واعطيته قلبي بقلم أميرة محمود الثانى

///////////////////
نور ، حور حبيبتي وراحت حـ,ـضنتها جامد الحمد لله انك فوقتي وبقيتي كويسه

حور ، خايفه عليه بجد يا نور

نور ، لو مش هخاف عليكي انتي وابنك هخاف علي مين في الدنيا دي

حور ، اي كلامك اتغير

نور ، معلش كنت متعصبه شويه

حور ،. هو مراد فين

نور ، لسه نايم

حور ، ده نايم بقاله كتير ومعدش بيرضع قد كده انا خايفه عليه اوي غير حساه مصفر

نور ، طب اومي نروح نكشف عليه عند الدكتور

حور ، طب هقوم اجهز اهو واجي معاكي

////////////////
عند حسام

احمد ، حسام خلاص قررت هتيجي معانا

حسام ،. اه يا بابا خلاص انا بقفل حسابات الشركه عشان امشي

احمد ، يابني فكر كويس في ابنك ومراتك رجعها متخسرش كل حاجه واعقل بقا وفكر بالعقل

حسام ، عادي أنا فكرت خلاص انا هاخد ابني مش هسيبهولها يابابا وهي تبتدي حياتها من اول جديد مع حد غيري أو تفضل مع اختها جايز ينفعوا بعض

احمد ، انت كلامك كله مش عجبني

حسام ، ويعني عجبني أنا كمان ماهو كل حاجه بتحصلي بتبقي غصب عني

احمد ، يعني مش عادي لمراتك فرصه تانيه وترجعلها

حسام ، لا يابابا استحاله

احمد ، اعرف بقا الفرق بينك وبينها هي سامحتك كذه مره بعد المصائب اللي حلت فوق راسها بسببك

حسام ، أنا مرمتهاش في مصايب أنا مجني عليه زيها بالظبط

احمد ، الكلام معاك زي عدمه وراح سيبه وماشي

حسام لنفسه ، عمرى ماهسمحها بعد ما غلطت فيا جامد كده خلاص اللي كان بينا انكسر يا حور ومش هيتصلح
///////////////
حور ، خير يا دكتور

الدكتور ، للاسف مش خير

حور ،، مش خير ازاي ابني ماله يا دكتور

الدكتور ، للاسف في مشاكل في النخاع الشوكي ومحتاجين زرع نخاع هو والده فين

حور ، في مصر

الدكتور ، تمام بس لازم تكلميه وتعرفيه عشان لو هيتبرع للطفل يبقا تمام

حور ، مينفعش أنا اتبرعله

الدكتور ، التحاليل هي اللي هتبين مين بالضبط اللي ممكن يتبرعله

حور مسحت دموعها بالم. خلاص ماشي يا دكتور شكرا وقامت وخرجت بره

نور ، هنعمل ايه يا حور

حور ،. هعمل اي يا نور مش عارفه

نور ، لازم نسافر مصر عشان لو اخدوا منك العينه ومطلعتش زيها يشوفون أبوه أو عمه أو أنا

حور ، تمام تعالي نجهز الشنط ونسافر الفجر ونروح علي شقتنا القديمه

نور ، تمام
////////////
عند مراد في القسم

مراد ، مالك يابت انتي وهي في ايه مالكم نازلين تقصيع وقله ادب كده ليه فوقي يا روح امك منك ليها حاكم أنا مورتكوش وشي التاني

واحده من البنات جايه تتلزق فيه ، مالك يا باشا شكلك مضايق اوي أنا بعون الله ممكن اخرجك من المود اللي انت فيه ده

مراد ، يا أمييييين تعالي خد البنت دي حبس أنفراضي عشان اشوف اخره المرقعه دي ايه

البنت مشت مع الأمين ، والله ده شكله جن عالاخر خالص

مراد راح قعد علي المكتب يريح شويه لقا حسام بيتصل بيه

حسام ، مراد بقولك أنا همشي بكره بليل متنساش عايز اسلم عليك قبل ما امشي

مراد ، قلبي بيقولي أن ده مش هيحصل وهيحصل حاجه تغير المواضيع
حسام ، لا والنبي ماتبروملي فيها عايز امشي من هنا وانا كل حاجه

مراد ، طب وابنك هتاخده بردك

حسام ، لا فكرت في الموضوع ده و فعلا حور صعبت عليه

مراد ، تمام يا صاحبي هخلص شغلي انهارده وهاخد بكره اليوم كله اجازه وهقعده معاك قبل ما تمشي

حسام ، ماشي يا صاحبي سلام

مراد ، سلام
//////////////
صباح تاني يوم نور وحور وصلو القاهره ومعاهم مراد ابن حور وحسام ودخلوا ناموا بعد اربع ساعات

حور قامت غيرت هدومها وسابت ابنها نايم جنب نور
ونزلت راحت عالشركه

حور ، هو في ايه الشركه قافله ليه

الامن ، الباشا مسافر كمان ساعتين امريكا يكمل شغل هناك وهيصفي شغل هنا ومعدش جاي

نور سمعت كده طلعت تجرى ركبت تاكسي وراحت عالفيلا

نور ،. عم محمود متعرفش حسام فين

عم محمود ، لسه ماشي حالا يابنتي العربيه اللي بتدور دي

حور سمعت كده وطلعت تجرى ورا العربيه بس العربيه كانت مشت

حور فضلت تجرى وراها ، حساااام يا حساااااام

حسام بص وراه في العربيه لقا نور عماله تجرى ورا العربيه وتنده عليه

حسام السواق ، وقف وقف

السواق ، حاضر يا باشا وراح واقف حسام نزل جرى من العربيه راح لحور

حسام ، في ايه وجايه ليه

حور وهي بتنهج بصوت عالي ، اب ابن ابن ابننا بيمـ,ـوت

حسام ، انتي بتقولي ايه ازاي كده

حور ، متسا متسافرش ار ارجوك

حسام ركبها العربيه عشان تهدي عشان يعرف في ايه وراحوا علي الفيلا

حسام ، الطياره هتفوتني عرفيني ياللا في ايه

حور ، مراد محتاج زرع نخاع بدال ما يمـ,ـوت

حسام ،. انتي بتقولي ايه أنا

حور ، لو ممكن بس هنعمل تحليل ونشوف لو في تطابق ممكن تتبرعله وبعد كده سافر براحتك

حسام ، بس

حور وطتوعلي رجله تبوـ,ـسها وهي منهاره ، ابوـ,ـس رجلك متعترضش ارجوك ابني هيمـ,ـوت ولو في حاجه زعلان مني بسببها أنا عندك اهو خد حقك مني بس بلاش ابني والنبي بلاش ابني

حسام وطا مسكها قومها وهي حاطط أيده علي أكتافها ، أنا موافق يا حور ده ابني بردك انا مش هسيبه يروح مني

حور مسكت أيده ، طب ياللا عشان نروح المستشفي نعمل التحاليل

حسام شال أيدها من عليه وراح ممشي أيده علي وشها يمسح لها الدموع

حور غمضت عيونها اول ما أيده لمست وشها

حسام قرب منها واول مالمس شفايفها افتكر تهزيقها ليه راح باعد بسرعه

حسام ، ياللا بينا

حور باحراج ، ماشي وراحت حاطه وشها في الارض ومشت وراه

حسام ، اركبي هنروح نجيبه ونروح المستشفي نعمل التحاليل

حور في العربيه ، حسام انت بجد هتتبرعله بزرع نخاع

حسام ، ايوه مش ابني

حور ،. شكرا يا حسام

حسام ، العفو

حور اضايقت من تجاهل حسام ليها وابتعاده عنها بس حست أنه خلاص معدش ليه لازمه الكلام معاه لانه هيحرجها
يتبع
25. 26

مراد ، انت فين يا حسام الطياره مشت
حسام ، أنا في المستشفي
مراد ، مالك في ايه
حسام ، ابني تعبان ومحتاج زرع نخاع ومستنين نشوف مين اللي ينفع يتبرعله
مراد ، تمام أنا جايلك حالا
حسام ، ماشي سلام

بعد ربع ساعه
نور نزلت من التاكسي ومراد نزل من عربيته
مراد ، نور
نور بلهفه ، مراد
مراد مد أيده يسلم عليها ، ازيك يا نور

نور سلمت عليه ، الحمد لله عن اذنك وسابته و راحت ركبت الاسانسير

مراد دخل معاها وقف وربع أيده وفضل باصص عليها نور عطياله ضهرها ومحاولتش تبصله

مراد ، للدرجه دي يا نور

نور لفت وبصتله ، نعم

مراد ، مفيش حاجه

الاسانسير وقف وراحوا خارجين راحوا لحور وحسام

نور ، عملتو ايه

حور ، لسه النتيجه مطلعتش

مراد ، ان شاء الله خير

الدكتور خرج

حسام ، خير يا دكتور

الدكتور ، الحمد لله انت اللي تنفع تتبرع لابنك

حسام ، طب الحمد لله وانا موافق يا دكتور

الدكتور ، تمام انزل شوف في الاستعلامات تكلفه العمليه والتحضيرات وانا جاهز باذن الله

حسام ، متشكر لحضرتك

حور ، حسام أنا متشكره جدا ليك والله عشان اللي هتعمله ده
حسام ، حور أنا هدخل اعمل العمليه بشرط

حور ، شرط ده ابنك انت بتشرط عليه في ابنك

حسام ، مهو عشان ابني أنا بشرط

حور ، اتفضل قول الشرط

حسام ، اتنزليلي عن ابني وهاخده معايا وانا مسافر

حور بصدمه ، انت اتجننت صح انت مش طبيعي

نور ، في ايه يا حور بتزعقي ليه

حور ، الاستاذ بيساومني العمليه قصاد اني اسيبله ابني ياخده معاه وهو مسافر

نور ،. ليه كده يا حسام أنا طول عمرى بدافع عنك وشايفاك انك محترم

حسام ، ليه عندك شك اني مش محترم

نور ، مقصدش بس بلاش كده يا حسام

حور ، خلاص يا نور انا موافقه يا حسام

نور ، انتي بتقولي ايه

حور ، بدال ابني هيعيش يبقا أنا موافقه

حسام ، تمام هكلم المحامي وتمضي علي التنازل قبل ما ادخل العمليات

حور مسحت دموعها ، ماشي

مراد واقف مصدوم وهو بيشوف صاحبه بيدبحها بسكينه تلمه

مراد ، مش كفايه ظلم بقا يا حسام

حسام ، انت بتقول ايه

مراد ، بقول كفايه ظلم وفضل يزعق جامد انت ظااأالم كفايه بقا

حسام ، مراد انت اتجننت

مراد ، ايوه انا اتجننت يوم أما صحبت واحد زيك احنا صحوبيتنا خلاص يا حسام انساني وسابه ومشي

نور ، هتبقي فرحان وانت بتكسر قلب ام يا حسام

حسام ، مش هسيب ابني

نور ، رجع مراتك وخودها مع ابنك

حور ، وانا مش عايزاه وجاهزه هات المحامي عشان امضي

حسام ، تمام هكلمه حالا يجي

بعد ساعتين

حسام ، المحامي وصل اتفضلي ياللا عشان تمضي وبكره الصبح هنعمل العمليه وهنسافر كمان اسبوع أنا وابني

حور ، ماشي يا حسام أنا جاهزه

حور دخلت ومضت علي التنازل لحسام وخرجت تجرى دخلت الحمام دخلت الحمام وفضلت تعيط بهستيريه

حور لنفسها ، أنا خسرت كده كل حاجه من غير ما اعمل في حد حاجه يارب أنا عملت ايه لكل ده بجد تعبت من الدنيا دي أنا معدتش عايزه اعيش خلاص انا تعبت ومعدتش قادره كفايه كده
وراحت غسله وشها وراحت خارجه داخله قاعده جنب ابنها وراحت ماسكه أيده و مقدرتش تمسك دموعها

حسام ، بتعيطي ليه

حور بصت له وعينيها كلها دموع ومردتش عليه

حسام ، بقولك بتعيطي ليه

حور ، وايه اللي يخليني اضحك أو افرح انت واديك سبتني اختي وحسستني اني بكرهها وبتحكم فيها ابني وهيروح مني قولي اعيش لمين انا معدتش قادره استحمل بس انا قررت اني اريحكم مني كلكم
وطلعت تجرى خرجت بره

نور ، حووور في ايه استني بس حووور

حسام ، نور ادخلي جوه للولد وانا هروح وراها

نور ، طب بسرعه يا حسام الحقها

حسام نزل جرى ورا حور وراح مسكها من أيدها

حور ، سيب أيدي لو سمحت سيب أيدي ااااه وراحت مزعقه أيدي وجعتني

حسام ، اخرسي بقا ولاحظي أننا في الشارع وراح شددها وراح فتح عربيته

حسام ، اركبي

حور ، لا مش هركب وسيب أيدي بقا

حسام زعقلها جامد ، اركبي

حور ، لا مش هرمي يا حسام بيه انسا

حسام زقها ركبها غصب عنها وراح ساكك الباب

حور ، لو سمحت افتح الباب

حسام راح ركب وساق العربيه

حور ،. افتح الباب يا حسام افتحه بقلك

حسام ، اخرسي بقا صدعت

حور ، مش هخرس ووقف العربيه

حسام مسألش فيها لحد ما وصلوا الفيلا نزل من العربيه وراح فتح الباب بتاعها وشدها ودخل بيها الفيلا

حور ، سيب أيدي هو أنا بقره في ايدك بتشدني كده ليه

حسام مردش عليها واخدها وطلعوا غرفتهم وراح ساكك الباب وراح سيبها

حور بتحاول تفتح الباب

حسام ، انسي مش هتعرفي

حور ، انت عايز ايه

حسام ، أنا تؤتؤ انتي اللي عايزه ايه

حور ، مش عايزه حاجه

حسام قرب منها ومسح دموعها ، حور عايزاني واللا لا

حور بصتله وعينيها حمرا من كتر العياط

حسام ، ينفع كده العيون اللي بعشقهم دول يبقوا كده من الدموع

حور ، ما انت السبب

حسام ، أنا واللا عنادك ليه كل العناد ده بتعاندي قلبك ليه قوليلي ليه قوليلي آخره ده كله ايه

حور ، آخرته انت هتاخد ابنك وهتبعد و نور هترجع لمراد وانسوني بقا

حسام ،. ولو قولتلك مقدرش اعيش من غيرك

حور ، كداب عشان انت كنت ماشي اصلا مسافر

حسام ، كنت عايز اسافر عشان احاول ابعد عنك كفايه اللي حصلك بسببي انتي مش قادره سامحيني وكنت هاخد ابني عشان أنا السبب فيه وعايزك ترجعي تعيشي وتحبي وتتحبي

حور ، انت لو اخدت ابني أنا همـ,ـوت يا حسام همـ,ـوت انت فاهم

حسام ، بعد الشر عنك يا حبيبتي

حور ، حبيبتك

حسام ، ايوه حبيبتي ومراتي وام ابني

حور ، بس انت طلقتني

حسام ، واديني رجعتك احنا لسه في العده

حور ، ومين قالك اني عايزه ارجعلك

حسام حط أيده علي قلبها ، ده يا حور ده مبيكدبش ده بيقول انك بتعشقيني زى مابعشقك

حور ، ده مبيتكلمش

حسام ، حط أيده علي قلبه ، ده بيحس بده

حور ، بس انت قولت عليه انانيه ووحشه عشان مردتش أن صاحبك يتجوز نور

حسام ، فعلا انتي خنيقه اوي انتي ليه عمله كده مع نور سيبيها تعييش مع اللي بتحبه وبيحبها

حور ، ماشي مانا كنت راجعه القاهره عشان أصلح مابينهم

حسام ، يعني انتي موافقه أنهم يتجوزوا

حور ، ايوه

حسام ، طب واحنا

حور ، مالنا

حسام ، مش هنخاوي مراد وراح غمزلها بعنيه

حور ، اااا

حسام ، هو ايه ده فين لسانك القطه أكلته

حور ، أنا عايزه اروح لابني

حسام ، اخر مره هقولهالك عايزاني

حور ، الولد فاته بيعيط

حسام ، افهم من كده ايه

حور ابتسمت ، معرفش

حسام شدها في حـ,ـضنه جامد

حسام ، وحشني حـ,ـضنك اوي

حور بادلته الحـ,ـضن كان حـ,ـضن كله اشتياق
يتبع