انا رايحة الدرس اجبلك حاجة وانا جاية
زياد: اه عايز شيكولاتة واندومي وشبسي وعصر وبسكوت وايس كريم
الاء: ها و اه تاني يا حبيبي قول قول ما تكسفش تحب اجبلك السوبر ماركت وانا جاية
زياد: اه ياريت تبقي اكرمتيني اخر كرم
الاء حدفت عليه المخدة اللي كانت جنبها وخرجت
ذهبت الاء لارتداء ملابسها ووجدت هاتفها يرن وكانت صديقتها فريده
الاء: ايوه يا فوفا بلبس الكوتشي اهو ونازلة خمس دقائق
فريدة: ايوه عرفاهم انا الخمس دقائق بتوعك دول هيبقوا نص ساعة
الاء: لا تخافي آنستي غمضي وفتحي هتلقيني قدامك
فريدة: ماشي سلام
**********************************
انتهى الجتماع عند مالك و قام للذهاب الى المنزل
مالك في العربية بيتصل بجاسر
﴿جاسر صاحب مالك من الطفولة جاسر دخل كلية شرطة ومالك دخل سياسة واقتصاد جاسر شخصيته مرحه ووسيم جدا ﴾
مالك: الو ايوه يا زفت
جاسر: ميمو حبيب قلبي عامل اه ليك واحشة والله
مالك: لا يا راجل لو كنت واحشك كنت سألت عليا الفترة اللي فاتت كنت مختفي فين يا أستاذ
جاسر: كنت في مأمورية والله انت عارف شغلي صعب وكل شوية يطلبوني في مأمورية كأن مفيش غيري في الداخلية والله الواحد تعب
مالك: ولا يهمك يا جو المهم انا لازم اشوفك
جاسر بهزار: اه يا حبيبي وحشتك😂
مالك: يا بني هو انت مش هتبطل الهزار الرخم ده
جاسر: لو مش عاجبك نسيب بعض عادي
مالك: تصدق انا غلطان اني كلمتك
جاسر: خلاص يا معلم بهزر معاك ما تبقاش قفل كده
مالك: ما لكش فيه انا بحب الأقفال عدي عليا في المكتب بكرة سلام
جاسر: سلام يا ميمو
**********************************
انتهت الاء وفريده من الدرس وهموا للذهاب الى المنزل
الاء: فريدة شايفة اللي انا شايفاه
فريدة: بتبص بس مش شايفة حاجة
هو اه اللي انتي شايفاه
الاء: شيكولاتة بابلز النوع الجديد في السوبر ماركت اللي هناك ده نزلت واوووو تعالي نروح نشتريها والنبي نفسي فيها ده انا سألت عليها في سوبر مركات البلد كلها
فريدة: الاء بطلي هبل احنا يدوبك معانا فلوس المواصلات علشان نروح هتجبيها منين بقا
الاء: تعالي ورايا وانا اقولك
فريدة: رايحة فين يا مجنونه
الاء وفريدة دخلوا السوبر ماركت
الاء: عمو عمو ممكن اخد الشيكولاتة دي بس انا حاليا مش معايا فلوس ممكن اخدها ببلاش وتسامحني فيها لو سمحت😊
صاحب السوبر ماركت: افندم لا للأسف معاكي فلوسها اتفضلي خديها مش معاكي يبقا روحي من هنا يا أنسة
الاء وهي بتمثل العياط وحطت ايديها الاتنين علي وشها: 😭😭😭😭اعااااااا انت بتزعقلي ليه انا قلتلك عايزة الشيكولاتة دي امال لو قولتلك عايزة السوبر ماركت 😭😭😭كنت عملت اه😭😭😭
صاحب السوبر ماركت اخد باله من ايدها اليمين
صاحب السوبر ماركت: خلاص خلاص ما تعيطيش يا حبيبتي عايزة الشيكولاتة دي
الاء هزت رأسها بمعني نعم
صاحب السوبر ماركت: اتفضلي اهوا اتنين واحدة ليكي و واحدة لصاحبتك
الاء: شكرا يا عمو انت كريم اوي انا هاجي هنا كل يوم علشان تديني شيكولاتة ماشي سلام 👋
الاء وفريدة خرجوا وهما بيضحكوا
فريدة: 😂😂ههههههههه اه يابنت اللذين انتي بتعملي كده ازاي الراجل غير رأيه في ثانية بتاخدي دروس تمثيل من ورايا ولا اه
الاء: 😂😂😂هههههه سر المهنة يا هانم للأسف مش هقدر اقولك انتي اتفرجي واستمتعي بالشيكولاتة بس
معاقة لكن أعشقها
بقلم الكاتبه آلاء محمد
🍀الحلقة الثالثة🍀
في اليوم الثاني في مجمع شركات صقر المنشاوي
في المبني الرئيسي🏢
داخل مكتب مالك الخاص
مالك وهو يقوم بإمضاء بعض الأوراق يوجه كلامه لإيمان السكرتيرة: إيمان اه اخبار المسابقة الجديدة تم الإعلان عنها ولا لسه
ايمان: ايوه يا فندم بعتنا دعوات لجميع المدارس والنوادي كمان
مالك: كويس خلاص تقدري تاخدي الملف وتروحي
﴿يمتلك مالك شركة خاصة به بعيدا عن شركات صقر المنشاوي شركة خاصة لدعم المواهب الفنية﴾
إيمان وهي خارجة من المكتب يُفتح الباب
ليدخل جاسر صديق مالك المقرب
جاسر وهو يدخل المكتب: ميمو حبيب قلبي
مالك: اخيرا شرفت يا سيادة الرائد اتأخرت ليه
جاسر: الشغل واخد كل وقتي والله
مالك: ربنا يكون في عونك
مالك: جاسر كنت عايزك في خدمة صغيرة كده
جاسر: انت تؤمر يا ميمو خير عايزني في اه
مالك: كنت عايزك ………………………………
جاسر: بس كده من عنيا يا مالك باشا بس طبعا حضرتك عارف ان الرائد جاسر مش بيعمل حاجة ببلاش 😎
مالك: قول يا لمض عايز اه😏
جاسر: عايزك تعزمني علي الغدا 🍲🥪اخوك والله هفتان من شغل الداخية
مالك: هههههههه😂 بس كده من عنيا يا جاسر بيه
جاسر: تسلملي عيونك يا ميمو
**********************************
في المدرسة
الاء: نعم يا ميس حضرتك طلبتيني
ريهام﴿وكيلة شئون الطلبة في المدرسة﴾: الاء في شركة مسابقات فنية بعتو لنا دعوة علشان مسابقة إلقاء الشعر وانا رشحتك
الاء بفرحة:😲😃 بجد يا ميس شكرا لحضرتك طيب هي المسابقة امتي علشان احضر قصيدة اقولها
ريهام: بعد بكرة
الاء: 😲بعد بكرة بس انا لسه محضرتش حاجة مش هنلحق
ريهام: حضري اي قصيدة حفظاها يا الاء وأستاذ انور مدرس اللغة العربية هيساعدك
الاء بأبتسامة: حاضر يا ميس
بعد انتهاء اليوم الدراسي
فريدة: الاء بليز بليز🙏 قولي لي ميس ريهام قالتلك اه ومخليكي فرحانة كده😃
الاء بأبتسامة مكر: لا مش هقولك غير لما تجبيلي شوكلاته ? الأول🍫
فريدة: هجبلك هجبلك واحنا رايحين الدرس
الاء:وعد
فريدة: وعد
الاء: ميس ريهام قالت لي ان في شركة مسابقات فنية بعتت دعوة للمدرسة علشان تشارك في مسابقة الإلقاء والميس رشحتني
فريدة:😲😃بججججد يا لولي فرحتلك والله يا روحي وأخيرا حلمك هيتحقق
الاء: ايوه اخيرا ادعيلي🤲 بس يا فوفا اكسب واحقق حلمي السنة اللي فاتت حلمي ضاع بسبب استهتاري😞 بس السنادي مستحيل هعمل اي حاجة علشان يتحقق
فريدة: ان شاء الله يا حبيبتي هتحققي حلمك وتطلعي الأولي كمان بس ما تنسيش ان في حلم تاني اتمني ما تنسهوش
الاء: ما تخافيش مش ناسية هعمل كل جهدي علشان احقق احلامي ادعيلي بس 🤲
فريدة: يارب يا قلبي يلا بقا نروح علشان ما نتأخرش عندنا دروس يا هانم
الاء: حاضر يلا وكمان علشان ماما ما تقلقش عليا
♡♡♡♡♡♡♡♡♡♡♡♡♡♡♡♡♡♡♡
عند ياسمين ومعتز
ياسمين: اتفضل الفلوس اهي💵
معتز: تسلمي لي يا حبيبتي
ياسمين: مش هتقول لي بقي اه الخطة اللي في دماغك يا حبيبي علشان ناخد ثروة مالك ونخلص انا زهقت منه ونفسي نخلص الموضوع ده ونعيش حياتنا
معتز: اسمعي يا حبيبتي😈……………………
ياسمين: 😲اه الدماغ الشريرة دي يا ميزو
معتز بغرور: ده ولا حاجة ده اقل حاجة عندي😈
ياسمين:بس يارب تنجح وما نتكشفش
معتز: ما تخفيش بس نفذي اللي قولت عليه انتي بالحرف الواحد وكلميني
ياسمين: تمام سلام بقي علشان متأخرش
معتز: سلام يا حبيبتي
♡♡♡♡♡♡♡♡♡♡♡♡♡♡♡♡♡♡♡
في منزل الاء 🏡
انتهت الاء من صلاتها وجليت علي مصليتها تدعي الله ان يكون معها
الاء: يارب انت واحدك اللي عالم انا مريت بايه في حياتي يارب اقدر اكسب في المسابقة واطلع الأولي واقدر اجيب مجموع وادخل الكلية اللي نفسي فيها يارب حنن قلب ماما عليا انا مش عارفة انا عملتلها اه علشان تعاملني كده انت وحدك اللي عالم يارب اه اللي في قلبي يارب انا خايفة اوي انت رزقتني بنعمة كبيرة اوي بس انا خايفة حد يتنمر عليا في يوم من الأيام يارب كن معي يارب وقويني علشان اقدر اكمل طريقي في الحياة
بعد ما انتهت من الدعاء 🤲 سمعت صوت موبايلها بيرن📲 وأول ما رأت أسم المتصل ابتسمت🙂
الاء بأبتسامة: الو ايوه يا بابا
والد الاء﴿محمود﴾: عاملة اه يا احلي لولو في الدنيا
الاء: الحمد لله كويسة يا بابا وانت
محمود: الحمد لله يا حبيبتي وحشتيني اوي
الاء: وانت اكتر هتيجي امتي
محمود: بعد بكرة ان شاء الله
الاء: ان شاء الله هستناك
محمود: ان شاء الله سلام وسلميلي علي زياد وماما
الاء: حاضر سلام
محمود والد الاء يعمل في شركة ويسافر دائما لأن ظروف عمله تتطلب السفر.
♡♡♡♡♡♡♡♡♡♡♡♡♡♡♡♡♡♡♡
في المساء كان مالك عائد الي المنزل لكن في الطريق لاحظ بنت ترتدي فستان أبيض وكانت تقف في حديقة كبيرة مليئة بالأزهار
نزل مالك من العربية وذهب إليها وظل واقف بعيدا عنها وهو يتأمل ملامحها وأول ما لاحظة وجوده شعرت بالخوف وركضت سريعا بعيدا عنه وركض مالك ورائها ونادي عليها كثيرا بس لا تجيب له وظلت تركض
مالك: لا لا تعالي ما تمشيش انا مش هأذيكي ارجوكي ما تمشيش
وفي لحظة وقفت وهي تمسك وردة 🌷في يدها لكن هذه الوردة كانت مختلفة مميزة عن باقي ورود الحديقة ومدت يدها له بالوردة وقالت له………………….
🌹الحلقة الرابعة🌹
وقالت له بأبتسامة: قريب
لينهض مالك من نومه علي صوت رنين المنبه الساعة الخامسة صباحا ظل مالك جالسا علي فراشه ويفكر في هذا الحلم وفي هذه البنت الذي جاءت واقتحمت احلامه كان يريد أن يعرف اه السبب في هذا الحلم وماذا كانت تقصد لما قالت له قريب
وبعدما أجهد عقله من التفكير نهض وقام بتغيير ملابسه وذهب ليمارس عادته اليومية ككل صباح الجري
♡♡♡♡♡♡♡♡♡♡♡♡♡♡♡♡♡♡♡
⌚الساعة التاسعة صباحا 🌤
في المدرسة
انور﴿مدرس اللغة العربية﴾: ماشي يا الاء كده تمام كده احنا خلصنا وراجعنا كل القصيدة اللي هتقوليها في المسابقة بالتوفيق ان شاء الله
الاء: إن شاءالله يا مستر متشكرة لمساعدة حضرتك
انور: الشكر لله
♡♡♡♡♡♡♡♡♡♡♡♡♡♡♡♡♡♡♡
في مجمع شركات صقر المنشاوي
في المبني الرئيسي
داخل مكتب مالك
مالك: الو ايوه يا حبيتي عاملة اه انتي والولاد اه تليفونك ماله كل ما اكلمك القيه مقفول
نرمين﴿اخت مالك متجوزة لديها ولد اسمه آسر عنده خمس سنين وأية عندها سنة وتعيش في إيطاليا 🇮🇹 هي وزوجها﴿احمد﴾: معلش يا حبيبي اصل تليفوني وقع في الميه وكل الأرقام اللي عليه اتمسحت علشان كده معرفتش اتصل بيكم قلي انت عامل اه وماما وبابا عاملين اه
مالك: الحمد لله بخير بيسلموا عليكي مش ناوين تيجوا تقعدوا معانا انا لحد دلوقتي ما شفتش ولاد اختي غير في الصور تعالوا بقي عايز حد يقولي يا خالو
نرمين😂😂 :هههه م انت عارف يا مالك احمد مشغول دايما هنبقي نيجي لما ياخد اجازة
مالك: انا لو اعرف انك لما تتجوزيه هياخدك مننا كده مكنتش خليته يتجوزك قوليلي هو فينه بكلمه مش بيرد ولا مش عايز يكلمني
نرمين بارتباك: لا يا حبيبي بس عنده شغل
مالك بأبتسامة: ماشي يا حبيبتي سلام وسلميلي عليه وعلي الولاد
نرمين بأبتسامة: ماشي يا حبيبي سلام
بعد ما أغلقت الهاتف
احمد بعصبية وهو يدخل الغرفة: انتي يا هانم
ليدخل الغرفة ويراها وهي تغلق الهاتف
أحمد بعص..بية: اه ده هاتي التليفون ده كنتي بتكلمي مين ها
نرمين بخوف وتوتر: لا لا ولا حاجة دي واحدة صاحبتي كانت بتسأل عليا
احمد قام بفتح الهاتف ليري اسم مالك: قولتيلي واحدة صاحبتك هاه امال اه اللي جاب اسم اخوكي هنا ها
نرمين وهي بتعيط: ثانية واحدة بس هقولك
احمد قام بضربها علي وجهها لتقع نرمين علي الارض: انطقيييييي
نرمين بدموع: ما فيش اصل كنت بتصل بيه علشان اطمن علي بابا وماما بس مش اكتر لكن والله ما قلتله حاجة
ليمسكها أحمد من خصلات شعرها وبعصبية:وانا قولت اه ها قولت اه مش انا قولت لك ان ممنوع تتكلمي مع حد خالص وخصوصا عايلتك ها
نرمين بدموع وضعف: ايوه ايوه قلت بس انا كنت عايزة اطمن عليهم بس وعد دي اخر مرة مش هتحصل تاني صدقني
احمد: انا هوريكي علشان تبقي تتطمني عليهم تاني
واسر وأية كانوا جوا في أوضتهم بيعيطوا
ليبدأ احمد بوصلة ضربه واعتدائه عليها كالعادة وبعد قليل رحل أحمد بعد أن قام بتعذيبها باسوأ الطرق
جلست نرمين علي الأرض وتهبط الدموع من عينيها كالفيضان لينعاد شريط حياتها من اول ما اتجوزت احمد
