واعطيته قلبي بقلم أميرة محمود الثالث

الشاب ، أنا كنت ماشي في امان الله راحت لقاني بقالب طوب فتحتلي دماغي يا باشا

مراد ، لقتيه ليه

نور بصت لمراد وعينيها كلها دموع وراحت بصه في الارض

مراد ، انت عملت فيها ايه عشان تلقق

الشاب ، أنا كنت ماشي في امان الله مجتش جنبها

مراد ، اتكلمي في ايه حصل

نور ، لا رد

مراد ، نور أنا بكلمك

امين الشرطه ، انت تعرفها يا باشا

مراد ، اه

نور رفعت راسها وبصتله

مراد ، مراتي

امين الشرطه ، طب اقعدي يا هانم

الشاب ، هي هانم دي الوقت وانا هروح في الرجلين

امين الشرطه ، اخرس خالص انت فاهم

الشاب ، طب خلاص انا هتنازل ومش هرفع عليها محاضر

نور ، يعني كنت عايز تاخدني معاك تحت تهديد المطوه وزعلان دي الوقت اني ضربتك لا وكمان انت اللي عايز ترفع عليه محضر

مراد سمع كده محسش بنفسه غير وأمين الشرطه بيقوله
سيبه يا باشا هيموـ,ـت في ايدك يا باشا يا مراد باشا كده غلط وراحوا اللي في القسم بعدوه عنه

نور ، اوم روح المستشفي انت بتنزف جامد

مراد ، انتي خايفه عليه واللا ايه

نور بصت له ومردتش عليه

الشاب ، يعني انتي مش هتأذيني أنا والله تبت ومعدتش هعمل كده تاني

نور بصت لمراد ، العيب مش عليك العيب علي اللي يسيب مراته لوحدها في الشارع ويمشي اكيد الكلاب هتتلم حواليها ياللا اوم امشي

الشاب ، صافي يالبن

نور ، ماشي بس تخيل لو اختك او امك او بنتك حد تعرض ليهم كده اكيد هتوجع اوي حاول تفكر في أهلك قبل ما تتعرض لبنات الناس

الشاب ،. ماشي والله خلاص توبه

نور بصت في الارض وراحت خارجه

مراد راح وراها ، نور استني

نور وقفت وبصتله ، نعم يا مراد

مراد ، أنا آسف اني كنت سبب في اللي حصلك انهارده

نور ، عارف يا مراد لو قولت آسف للسنه الجايه مش هتغفر اللي انت عملته ده عن اذنك

مراد ، استني أنا هوصلك

نور ، لا مش عايزه حد يوصلني أنا قويه واعرف كويس احافظ علي نفسي كان من الاول يا مراد مكنش كل ده حصل

مراد ،. مانتي اللي فضلتي تسرخي عايزه انزل عايزه انزل
نور ، كنت منتظراك تقول كلمه تهديني مش تقف بالعربيه وترميني في الشارع لوحدي وشارع مقطوع

مراد ، خلاص والله أنا غلطان

نور ،، مش هيفيد بحاجه يا مراد خلاص وراحت سيباه ونزلت وقفت تاكسي ركبته وروحت

مراد دخل القسم ، أنا اللي غلطان أنا السبب

الشاب ، ياباشا هتعملو ايه معايا اروح

مراد ، امشي غووووور

الشاب طلع يجرى خرج من القسم

مراد اتصل بصاحبه يجي النبطشيه مكانه وراح نازل راكب عربيته ووقف قدام محل ورد الراجل كان بيقفل ومروح

مراد ، استنا يا حاج

بتاع الورد ،، خير يابني

مراد ، عايز بوكيه ورد علي ذوقك كده اصالح بيع المدام
بتاع الورد ، ماشي يابني أنا هفتح بس عشان بدالك هتصالحها وراح عمله بوكيه ورد كله ورد احمر

مراد ، الله جميل اوي وراح محاسب وجاي يمشي

بتاع الورد ، استنا يابني اهم حاجه الكلمه الحلوه حاكم الستات بتحب الكلمه الحلوه

مراد ضحكله وراح راكب العربيه وراح وقف قدام سوبر ماركت نزل جاب شوكولاته جلاكسي من الكبيره وحطهم جوه الورد بطريقه حلوه وراح رايح لنور

مراد وقف وفضل يخبط كتير ،. اي ده هي لحقت تنام

نور فتحت الباب كانت لبسه برموده قصيره وعمله قرنين وكان شكلها قمر خالص

مراد ، انتي مين يابنتي

نور ، مش وقت استظراف عايز ايه

مراد ، هو الصوت والله انتي ايه اللي لبساه ده وايه القرنين دول

نور ، أنا حره البس اللي عايزه البسه أنا حره

مراد، خلاص خلاص عرفنا انك حره ايه ممكن ادخل

نور ،. لا

مراد زقها وراح داخل

نور ، هو ايه ده انت مينفعش تدخل كده عيب

مراد ، أنا آسف يا نور وراح عطيها بوكيه الورد

نور ، الله ده جميل اوي وكل دي شوكولاته

مراد ، خلاص لسه زعلانه مني

نور ، ايوه طبعا ولو سمحت امشي ياللا

مراد ،. طب والورد

نور ، لو عايزه خده

مراد ، لا اقصد مش عجبك خلاص بقا خلي قلبك ابيض
نور ، لا يا مراد افرض كان عورني بالمطوه واللا كان عمل فيا حاجه صدقني مش هقدر اسامحك وياللا امشي بقا

مراد ، والله مانا ماشي وهبات هنا كمان وادي نومه وراح نايم علي الكنبه

نور ، مراد مينفعش كده شكلي هيبقي ايه قدام الجيران وهما عارفين انك بايت هنا لو سمحت امشي

مراد ، خلاص تسامحنيني أنا سبت الشغل واجيت جرى وراكي اصالحك خلاص بقا ماهو زى مانا غلطان انتي كمان غلطانه

نور ، مهما كنت غلطانه يا مراد ده ميخلكش تعمل كده معايا

مراد ، خلاص والله اسف اسف اسف

نور ، خلاص يا مراد بس ياللا امشي

مراد ، يعني معتيش زعلانه مني

نور ، لا

مراد ، طب ممكن أتأكد انك مش زعلانه

نور ، عايز تتأكد ازاي

ام شريف ، افتحي يا هانم جيبلنا رجاله البيت افتحي

نور زقت مراد عنها ، اتف.ضحت يا مراد

مراد فتح الباب ، ا
يتبع

في ايه يا ست انتي انتي اتج.ننتي
ام شريف ، أنا اللي اتج.ننت العيب علي اللي جيبالنا رجاله الشقه ومش محترمانا هو للدرجه دي يا نور ياخساره تربيه امك فيكي
نور واقفه منها.ره وعماله تعي.ط
مراد ، لا ده فعلا اتجننتي عارفه لو مسكتيش أنا نفسي المسد.س ده في راسك ومش هاخد فيكي دقيقتين عارفه ليه
ام شريف ، ليه أن شاء الله
مراد ، لأنها مراتي يا هانم

ام شريف ، اخس عليكي يابت يانور تتجوزي من غير ماتقولي لي ولا تعزمينا حتي

مراد ، مجاش فرصه ممكن تطرقينا بقا

ام شريف ، اطرقم ماتحترم نفسك يا اخي انت محسسني اني بكلم ابن رئيس الجمهوريه

مراد ، لا وزير الدا.خليه

ام شريف   ، ايه

مراد ، زى ما سمعتي

ام شريف ، اااا احنا اسفين يا باشا

مراد ، ماشي مع السلامه وراح قافل الباب

نور قعدت عالكنبه وحطت أيدها علي رأسها وباصه في الارض وعماله تعي.ط

مراد ، مالك يابنتي في ايه بتعيطي ليه

نور رفعت راسها وبصتله وعينيها كلها دموع

نور ، يعني مش عارف بعيط ليه انا اتفضحت يا مراد عرفت بقا أنا بعيط ليه

مراد ، في ايه يابنتي ايه اتفضحتي دي أنا جوزك علي فكره والست اول ماعرفت اني جوزك مشت عالطول خلاص بقا اهدي

نور ،. لا أنا مش مراتك يا مراد أنا مش مرات حد

مراد ، والله علي اساس المأذون كان كاتب كتاب مين

نور ، ورق يا مراد يعني زينا زى اي اتنين مخطوبين

مراد ، نور بطلي مشاكل بقا أنا تعبت بجد مش قادر

نور ، ماشي يا مراد مش تعبت خلاص نطلق وكل واحد يروح لحاله

مراد ، اديكي قولتيها نطلق اهو اتأكدتي اني جوزك

نور ، يووووه أنا تعبت بجد امشي يا مراد أنا مش طايقه اشوفك كل ما بشوفك لازم بيحصلي حاجه وحشه
مراد ، أنا يا نور

نور ، ايوه يا مراد

مراد بصلها بصه طويله كلها غضب وراح فاتح الباب وخارج

ام شريف كانت واقفه قدام باب الشقه تتجسس عليهم

ام شريف ، اهدا يابني الأمور مبتدخدش كده

مراد ، بصلها من فوق لتحت وراح نازل راكب عربيته وماشي

ام شريف دخلت لنور ، مالك يا بنتي ليه عملتي كده معاه
نور عماله تعيط بهيستيريه

ام شريف ، الله ده جيبلك بوكيه ورد وكله شوكولاته ده شكله بيحبك اوي يابنتي الله ده في جواب جوه وراحت مطلعاه
نور راحت جرى شدت من أيدها الجواب وراحت قرأه

نور حبيبتي انا اسف علي اللي حصلك بسببي اوعدك اني مش هتعصب تاني واسيبك وانتي زعلانه انا بك يا اجمل حاجه في دنيتي عارفه انا بحبك من اول ماشوفتك حسيت أن الجمال الملائكي ده مش مصريه بس فرحت جدا أما اتعرفت عليكي وفرحان انك بقيتي مراتي وعلي اسمي بحبك يا اجمل حاجه في دنيتي
نور انهارت في العياط ام شريف اخدتها في حض.نها

ام شريف ، معلش يابنتي كلميه وصالحيه أنا هروح شقتي وانتي كلميه صالحيه بصي الشوكولاته كتير أنا هاخد واحده ماشي

نور ابتسمت ، ماشي يا طنط

ام شريف ، ايوه كده اضحكي يا حبيبتي ياللا تصبحي علي خير

نور ، وانتي من أهله يارب وراحت قافله الباب واتصلت بمراد

مراد ، عايزه ايه

نور ، وحشتني

مراد ، والله

نور ،. اه والله

مراد ،. طيب ماشي عايزه حاجه تانيه أنا مش فايق دي الوقت

نور ، مش فايق ليه

مراد ، اصل في واحده مجنونه هتجنني معاها وسببتلي في صداع مش قادر ارفع راسي من الالم

نور ، أنا اسفه بقا خلاص

مراد ، طيب اقفلي عشان سايق

نور ، مراد

مراد ، نعم

نور ، خلاص سلام يامراد

مراد قفل السكه عالطول

مراد ، والله لهوريكي يا نور اظاهر انتي مينفعش معاكي الحنيه

نور ، ده حتي مقاليش سلام للدرجه دي يا مراد ماشي براحتك والله لهوريك نور الجديده فعلا أنا لازم اتغير

/////////////////////
تاني يوم الصبح في المستشفي

الدكتور ، استاذ حسام ياللا حضر نفسك عشان العمليه هتبتدي كمان ربع ساعه

حسام ، تمام يا دكتور

حور بدموع عطت ابنها للدكتور وراحت بيساه

حسام ، أن شاء الله هنحرج احنا الاتنين كويسين متخافيش

حور ، شكرا يا حسام انك لحقت ابني من المـ,ـوت

حسام ، هو مش ابننا احنا الاتنين واللا ايه يا مجنونه

حور ، لا ابني لوحدي

حسام ، ههههه والله أنا قولت مجنونه

نور ،. لا اله الا الله

حسام ،. محمد رسول الله

نور ، ربنا معاك انت ومراد يارب وتخرجولنا بالسلامه

حور ،. يارب يارب يخرجوا بالسلامه أنا مش عايزه حاجه من الدنيا دي غيرهم هما الاتنين

حسام ، يارب يا حبيبي اومال مراد فين كنت عايز أشوفه قبل ما ادخل العمليات

نور ، معرفش أتأخر ليه

حسام ، مراد مبيحبش الوداع دائما أما حد بيحصله حاجه كان بيهرب ويروح يقعد لوحده من يوم ما كنا صغيرين كان عنده ١٣ سنه ومامته كانت بتولد وهو كان قاعد بينتظرهم فجأه حصلها نزيف وماتت في العمليات هي والجنين ومن يومها وهو عنده عقده من انتظار العمليات كلميه وروحيله يا نور هو دي الوقت أعصابه تعبانه وفاته منهار عشان بيفتكر

نور ، تمام يا حسام

حسام دخل العمليات هو وابنه وحور قاعده تنتظر بره هي ونور

نور اتصلت بمراد مبيردش فضلت ترن لحد مارد

مراد ، نعم

نور ،. حبيبي مبتردش ليه قلقتني عليك انت فين

مراد ، نور اقفلي دي الوقت أنا مخنوق

نور ، مراد رد عليه انت فين

مراد ، قاعد تحت قدام المستشفي علي الكورنيش

نور ، طيب انا جيالك حالا