جو.زى

نجلاء
لا وانت الصادق يا حازم السيجارة من السجاير اللي المفروض انها متتشربش من اللي بتبقا محشية صح ولا لا

حازم
ياشيخة دي حاجة كده تفاريحي بس يعني متكبريش الموضوع يا نجلاء يعني مازن بيشرب معايا واجب بس

نجلاء
ازاى ياحازم وبعدين انت جاي تتلف أخلاقه انت متعرفش ان هو ملوش في حاجة

مازن
والله ياحبيبتي فضلت اقوله كده وهو ابدا يقولي لازم تشرب معايا وانا اقوله لا

نجلاء
بلا لا بلا ااه انا هسيب لك البيت وانت اعمل فيه اللي انت عايزة اعمل ما بدالك يا مازن انا خلاص زهقت منك ومن عيشتك

حازم
يانهار ابيض انا شكلي خربت البيت اهدي يا نجلاء واعقلي ميصحش كده ده مهما ان كان جوزك برضو

نجلاء
لا يا حازم هو كده خلاص جاب آخره معايا انا رايحة بيت ابويا ولما يعقل يبقا يجي ياخدني من بيت ابويا

ومشيت نجلاء من البيت ومازن قال لحازم
عجبك كده ياعم حازم انا مصدقت انها حنت عليا وبقت كويسة انا مش عارف انا ليه طاوعتك على القرف ده انا غلطان ياعم

حازم
الله الله جرا ايه يا عم مازن هو انا مش صاحبك ويهمني مصلحتك ولا ايه انت هتعمل عليا انك برئ ما انت بتشرب من زمان وشغال يعني هي جات على السيجارة دي

مازن
ياعم ما أنا برضو مكنش المفروض مكنتش اشرب معاك هنا خالص الله يخربيت الشيطان ياعم انت

حازم
خلاص بقا ماقولت لك اني هرجعها لك انت مالك ياض عامل زي العيل الصغير كده ليه لا حول الله اهدي

وبعدها رجع حازم البيت وقالي
عرفتي اللي حصل مش صاحبتك سابت البيت لمازن ومشيت على بيت ابوها

سهام
يانهار ابيض انت بتتكلم جد يا حازم طيب وهي هتعمل كده ليه وانت عرفت منين

حازم
ما أنا ياستي روحت لهم عشان خاطر اقوله على مصلحة كده ماهو الصراحة صعب عليا اوي لما قولتي لي انه قاعد في البيت وكده رحت لقيتهم والعين نار ياسهام وراحت نجلاء قالت له انا رايحة بيت ابويا وانت لما تبقا راجل تبقى تيجي تاخدني

سهام
لا حول ولا قوة الا بالله طيب ليه بس نجلاء تعمل كده دي الواحده فينا ملهاش غير بيت جوزها وبس هي بقا ليه تمشي ده جوزها غلبان خالص

حازم
انتي مالك عماله تدافعي عنه كده ليه ياسهام الله ما تتعدلي كده هو في ايه

سهام
ايه ياحازم في ايه هو انا يعني عشان بقول كلمة حق تقوم تطلع فيا كده وبعدين انت بتغير عليا من مين ده مازن ده طول عمري بعتبرة جوزي اختي وزي اخويا

حازم
ولو يا سهام انتي مراتي ومازن ده راجل برضو وانا مقدرش اسمع مراتي وهي بتدافع عن راجل تاني ماشي

سهام
ماشي ياحبيبي خلاص وانا مش هتكلم عن حد تاني عشان ميصحش كده ابدا انا عارفه

حازم
طيب قومي حضري لي لقمة أكلها يلا بسرعه الا انا جعان

سهام
من عنيا حاضر دقيقة واحده وهكون عملت لك الاكل انا طابخة اصلا الاكل اللي بتحبه

ودخلت المطبخ وهو اتصل بنجلاء وقال لها
اسمعي انا قولت لسهام اني رحت لكم البيت ولقيتك انتي ومازن بتتخانقو عشان كده انتي مشيتي وسبتي