نسخة جريئه

سراج اتصدم بشده وكانت انفاسها الساخنه المعطره بتلفح وشو وقربها مهلك  مد اديه وحطها على وسطهاوقربها ليه جامد وهو شبه مغيب وتايه في الملامح الي اشتاق لها حد الجنون كان محاوطها بدراع وايده التانيه بتسحب حزام البرنس  وقرب من شفايفها وهو بيضغط على وسطها واول ما لمس شفايفها بشفايفه دفعتو بكل قوتها وجريت من بين اديه وهيه بتضحك جامد من قلبها

سراح استغرب ومكانش فاهم بتعمل ايه وهيه قالت بضحك  لا على فكره واضح جدا ان لا انا ولا عشره زيي ينسوك مراتك..وواضح اني محركش شعره منك…على العموم..حبيت اثبتلك بس يا سيد مغرور ..اني لو فعلا بستدرجك او حابه تنشأ بنا علاقه اقدر اعمل كده بسهوله بس زي ما قولتلك ..انت مش عاجبني

سراج غمض عنيه بغضب ولعن نفسو انو ادالها الفرصه انها تلعب بيه كده اتوجه ناحية الباب بغضب

قالت بضحك.. هتروح فين دلوقت
سراج قال بغضب…ماشي هنام بره..انا مش هفضل معاكي في مكان واحد

ضحكت وقالت..معاك حق الصراحه انا اطير العقل..بس برضو لو نزلت دلوقتي وبقيت تبات بره منظرك هيبقى ازاي قدام الخدم وبباك..على فكره هتبقى كيكه اوي

بصلها ورفع حااجب وقال..كيكه

قالت ..اممم..مش انتو  في مصر بتقولو على الراجل الي مش تمام  كيكه

بصلها بضيق وسخريه وقال..اممم..بنقول عليه كيكه وبنسقطه مع كبايه شاي بلبن على الصبح..اسمها خيخه ..خي خه

شمس ضحكت وقالت..طيب مبعدتش كتير يعني هتنبسط لو بقيت خيخه ده انت لو بقيت كيكه احسن

سراج مردش عليها ولسه هيطلع فكر في كلامها اتنهد وحط ايده على رقبتو بحرج وقال..احم..هو فعلا مش هينفع..انا..انا هبات هنا وخلاص وبصلها بتحزير وقال..وانتي قومي غيري المسخره دي والبسي هدومك يلا..واياك تقربي مني تاتي سامعه

شمس ضحكت وقالت..حاضر متقلقش مني عمري ما هعمل حاجه غصب عنك يا قطه وضحكت جامد واخدت هدوم ودخلت الحمام

سراج كان حاسس بالف شعور جواه ما ببن الغضب والغيظ والوجع وما بين كلامها لي بيضحك قد ما بينرفز اتنهد وهو بيفتكر شهيره وقد ايه كانت تتكسف ووشها يحمر بس يقرب منها ومكانتش عندها الجرأه ترد عليه او تبادلو اي مشاعر من شدة كسوفها ..اتنهد وقال..هما ازاي دول اخوات..  وتوأم كمان

بعد شويه خرجت وهيه لابسه توب مغطي الصدر بس وشورت قصير او ميني جيب طلعت واترمت  على السرير بتعب

سراج كان عامل نايم وبصلها بطرف عينه واتنهد وتمتم بضيق وقال..على الاساس فرقت كده

شمس بصيت له بطرفه عينها وقعدت وحطت المخده على رجلها وقالت.. بقول لك يا اسراج لو مش هيضايقك يعني ..عايزه اعرف اتعرفت على اختي ازاي اصل انا مكنتش بشوفها غير على النت وحكيتلي شويه حاجات عنك  بس كنت عايزه اعرف عن علاقتكم ..اتعرفتو ازاي وكده يعني

سراج اتنهد وقال …ومسألتهاش هيه ليه ما كانت ترغي معاكي بالساعات

شمس قالت ..ياما سألتها بس هي ما كانتش تحكي اصلها كانت بتتكسف شويه

سراج ضحك بخفه وقال ..شويه..دي كانت تتكسف من خيالها عندها دم مش زي ناس

شمس ضحكت بقوه وقالت.. طب يا سيدي مقبوله منك على العموم احكيلي بقى وانبي

سراج اتنهد وقال ..ايوه يعني عايزه تعرف ايه بالظبط

شمس قالت ..لو مش هيضايقك يعني ولا يقلب عليك المواجع قولي اتقابلتو ازاي اتعرفت عليها فين وكده

سراج اتنهد وقال قابلتها في الجامعه كانت بتدرس في نفس الجامعه اللي انا بدرس فيها..كانت  خجوله جدا مؤدبه ومحترمه وبصلها بطرف عينه وقال محترمه ها

شمس ضحكت تاني وقالت… طيب طيب ماشي بتلقح فهمت كمل

سراج  ابتسم وقال…. حاولت اتكلم معها اكثر من مره وكانت ترفض تتكلم معايا غير في الدراسه ..قولت مبدهاش ولقيت نفسي على طول رحت متقدم لها

شمس قالت بحماس.. حلو وبعدين بقى

سراج قال ببساطه…اتجوزنا وبس كده

شمس بصتلو بدهشه وقالت..ايه بس كده هي دي قصه الحب الملهلبه اللي انا كنت مستنياك تحكيها افتكرت روحت تطلبها من بابا رفض وفضلت تغني لها تحت البلكونه جبت لها ورد الحاجات المصريه دي اللي متعوده عليها في الافلام والروايات

سراج ضحك  بقوه وقال …لا دي حاجات متعوده عليها في الافلام الهندي مش المصري..وبعدين انتي بترغي ليه ..انا اصلا مش بحب افتكر الحاجات دي

بصتلو بحزن و قالت  بتوحشك لما بتفتكرها

بص لعيونها وتاه فيهم وقال .. ما غبتيش عن بالي يوم اصلا علشان افتكرك

شمس اتصدمت باللي قالوا  وسراج خد باله من كلامه وقال.. قصدي ما غابتش عني ..هي يعني … انا هنام تعبان.. تصبحي على خير

قال كده ونام بسرعه و شمس بصتلو بابتسامه و مددت وقالت ..انا صحيح ما اعرفتش عن علاقتكم حاجه منها بس عرفت منها كتير قوي عنك كانت بتحكي عنك ليل نهار ..تصدق اتمنيت لو الاقي واحد في المانيا زيك مش مهم جنسيته ايه ولا مركذو …وطبعا ده مش اصتياد ولا توقيع زي ما انت بتتهمني..انا بس بدردش معاك واحكيلك اللي حصل يعني

سراج ابتسم وقال… طب وانتي

شمس قالت باستغراب انا ايه

سراج قعد وقال باهتمام …يعني ما اتخطبتيش ما اتجوزتيش عارف ان سنك  24 لانك  توأم شهيره وعارف ان سنك ده صغير جدا خصوصا في البلاد الاجنبيه  يعني يمكن لسه ما فكرتيش حتى و ممكن برضو يكون فيه حد في حياتك وموضوعنا اثر على علاقتكم .. انتي تعرفي حد مرتبطه بحد او مقضياها مع حد زي الناس اللي هناك ما بتقضيها