فتاة القاضي للكاتبة رهف سيد

بلال، وانا كمان حاطتها في دماغي و ي انا ي هي
حسان، اخر مرة احنا نفدنا منها بمعجزة ديه مش هترحمنا
بلال، مش بلال الرشيد اللي يخاف من واحدة ست
حسان، بس ست بمية راجل تحس انك واقف مع عشر رجاله في بعض.

عادت تالا إلى المنزل وعلى وجهها ابتسامة جانبية وخبيثة
فاطمة، جيتي بدري يعني
تالا، الماتش انهرده ي ماما وبعدين في حاجة عايزة اقولكم عليها
فاطمة، إيه جايلك عريس
تالا، ماما
فاطمة، مهو مش علشان ابوك…
تالا، ماما محدش يفتح الموضوع ده لا جواز ولا بتاع ولا بابا ولا ماما.

فاطمة، لا هفتحو ومش هقفلو انتي عندك 25 سنة يعني خلاص كبرتي وانا عايزة اشوفك متجوزة وبعدين انا عمالة اعمل كل حاجة ترضيكي شرطة ودخلتك رغم انتي عارفة انتي عندك إيه في القلب ورغم الخطورة اللي بتتعرضي ليها كل يوم بسبب شغل الزفت ده وبعدين مش عشان حسن وحش يبقى كل الرجالة وحشين.

تالا، لا ي ماما كل الرجالة زبالا كل الرجالة وحشين خلاص وبعدين مين هيرضى يتجوز واحدة يا عالم هتعيش بكرة ولا لا وهيستحمل شغلي وتدريبي وكل حاجة ي ماما انتي متعرفيش حاجة
فاطمة، انا عايزة اعرف كل حاجة عايزة اعرف ابوكي عقدلك حياتك ليه مش يمكن غصب عنو وعلى فكرة عمك علي قالي ان هو بيدور علينا بقالو 21 سنة ي تالا وانا اللي كنت بخفيكم…

كانت فاطمة تتحدث وهي ملوية ظهرها لتالا التي وضعت يدها على قلبها وبدا وجهها في الاحمرار ثم سقطت مغشية عليها سمعت فاطمة صوت الارتطام لفت وجهها لتجد صغيرتها ملقاه على الارض فتحت تالين الباب وكان معها اسلام ومازن
فاطمة، الحقوني ي عيال تالا وقعت مني
ركض الجميع إلى تالا حملها اسلام على يدة وادخلها إلى الغرفة وبدؤ في اعطائها البخاخ الخاص بها والداوء فاقت تالا بتعب كبير ثم نامت مرة اخرى خرج الجميع من عندها.

تالين، هو إيه اللي عصبها علشان تحصلها الازمة
اسلام، نفس الموضوع ي خالتو
فاطمة، يقطعني انا كملت عليها وهي مش ناقصة
مازن، الحمد لله عدت على خير كلها ساعتين وهتصحى
اسلام، لو سمحت ي خالتو متفتحيش الموضوع تاني مع تالا تالا مش ناقصة
فاطمة، عارفة انا انفعلت ومخدتش بالي منها
تالين، هو انا امتى هعرف السر بتاعكم ده
نهضت فاطمة ودخلت إلى غرفتها
تالين، يووووة طب قولي انتا ي اسلام
اسلام. لما تالا تقولي ومتحاوليش.

مازن، طب يلا نروح امك عمالة تتصل
تالين، ماشي ابقى سلملي على خالتو سندس وعمو على
مازن، يوصل وبعدين احنا جايين بليل علشان الماتش
تالين، طيب
اسلام، سلام ي حبيبتي وخلي بالك من نفسك ومن تالا
تالين، حاضر.

اما في القاهره كانت امل تجلس ويجلس جميع الاطفال حولها ماعدا يزيد وهشام لوجودهم خارج المنزل
جودي، ممكن بقى ي عمتو ي جميلة تفهميني مين فاطمة ديه انا مش فاهمة
ريماس، ايوة ي ماما مين تالا ديه
خالد اخوها الصغير واصغر ابناء العائلة، ايوة احنا مش عارفيين حاجة
رامي، محدش يعرف غيرك انتي ي عمتو وماما وبابا الله يرحمو ويزيد وهشام واحنا زي الهبل.

امل، ماشي ماشي زمان جدا لما كان جدو وتيتة عايشين عمكم رائف الله يرحمو ومراتو جنة اتوفو هشام زعل جدا جبنا فاطمة مرات عمكم حسن وبعدين سابتنا وراحت اتجوزت من ورانا وخدها حسن وراحو عاشو في شقتو وبعدين عرفنا بالصدفة
رامي، مين اللي قالكم
امل، امك حسبي الله
جودي، هي ماما ديه عاملة مشاكل في كل حتى
امل، بس ساعتها بابا راح مخيرو بينا وبينهم بس هو اختارنا
ريماس، بس هو كده باعهم.

امل، كان لازم انتو متعرفوش جدكم كان ممكن في ثانية يمو*تهم
خالد. كان يقدر
امل، انتا ي واد إيه اللي مقعدك هنا
خالد، ي ماما انا عندي 15 سنة يعني مش صغير كملي كملي
امل، المهم جدكم كان جامد ويقدر يعملها بس لما سابهم فاطمة جت هنا وربنا ما يوريكم البت اللي عندها 5 سنين ولا 4سنين جريت على حسن وقعدت تحضنو وكانت خايفة راح حسن كان خايف لحسن بابا يتهور ويعمل حاجة تاذيهم فطردهم جت فاطمة تاخد تالا.

ريماس، هي اسمها كان تالا
امل، ايوة فضلت تزعق وتعيط راح حسن سابها و وقف على الشباك راحت البنت رايحة وراسها في الارض وزعلانة ورفعت وشها وشافتنا كلنا وراحت قايلة بكرهكم كلكم وبكرهك ي حسن وطلعت تجري اول ما خرجت وقع حسن على الارض وقعد يعيط زي العيال واول ما بابا مات ماما جت وقالت خليهم يجيو يعيشو معانا وهما مش موجودين وبندور عليهم
رامي، 21 سنة بيدور عليهم
جودي، والصورةاللي فوق ديه بتاعتهم.

امل، حسن عامل اوضة كاملة للحاجات بتاعت تالا اوضة لكل حاجة ليها كان عاملها زي ما تالا عايزة بالضبط
ريماس، هو ده الوفاء والحب والاخلاص
امل، ربنا يردهم سالمين
الجميع، ي رب.

بعد مدة فاقت تالا من نومها وضعت يدها على قلبها اغمضت عينيها ثم نهضت واخذت حماما باردا ثم خرجت وارتدت بنطال جينز وعلية بلوزة حمراء عليها علم الاهلي وفكت كعكة شعرها ليقع على ظهرها بطولة جمعته على شكل كعكة مرة اخرى رغم نعومته وجمالة ولكن تخفي كل شئ خلف ملابس الرجال وشخصيتها القوية خرجت وجدت تالين تجلس وترتدي نفس الشئ ولكن باختلاف الاعلام فتالين تشجع الزمالك هي مازن بينما تالا واسلام الاهلي.

تالين، عاملة إيه دلوقتي
تالا، كويسة الحمد لله
فاطمة، انا اسف…
تالا، مفيش حاجة ي ماما بس ي ريت الموضوع ده ميتفتحش تاني
سندس، ازيك ي توتا
تالا، كويسة ي خالتو عاملة إيه وفريدة فين
سندس، كويسة ي تالا انتي عارفة فريدة وثانوية عامة وحاجة نيلة
اسلام، يلا الماتش هيبدا
سندس، روحو اقعدو في الشقة عندنا
مازن، طب يلا الماتش هيبدا
ذهب الاربعة إلى المنزل وبدا الماتش وكذلك بدا حماس الاربعة وصراخهم.

سندس، حسن لسة بيدور عليكي على عمال يقولي
فاطمة، كفاية اللي حصل انهرده مع تالا بلاش كلام في الموضوع ده سندس، انتي ناسية انك مراتو لحد دلوقتي
فاطمة، مش ناسية والله ولسة بحبو كمان لحد دلوقتي
سندس، معلش ي حبيبتي ربنا يعين
اما في الشقة الثانية
تالا، باصيها باصيها ي غبي
تالين، ايوة العب شوووط
مازن، جوووووووون
اسلام، ي ابن الهبلة
تالين، تعادل اخيرا
تالا، يووووه تعادل
مازن، الماتش خلص تعادل يبقى هنتقابل مرة تانية.

تالا، طب يلا نتجمع عند ماما علشان عندي ليكم خبر
تالين، حلو ولا وحش
اسلام، وحش وزي الزفت
تالا، مش عارفة بالنسبة ليا احلى الاخبار اللي سمعتها
مازن، طب يلا نروح تقوليلنا
ذهب الجميع إلى هناك
اسلام بهمس، متاكدة من اللي هتقولية ده
تالا، اتكل على الله وبعدين انا رايحة هناك لسببين
اسلام، مش مخوفني غير السبب الاول
سندس. كام كام
مازن، اخيرا الحظ جية معانا وجه تعادل
تالين، والله انا مش عارفة انتو مش مصدقين ليه.

مازن، ي ماما الاهلى لو الحظ سابو الحكام هيبقو معاه
تالا، ليه بقى ان شاء الله كان على راسو ريشة بس ي اهبل
فاطمة، خلاص متتخانقوش
تالا، انا عايزة اقولكم حاجة
تالين، ايوة اي هي الحاجة ديه
تالا، اهم حاجة هقولكم انا هنفذ اللي في دماغي برضاكم او لا تمام
فاطمة، دماغك ديه ولسانك
اسلام. على اساس انك مش عارفة ي خالتو لسانة اللي بينقط عسل
تالا، اطلع برا ي اسلام انتا مش عارف انا هقول إيه.
اسلام، خلاص خلاص هسكت.

تالين، في إيه بقى
تالا، افرحي ي تالين هنرجع بلدك
فتحت فاطمة وسندس عينيهم بصدمة
تالين، بلد إيه هو احنا مش في بلدنا
تالا، القاهره ي تالين هنرجع القاهره
تالين، القاهره!
رواية فتاة القاضي للكاتبة رهف سيد الفصل العاشر

تالين، القاهره!
فاطمة، إيه اللي انتي بتقولية ده ي تالا
تالين، يعني احنا اصلا من القاهره
فاطمة، استني انتي إيه اللي بتقولية ده ي تالا
تالا، قولت إيه ي ماما قولت اني هرجع القاهره ومش هسيبكم هنا لوحدكم ف ياريت تجهزو قبل اسبوعين من دلوقتي
فاطمة، تعالي هنا هو إيه اللي هنجهز ونسافر.

تالا، براحتك ي ماما بس انا هرجع علشان انا جالي طلب نقل القاهره وانا وافقت ودة اللي هيحصل انا من القاهره وراجعة ليها وكل حاجة مترتبة هناك الشقة وجاهزة والجامعة لتالين وجاهزة وانا وظيفتي مش هسيبها تمام بكرة الصبح اسمع قراركم ولو محدش وافق هسافر انا لوحدي عن اذنكم
فاطمة، تالا استني تالا
ولكن لا حياة لمن تنادي دخلت تالا الغرفة وخلدت إلى النوم
فاطمة، ي نهاري هي البت ديه مجنونة ولا إيه.

سندس، انا موافقة على كلامها مش هتفضلو طول عمركو هربانين
تالين، هربانين من إيه انا مش فاهمة حاجة
فاطمة، طب قولولي اعمل إيه
سندس، وافقي ي فاطمة تالا مش هتسكت وهترجع
اسلام، انا كمان رائي من راي ماما وتالا
فاطمة، ربنا يستر.

كان هشام يجلس في غرفتة ويعمل على جهازه
جودي، اتش اتش
هشام، عايزة إيه ي جودي
ريماس، البت المايصة تحت
هشام باستغراب، مايصة! مين
خالد، اقولك ولا تزعل
هشام. اخلصو انتو التلاتة والا هتضربو
جودي بقرف، كارما
اطلق هشام العنان لضحكته، ههههه يخربيتكم
خالد، مش عارفة انتا عاجبك فيها إيه ديه بت لو مسحت وشها بالبتاع اللي بيحطوه ده هتلاقيه الواد رامي ابن خالي
جودي، ايوة وعلى راي المثل.

ريماس، امسح مكياج صحبتك تلاقيه مدحت ابن عمتك
خالد. رافت مش مدحت
ريماس، مش مهم المهم البت ديه تحت
هشام، طب انزلو انا جاي وراكم
جودي. إيه ننزل نقعد مع البت اللي تحت ديه
ريماس، لا احنا هنروح نرخم على يزيد و رامي
هشام، ماشي بس ي ريت تحترمو كارما
خالد، اكتر من كده اسكت اسكت انتا مش فاهم حاجة
هشام، بس ي عيل انا قد عمرك يجي مرتين
خالد، مهو ظلم بقى
ريماس، يلا نروح نرخم على العيال اللي جوه ديه.

ركض الثلاثة إلى غرفة اشقائهم بينما نزل هشام إلى الاسفل وجدها تقترب منه بملابسها القصيرة ومكياجها الكثير اقتربت وطبعت قبلة على وجنته
كارما، ازيك ي حبيبي
هشام، الحمد لله إيه الزفت اللي انتي لابساه ده مش قولنا نلبس عدل والمكياج ده يتشال
كارما، ي حبيبي ديه الموضة
هشام، بلا موضة بلا بتاع
كارما، طب مش هنخرج
هشام، . يلا
اما في الاعلى
يزيد، ياما جاب الغراب لامو
ريماس، إيه ده حد يقول لبنت عمتو الجميلة كده.

جودي، واختو
رامي، عايزين إيه
خالد، مفيش اصل كلب البحر جة رخمنا على اتش شوية وجينا نكمل عليكم
رامي، ااااه كارما طب المطلوب دلوقتي
يزيد، اطلعو برا ورايا شغل
رامي، وانا مذاكرة
ريماس، ما هذه الصاعقة
جودي، تذاكر انتا تذاكر
خالد، اه واللهي الواد ده بيذاكر عدل ويحفظ كتير
رامي، قولهم
خالد، بيحفظ ديه سعاد ودية سوسن ودية مديحة ودية فوزية
رامي، اطلع ي زبالا برا
خرج الثلاثة وهم يضحكون
خالد، طيب امك فين ي بت انتي.

جودي، وانا مالي هو انا هربطها
ريماس، يلا ننزل نرخم بقى على ماما وخالو حسن
خالد، يلا ياختي.

جاء ثاني يوم استيقظت تالا وعلى وجهها ابتسامة فهي تعرف ان والدتها سوف توافق رغما عنها لانها لن تقدر على ان تتركها وحدها اخذت حماما سريعا وارتدت زيها الابيض الرسمي ثم خرجت وجدت والدتها تضع الفطور بمساعدة تالين تقدمت تالا وجلست بجانبهم
تالا، احب اسمع قراركم
فاطمة، موافقين
تالا، عظيم انهرده الثلاثاء يوم الخميس هنبقى في القاهره
تالين، طب والجامعة
تالا، سبق وقلت ان كل حاجة جاهزة سلام.

نهضت تالا وغادرت سريعا
تالين، بنتك لسانها طويل
فاطمة، عارفة
تالين، ودبش
فاطمة، اقسم بالله عارفة اسم الله عليكي انتي اللي لسانك بينقط سكر
تالين، وعسل وحياتك
فاطمة، ي مخلفة البنات ي شايلة الهم للممات
تالين، اولا بعد الشر تانيا انتي مخلفة بنت و ولد تالا ي ماما ارجل من ارجل راجل شفناه وانتي عارفة كويس
فاطمة، ربنا يستر
وصلت تالا إلى مكتبها جلست عليه وبدات في مراجعه اوراق عملها
تك تك تك
تالا، اتفضل.

العسكري، تمام ي فندم اتفضلي
تالا، الملف كامل زي ما انا عايزة
العسكري، ايوة ي فندم
تالا، اتفضل وجبلي كوباية قهوة واندهلي الرائد اسلام
العسكري، تمام ي فندم
خرج العسكري وادخل القهوة سريعا امسكت تالا الملف واراحت ظهرها وبدات بقراءة الملف بتركيز شديد وتحفظ اكبر قدر من المعلومات لبعض الاشخاص حتى دخل اسلام
اسلام، إيه ي تالا ملف شغل جديد ده.

انتهت تالا من قرائته والقته باهمال على المكتب اخذ اسلام الملف وقراء العنوان الذي علية عائلة القاضي انزل اسلام الملف بصدمة
اسلام، إيه ده
تالا، زي ما قرات
اسلام، هتعملي فيهم إيه هتنتقمي منهم كلهم
تالا، تؤتؤ هو شخص واحد هو السبب وانا اللي هنتقم منو
اسلام، ابوكي
تالا، ههههه توقعاتك جميلة
اسلام، انا بتكلم جد دلوقتي
تالا، مش مهم تعرف اهم حاجة ان انا هنتقم من شخص مش من عيلة
اسلام، يعني ممكن يكون ابوكي.

تالا، وممكن يكون غيرو
اسلام، انتي هتجننيني على فكرة
تالا، ده المطلوب عن اذنك علشان هروح اشوف العربية محتاجة تغير كفارات وزيت علشان هنسافر عقبال عندك وكمان هطلع على صاله التمرين علشان جولة التدريبات بتاعتي قربت
اسلام، امك عارفة انك بقالك 4 شهور معملتيش الاشاعة وانتي كل شهر عليكي تدريب ويا تري قلبك ماشي كويس ولا
تالا، سلام ي اسلام
اغلقت الباب خلفها بقوة
اسلام، دبش ولسانك محتاج قصو.

ذهبت تالا إلى احد الاماكن المتخصصة بتصليح السيارات ثم ذهبت إلى قاعة الالعاب نزلت على الارض وبدات بفعل تمارين الضغط وهي تتنفس بشدة وعينيها حمراء من شدة الغضب كانت تتذكر كل شئ كل كلمة كل حرف كانت تردد ذالك الكلام مع نفسها يوميا اصبح الجميع ينظرون لها باستغراب فاصبحت تفعل هذه التمرين منذ ساعة كاملة وهذه مدة طويلة بدون توقف
المدرب، تالا تالا.

خرجت تالا من تفكيرها على صوت المدرب ردت وهي بنفس الوضع تصعد وتهبط
تالا، نعم ي كوتش
المدرب، بقالك ساعة وربع كفاية اووي عليكي
تالا، حاضر انا همشي ودية اخر مرة انا هسافر
المدرب، اشوف وشك على خير
تالا، شكرا.

ذهبت تالا واخذت حماما كي يريح عضلات جسدها وارتدت ملابس تشبة إلى حد كبير الاولاد فملابس تالا جميعها هكذا سوداء تشبة الرجال اخذت سيارتها وعادت إلى المنزل ها قد مر اليومان والجميع اسفل احد العقارات الفخمة في القاهره