شمسى وقمرى بقلم زهرة الربيع الاول

راغب اتنهد وقال… وهتفرق ايه..احنا التنين حالنا واحد

شمس ابتسمت بحزن وقالت..لا حالنا مش واحد ..حالنا مش واحد ابدا انت عمرك ما هتحس الي انا حساه دلوقتي
راغب كان نفسو يقولها ان احساسو اصعب وانو مجروح جدا لانو لسه بيحب ايناس ومقدرش يتكلم بس شمس كملت بغضب رهيب وقالت…بس سواء انت اوهو هتدفعو تمن النار الي في قلبي بكره تندمو على الي عملتوه معايا وده وعد يا راغب بيه

راغب اتنهد بضيق شديد حاسس انو مخنوق طلع من الاوضه واحساسو صعب ما بين الكره والغضب والغيره والحزن نزل بغضب عايز يكلم ايناس بس كان عمر مستنيه
عمراول ماشافو قال بمرح…اها اهو نزل لوحدو اهو ..اكيد قلبو حس اني مستنيه

راغب بصلو وبص لامه وقال بيأس ..تاني يا ماما هو انا عيل صغير علشان كل ما تلاقيني مضايق تتصلي بعمر مش كفايه انا سايبلو اغلبيه الشغل اليومين دول

منيره قالت بتوتر..ياحبيبي انا مكلمتوش هكلمو ليه يعني ده هو حب يشوفك مش كده يا عمر

عمر قال بارتباك..اه طبعا..انا جيت لوحدي
راغب قال..بس..بس..انتو التنين مبتعرفوش تكدبو اصلا فبلاش حورات وبص لعمر وقال..تعالى معايا هنقعد في الجنينه

عمر وراغب طلعو وراغب كان ساكت ومش بيتكلم والغضب باين على ملامحو
عمر قال..احم ..هو..هو انت لسه بتحبها يا راغب

راغب اتنهد وقال…المشكله حاليا مش فيها ولا في حبي ليها انا اتعودت على الالم والوجع منها..الي مزعلني دلوقتي شمس وضعها صعب حتى اصعب من وضعي

عمر قال باستغراب..شمس..انت زعلان على شمس
راغب بصلو وقال بضيق..وفيها ايه دي

عمر قال ..هيه مفهاش بس من امتى بتهتم بمشاعر حد يعني..اققصد عمرك ما جبت واحده و فكرت هيه حاسه بايه ولا ايه مزعلها

راغب اتنهد وقال…شمس بتفكرني بامي احساس صعب ان الشخص الي بتحبو يسبها علشان الفلوس ويتجوز واحد تانيه احساس بيوجع قوي انا جربتو وامي كمان جربتو مش قادر انسى نظرات الخزلان الي شفتها في عنيها انهارده كانت نفس نظرة امي لما سليمان بيه العظيم طلقها واتجوز غيرها علشان شويه فلوس مش قادر اتقبل اني حطت واحده بايدي في نفس الموقف ده

عمر اتنهد وقال..طب ما انت كنت عارف من الاول انك هتحطها في الموقف ده ايه الي اتغير

راغب قال بسرعه…ابدا..اناكنت فاكر انها هتقبض زيو وهتبيعو زي ما باعها..اصلا كنت فاكر انها هتفرح بالفلوس زيو.. وكمل بوجع مكنتش متخيل انها بتحبو لدرجادي
عمر قال بمكر..وانت زعلان علشان انت السبب ولا علشان هيه بتحبو لدرجادي

راغب بصلو بغضب وقال..تقصد ايه

عمر خاف من نظراتو الشرسه بس قال..احم..قصدي يعني..لو كنت زعلان عليها تقدر تسبها وتطلقها وبكده تريحها من كل الي هيه فيه ولما تبعد عنك وعنو هتنسى بس ده كان قصدي

راغب وقف وقال بعصبيه. يعني ايه اطلقها انا اتجوزتها علشان اطلقها..بقولك ايه خلاص انا مش قادر اتكلم سبني في حالي
عمر قال..خلاص خلاص متزعلش نفسك انا كنت بقترح بس
راغب قال بضيق…لا شكرا وفر اقترحاتك ويلا روح شوف الي وراك علشان بكره هنسافر

عمر قال..ليه هو انا كمان هاجي معاك

راغب قال..طبعا وانا من امتى بروح مكان من غيرك
عمر اتنهد وقال. ياراغب انت رايح تتفسح هو شغل علشان تاخدني معاك
راغب قال..ليه هو انا لازم اخدك في الشغل بس يلا بلاش صداع هتيجي يعني هتيجي
عمر قال..الامر لله عن اذنك انا بقى ورايا كام حاجه

عمر مشي وراغب دخل وطلع علشان يشوف شمس بس اتفاجأ بمصطفى بيخبط على اوضتها بخوف
بقلمي..زهرة الربيع
راغب حس بغضب شديد وكان هيروح يضربو بس شمس فتحت الباب فاستخبى علشان يشوفها هتقولو ايه

شمس اول ما شافت مصطفى استغربت وفضلت بصالو بالم واضح وقالت ..نعم..فيه حاجه..

مصطفى كان متوتر لانوشاف راغب لما طلع الجنينه وخايف يجي ويشوفه قال. .عايزك في كلمتين يا شمس ممكن ادخل
شمس طلعت وقفلت باب الاوضه وقالت بقوه مزيفه…تقدر تتكلم هنا انا وانت مينفعش نتكلم في اوضه مقفوله انا ست متجوزه
مصطفى حس بحزن شديد وقال..يا شمس انا اسف. انا بجد بحبك اقسم بالله بحبك وهفضل احبك على طول ارجوكي خليني اشرح موقفي

شمس ابتسمت بوجع وبصتلو بقوه وقالت..اممم سمعاك..اشرح..اتفضل..خلينا نبتدي من المبلغ الي بعت بيه خطبتك يا ابن عمي ان شاء الله يكون يستاهل

مصطفى نزلت دموعو وقال..انا بجد اسف..كنت عايز اامن مستقبلنا سوا راغب بيه كل يوم بيجيب واحده ويفضل معاها ليلتين بالكتير ويسيبها قلت اول ما يسيبك نرجع لبعض ويكون معانا مبلغ نأمن بيه حياتنا

شمس نزلت دموعها وابتسمت وقالت بسخريه…اممم..يعني مكنتش بتبعني …كنت بتأجرني ليلتين…وياترا لو كان ده حصل ورجعتلك كنت هتفضل تاجرني وانا على زمتك كده يا ابو الرجوله

مصطفى نزل راسو وقال بحزن..كلامك قاسي قوي يا شمس
شمس قالت بدموع..لا ..انت مشوفتش قسوه..القسوه انا شوفتها بالوانها وانا بحرم نفسي من كل حقوقي علشان اعيش معاك لو في عشه..القسوه انا شوفتها في دموع امي لما كانت بتتحايل عليا اتجوز حد غيرك يصوني ويقدرني ..وكملت بغضب وزعيق القسوه انا شوفتها وانت بترميني بفستاني الابيض عروسه لغيرك وبتسلمني ليه باديك مقابل شويه فلوس بتبعني لحم لغيرك يتسلى بيا
مصطفى نزلت دموعو بغزاره وقال اهدي يا شمس ارجوكي
شمس قالت بدموع وعصبيه..اهدى ليه خايف من عروستك..عروستك الي داخل قدامي ايدك قي ايدها بمنتهى البجاحه دفعتلك كام هيه كمان ما انت بتقبض على حسابي كتير اليومين دول

مصطفى حاول يتكلم وقال..يا شمس انا..بس شمس قاطعتو وقالت..انت حيوان..انت واطي..بعت واحده كانت مستعده تموت بجوع بس في حضنك بعت الغالي بالرخيص ..رخيص قوي يا مصطفي وخسرت كتير يا ابن عمي ..عن اذنك جوزي دلوقتي يجي وعايزه اروح البسلو اتزوقلو هعمل بتمني انت عارف انو دافع كتير ويستاهل يتمتع

بقلمي…زهرة الربيع
شمس قالت كده وبصتلو بحقد وكره ودخلت وقفلت الباب بعنف
مصطفى كان بيبكي بشده ومراره وحاسس انو كل كلمه قالتها سكين بتقتلو حط دماغو على الباب وبقى يبكي بقوه وحسره

راغب كان واقف بيسمعهم بزهول من قوتها وكلامها وكان مبسوط بيها جدا قرب على مصطفى وقال بسخريه…الندم دايما بيجي متأخر

مصطفى بصلو بدموع وقال بخوف..انا..انا

راغب قال بسخريه..متخافش قوي كده انا لو كنت عايز اذيك مكنتش هغلب فيك بس الي زيك ميستاهلش افكر او اتعب دماغي علشانو انا صحيح سمعت كلامك مع شمس واقدر اروح اقول لايناس انك بوظت خطتها بس انا مش هعمل كده لان كفايه عليك الي عملتو في نفسك انت بعت جوهره بتراب الفلوس انا لو كنت مكانك مكنتش يعتها بملايين الدنيا فكفايه عليك الي خسرتو

مصطفى قال بضيق…انت السبب في كل الي خسرتو انت الي طمعت في الحاجه الوحيده الي كانت ملكي وانا بغبائي ادتلك الفرصه بس انا هاخد شمس منك هرجعها ليا يا باشا وبكره تشوف

راغب ضحك وقال…بجد ..طب وريني شطارتك وانا لو عليا هسيبك تعمل كل الي تعوزه لما اشوف هتقدر تاخدها تاني ازاي
مصطفى بصلو بتحدي وقال..شمس بتحبني وهتفضل تحبني بكره تسامحني ونرجع سوا

راغب ابتسم باستفزاز وقال..بالتوفيق يا…يا تيفا عن اذنك مراتي مستنياني عرسان جداد بقى وغمزلو بيستفزو اكتر وضحك ودخل عند شمس

مصطفى حس بغضب ونار جواه وعمل اتصال وقال..ايوه يا ماجد بيه انا مصطفى……..

عند شمس كانت قاعده على السرير ودموعها مغرقه وشها
راغب دخل وقفل الباب واول ماشاف حالتها صعبت عليه جدا قرب منها وقال…هتفضلي تعيطي كتير ده حيوان ميستاهلش
شمس وقفت بتعب ودموع وفاجأتو بشده لما قلعت الروب الي لبساه ووقفت قدامو بقميص نوم مغري جدا

راغب بلع ريقه بتوتر من منظرها وهيه قالت بحزم…خد الي انت عايزه وخلصني..عايزه امشي من هنا ووو

7
شمس وقفت بتعب وفاجأتو بشده لما قلعت الروب الي لبساه ووقفت قدامو بقميص نوم مغري جدا

راغب بلع ريقه بتوتر من منظرها وهيه قالت بحزم…خد الي انت عايزه وخلصني..عايزه امشي من هنا

راغب كان مستغرب جدا وفي قمه زهوله قال..احم…اهدي يا شمس نتكلم بعدين…
ولسه هيمشي شمس مسكتو من ايده بعصبيه وقالت.. نتكلم في ايه مش ده الي كنت عايزه مش ده الي بوظت حياتي علشانو اتفضل خلصني انا قدامك اهو

راغب اتنهد بضيق..وقال شمس انتي مش في وعيك حاليا الغضب مسيطر عليكي متعمليش حاجه تندمي عليها
بس شمس وقفت قدامو بغضب وقالت باصرار…لا انا في كامل وعيي ومصره خلصني بقى مش طايقه افضل هنا يوم واحد ارحمني

راغب قرب منها وقال..اهدي يا شمس صدقيني مش ده الحل لو حصل كده انتي مش هتكوني مبسوطه ابدا اهدي وقعدي مع نفسك شويه وكل حاجه لها حل

راغب اتوجهه ناحية الدولاب بس وقف
مكانو لما شمس قالت بسخريه قاصده تستفزو…امال عاملي فيها راجل ونص من ساعت ما جيت وعمال تتحايل عليا ايه خايف ولا مخضوض ولا..محتاج مساعده
راغب ابتسم وكان عايز يضحك رغم ان كلامها يعصب بس هو فاهم انها قاصده تستفزو قرب منا اكتر وشمس بلعت ريقها بتوتر وبقت ترجع لورا لحد ما لزقت في الحيط
راغب بقى قريب منها جدا وشدها عليه بقوه وفاجأها ببوسه قويه متمكنه وهو ماسكها بقوه علشان متبعدش عنو
شمس كانت بتحاول تزقو بس مش قادره بعد عنها وهو لسه حاضنها باديه وقال وهو بينهج…ايه…نكمل
بقلمي..زهرة الربيع
شمس زقتو بقوه وبعدت قوي وهيه متوتره ومكسوفه ومش قادره تبصلو
راغب ابتسم عليها وقال وهورايح ناحيه الحمام…الي مش قد كلامو ميقولهوش من الاول علشان بيتقال عليه عيل في الاخر.. وبصلها وغمز وقال…شفايفك تهبل وكمل قاصد يغيظها..تستاهلي الي ادفع فيكي…ودخل ياخد دش
شمس كانت متغاظه جدا من حركاتو وهتتجنن من الغضب بس…بس القلب بيدق بقوه وقربو كان مميز جدا كانت مستغربه دقات قلبها الي زي الطبل قعدت على السرير ولبست الروب بتاعها وهيه مش عارفه هتتواجه معاه الزاي بعد الي حصل

راغب بقى كان في دنيا تانيه كان مغمض عنيه باستمتاع بيفكر في لحظتهم الجميله ومستغرب قد ايه كانت مميزه عن اي واحده عرفها وايه الغريب فيها وكان مستغرب زاي قدر يتحكم في نفسو كده ومقربلهاش اتنهد وقال..بالذمه في غباء كده حد يضيع فرصه زي دي… يلا خيرها في غيرها

عند مصطفى دخل الاوضه علشان ينام بس كانت ايناس مستنياه قالت…كنت فين انت عايز تجنني

مصفى اتنهد وقال..كنت بتمشى مخنوق فيه حاجه

ايناس قالت يا رب صبرني..شوف يا مصطفى المفروض اننا عرسان جداد يعني مفيش داعي كل شويه افكرك انك المفروض تقضي اغلبيه وقتك معايا على العموم بكره راغب هيسافر السخنه واكيد مش هياخد البتاعه دي معاه ووقتها هتبقى فرصتك تحاول تبعدها عنو فهمت
مصطفى قال..تمام..تصبحي على خير

عند راغب طلع من الحمام وبص لشمس وكانت عامله نايمه مش عايزه تتواجه معاه…ابتسم وقال…اكيد مش هصدق انك نمتي في خمس دقايق..بلاش حركات العيال دي
شمس قالت من غير ما تبصلو.. انا مش عامله نايمه..انا هنام فعلا
راغب قال…اممم طب هتيجي معايا بكره جهزتي حاجتك
شمس قالت بضيق..مش رايحه معاك في حته انا هفضل هنا
راغب ضحك وقال..لا يا قلبي ده كان ممكن يحصل في الاول بس دلوقتي بما ان الزفت ده هنا هاخدك معايا حتى لو غصب عنك
شمس ضحكت وقالت..ده بجد …ليه بتغير مثلا…بقولك ايه حل عن دماغي انا ولا هفضل معاه ولا معاك انا هروح لامي خلاص كفايه كده معدتش طايقه افضل هنا

راغب قال…انتي عارفه اني مش هسيبك تمشي حاليا فبلاش نستفز بعض
شمس قالت بعصبيه..مش هتسبني ليه انا هنا بعمل ايه اصلا ..انا من شويه عرضت عليك تخلصني وانت مرضتش يبقى خلاص كده عداني العيب المفروض تسبني في حالي

راغب قال بابتسامه…اصبري على رزقك الي انا عايزه هيحصل…وهاخدو انا قولتلك قبل كده انا عمري ما خسرت هيجي يوم وهتسلمي بارادتك بس مش زي دلوقتي اصلا مقدرش قربلك وانتي في الحاله دي انا مش حيوان لدرجادي علشان استغل ضعفك

شمس قالت بعصبيه…اممم لافعلا مش حيوان خليك مستني مسيرك هتتعب وهتمشيني بكره تشوف وراحت تنام
راغب ابتسم وقال…اجهزي علشان هنمشي بدري
شمس نفخت بغيظ وقامت جهزت هدوم وشويه حجات لانها مكانتش قادره تتناقش معاه اكتر وحاسه بصداع اليوم كان مرهق جدا

راغب تبتسم على طفولتها وطريقتها في توضيب الشنطه كانت بترمي الهدوم بغضب وضيق وهتفرقع من الغيظ فضل باصص عليها ومتابعها بعيونه لحد ما نام

في صباح يوم جديد شمس وراغب كانو بيودعو منيره علشان هيمشو ونزلت ايناس مع مصطفى ماسكين ايدين بعض وايناس بتضحك جامد قال يعني بيهزرو
سوا وكده
شمس اتنهدت بضيق وراغب حط ايده على كتفها وقال…يلا عمر مستنينا

شمس بصت بطرف عينها على ايده بتحزير وراغب نزل ايده وابتسم وقال…احم..نمشي

شمس هزت راسها بايوه ولسه هيخرجو ايناس قالت..على فين..هي..هي هتيجي معاك..ليه

راغب بصلها باستفزاز وقال…هو انا المفروض اجاوبك

ايناس ادايقت ولسه هترد مصطفى قال…طبعا هياخدها معاه..هو معقوله يسيبها لوحدها ..الدنيا متضمنش وبص لراغب بابتسامه مستفزه

راغب فاهم معنى كلامو وتلميحاتو كويس ابتسم وقال…والله يااخي معرفش ليه كل ما اشوفك ببقى عايز اقولك اجري افتح البوابه ودايما انسى انك اترقيت وبقيت جوز الست ومسأول منها

مصطفى اتنرفز ومشي خطوتين ناحيتو بس شمس سبقتو وقربت من راغب وقالت..يلا يا قلبي..هنتأخر ولا ايه
راغب بصلها واتنهد وشدها عليه من وسطها وبص لمصطفي بابتسامه مستفزه وقال..يلا يا عمري

راغب طلع مع شمس تحت انظار ايناس الي كانت هتتشل حرفيا اما مصطفى كان بيبص لطيفهم بغضب ونظرات متبشرش بالخير

راغب وشمس طلعو وكان عمر مستنيهم بالعربيه وطلعو كلهم سوا على العين السخنه

في الطريق كان عمر بيسوق وراغب جمبو وبيتكلمو راغب قال…اخدت العربيه على بيتك ليه كاميليا عايزه حاجه ولا ايه
عمر قال…اه يا سيدي فيه شويه حجات وانتيكات بتاعتها سابتها عندي لما كانت هنا وعيزاهم فقولت بما اننا هنبقى قريبين منها اخدهم معايا حطتلها كل حاجتها في صندوق وخليتو في شنطة العربيه
شمس كانت قاعده من ورا قالت…مين كامليا ما داهيه تكون انت كمان زي صاحبك وبتجيب نسوان في بيتك

عمر وراغب ضحكو وعمر قال..نسوان…

شمس قالت ..بتضحكو على ايه هو مش كامليا دي واحده ست ولا انا بيتهيألي

عمر ضحك وقال..طبعا ست

شمس قاات بغيظ..انا عارفه يا ختي ايه الستات الفلتانه دي ازاي الواحده تروح لراجل غريب عنها بيتو ده ايه السفاله دي و

بس عمر قاطتها وقال..بس بس من غير غلط دي امي

راغب كان بيضحك من قلبو على منظرها وشمس حست بكسوف شديد وبلعت ريقها وقالت بتوتر..امك…هههه..ما انا كنت بقول ..عموره ده باين عليه متربي ومش بتاع الحجات دي والله حتى اسأل راغب دايما اشكر فيك في قفاك
عمرضحك وقال ..قفايا..ماشي يا ستي شكرا

بعد فتره شمس كانت حاسه بملل رهيب قالت…هو احنا في عزا ولا ايه متشغلولنا حاجه خلينا نفرفش

راغب اتنهد وبصلها بطرف عينه وقال ..لما نوصل علشان تعرفي ترقصي
شمس ابتسمت بغيظ وقالت….هرقص بس مش دلوقتي لما اخلص منك ان شاء الله
عمر ضحك وقال..طب عايزه تسمعي ايه

شمس فكرت شويه وقالت عندك الحلق الي عامل قلق
راغب ضحك وعمر قال..سعد مش كده

شمس قالت..ايوه عندك بموت في الاغنيه دي
عمر شغلها وشمس كانت مندمجه معاها وبتغني مع الاغنيه وعمر بيضحك ويغني معاها

راغب بقى كان بيبص عليها في مرايه العربيه وتايهه في تفاصيلها وحركه شفايفها مع الاغنيه والفرحه الي في عيونها كان مبسوط من قلبو وفضل مركذ معاها طول الطريق لحد ما وصلو

اول ما وصلو وجهتهم نزلو في منتجع سياحي راقي جدا وكانو صحاب راغب مستنيينه

عمر نزل ونادا على العمال رفعو الصندوق الكبير الي جايبو معاه
راغب قال باستغراب..يخرب عقلك ايه كل الصندوق ده

عمر قال…كل التحف والانتيكات وكل حاجتها ماانت عارف كامليا قطها جمل
راغب ضحك واخدو ارقام الاوض وعمر طلع مع العمال اوضتو
راغب بقى اتوجه لاصحابو الي اول ما شافوه بقو يرحبو بيه وجات بنت لابسه..اونقدر نقول مش لابسه كان لبسها شفاف ومكشوف كانت في التلاتينات وشكلها جذاب وجسمها ممشوق دي نانا صديقه راغب جريت عليه وحضنتو بقوه قدام الكل زي عادتها

وراغب كمان بادلها الحضن وهيه همستلو وقالت..وحشنا يا مطنشنا
راغب ضحك بقوه وشمس كانت بتبصلهم بزهول من قربهم للبسها للاحضان كل شيى كان غريب جدا بالنسبالها قربت وقالت …يا حلاوتكم

راغب بعد عن نانا وهو عايز يضحك وقال..احم..نانا..دي شمس مراتي الي كلمتك عنها

نانا بصت لها من فوق لتحت وقالت..مش بطاله وقربت منو بدلع وقالت..بس انا هنا معاك جايبها ليه

راغب لسه هيرد شمس قالت..بغيظ هو ايه الي جايلها ليه بيقولك مراتو ده ايه البلاوي دي وبعدين لازقه فيه كده ليه اديه النفس يا حببتي جاي تعبان والدنيا حر وعرق وقرف