واعطيته قلبي بقلم أميرة محمود الثالث

خرجت ركبت الاسانسير لقت مراد وراها وراح داخل

نور بصت في الارض معبرتوش

مراد ، بقولك يااااا

نور ، نور اسمي نور

مراد ، طب مانا عارف

نور ، عايز ايه

مراد ، مالك هااا والدكتور ده كان عايز منك اي وخطيبك ازاي

نور ، وانت مالك

مراد زنقها في الاسانسير وراح ماسك وشها في أيده بكل عصبيه

نور ، اااه سيبني

مراد ، عارفه لو سمعتك مره تانيه بتقوليلي انت مالك عارفه ممكن اعمل ايه

نور شدت أيده من علي وشها وراحت نطراها بعيد

نور ، هتعمل ايه يا مراد بيه ها هتعمل ايه رد

مراد ، نور متعصبنيش بقولك

نور ،. أنا اعصبك ليه انا مالي ومالك اصلا

مراد ، انتي لسه بتحبيبني علي فكره وانا عارف ومتأكد كمان

نور ، انت موهوم أنا دكتور علاء اتقدملي وانا وافقت

مراد ، عارفه لو ده حصل يا نور عارفه هعمل ايه

نور ، ايه

مراد ، هه يا نور والله لهه وسابها وخرج من الاسانسير

نور خرجت جرى وراه

نور ، مراد

مراد ، نعم

نور ، انت عايز ايه مش انت بتحب خطيبتك

مراد ، أنا جيبها اغيظك مش اكتر وهي اصلا مش خطيبتي دي بنت عمي واختي الصغيره

نور ، طب وتغيظني ليه

مراد. ، معرفش وسابها ومشي وهي جرت وراه تاني

نور ، مرررراد استنا

مراد ، عايزه ايه

نور ، تتجوزني

مراد بصلها بصدمه ، هاااا

نور ، ههههه مالك يابني

مراد ، انتي بتكلمي بجد

نور ، ايوه انا عايزه اتجوزك

مراد ،، لا أنا معدتش جايب المأذون تيجي نروحله احنا

نور ، ههههه ماشي

مراد ، نور بسرعه قبل ما يحصل حاجه احنا نروح المأذون ونكلمهم يجو عشان يمضو

نور ، ماشي ياللا

مراد مسك أيدها وطلع يجرى علي العربيه ركبوا وراح المأذون

ياترى هيتجوزوا المره دي واللا لا
يتبع

البارت السابع والعشرون. والثامن والعشرون

ايوه يا مراد انتو فين
مراد ، احنا عند المأذون ممكن تيجي بسرعه ببطاقتك
حسام ، لا ده انتو اتجننتو بجد والله
مراد ، جنان بجنان الواحد كل مره يجيب المأذون يحصل حاجه انا عايز اتجوز يا حسااااام عايز اتجوز

حسام ، في ايه يا بني اهدي مالك

مراد ، مليش يا سحس تعالي ياللا عشان انت هتكون الوكيل وحسبي الله ونعم الوكيل

حسام ، هههههه ماشي جايلك اهو

مراد ، متقولش لامنا الغوله بدال ماتقف لينا في الجوازه زي المره اللي فاتت

حسام ، طب والله

مراد ، خلاص خلاص والله مانت حالف أنا آسف بس ياللا بقي

حسام ، قشطه أنا جاي حالا سلام

حور ، في ايه يا حسام

حسام ، راحوا يكتبوا الكتاب

حور ، هما مين

حسام ، نور ومراد هيكون مين يعني

حور ، لا ده بجد اتجننوا هو في ايه هما الاتنين

حسام ،. والله مانت معكننه عليهم عشان خاطرى

حور ، ماشي يا حسام

حسام ، احبك وانت مطيع

حور ، بس هاجي معاك

حسام ، هتبوظي الدنيا صح أنا عارفك

حور ، ابوظ ايه ياعم انت اختي الوحيده وهروح اقف معاها

حسام ، طب إذا كان كده فماشي تعالي معايا

حور ، ماشي ياللا بينا
////////////////////
عند مراد ونور

مراد ، أخيرا هنكتب كتابنا أخيرا

نور ، ههههه حاسه ان هيحصل حاجه ومش هيتكتب

مراد ، انتي تخرسي خالص فاهمه

نور ، هههههه فاهمه

مراد ، ما ياللا ياعم الشيخ

المأذون ، مش هكتب غير اول أما الشهود يجو ووكيل العروس

مراد ، اووووف ماشي أنا هتصل بيه اهو

حسام ، ايوه يا زفت

مراد ، زفت زفت المهم انت فين

حسام ، أنا تحت المكتب

مراد ، طب هات اي اتنين يمضو أنهم شهود

حسام ، ماشي

مراد ،. بس بسرعه سلام

نور ، انت محسسني اني هطير أو همـ,ـوت

مراد ، بعد الشر عنك يا حبيبتي بس انا فعلا تعبت كل أما اجي اكتب الكتاب يحصل مصيبه الواحد قرف

نور ، أن شاء الله مفيش مصايب هتحصل

حسام دخل ومعاه اتنين شهود وحور

مراد ، حور أنا كنت هقولك كل حاجه بس بعد الكتاب

حور ، بعد كتب الكتاب وجاي علي نفسك اوي كده ليه

حسام ، أنا قلبي مكنش مطمن كنت حاسس انك تعملي حاجه

حور ، بس انت كمان ماهو عشان صاحبك

نور ، في ايه يا حور

حور ، مفيش كنت بسيب أعصابه قبل كتب الكتاب

مراد ، ده بجد يعني بتهزرى صح

حور ، اكتب يا شيخنا اكتب

مراد ، ياللا يا عم الشيخ

موبايل حسام رن

حسام ،. اي ده ده خالك يا حور

حور ، خالي وده عرف منين رقمك

حسام ، لا مانا كنت عطيهوله

حور ، تمام رد كده

مراد ، لا بعد كتب الكتاب

المأذون ، حط ايدك في أيده ياللا

حسام حط أيده في ايد مراد وكتبوا الكتاب

المأذون ، بارك الله لكما وبارك عليكما وجمع بينكما في خير
مراد قام وقف ، الله اكبر الله اكبر وراح حاضن نور وفضل يلف بيها

حسام ، ده الولد اتجنن

حور ، ربنا يهنيهم يارب

حسام ، يارب

حور ، حسام اتصل كده وشوف خالي كان عايز ايه

حسام ، تمام بس انا ننزل هتصل بيه عالطول

حور ، أنا بصراحه متشوقه اعرف هو عايز ايه

حسام ، مش اكتر مني

مراد ، ياللا يا جماعه نمشي

نور ، اه عشان مراد مع جنا اختك من الصبح

حسام ، هي جنا هناك

مراد ، اه كانت جايه معايه تشوف ابنك

نور ، والله جايه تشوف ابنك مش علي اساس كنت جيبها تعملو تمثيليه عليه

حسام ، هو انت لسه اهبل يا مراد

مراد ، كنت عايز اشوفها لسه بتحبني واللا لا

حسام ، ماشي ياللا يا مجنون اروح لابني عشان وحشني

مراد ، هو اللي وحشك بردك

حسام ،اتظبط يا مراد فاهم اتظبط

مراد ، ماشي يا سيدي

////////////////////
الحاج ناصر ، هما لسه مرضوش يا ولدي

محمد ، لع يا بوي

فاطمه ، ماخلاص يا ناصر مش ابوك اللي جالك متعطيش خيتك حاجه

ناصر ، بوي عمل حاجه غلط وانا لازم اجابل رب كريم وانا نضيف يا فاطمه السرطان قطع لحمي بعد ماسبت البنته يمشوا من اهنه مكسورين لازم اعطيهم حجهم أني عايز اجابل ربي وانا نضيف

فاطمه ، ماشي يا ولد ابوى ماشي ريح ضميرك

ناصر ، اتصل بيهم تاني يا ولدي

محمد ، حسام بيتصل اهو يا بوي

ناصر ، طب هات المحمول أكده

حسام ، السلام عليكم ورحمه الله وبركاته

ناصر ، وعليكم السلام ورحمه الله وبركاته ياولدي كيفك وكيف مرتك

حسام ، الحمد لله تمام يا حج ناصر

ناصر ، بجولك يا ولدي أنا عايز اشوف البنات عايز اعطيهم حجهم من ميراث امهم

حسام ، ايه سبب التغيير ده يا حج ناصر

ناصر ، عايز اريح ضميري يا ولدي جبل ما اجابل رب كريم

حسام ، طب وانا ايه اللي يخليني اصدقك

ناصر ، عيب يا ولدي أنا مش صغير اني اكدب عليك وحياه الشده اللي انا فيها أنا عايز اريح ضميري تعالو يا ولدي خلي مراتك واختها يخدوا حجهم

حسام ، تمام احنا هنجيلك كمان اسبوعين

ناصر ، ليه يا ولدي ما تيجو الصبح

حسام ، ابني هيعمل عمليه كبيره بكره وانا اللي هتبرعله فمش هنعرف نيجي قبل اسبوعين باذن الله

ناصر ، لا الف سلامه عليه يا ولدي والله لو أجدر اجوم من علي السرير كنت اجيت اطمن عليكم

حسام ، حسك معانا ياحج والف سلامه عليك

ناصر ، الله يسلمك يا ولدي سلم علي البنات مع السلامه يا ولدي

حسام ، سلام يا حج وقفل

حسام كان عامل الاسبيكر وواقف هو ونور وحور ومراد حوالين الموبايل

حسام ، انتو رايكم ايه

حور ، مش مصدقاه مش معقول الحدايه هتحدف كتاكيت

نور ، لا بس ده باين فعلا أنه تعبان يا حور وممكن فعلا يكون عايز يريح ضميره قبل ما يموـ,ـت

حور ، أنا مش هروح الصعيد ومش عايزه منه لا ورث ولا حاجه

نور ، لا بس ده حقنا يا نور حق الحرمان اللي شوفناه طول السنين اللي فاتت مش هسيبه لولاده أنا دخلت حقوق مخصوص عشان اعرف اجيب حق امي بعد ماكسر بخاطرها ومرضاش يعطيها حقها وانا مش هسيب حقي يا حور ده حقي

مراد ، أنا شايف أن حور معاها حق مفيش حدايه بتحدف كتاكيت ممكن يكون بيعمل فيكو فخ واللا حاجه

حسام ، بذمتك يا ابو الذكاء ده صوت راجل قادر أنه يعمل فخ حرام عليك الراجل شكله فعلا بيحتضر

مراد ، خلاص احنا نروح بعد ما نطمن عليك انت وابنك ونشوف الراجل ده صادق واللا لا

حسام ، تمام ياللا اركبوا عشان نروح للولد

الكل ركبوا العربيات نور جنب مراد وحور جنب حسام

وراحوا المستشفي
فوق في المستشفي قدام غرفه مراد

الدكتور ، استاذ حسام

حسام ، خير يا دكتور

الدكتور ،. كنت عايزك في موضوع بليز

حسام ، موضوع ايه

الدكتور ، أنا معجب بالانسه نور وعايز اطلب أيدها من حضرتك

حسام ، ههههه

الدكتور ، بتضحك علي ايه أنا مقولتش حاجه تضحك

حسام بص لمراد وهو واقف بيبصله وهو مكشر وعاقد حواجبه في بعض

حسام ، الوحيد اللي المفروض تطلبها منه هو مراد

الدكتور ، ليه أن شاء الله هو مش حضرتك جوز اختها

حسام ، بس مراد يبقا جوزها

الدكتور بصدمه ، جوزها طب ازاي وانا طلبت أيدها الصبح ووافقت يعني كانت بتضحك عليه وهي متجوزه

مراد ، اه عندك مانع

الدكتور ، أنا آسف يا فندم عن اذنكم وراح ماشي

عند نور وحور جوه في الأوضه

حور ، انتي واقفه تسنطي عليهم بره ليه

نور ، هشش ده هيعمل مني بطاطس محمره

حور ، مين ده

نور ، اسكتي بس معدتش سامعه حاجه

حور ، ماشي يا مجنونه

الباب اتفتح مره واحده

نور بخضه ، هااا

مراد ، ايه اتخضيتي

نور ، لا ابدا أنا متخضتش ولا حاجه

مراد ، ماشي حاسبي كده عايز ادخل

نور ، اااه اتفضل ادخل

جنا ، اي اروح أنا بقا

نور ، لا خليكي يا جوجو

مراد ، جوجو الله يرحم الصبح كنتي ناقص تمسكييها تضربيها

نور ، أنا أبدا والله الا الدكتور كان عايزك في ايه يا حسام

مراد ، كان عايز يخطبك وانا وافقت

نور ، بجد هو بصراحه قمر اول مره اشوف عيون بالجمال ده اي ده بجد

مراد شدها من ضهر التيشيرت

مراد ، بتقولي حاجه يا ماما

نور ، ابدا أنا بقول انك حبيبي والله

مراد سابها ، ماشي يا مجنونه

حسام ، والله انتو الاتنين مجانين هههههههه

حور ، قلب ماما نايم

جنا ، اه ما كان بيعيط فضلت شيلاه لحد مانام ده طلع عين امي

حور ، هههههه معلش يا روحي تعبناكي واتأخرنا كمان عليكي

جنا ، ده ابن اخويا واختي عيب تقولي كده عادي يا بنتي

حور ، تسلمي يا حبيبتي

مراد ، نور هتروحي معايا الشقه

نور بصدمه ، ا

الي اللقاء في البارت القادم اشوف التفاعل بقي ورأيكم يهمني

# اعطيته قلبي
#للكاتبه اميره محمود
البارت ٢٧
متابعه اروح معاك الشقه بمناسبه ايه لا لا لا ده انت بص مش قدي وابقا عيد الكلمه دي تاني وشوف اللي هيحصلك

مراد ، انتي هبله يا بنتي انتي بقيتي مراتي

نور ، مراتك علي الورق يا روح ماما وبس أما تبقا اشهر جوازك مني وتعملي فرح أبقا اروح معاك هو أنا عوره واللا ناقصه ايد واللا رجل عشان متعمليش فرح

مراد ، يخربيتك اي ده ده انا فتحت ماسوره ماجارى

نور ، أنا ماسوره ماجارى يا مراد أنا

مراد ، لا أنا يا روحي

نور ، طب ياللا امشي من جنبي عشان الريحه يع

حسام ، ههههه والله العظيم انتو الاتنين مسخره حاسس ان قلبي هيقف من كتر الضحك

حور ، وربنا انتو الاتنين مجانين

مراد ، طب هتعملي ايه يا ست نور هتقعدي فين

نور ، هروح شقتنا القديمه

مراد ، لا لا انسي

نور ، وانسا ليه ماله بيتنا أن شاء الله

مراد ، بعيد عني يا روحي خلاص تعالي الشقه اللي حسام كان جيبها لمامتك

نور ،. لا هروح بيتنا يا مراد في ايه مانا متربيه فيه ماله دي الوقت

مراد ، مالوش خلاص اعملي اللي يريحك وياللا امشي عشان اوصلك ورايا نبطشيه

نور ، ماشي مش عايزه حاجه يا حور

حور ، سلامتك ياقلبي مع السلامه

نور ، سلام يا حسام

حسام ، مع السلامه وبراحه شويه علي مراد

نور ، متخافش عليه مني هههههههه

حسام ، ياللا يا مجنونه

نور ، ههههه سلام

نور ركبت مع مراد العربيه

نور ، انت ساكت ليه

مراد ، ويهمك في ايه اتكلم أو متكلمش

نور ، لا ده انت شكلك زعلان اوي

مراد ، نور لو سمحتي اسكتي أنا مش طايقك

نور ، ليه يا مراد

مراد ، ليه مش عارفه ليه انتي مفيش كلمه اقولها وتسمعي كلامي فيها أبدا أنا تعبت بجد

نور ، وليه متسبنيش براحتي

مراد ، براحتك دي لو لوحدك أما أنا دي الوقت شرعا جوزك يا نور ومن حقي أن أقول الكلمه تتسمع انتي حرجتيني قدام حور وحسام ومرضتش ازعلك لو سمحتي حاولي تتغيري مينفعش تعلي صوتك عليه قدام الكل كده انا جوزك وواجب عليكي تحترميني قدام اي حد

نور ، أنا اسفه يا مراد بس والله كنت بتكلم عادي معرفش انك ممكن تزعل لأن احنا كلامنا طول عمره كده
مراد ، هيتغير ولازم تحترميني يا نور لازم معدش صوتك يعلي عليه فاهمه ومش عايز عناد كتير

نور ، مراد لو سمحت نزلني اقف لو سمحت

مراد ، رجعنا الجنان تاني

نور بزعييق ، لو سمحت نزلني

مراد وقف بالعربيه ، اتفضلي انزلي ياللا

نور بصت له وراحت معيطه ونازله من العربيه مراد مش بالعربيه وسابها في الشارع لوحدها وراح القسم يستلم النبطشيه

نور ، ماشي يا مراد أما وريتك بقا بتسبني في الشارع وتمشي ماشي ماشي

شاب ماشي وراها ، اي القمر ماشي لوحده بليل كده ليه

نور ، استغفر الله العظيم يارب

الشاب مسك دراعها ، استني بس ممكن اوصلك لو عايزه

نور ادورت و بصت له بصدمه ، شيل ايدك دي يا حيوان
الشاب ، أنا حيوان تؤتؤ لا ده انتي اتجننتي بقا وربنا مانا سيبك وراح مطلع مطوه ياللا يا موزه تعالي معايا من سكات

نور بصت للمطوه وراحت عطيه بالشلوط في أيده المطوه طارت عالارض وراحت نازله فيه ضرب طلع يجرى عالمطوه لقت قالب طوب عالارض لقيته بيه فتحت رأسه العربيات كانت معديه وقفت ومسكوها واتصلوا بالنجده والاسعاف

البوكس اجا اخد نور والشاب الإسعاف لفله الجرح وراحوا القسم

مراد بيبص بصدمه لقا نور دخله القسم هي والشاب وأمين الشرطه مكلبشهم

مراد ، في ايه اي ده فك يابني