ابن عمى الغريب

بعد ساعات رجعو البيت وهيه ماسكه في ايده ويتكلمو وبيضحك

جده بصلو بسخريه وقال….اتأخرتو قوي قلقت عليكم..خوفت يكون شعرها طلع في يدك ولا حاجه

صفيه حطت يدها على حجابها باستغراب وقالت..شعري مالو شعري

غريب فهم انو بيتريق لانو قالو هيروح يجيبها من شعرها قال.احم…لا يا صفيه مفيش روحي استنيني في الاوضه.

صفيه طلعت باستغراب وغريب ابتسم وقعد جمب جده اللي كان مضايق منو وبقى يحاول يصالحو وقال…برضو حد يزعل من ولدو..ولدو اللي اتربى على اديه

جده اتنهد وقال..وبردك مفيش ولد يعمل اكده في ابوه ويصغرو

غريب باس على ايده وقال..ما عاش الي يصغرك او يزعلك..بس انت اكتر واحد عارف صفيه ايه بنسبالي هنت عليك تاخدها مني وانت عارف انها فرحتي وحياتي كلها

جده اتنهد ومشى ايده على شعره وقال…انا مقصدتش غير اني اريح صفيه..دي يتمه وامانه عندي…ولو كنت عارف انك هتقدر تقنعها بيك بالسهوله دي مكنتش عزيتها عنيك

غريب ابتسم وقال..حصل خير يا جدي انا هصلح كل حاجه

عند صفيه طلعت ولسه هتدخل اوضتها وقف قدامها صالح وقال…مجتيش حتى سالتي بقيت عامل كيف يا صالح ده العشم بردك يا بت العم

صفيه قالت بتوتر…معلش يا صالح …انا عارفه انك زعلان بس كل شيئ نصيب و
قاطعها وقال بسرعه..كل شيئ نصيب وانتي نصيبي متقلقيش هخلصك منيه و

بس قطع كلامو لما غريب قال بحده…صفيييييه

صفيه انتفضت بخوف وبصتلو ولسه هتتكلم صالح قال..نكملو بعدين يا صفصف
ولسه هيمشي غريب مسكو من من هدومه وقال…لا بعدين ولا قبلين …انا مش عايز ازعلك اكتر يا صالح ..همل مرتي في حالها…وحط في عتبارك انها بقت على زمتي خلاص

صالح نفض ايده بغضب وقال…انا اخر واحد ممكن يعمل اعتبار ليك يا غريب…ومش هعدي اللي عملتو …وبكره هتشوف كيف انت بنفسك هتطلقها

قال كده ومشي وغريب احتدت عنيه بغضب وبصلها بغيره شديده وقال..كان بيقواك ايه..واقفه ليه تتسايري معاه
وضـ,ـرب الحيطه وراها بغصب

صفيه انتفضت بخوف شديد من شكلو بس فاجأتو لما ضمتو بخوف وقالت…والله ما قلنا حاجه…هو طلع قدامي اعمل ايه

غريب غمض عنيه لما مسكت فيه كده وحاول يسيطر على اعصابه وضمها بقوه وقال…غيران عليكي يا بت..لو اطول احطك في قلبي ومطلعكش منيه واصل..متتكلميش معاه تاني ولا مع اي راجل علشان خاطري

صفيه هزت راسها بخوف وهو ابتسم ورفع وشها ليه وقال…متخافيش..انا عمري ما اذيكي وقرب منها

صفيه دفعتو بالعافيه وقالت…يخربيتك لحد يشوفنا

غريب ضحك وقال…معاكي حق لينا اوضه تلمنا وشدها من ايدها هيدخل الاوضه بس تليفونو رن

اتنهد بضيق وقال…وبعدين بقى …ورد وقال الو
اتسعت عنيه بزهول وقال..ايه كيف….انا جاي حالا

صفيه قالت باستغراب فيه ايه يا غريب
غريب قال بخوف…جدك ..دلوك كان معاي تحت وقلي هيروح يشق على المزرعه..دلوك بيقولولي انو اغمى عليه هناك انا رايحلو

قالت بخوف..يا مري خدني معاك
غريب قال بسرعه..لاه مهينفعش انا هجيبو واجي قوام

غريب نزل جري وركب عربيته وطلع بيها بسرعه على المزرعه

على الطريق اتفاجأ بعربيات البوليس وقفوه
غريب نزل وقال باستغراب فيه ايه يا باشا
الضابط قال….فيه بلاغ عن عربيه فيها ممنوعات…هنفتش العربيه

غريب قال بضيق..طب بسرعه حضرتك انا مستعجل قوي

الضباط بداو يفتشو وطلعو شنطه سنسونايت من شنطة العربيه وفتحوها وفعلا كانت بتحمل اكياس صغيره فيها بدره بيضا

غريب اتصد..م بشده والضابط حطلو الكلبش في ايده وهو بيقول..حضرتك انا معرفش الحاجات دي جات ازاي صدقني…والله مش بتاعتي

بس طبعا محدش سمعه واخدوه معاهم

بعد ساعات كان جده وعمه وصفيه مستنينه قدام اوضه التحقيقات وخرج وهو متكلبش وبصلهم بحزن

جده قال بلهفه ايه اللي حصل يا ولدي
غريب قال بحزن…حجز اربع ايام على زمة التحقيق…هتتجدد لحد ما يجهز تقرير فحص الاكياس اللي كانت في الشنطه

صفيه لطمت على خدها وبقت تبكي بقوه
غريب قرب منها وقال…بس يا بت…بس متبكيش انا مش حمل دموعك دلوك

جده اتنهد بحزن وقال…مين ممكن يعمل اكده يا ولدي
غريب اتنهد وفكر في صالح اول واحد وقال..اللي عمل كده هياجي يا جدي متقلقش..خد صفيه روحها …وخد بالك عليها

ومشي مع الضابط وصفيه راحت مع جدها هيه بتبكي جامد

تاني يوم طلبوه للزياره في اوضة التحقيقات راح يشوف مين وكان زي ما اتوقع صالح ومعاه صفيه

غريب قال بغضب…انتي جايه معاه لوحدك
صفيه قالت بدموع..اهدى بس يا غريب…شيل اللي فات على جمب ..صالح محامي وهو قالي انو عندو حل لمشكلتك وهيطلعك منها عشان كده جيت معاه..خلينا نسمعه بالله عليك

غريب اتنهد وقال..اتحفني يا ولد العم
صالح ابتسم ووقف قصاده بتحدي وقال…انا اقدر اطلعك منها كيف ما دخلتك بالظبط

صفيه اتصدمت وقالت بزهول…لهو انت يا صالح اللي….
غريب قال بسخريه..مين غيره يعني..والمطلوب… طبعا نفس اللي جيه في باللي

صالح ابتسم وقال..طول عمرك نبيه..طلق صفيه دلوك…وهتبيت في فرشتك يا غريب

صفيه اتسعت عنيها بصدمه وهيه مش مصدقه ابدا وغريب ضحك بسخريه وقال….انا فرشتي وغطاي وكل حياتي صفيه يا صالح وانت عارف كده من قبل ما تخطبها..مكانش عندي اقرب منك احكيلو عن عشقي ليها..انت اللي دخلت بينا مش انا

صالح بصلو بغضب وقال..بس هيه اختارتني انا كان المفروض تخلي عندك دم وتسيبنا في حالنا…وانا معنديش غير العرض ده..الرجاله اللي هتشيل الليله جاهزه…والشهود كمان بس ترمي عليها اليمين دلوك ده احسنلك…دي قضية تجاره مخدرات يعني فيها بالميت 15 سنه ده لو رأفو بيك