الحلقة الأولى
(1)
“ما الغيرة الا مفتاح العشق”
اخذت تتصل مراراً و تكراراً و بدء التوتر يتسلل بـقلبها..
احدث له شئ ءانه يتكلم مع اخري ام ماذا..
ليقاطعها صوت صديقتها :
– يابنتي تلاقيه مشغول تعالي فكك بقي .
لم ترد و ظلت مندمجة فصرخت صديقتها بضيق :
– يا حور سيبك .
اللتفتت اليها حور..الحورية الهابطة من السماء لتكون ملك لـآسر بعد عده ايام..
الفتاة النحيلة ذات الطول المتوسط و عينين زرقاء كـلون البحر الصافي و البشرة البيضاء التي تزينها من خديها بعض النمش الوردي..شعرها البني المدرج الذي يصل لنصف ظهرها..
حور بضيق :
– اهوة رد اتهدي انتي بقي .
وضعت الهاتف علي اذنها لتقوله بقلق :
– كل دة كنت فين يا آسر موبيلك كان مشغول لية .
– والله يا حبيبتي في شغل لازم قبل اجازة شهر العسل .
توردت خديها و قالت بدلال :
– اصلي قلقت عليك يا حبيبي .
– خلاص بقي يا حوريتي يومين و هنبقي مع بعض و مش هتفلتي مني .
خجلت اكثر ثم تمتم :
– ان شاء الله .
و صمت لثواني معدودة و غيرت نبرة صوتها لحدة :
– كنت بتكلم مين كل دة .
تنهد و قد فهم مقصدها من السؤال :
– واحد صحبي بظبط معاه الشغل يا حور .
حور بضيق :
– ماشي .
– انتي فين يا قطتي .
– في المول مع مي .
– طب انا هجيلك مول **** اكيد .
ضحكت برفق :
– هو انا بروح غيره..ماشي يا بيبي تعالي .
– سلام مؤقت بقي .
– سلام .
اغلقت معه ثم اتجهت لصديقتها مي..
وقفت بجانبها لتختار بعض الملابس الانيقة..
حور :
– بت يا مي مالك من الصبح و انتي قافشة .
– مفيش يا حور فكك انتي عروسة و داخلة علي فرح سيبك من مشاكلي .
– قولي يا بت دة اللغي الفرح عشانك .
ضحكت برفق و قالت بحزن :
– ماما و اخويا مصرين اني اتجوز ابن خالتي المستفز عبدالرحمن الكلب .
– نعم سابو الرجالة كلها و مسكو في دة .
– بيقولو دة الي هيحافظ عليا و لما رفضت قعدو يشكو فيا انا اتخنقت و المصحف .
– طب استهدي بالله و فهميهم براحة .
مي بسخرية :
– اهلي مش زي اهلك يا حور .
ثم اكملت مسرعة :
– بقولك فكك بقي بصي التيشيرت دة .
اخذت “تيشيرت” معلق و اعطته اليها..
و لفجأة وضعت كفين علي عينها يحجزها علي الضوء ثم قبل خدها بلطف..
– انا مين .
– حبيب قلبي اكيد .
ثم اللتفتت اليه لتضمه مسرعة..
آسر مبتسما ً:
– اتأخرت .
– توء بس وحشتني اوي .
لتقاطعهم مي بحرج :
– احم نحن هنا .
ابتعدت حور عن اسر بخجل..
حياَ آسر مي بأحترام..
مي مسرعة :
– انا مضطرة امشي بقي عشان ماما عمالة تتصل سلام .
– سلام خلي بالك من نفسك .
– حاضر يلا سلام بقي .
خرجت مي مسرعة..
ليقول آسر :
