غريب ابتسم على برائتها وشالها وقال..لا واضح مخيفاش…ماشي هسيبك قد ما تعوزي ولو اني كنت فاكر اني يوم ما انول مرادي واتجوزك مهستناش لحد ما ادخل الاوضه
صفيه ضـ,ـربتو في صدره وقالت..اتحشم شويه
غريب ضحك وحطها على السرير وقال..نتحشمو احنا اللاتنين مش كفايه انت متحشم يا عمده…يلا تعالي اهو نتجمز بالجميز
صفيه ضحكت من قلبها واترمت بين اديه وهيه حاسه بدفا جميل لحد ما راحت في النوم
غريب اتنهد وهو بيضمها جامد ومش مصدق انها جمبه و فضل يتأمل ملامحها اللي بيعشقها لحد ما راح في النوم
في صباح يوم جديد قام من النوم ملقهاش في الأوضه كلها بقى يدور عليها بس مش موجوده
اتخض جدا وجري لبس هدومه ونزل جري
اول خدامه قابلتو سألها عليها بلهفه وقال…شوفتي صفيه
الخدامه لسه هتتكلم جده قال…راحت عند مرجان
غريب بصلو بزهول وقال..كيف…عند مرجان..على الصبح كده من غير ما حتى تديني خبر…طيب الصبر طيب ولسه هيطلع بغضب جده مسك ايده وقال..براحه عليها ..البت متدراش اصلا انها المفروض تقولك وانا مفهمتهاش حاجه
غريب بصلو بدهشه وقال..انت بتعاقبني كده يا جدي
جده قعد وبقى يشرب قهوته بلا مبالاه وقال..والله اللي يعمل الي في دامغه وميسألش في حد ميستاهلش يسألو فيه
غريب بصلو بغيظ وقال…ماشي يا جدي…على راحتك كل واحد هنه على راحتو ومتزعلش بقى لاني هروح اجيبها من شعرها قدام الكل انا هعرف ازاي اشكمها
وخرج بغضب شديد وجده ضحك وقعد يكمل قهوته قال…قال يعني هخاف كده…على اساس معرفكش يا غريب
صالح كان هينزل وسمعهم وضم اديه بغضب شديد ودخل اوضتو تاني
مسك تلفونه وهو هينفجر من الغضب وقال…ايوه…جهز اللي قولتلك عليه..بس اوعى ياخد بالو ليك
وقفل معاه وقال..ماشي يا غريب …مردوده يا واد عمي
عند صفيه كانت بتاكل الحصان وقالت..كيفك يا مرجان جيت اطمن عليك لتكون انت كمان مجنون بيا كيف صاحبك..وابتسمت بسعاده وقالت…اجمل جنان شوفتو
بس اتصدمت لما قال بغضب..لا الجنان لسه مشوفتهوش
وقرب منها بغضب شديد
صفيه استغربت شكلو وقالت..فيه ايه يا غريب مالك
غريب قال بغضب..مالي…لا ابدا مرتي جاييه يوم صبحيتها اسطبل الخيل ومن غير حتى ما اتقولي هيكون مالي يعني
صفيه قالت باستغراب..انت كنت نايم واصلا من ميته بقولك لما اجي لمرجان
غريب قال بغضب..اللي فات حاجه واللي جاي حاجه تاني ..انتي بقيتي مرتي..ومينفعش انزل ادور عليكي كيف المجنون سيبتي رجليا…ده غير ان انهارده صباحيتك والمفروض تبقى مش قادره تنزلي ولا تتحركي اصلا ولا لازم تجرسيني وتوصلي للكل انك كنتي نايمه جمب خالتك
صفيه اتسعت عنيها بزهول وقالت بخوف..هو..هو ليه هبقى مش قادره انزل ..هو انت هتعمل فيا ايه يا غريب
غريب خد بالو لكلامه ولشكلها اللي اترعب واتحول غضبه لابتسامه غصب عنه وقال..ده اللي علق في راسك وسط اللي قولتو كلو
صفيه قالت بقلق ايوه ..انت بتقول المفروض ابقى مقدراش اتحرك
غريب ابتسم وقرب منها وقال….المفروض تبقي مش قادره تتحركي من جمبي..وعايزه تفضلي معايا اليوم كلو..ده كان قصدي
صفيه اتنهدت بارتياح وقالت..وقفت قلبي يا غريب…طيب خلاص حقك عليا انا والله معرفش وقلت لجدي قلي روحي
غريب اتنهد وقال…جدك زعلان مني اليومين دول متسالهوش على حاجه..ويلا اطلعي قدامي خليني ارجعك
صفيه قالت بسرعه..لاه مهرجعش…عايزه اركب الخيل وياك…وانبي تركبني معاك
غريب قال بغضب مصتنع..لاه مهركبش معاكي يلا قدامي
صفيه قربت منو قوي وقالت بدلال …وحياتي عندك..عايزه اركب جمبك
غريب شدها عليه بقوه وقال…طيب ….بس صالحيني الأول انا زعلان قوي
صفيه ابتسمت بكسوف وقربت منو من خده برقه وقالت…سامحني يا سيد الناس
غريب اخد نفس عمييق واتنهد وقال..لا مش كفايه….عايز حاجه ترضيني ها ترضيني يا صفيتي
صفيه ابتسمت بكسوف وقربت منو اكتر
وقالت….مرضي كده
بص لعيونها بعشق وقال…مرضي من يوم ما ربي رزقني بيكي وقرب منها بلهفه
صفيه قالت …غريب..غريب لاه..مينفعش اهنه..الغفر والخدم بيدخلو …بلاش فضايح يا غريب
غريب بعد بالعافيه وقال…ربنا يصبرني…وبصلها باستغراب وضحك وقال…لكن ايه اللي لبساه ده
صفيه ضحكت وقالت…دي عباية امي الله يرحمها…خليت واحده من الخدم جبتهالي لجل انزل بيها لحد ما اجيب هدومي
غريب اتنهد وقال..حلوه عليكي ربنا يرحمها..سابتلي اجمل جوهره
وشالها حطها على الحصان وركب هو كمان وبقم يتكلمو ويضحكو من قلبهم
