عيسى خلاص ماشي ما تزقيش
خرج عيسى وقامت صبا ب بمحاوله تغيير ملابسها بصعوبه شديده ولكن فشلت فكلما قامت من مكانها شعرت بدوخه بسيطه والم بجسمها وهذا بسبب رقدتها لمده شهر واكثر. وكانت تتالم بصوت الى حد ما مسموع
دخل عيسى في هذه اللحظه اغلق الباب وراءه جيدا بالمفتاح
صبا بصدمه انت ان دخلك انا مش ندهت عليك من فضلك اخرج بره عايزه اكمل نفسي
عيسى وهو يقترب منها منهيا هذا النقاش مش عايز اسمع صوت انا هساعدك تغيري هدومك وانتهينا لو قعدنا لحد بكره تناقشيني هعمل اني بقول لك عليه او خلينا قاعدين هنا في المستشفى وقافلين علينا بالمفتاح وخلي الناس تتكلم
صبا وبعدين معاك انا حاسه اني بتعامل مع ابن اختي
عيسى اعتبريني ابن اختك وراكب دماغي ومش هعمل غير اني قلت عليه
اضطرت صبا تحت ضغط منه ان تجعله يساعدها وقام عيسى بمساعدتها في تبديل ملابسها تحت كسوفها وخجلها الدائم منه. انتهى من مساعدتها وقام بوضع اشياءها في الحقيبه الموجوده معهم وانزل نقابها على وجهها ثم بعد ذلك مسك الهاتف وتحدث مع شخص وقال له ادخل
بعد دقائق سمعوا خبط على الباب ودخل شخص من حرس عيسى
عيسى خد الشنط دي واديها على العربيه وجهزها علشان طالع انا والمدام
الحارس امرك يا كبير. ثم حمل الحارس الحقائب وخرج بها واقترب عيسى من صبا التي تحاول الوقوف
عيسى بتعملي ايه
صبا بقف علشان هنمشي
اقترب منها عيسى بشده جعلتها تندهش ثم بعد ذلك لم تشعر بشيء الا وهي في الهواء وحملها عيسى
صبا انت بتعمل ايه نزلني انا هقدر امشي انت بس اسندني جنبك
عيسى مش عايز اسمع رغي كثير انا مش هنزلك غير في العربيه وكمان من العربيه مش هنزل غير على السرير ورغي كثير هعمل حاجه همو*ت واعملها وانت قريبه مني قوي كده
توترت صبا من كلامه وتسريحاته المخجله لها والصريحه فاضطرت ان تصمت ولا تتكلم حملها عيسى وخرج وسط همهمات من الاطباء والممرضات عليهم واركبها في السياره من الخلف وركب بجوارها من الناحيه الاخرى وتحركت بهم السيارات متجهه الى سرايه عائله الجبال التي كانت مزينه استقبالا بالكبير وزوجته التي عادت الى الدنيا مره اخرى.
دخلوا من باب السرايا لترى الصبا مدى الزينه والانوار الموجوده بالمنزل
صبا باستغراب ايه ده هو في حد هيتجوز النهارده ولا ايه
عيسى مندهشا هيتجوز ليه بتقولي كده
صبا يعني علشان الزينه والانوار دي كلها.
عيسى مبتسما لا دي زينه استقبال مرت الكبير.
صبا باندهاش مين هي مرات الكبير ومين هو الكبير
عيسى واه ما خبراش مين هو الكبير ومين مرته.
صبا بصراحه لا
(استغفروا يا جماعه بنيه تفريج الهم)
عيسى انا الكبير وانت مرته
اندهشت صبا من قول عيسى وقالت ده فعلا
عيسى ايوه فعلا ويلا بقى يا مرت الكبير علشان تدخلي جوه. نزل عيسى من السياره عندما توقفت عند بوابه المنزل ولا التفت الى الجهه الاخرى وفتحها وقام بحمل صبا التي حاولت ان تعترض ولكنه لم يبالي بذلك ووجدت ان الجميع يقف باستقبالها وجميعهم مبتسمين وفرحانين وكان ذلك سبب انبساط الصبا وفرحتها بالاضافه الى وجود اولادها وابيها وامها واخيها وهذا اسعدها كثيرا اجلسها عيسى على اريكه في وسط المنزل وسلم عليها الجميع ابتداء من والده وولدته وامها وابيها الى جميع الخدم الموجودين في المنزل
صبا بفرحه انا مش عارفه اقول ايه بجد شكرا ليكم كلكم
صفا بتشكرين على ايه يا خيتي انت جيتي بالسلامه لينا بعد غياب وده كان لازم يبقى اقل حاجه عشان نستقبلك بيها فعلا البيت كان وحش غيء من غيرك قوي واحنا تعودنا عليك وعلى لمتنا مع بعض عايزاكي عاد تقومي بسرعه وتخفي كده علشان نرجع نعمل سهراتنا مع بعضينا وكمان نخطط للناس اللي كانوا عايزين يخوفونا
صبا بابتسامه فعلا عندك حق حبيبتي يا صفا اقف على حالي بس وهنعمل خطه كويسه
يونس اعتبر ده يعني بمثابه اعلان حرب
عيسى وبعدين معاكي يا يونس عايز تعلن حرب على مراتي اياك
يونس باندهاش مش هي اللي عالنت الحرب علينا هي وخايتك واكيد بقيت الجروب معاها
عيسى هي تقوم بس بالسلامه واي حرب هتعملها هكون معاها فيها
ابتسم الجميع عليهم
يونس واه انت لكده بقيت عضو منافس
عيسى حاجه كيفك ده
يونس لا كده خلاص احنا استسلمنا ورفعنا الرايه البيضاء ما نقدرش نقف في حرب قدام مرت الكبير لانك ده احنا بنقف قدام الن*ار دي ست بقت وصله ومحدش فينا هيقدر عليها. ضحك الجميع على مزحه يونس.
هدى ربنا يبارك فيكم يا اولاد فعلا انتم خير الاهل. انا كنت متوتره قوي على صبا بس بعد ما شفت حبكم ليها انا بقيت مطمنه جدا وهبقى امشي من هنا وانا مرتاحه
ورده تمشي فين بس يا خاله هدى انت لازما تقعدي معانا بتاعه خمس 10 شهور كده احنا اتعودنا عليك ومش عاوزينك تسيبينا واصل
هدى يا نهار ابيض طيب مدرسه حاتم وشغل عمك فضل لازم نروح اعذروني بس هبقى اجي زيارات كثير وكمان انتم لازم تيجوا زيارات عندي
وهيبه ان شاء الله يا حبيبتي بس خلينا في اليومين اللي احنا قاعدين مع بعض فيهم دلوقتي
عيسى طيب عن اذنكم هطلع صبا فوق في اوضتها علشان ترتاح
وهيبه مش هتستنى لما تاكل يا ولدي
عيسى معلش يا امى خليهم يجهزوا الوقت ويطلعوه في الاوضه علشان هي بتدوخ من القعده واحده لحد ما تتحسن.
وهيبه ماشي يا ولدي على خير ان شاء الله ربنا يتم شفاكي يا بنتى
صبا حبيبتي يا ماما
