حسن الجبالي هند الجبالي سلام … في مكتب حسن.. دخلت شهد بقلق وهي ماسكه القهوه ووقفت قدام حسن .. /اتفضل القهوه يا سعه البيه تامرني بحاجه تاني . حسن بحده /اقعدي .. قعدت شهد قصاده بقلق شديد حسن رمالها مبلغ من المال قدامها .. /اظن أن دول كفايه جوي مش كده . شهد بدموع/حضرتك قصدك ايه يا سعه البيه أنا مش فاهمه حاجه.. حسن بحده /لا انتي فاهمه كويس جوي انا هسيبك هنا تقضيلك يومين تأكلي وتشربي وتلبسي وبعدين هتاخدي الفلوس دي وتمشي من هنه وتنسا اليوم الي شوفتي فيه ادهم خاالص .. شهد وهي بتمسح دموعها /تشكر اووي يا
سعه البيه ده كرم كبير اوي ولما حضرتك هتسبني اعيش في العز ده كله الفلوس دي لازمتها ايه .. حسن وقف قصادها بتوتر ملحوظ /بقولك ايه انا هجبلك من الاخر الفلوس دي تمن متعه ادهم انا مفيش واحد من احفادي تكتب علي اسمه وتتدخل البيت ده وتخرج زي ما دخلت لا دي لازم تاخد ختم عائله الجبالي فهماني .. شهد بدموع ووجع /فاهمه عن اذنك .. جرت شهد علي فوق .. في جناح ادهم .. كان رايح جاي بقلق عليها دخلت وهي منهارة اترمت في حضنه . ادهم بخوف وهمس/مالك يا روح قلبي ليه كل الدموع دي .. شهد وهي
بتعيط /ابوس ايدك يا ادهم رجعني شقتي الي كنت فيها وانا قابله انك تجيلي وقت ما تحب بس أنا مش عايزه افضل هنا علشان خاطري انا مش عايزه اخسرك يا ادهم .. ادهم مسكها بوجع ومراره/ انا الي مش هقدر اخسرك انتي بتجري في دمي لا انتي فاهمه انتي من العائله دي زيك زينا انتي بنت محمود الجبالي انتي ليكي في العائله دي زينا بالظبط جدي حسن لازم يعرف ده ويعوضك عن كل الي فات انا بعشقك يا بنت عمي وجاسر وريان لازم يعرفوا انك اختهم .. يتتتتتبع .. مش قولتلكم هتوقف الأنفاس الي جاااااي أقوا بكتير واطمنوا داخلين علي
أجواء اثاره ورومانسيه كمان من نوع خااص هستنا تفاعلكم الكبير وتعليقاتكم الي بتشجعني … ابناء الجبالي رنا احمد عماد…
