منزله والسبب مجهول”
عادل بصدمة:ايه ده
جيهان بسخرية:ايه يابيبي مش عارف ايه ده “ورجعت اتكلمت بغضب”هو ده اللي اتفقنا عليه ياعادل
عادل:اقسم بالله ماانا اللي عملت كده
جيهان:امال هيكون مين
عادل:معرفش
جيهان:بجد ياعادل مش انت اللي عملت كده
عادل:ورحمة امي ماانا اللي عملت كده
جيهان:امال مين اللي عمل كده
عادل:الله اعلم
جيهان:كده هنضطر ناجل تنفيذ الخطة
عادل:يومين يكون هو قام بالسلامة
جيهان:ماشي بس تفتكر هو لحق قرا الرسالة
عادل:اكيد قراها ولو مقراهاش هنبعتهالوا تاني
جيهان:هنشوف بس دلوقتي تحاول تجبلي اخباره ماشي
عادل:حاضر هحاول يلا سلام
جيهان:سلام
&&&&&&&&&&
عند احمد وسمر
خالت احمد”سوزي”:يلا ياجماعة احنا هنمشي يلا يازيزي
احمد:ليه بس ياخالتوا لسه بدري
سوزي:بدري من عمرك ياحبيبي”وبعد كده اتكلمن بخبث”وبعدين عشان مراتك متدايقش اكتر من كده
احمد:ملكيش دعوة بيها ياخالتوا انا هجبلك حقك
زيزي بدلع:خلاص يامودي محصلش حاجة وانا اوعدك يومين وهنيجي تاني
احمد:اما اشوف
زيزي:يلا سلام….يلا يامامي
سوزي:سلام ياجماعة
وبعد مامشيوا
ابو احمد:ليه كده يابني تقلل من مراتك قدام خالتك وبنت خالتك
احمد:هي اللي قلة ادبها يابابا
ابو احمد:مراتك مغلطتش مراتك حاجتها نضيفة وانت عارف كويس سمر نضيفة قد ايه اوعي تجرح مراتك بكلمة قدام حد بعد كده او تحرجها بكلمة حتي لو قدامنا احنا….احنا هنمشي وانت تدخل تراضي مراتك ده انتوا لسه مكملتوش اسبوعين يلا احنا ماشيين عشان تاخدوا راحتكوا
سمر:استني ياعمي
الكل بصوا علي اوضة احمد وسمر لقوا سمر واقفة وجمبيها شنطة هدومها
ام احمد:ايه يابنتي الشنطة دي
سمر ابتسمت بحزن ووجع:زي ماانتوا شايفين شنطة هدومي
ابو احمد:ليه يابنتي
سمر:اصل مش هقعد مع واحد زعقلي واهني قدام اهله وجه عليا عشان خاطر خالتوا وبنت خالتوا وهو عارف ان هما مش بيحبوني وبيفرحوا فيا وبيحرجوني قدام اي حد ورغم كده موقفهمش عند حدهم ولا قالهم عيب ولا اي حاجة عايزني اقعد معاه ازاي ها
ام احمد:استهدي بالله ياحبيبتي هو عارف ان هو غلط ده كان داخل يصالحك دلوقتي اهدي واغزي الشيطان
سمر:اسفة بس انا هروح بيت بابا ومش هرجع هنا الا لو ردلي كرامتي اللي هنها قدامهم بعد اذنكم
سمر شالت الشنطة وراحت عن الباب وفتحته
وقبل ماتخرج
احمد:سمر..لو خرجتي من باب البيت مش هتدخليه تاني فاهمة واظن كلامي واضح واظن انك عارفة اني بنفذ كلامي
سمر بوجع:يبقا مش هدخله تاني…تعرف زيزي لايقة عليك اوي كان واضح من الاول ان هي اللي لايقة عليك مش انا…طلقني يااحمد وروح لخالتك وفرحها واتجوز بنتها هتفرحها اكتر بس بامانة تيجي بعد كده وتقولي حياتك سعيدة معاها ولا كانت سعيدة معايا انا ماشي…سلام اه ومتنساش ورقة الطلاق تيجي ماانا مش هدخل البيت تاني بقا
وبصتله من فوق لتحت وخرجت من البيت وفجاة
احمد بصريخ:سمرررررررررر
&&&&&&&&&&
عند دينا
دينا بعياط:مش بيحبني ياهناء مش بيحبني
هناء:مين اللي قالك ان هو مش بيحبك
دينا:هو هو قالهالي بنفسه قالهالي يوم فرح احمد وسمر
هناء:ياعبيطة يمكن بيضحك عليكي انتي مش بتشوفي نظراته ليكي عاملة ازاي
دينا بضحكة وجع:نظرات عادية لكن مش حب….مش حب ياهناء
هناء اخدتها في حـ,ـضنها
هناء:طب اهدي…اهدي ياحبيبتي
هناء في سرها:لازم اتصرف ازاي مبيحبهاش امال هو قالي ان هو بيحبها ليه
وبدات تفتكر
فلاش باك
هناء:سيف ياسيييف
سيف:هااا بتقولي حاجة ياهناء
هناء:مالك سرحان في ايه
سيف:انا هقولك بس عشان انتي اقرب واحدة ليها في الشلة
هناء:خي مين دي
سيف:هناء انا بحب دينا بحبها ايه ده انا بعشقها
هناء بفرحة:بجد اللله بقا دي هتفرح اوي دي مش هتصدق اصلا انك بتحبها
سيف:هناء متفرحيش اوي كده لان انا مش هقولها
هناء:ليه
سيف:هناء انا هقولك علي حاجة محدش يعرفها غيري انا وفاطمة ويوسف اخويا وماما وبابا
هناء بقلق:في ايه ياسيف قلقتني
سيف بحزن:انا عندي القلب
هناء بصدمة وحزن:ايه؟؟؟؟؟
سيف:والمفروض ان هعمل عمليه كمان اسبوع
هناء:اسبووع؟؟؟
سيف:ومعرفش اذا كانت العملية دي هتنجح ولا لا عشان كده مش عايز اعرفها بحبي ليها واديها امل علي الفاضي
هناء بدموع:متخافش ياسيف ان شاء الله هتقوم بالسلامة وهتقولها انك بتحبها وهتتجوزوا كمان وهتقول هناء قالت
سيف بتمني:يارب نفسي اوي
هناء :ان شاء الله
سيف:غيري الموض‘ع عشان الشلة جت
هناء:حاضر
باك
هناء في نفسها:ربنا يقومك بالسلامة ياسيف”وكملت بصوت عالي”اهدي ياحبيبتي اهدي
&&&&&&&&&&
في المستشفي
الدكتور خرج من عند يوسف
فاطمة بقلق:خير يادكتور
الدكتور:ادعوله لو ال 24 ساعة اللي جايين عدوا علي خير هيبقا كويس باذن الله
الكل:يارب امين يارب