في قصر الرشيدي
دخل قاسم ووراه ملاك اللي باين عليها الغضب
لكنها ماسكه في دراعه وبتتسند عليه
قاسم. يا بنتي ريحي نفسك وتعالي اشيلك مش عارفه تمشي
ملاك. لا مش عا اااععاا نزلني
قاسم بضحكه ساحره. اسكتي يا بت
دخل بيها القصر وقبلتهم هدي والده ملاك
هدى بخوف. في ايه؟ مالك يا بنتي؟ ايه اللي حصل؟
قاسم بهدوء. متقلقش يا ديدا هي كويسه بس الازاز دخل في رجليها بس متقلقيش هي كويسه دلوقتي
بس معليش افتحلي اوضتها عشان ادخلها
هدى بسرعه مشيت ادامه وفتحت اوضه ملاك
قاسم حطها في السرير
قاسم. ممكن كوبايه مايه يا ديدا
هدى. حاضر يا ابني
ملاك. اطلع برا لو سمحت عشان عايزه اشوف هعمل ايه
قاسم بمرح وغمزه. مش عايزه اي مساعده
ملاك. ببرررااا
قاسم ضحك وطبع بو”سه خفيفه على شفايفها وطلع
ملاك بغيظ. حيو”ان بس قمر يلهوي انا بقول ايه منك لله
ومسكت المخده حطيتها على وشها
….. 🌺🌺🌺🌺🌺…..
عند رحمه
سواق عربيه ثريا نزل من العربيه وراح ناحيه ملجأ أيتام وكان شايل طفل بين ايديه كان لابس آيس كاب مغطيه وشه
حط إياد ادام باب الملجا ورجع بسرعه
سواق التاكسي كان هيمش وراهم
رحمه بسرعه وفرحه. اااسستني هنا لو سمحت
ونزلت من العربيه وهي بتبص للطفل بتعدي الشارع لكن جيت عربيه بسرعه خبطتها وجريت
رحمه وقعت و هي بتنز”ف
الناس استلموا وبلغوا الاسعاف
في مكتب عاصي
دخل شريف زميله وشغال معه.
عاصي. في ايه
شريف. في حد اتكلم من مستشفى الحياه وقال إن مراتك هناك وحالتها خطيره
عاصي بسرعه وخضه. رحمه!
وطلع من الشركه بسرعه جدا وهو بيسوق بأقصى سرعه
…. 🌺🌺🌺🌺🌺🌺🌺..
بعد مده في
قصر الرشيدي
في اوضه دياب
حور لابست بجامه قطنيه شكلها اهبل اوي طفولي عليها رسومات كرتون لكن كانت جميله
راحت ناحيه إلانتريه ونامت عليه
دياب دخل اوضته ووقف ادامها يتأمل ملامحها الجميله
فاق ودخل اخد شاور وطلع بعد شويه وكان عا”ري الصدر شال حور وحطها في السرير
ونام جانبها وهو بيحضنها
حور بخضه. في ايه؟
دياب بتعب. هههششش انا بس عايز انام وتعبان فاسكتي لو سمحتي وخليكي في حضني
حور اتوترت من طريقته وتقلباته رفعت راسها ليه وبصتله بحيره والغريب انها لفت ايديها حوليه وبقيت تطبطب عليه وهو لأول مره يحس بالأمان ونام وهي كمان نامت
…. 💕💕💕💕💕💕…….
في اوضه ملاك
كانت بتغير هدومها لقيت حد بيفتح الباب اتخضت جدا
هدى. متخافيش دا انا يقلبي
ملاك. ماما وحشتني اوي
هدى. وانتي كمان في موضوع عايزه اكلمك فيه
ملاك. ماشي يا ست الكل احكي
هدى. جايلك عريس إنما ايه جدع ابن حلال وشرايكي
ملاك بتذمر. يا ماما انا
هدى بمقاطعه وطيبه . بصي يا بنتي كلمتين حطيهم حلقه في ودانك اوعي تكوني فكراني غبيه انا عارفه كويس اللي في قلبك وعقلك
ملاك بصت في الأرض وسكتت
هدى. بصي يا قلبي اللي بيحبك هو اللي يشتريكي وعمره ما يفرط فيكي ولا ياذي قلبك واوعي تبصي فوق قوي كدا يا بنتي بدل ما هتقعي على جدور رقبتك. قاسم مش شبهك يا ملاك
ملاك بحزن. ماما انا انتي فاهمه غلط. والله مفيش حاجة بينا
هدى. وانا عارفه اني مربيه بنتي كويس ودا واحد خاطب وقريب هتجوز واحده من مركزه بلاش تتعبي قلبك يا بنتي
ملاك بوجع فهذه الحقيقه. مين العريس يا ديدا
هدى. دكتور محمد دكتور الصيدليه اللي ع اول الشارع
ملاك بتنهيده استسلام. دكتور محمد شاب محترم ربنا يحفظه
هدى. يعني اقول انك موافقه على بركه الله
ملاك. اللي تشوفيه يا ماما
هدى. ماشي يا بنتي انا هقوله انك موافقه وان شاء الله نعمل خطوبه في البيت القديم بتاعنا
ملاك وهي بسرحان في قاسم. ماشي يا ماما
رايكم ايه تقبل محمد ولا تعذ”ب نفسها مع قاسم اتمنى تقولولي
حور تسامح دياب ولا تسيبه وترجع لابوها
عاصي ورحمه هيحصل بينهم ايه وياتري في حد تاني هيدخل بينهم
ايه اللي هيحصل لرغد وابنها؟
#البارت١٤
في المستشفي
عاصي دخل بسرعه جدا وقلبه مقبوض على رحمه
عاصي بسرعه. رحمه عبد الحكيم مراتي جيت في حادثه. هي كويسه؟
موظفه الاستقبال. متقلقش يا فندم دكتوره رحمه بخير واللي بلغ حضرتك أن حالتها خطيره اتلغبط لانه كان يقصد حاله تانيه لكن دكتوره رحمه كويسه. الحادثه سببت لها ارتجاج بسيط في المخ هي دلوقتي في اوضه ١٠٣
عاصي طلع بسرعه اخد الاسانسير وطلع بقى يشوف أرقام الاوضه بص لاوضتها وبسرعه فتح الباب لكنه اتصدم
قبل قليل
في اوضه رحمه
صقر بضحكه. بطلتنا العنيده ايه متعبتيش من شغل شالوك هولمز دا يا بنتي ارحمي نفسك
رحمه بضحكه جميله. مشوفتش العربيه وهي جايه بسرعه حسيت نفسي في فيلم عربي قديم
صقر اتنهد ومسك ايديها بخوف. رحمه انتي عارفه انك اكتر من اختي صح واني بحبك بصدق
رحمه مسكت ايديه بيديها التانيه. عارفه وعارفه انك اكتر من مجرد زميل دراسه وشغل وعارفه كمان انك بتحبني اوي اكتر بكتير من مجرد صديق طفوله ومن اخ و انا كمان بحبك اوي زي
عاصي بزعيق. الله الله واضح اني جيت في وقت مش مناسب
رحمه. عاصي انت فاهم غلط
صقر بسرعه ساب ايد رحمه. استاذ عاصي انت مش فا
قاطعه عاصي وهو بيضر”ب بالبوكش في وشه وفضل يضر”ب فيه الاتنين وقعوا على الأرض وعاصي فوقيه وبيضر”ب فيه بكل معاني الغل
رجمه بزعيق. ابعد عنه يا حيو”ان صقر. ابعد
عاصي بغضب وعصبيه قام و مسكها من شعرها. جحيمك ابتدا
رحمه بخوف. عا
عاصي بزعيق. مش عايز اسمع صوتك وصدقيني هتندمي
ساب شعرها ومسك ايديها بقوه كادت ان تخلع ايديها وبقي يشدها وراه
رحمه بقوه. على فكره انت مش فاهم حاجة
عاصي بجبروت وواقف ادامها وبصلها نظره مرعبه. كلمه كمان وواعدك هقت”لك مكانك
رحمه بثقه. وانا مبخافش غير من رب العالمين لان عندي رب اسمه الرحيم العدل واللي انتم متعرفوش عنه حاجه يا عيله الرشيدي. انت دلوقتي هتتهمني بالخيا”نه احنا مش في روايه يا عاصي عشان اعيط وابقى دايما البنت الضعيفه انا أقوى منك على الأقل عندي قلبي بينبض عشان يساعد اللي حواليه من غير مقابل إنما أنت لا انت عايش في وهم اسمه الجبروت اللي هيجي يوم ويتهد فوق نفوخك انا عمري ما كنت البنت الضعيفه غير بمزاجي.
عاصي قرب منها شاف نظره القوه اللي في عنيها وحس بوجع في دماغه وكأنه مش اول مره يشوف نظره الثقه دي وفجأه ساب ايديها وزقها وخرج من المستشفى وهو حاسس ان دماغه هتتفرتك من الصداع
رحمه بصتله بحزن و وقفت جانب الحيطه وبقيت تنزل وتقعد على الأرض وهي بتعيط وكان كل قوتها اتبخرت
رحمه لنفسها. لا يا رحمه اوعي تضعفي لو ضعفتي هيفضل زي ما هو لازم يتغير لازم يحس انه القوه مش في النفوذ ولا في القوه الجسمانيه. انا اسفه بس بعمل كدا عشان اساعدك
صقر جيه بسرعه
صقر. انا اسف انا السبب
