یوسف و هو يكز على اسنانه : يعني انا كنت مصمم انه
يطلقك لولا دي اللي انتي بتتكلمي عنها عشان خاطرها غالي اوي اوي عندي فاتكلمي بحقها كلمة زيادة واوعدك لخليكي تقضي حياتك كلها بالسجن
اسراء في محاولة تهدئته بابتسامتها البريئة التي تخطف روحه : ما حصلش حاجة يا حبيبي اهدى اكيد ما تقصدش اقترب منها هيثم وسلم عليها
و همس : عندو حق يحبك كل ده ربنا يخليكوا لبعض
اسراء بابتسامه : متشكرة اوي
مروة بتوتر : اسراء انا
اسراء : انتي سكرة وقلبك ابيض يلا ننسى اللي فات حتغدينا و لا ايه
مروة بابتسامه : اكيد هوا
هيثم : انا جاي اساعدك
ذهبوا يجهزوا الغداء و رغم كل ما حصل الا ان غيرتها عمتها لم و لن تهدأ قبل أن تقلب حياتها
هيثم : طلعتي ظالماها اهي بنفسها جاية تعتذر مع انك الغلطانة
مروة بخباثة : اه فعلا دي طيبة اوي .
جهزت الغداء
ام يوسف : ربنا يكملك بعقلك يا بنتي
اسراء : انته اهلي يا ماما
كان جالس بجوارها يضم كتفها
ام يوسف : ايه ما فيش حاجة بالسكة ولا انت يا واد مش فالح ولا ايه
يوسف : و هو يغمز لاسراء اسألها وهي : تقولك
اسراء شهقت بخجل شديد : يوسف بس
ضحك عليها بشدة وهمس : خلاص لما تروحي اجاوب عالسؤال بيني و بينك
اسراء : لا انا عايزة انام هنا
ام یوسف : اه والله فكرة ناموا عندنا هنا البيت كبير
يوسف بصدمة : هنا فين لا طبعا احنا حنام في بيتنا انتي مش حتعملي فيا كدة يا اسراء انتي وعدتيني
اسراء : افکر
يوسف : عشان خاطري يا قلبي نروح بيتنا
اسراء : ناكل الأول و نشوف
بدؤوا بتناول الطعام كان يطعمها دون خجل بل يأكل من جانب شفتيها …
تحت أنظار تلك الحاقدة التي أتت في بالها افكار شيطانية لاحظ نظراتها هيثم الذي علم انها لن تهدأ حتى تدمر بيتها
رجع بيته معها كانت نائمة على كتفه طوال الطريق
يوسف : مبسوطة
قبلت جانب شفتيه و همست: بحبك
اغمض عينيه يستمتع بصوتها و انفاسها و لمساتها يوسف : عمري ما تخيلت يحصلي كدة تيجي وحدة تقلب كياني تصير كل حياتي ما اقدرش اعيش من غيرها انا دلوقتي بتمنى منك دستة يكونوا شبهك و خلاص
اسراء : حيلك حيلك دستة ايه تجوز و جيب الدستة دي
يوسف بضحك : عارفة حتى اني اهزر و اقولك اه اتجوز مش قادر لاني مش شايف غيرك في الدنيا انا عايزهم منك
اسراء : يعني لو طلعت لا قدر الله ما بخلفش حيقل حبك او تتجوز عشان تخلف
نظر لها وابتسم : ولا يهز في راسي شعرة المهم انتي بحضني و معايا عايز ايه تاني ابقى طماع انا قولت عايزهم منك اتجوز ازاي بقى
اسراء : الله كلامك يدوب يدوخ عايزة تفضل تحبني كدة على طول
حملها بین یدیه و همس باذنها قبل أن يبدأ بجولة من جولات غرامه : بس ححبك ….. طيب دلوقتي تعرفي ححبك لامتى لم يملها او يقل حبه في اي ليلة بينهما بعد أن انتهى من غرامه وضعت رأسها على كتفه و همست بکلام جعله يفقد عقله
اسراء: بقالها اسبوع متأخرة و عمرهاش عملتها
يوسف بعدم فهم : هيا ايه ……
اسراء بخجل : ايه اللي هيا ايه
حدق بعينيه عندما حاول استيعاب الموضوع
قفز قفزة من مكانه و جلب احد فساتينها
اسراء : في ايه
يوسف : حنروح دلوقتي للدكتور
اسراء : احنا الفجر يا مجنون
