فاطمة، حلو اووي ده بقى عامل زي الدنيا الارض اللي كان الارض اللي بيتمشى فيها والجنية ده عامل زي الحاجة الحلوة اللي ربنا بيدهالنا وبعدين راح واخدها مرة تانية وبعدين لما دور علية لقاه راح لصاحبو والراجل كان فرحان اووي
هشام، طب انا مفهمتش برضو
فاطمة، طب اقولك حاجة تانية انتا الولد ده
هشام، انا
فاطمة، ايوة ربنا ادالك بابا وماما يعني اتنين جنية وبعدين اخدهم منك وهما دلوقتي فرحانين.
هشام، بس هما وحشوني وبيقولولي ان مش هشوفهم تاني
فاطمة، مين قالك كده عايز تشوفهم
هشام، ايوة
فاطمة، خلاص بليل اوريهملك
هشام، بجد
فاطمة، ايوة بس إيه رايك بقى تاكل
هشام، تاكلي معايا
فاطمة، ماشي
هشام، انتي طيبة اوي زي عمو حسن
فاطمة، مين عمو حسن
هشام، اخو بابا
فاطمة، طب يلا
هشام، يلا يا فطوم
فاطمة، هههههه حلوة فطوم يا اوزعة
هشام، إيه ده بتقوليلي اوزعة انا زعلت
فاطمة، ههههه خلاص متزعلش يلا ناكل.
اخذته فاطمة من يده وانزلته تفاجا الجميع من نزولة فهذه اول مرة ينزل منذ وفاة والديه
اكرم، هشام
هشام، نعم يا جدو
روفيدة، ما شاء الله جدعة يا بنتي انك نزلتية بالسرعة ديه
فاتن، هي مش بتعمل ببلاش اكيد هتاخد فلوس
اكرم، فاااااتن
هشام، جدو انا هاخد فطوم وناكل ممكن
اكرم، روح يا حبيبي
سحب فاطمة من يدها وذهب
اكرم، بقولك يا فاتن احترمي نفسك
فاتن، حاضر يا عمي
روفيدة، اومال جوزك فين
فاتن، عزيز مش عارفة.
روفيدة، وحسن وامل فين
فاتن، حسن راح مع امل يشوف نتيجة الثانوية
اكرم، ربنا يوفقها.
اكرم القاضي اكبر رجال الاعمال في القاهرة رجل ذو سلطة عالية
حسن القاضي ابنة المتوسط ويعمل معه في الشركة
امل القاضي اصغر اطفالة في الصف الثاني الثانوي.
فاطمة، ها يا هشام تاكل إيه
هشام. مش عارف اقولك انا مليش نفس اكول هاكول في الغدا
فاطمة، براحتك يا حبيبي اطلع اوضتك وانا هعملك كوباية لبن تشربها
هشام، مش بحبو
فاطمة، لا ده اللبن بتاعي انا بحط عليه حاجات بيبقى حلو
هشام، ماشي هستناكي فوق
فاطمة، ماشي يا حبيبي
بعد مدة صغيرة حضر حسن وامل معه فرحون بنتيجتها
حسن، انا كده خلصت منك هروح ارتاح شوية
امل، ماشي يا حسونة بس متنساش هديتي
حسن، حاضر مادية حقيرة.
تركها حسن ولكن انتبه إلى ذلك الشخص الغريب في المطبخ دخل وجد فاطمة تسكب الحليب
حسن. انتي مين
انتفضت فاطمة من مكانها بسببه
فاطمة، انا انتا
الخادمة، ديه المربية الجديدة بتاعت هشام بية
حسن، ااااه طب هاتي كوباية قهوة وتعالي ورايا
كاد ان يغادر
فاطمة، لا
لف وجهه باستغراب، قولتي إيه
فاطمة، اظن حضرتك سمعتها وهي بتقول انا مربية هشام مش خدامة حضرتك
حسن، انتي عارفة انا بتكلم مع مين
فاطمة، لا معرفش ومش عايزة اعرف.
الخادمة، عيب يا بنتي كده
حسن، بت انتي سمعتي انا قولت إيه
فاطمة، اولا اتكلم باسلوب احسن من كده وانا مش بت
حسن، انتي هتعلميني اتكلم ازاي
فاطمة، واللهي حضرتك لو متكلمتش عدل انا هعلمك ازاي تتكلم عدل
واخذت الحليب وصعدت إلى اعلى بينما نظر حسن اليها لم ينكر اعجابة بتلك الملاك العنيد التي تجرات وردت علية صعد حسن إلى غرفة هشام ليجدها جالسة معة ويتكلمان
هشام، عمو حسن جة جة.
لفت فاطمة وعلى وجهها ابتسامة تفاجات عندما علمت ان هذا الشخص هو الذي يتكلم عنه هشام
حسن، عامل إيه يا بطل
هشام، انا كويس
حسن، يا رب دايما يا حبيبي انزل عمتو امل تحت
هشام، جت طب انا هشوفها واجي استني هنا يا فطوم
فاطمة، حاضر يا حبيبي
نزل هشام مسرعا لكي يسلم على عمتة.رواية فتاة القاضي للكاتبة رهف سيد الفصل الثاني
نزل هشام مسرعا لكي يسلم على عمتة اما حسن ظل ينظر لها ثم اغلق الباب وتقدم اليها ارتعبت فاطمة من فعلته
حسن، انا اسف
انصدمت فاطمة من اعتذاره
حسن، انا اسف على الطريقة اللي اتكلمت بيها معاكي تحت
فاطمة بابتسامة، محصلش حاجة يا استاذ حسن
حسن، لا استاذ إيه انا عندي 25 سنة
فاطمة، بس برضو الاحترام
حسن، لا قوليلي حسن بس
فاطمة، حاضر
حسن، انت كنت عايز اتكلم معاكي شوية
فاطمة، اتفضل.
حسن، ديه اول مرة اشوف هشام بيضحك كده بعد وفاة والدو و والدته من 4 شهور وان هو يتغير بين يوم وليلة ده شئ حلو اووي
فاطمة، هشام عندو استجابة سريعة وبيتحسن عشان هو عايز يتحسن مش بسببي بس انا كنت عايزة اعرف شوية حاجات عنو زي وفاة والدية وتعاملو معاهم وكدة
حسن. هشام كان تعاملو مع رائف وجنة حلو اووي وكان بيضحك وينبسط لكن من 4 شهور توفو في حادثة عربية وللاسف جنة كانت حامل وماتت هي ورائف والبيبي.
فاطمة، اسفة لو فكرت حضرتك
حسن، لا مفيش حاجة ويشرفني ان نبقى اصدقاء
فاطمة، ده شئ يشرفني انا يا يا حسن
فتح الباب ودخلت امل وهي تضحك مع هشام
امل، هههههه يا كلب إيه ده انتا بتعمل إيه هنا
حسن، وانتي مالك يلا عايزة حاجة يا فاطمة
فاطمة، شكرا
امل، مش معني اني ابقى في تانية ثانوي ابقى كيس جوافة
حسن، يا رب اخلص من لسانك اللي محتاج قصو ده انا هروح انام
ذهب حسن تقدمت امل وعقدت ساعديها وبدات بالدوران حول فاطمة.
