جو.زى

وبعدها نزلت حماتي وانا قولت لحازم
عجبك اللي امك عملتة ده ياحازم انا ساكتة عشانك انت بس امك زودتها اوي بقا الصراحة هو انا كنت عملت لها ايه يعني طب ده انا قايدة لها صوابعي العشره شمع

حازم
يوووه بقولك ايه ياسهام انا مش عايز وجع دماغ وبعدين احنا لسه بنقول على اللي سابت بيتها ومشيت ولا انتي كمان بقا هتعملي حجة وتقولي امشي واسيب لك البيت

سهام
لا يا حازم انا اعقل من اني اسيب بيتي وامشي اصلا انا اكبر من كده ياحبيبي على العموم اامك دي انا بعرف اتصرف معاها وبجيبها بشوية حنية سيبك انت

وفي بيت ابو نجلاء كانت مرات ابوها قاعده مخنوقة منها وقالت لها
هو انتي ياختي ناويه تتطولي في القاعده عندنا هنا ولا ايه وبعدين هو مش بيت جوزك أولى بيكي ولا ايه

نجلاء
والله انا قاعده في بيت ابويا يا فوزية ومش عايزة كتر كلام واصلا اصلا محدش يقدر يمشيني من هنا ولا ايه يابا

ابوها بيشرب شيشة وقال لها
ايوه يا نجلاء بيت ابوكي يا بنتي بس بيت جوزك بيكي أولى طبعا وانتي هنا النهاردة ولا بكرة ولا بعده انتي مسيرك راجعة لبيت جوزك وفوزية بتتكلم صح

نجلاء
لا بقا انا حره وانا هنا في بيتك ومفيش حد يقدر يقولي امشي من هنا وانا همشي بمزاجي لما المحروس يجي يصالحني

قالت كلامها ودخلت جوه وفوزية قالت لابوها
عجبك اسلوب بنتك ده يامحروس ولا مش عجبك هو انت يعني معايا خالص ولا انا في دماغك كتك الهم راجل

وبعدها تاني يوم راح حازم بيت ابو نجلاء وقاله
انا جاي لكم النهاردة عشان ارجع نجلاء لجوزها أصله ياعيني من ساعت لما هي مشيت وهو مش طايق نفسه خالص

فوزية
طيب ياخويا ولما هو مش قادر على بعدها كده مجاش هو ياخدها بنفسه ليه بعت لما واحد بداله ليه هو انتي المحامي بتاعه ولا المحامي بتاعه

نجلاء
جرا ايه يا فوزية حازم ده يبقا صاحب مازن وكمان كان جارنا في البيت القديم يعني الراجل جاي يعمل خير ونقوله كتر خيرك مش نسمعه كلام ملوش لازمة

فوزية
ياختي اولعي انتي وهو وجوزك وانا مالي بيكم انتو الاتنين وعايزة ترجعي ارجعي بالسلامة طب ده يوم المنى يوم ما تمشي من هنا

نجلاء
والله يا فوزية لو ما اتلميتي لكون مورياكي

حازم
خلاص بقا يا نجلاء يلا بقا ادخلي لمى هدومك وتعالي اروحك لبيت جوزك يلا ربنا يهدي النفوس يارب

وبعدها رجعت نجلاء مع حازم على بيتها وقالت له
تعالي ادخل ياحازم الموكوس شكله مش هنا تعالي ده انت وحشتني اوي ياخويا تعالي

حازم
يخربيت عقلك يابت انا خايف ليكون جوه ولا حاجة تودينا في داهيه

نجلاء
ولا جوه يعني ياحازم هيعمل ايه ده ملوش لازمة اصلا

حازم
يابت بطلي كلامك ده وبعدين بقا في حلاوتك دي يابت انتي عماله تحلوي تحلوي وبعدها لك

نجلاء
هيهي يوه كتك ايه يا حازم وعلى كلامك الحلو ده انت عارف انا بحسدها عليك الست سهام دي هوووف

حازم
جرا ايه يا نجلاء الله وبعدين معاكي يابت انتي وفي اللحظة دي حضنتة ودخل مازن وقال لهم
انتو بتعملو ايه هنا انت بتعمل ايه ياحازم انت بتخوني مع مراتي

حازم
لا لا يا مازن متفهمش غلط دي بس انا كنت بواسيها عشان بس كانت زعلانة منك بقولكم ايه انا ماشي مراتك عندك اهيه واتصالحو بقا انت وهي

ومشي حازم ونجلاء قالت له
انا بخونك معاه ماطلقني ياراجل انت الله انت مخليني على ذمتك ليه لما شوفتني في حضن راجل تاني عشان انت مش راجل يامازن

مازن زعق فيها وقال لها
اسكتي يانجلاء انا مش عايز اسمع صوتك انتي خاينة وانا مش هتعامل معاكي انا هوريكي يانجلاء

ومشي مازن وجه عندي البيت وانا كنت لبسه لبس خفيف وفتحت الباب ومازن قالي
جوزك فين يا سهام وزقني ودخل وانا قولت له
انت ايه اللي دخلك هنا يامازن انت اتجننت انت ازاى تزقني وتدخل عليا وانا بالشكل ده

مازن
جوزك بيخونك مع مراتي ياسهام جوزك ومراتي خاينين

سهام بصدمة
انت بتقول ايه يا مازن معقوله الكلام ده ازاى كده وفي الوقت ده الباب خبط وقولت لمازن ادخل البلكونة بسرعه عشان اكيد ده حازم ادخل

ودخل البلكونه ولما حازم دخل واجهتة وقولت له
انت كنت عند نجلاء بتعمل ايه في بيتها يا حازم انت بتخوني مع نجلاء

حازم ارتبك وقال
انتي م م مين اللي قالك كده

خرج مازن من جوه وقاله
انا ياحازم اللي قولت لها انك خاين لاني شوفته في حضن مراتي وعلى فكرة البوليس جاي لك دلوقتي

حازم بصدمة
وانت بتعمل ايه هنا وانتي لبسه كده ليه ياسهام

مازن مسكة ضربه وبعدها جات الحكومة وقبضت على حازم جوزي وهو اتهمني بالخيانة زي ما انا اتهمته وبعدها اتطلقت منه ودلوقتي عايشة حياتي من غير جواز لان مفيش راجل له امان ابدا

وبكده تكون خلصت حكايتي