عربي قال…. كل حي يروح لحاله …جاكي قلب تقوليها بعد عشرة يوم ونص
سمره ضحكت بخفه وقالت..لا وانت الصادق عشره ليله ونص
عربي قربها ليه جامد وقال… كانت اجمل ليله في حياتي يا بت
سمره ابتسمت ونزلت عينها بكسوف وقالت…. انا كمان…
ولسه هتكمل قاطعها وقال……انتي كمان ايه…اه يا قليله الادب
سمره ضـ,ـربته في صدره بغيظ وقالت…… انا كنت لسه بتكلم بطل قله حيا…..انا قصدي انا كمان ما اعرفش ليه حاسه اني لقيت اماني من الدنيا ايه السبب معرفاش بس كأني كنت مستنياك يا عربي
عربي ابتسم وهو بيبص لعيونها بتوهان وقال….. وانا هبقى امانك فعلا يا سمره ….عارف انك خايفه مني وليكي حق اذا كنت انا بخاف من نفسي اوقات بس هوعدك وعد رجاله…عمري ما هخليكي تخافي مني واصل ولا هزعلك هنجرب ونعيش سوا لو في اي وقت قولتيلي انا ما عايزاكش يا عربي ههملك بالمعروف ومش هضايقك ابدا تاني بس يعني انتي اوعي تقوليها ماشي ها
سمره ضحكت من قلبها وقربت منو وهو شدها ليه اكتر ولسه هيكمل
سمعو صوت زعيق شديد تحت
عربي قال..يا ساتر يا رب ايه الصوت ده
سمره لطمت لما سمعت الصوت وقالت…. ده ابوي…. اروح فين دلوك يا مراري
عربي بصلها بزهول وقال….. ما تهمدي يا بت في ايه هو ظبطك في ـ,ـشـ,ـقه مفروشه احنا مش اتنيلنا كتبنا ….انا هروح اتكلم معاه وانتي خليك هنا ما تنزليش بلبسك ده
ونزل بسرعه
وهي بتقول استر يا رب وقفت عند الباب تسمعهم فتحته شويه صغيرين يمكن تحاول تسمع الصوت
عند عربي اول ما نزل اتفاجأ بعبيد ومعاه راجل في الخمسين واقف بيتخانق مع عمه قال بجديه …..سلام عليكم خير يا حاج
ابوها قرب منه بغضب وقال ….مش خير واصل انت فاكر نفسك ايه.. علشان ابن عمده تقدر تخطف البت من جوزها وتجبرو يطلقها
عربي التفت لعبيد بغضب ورجع بص لابزها وقال….مين اللي قال لك الكلام ده…. ما جبرتش حد انا عرضت عليه عرض وهو وافق
عبيد قال بتوتر…. انا وافقت لاني خوفت خوفت والله يا عمي انا معايزش اططلق سمره واصل
عربي بص لو بغضب وخنقه وقال….امم خوفت…ولا علشان المكان اللي كتبتو باسمك….انت فاكر انك هتضحك علي ضمنت انو بقى ملكك وفاكر هترجع تاخدها بتتعامل مع اهطل اياك
ابوها قال بغضب…. ايا كان اللي حصل بينكم دي بتي انا واللي انت عملته ده خطف..ولا ايه رايك يا حاج صبري
صبري لسه هيتكلم …عربي قال بسرعه …مفيش خطف انا وسمره اتجوزنا ادي ورقه اللي ادهالنا الماذون والقسيمه هتطلع قريب
عبيد وابوها اتصدمو جدا وابوها قال …انت خطفت البت واتجوزتها من ورايا كيف تعمل كده كيف
عبيد قال بغضب…. كده وضحت يا عمي خلينا نمشي …دول اكيد كانوا متفقين وهو ما جاش بالصدفه كلنا عارفينو مش بتاع جواز ….اتجوزها كده من اول ليله واضحه بينهم اتفاقات
عمه اتصدم بالكلام اللي قاله و عربي بص لو بغضب وقال…غور ياض من هنه مش عايز اشوف وشك لاخلي الغفر يرموك بره …واستنى ردي حسابك وياي مخلصش …اخفى من قدامي يلا
عبيد اتوتر وقال…. انا هاسبقك ياعمي وانت تعالى ورايا
اما سمره اول ما سمعت كلام عبيد قالت بغضب …. كده يا ابن الجزمه
وراحت لبسه العبايه بتاعتها اللي قلعتها ونزلت بسرعه
عربي بص لوالدها وقال….. يا حاج اسمعني كله كذب بنتك اشرف من الشرف وانا ما كنتش اعرفها غير ليلتها و
ابوها قاطعو بغضب وقال….انا مليش بنات بتي ماتت
سمره كانت نازله وسمعت جملته وبصت له بزهول وقالت… انت بتقول ايه يا ابوي يعني فوق انك جوزتني لواحد واطي زييه بالغصب دلوك معايزش تسمعني حتى
ابوها بصلها بغضب شديد وحسره وقال …واسمع ايه….لما هو طلقك منه بالعافيه ما جيتيش على داري ليه لكن كيف مقال طابخينها سوا
عربي قال بسرعه… لاه….انا اللي جبرتها انها ….
بس قاطعه وقال بغضب ….معايزش اعرف حاجه اهي عندك بلها واشرب ميتها ومشي بغضب شديد
وسمره بقت تنادي عليه بس مردش ولا سمعها
وقفت مكانها ونزلت دموعها بغزاره
عربي اتقدم عليها وضمها بقوه وقال …..اهدي…انا هحل كل حاجه وحياه عيونك هصلحها
سمره مسكت في بقوه وبقت تبكي اول مره تلاقي حد تبكي جنبه حست برتاح شديد بين ايديه وطلعت كل اللي جواها
ومرت الايام بهدوء عليهم
سمره كانت كل يوم ترتاح له اكتر وتتعلق بيه زياده وهو كمان نفس وضعها مبسوط بيها جدا
وبيخرج مع عمه ويحل مشاكل الناس في البلد وهي كانت بتستناه مع مرات عمها الي صاحبتها جدا
وكمان كانت بتحاول ترضيه وتعمل كل حاجه على ذوقه وكانو عايشين في استقرار من كل النواحي… ما عدا ان سمره كانت مشتاقه جدا لاهلها وزعلانه انهم مش بيكلموها
ومن الناحيه دي كان عربي يوميا بياخد عمه بعد العشاء ويروحو لابوها وحاولوا يشرحوا له اللي حصل بشهاده عمو انها دخلت البيت مغمى عليها واتغصبت على اللي حصل
في الاول ما كانش يسمعهم ولا يفتح لهم بس بعد كده من كتر اصرارهم هما واهل البلد وافق يسمعهم وصدقهم بعد مجهود كبير
في يوم كانوا عاملين قعده في البيت عربي عملها عشان يعرف كل اهل الكفر على جوازه من سمره لان البعض ما كانوش يعرفوا…. وكانوا كلهم مبسوطين جدا
سمره كانت زي القمر وقاعده وسط الستات وهو كان بره مع الرجاله دخل وغمز لها بعينه علـ,ـشان تجيله
سمره راحتلو عند مدخل الباب ووقفو بره البيت على زاويه قربت منه وقالت….. يا نعمين يا عمده
