(٦)
في صباح يوم جديد
وتين يا وتيني قومي يلا يا بنتي الفطار جاهز
وتين : صباح الفل علي يا قمر
رقية : صباح السعاده علي قلبك يا قلب روكا نموسيتك كحلي يا عروسه إيه كنتي بتحلمي بالبو الفهود وغمزت لها هههههههههههه
وتين وشها قلب طماطم : اله ياروكا هنبتدي علي الصبح بقي ولا إيه متكسفنيش بقي
رقية : لأ وانتي وش كسوف قومي يا بت وشك بقي فروله مش هتبطلي الخصله دي بتتكسفي من اقل حاجه كدا
يلا حببتي الفطار جاهز وعمك والولا حازم قعدين مستنينك
وتين : حاضر يا ست الكل في رجلك اهو
…. علي السفرة الكل قاعد مستني وتين لما تيجي علشان يفطرو
عماد : كل دا انا ورايا شغل انتي مش نديتي عليها يا رقية
رقية : من ساعه
وتين : انا جيت اسفه علي التأخير
حازم ببرود : ما لسة بدري من امتي وانتي بتقعدي كل دا قدام المرايا
وتين : أبداً واللهي يدوب اتوضيت وصليت ولبست
حازم : وانتي هتروحي الشغل النهارده
وتين : طبعاً
حازم بغيره : بلبسك دا
وتين بأستغراب ماله لبسي في ايه ياحازم معو واسع ولبسه خمار طويل اهو وجميل خالص
حازم من غير ما يحس : انتي اجمل
وتين: نعم
حازم : أ. أ. اقصد أنه فعلا جميل وظاهر جمالك ودا مش من عويدك يعني
وتين : ليه هو انا وحشه
رقية : فشري انتي قمر
عماد : انتي الجمال نفسه يا حببتي
حازم بعصبية : مش كفايه بقي كدا ونفطر هنتأخر
… فطرو والكل خرج لشغله وحازم لجامعته وفي نيته مشوار تاني بعد الجامعه
اما رقية شالت السفرة وندت مرات البواب ام صابر علشان تساعدها في توضيب الشقه وتجبلها الطلبات علشان تعمل الغدا قبل ما كل واحد يجي من شغله
وتين وسلت الشركة وهي وشها مشرق والفرحة بينه عليها دخلت مكتبها وسلمت علي زميلاتها وبالاخص سلمي شريكتها في المكتب والمقربه لها
سلمي : ايه النور دا كله شكلك حلو قوي النهارده
وتين : النهارده بس انتي كمان
سلمي : لأ النهارده ازيد شويتين هههههههههههه خير فرحيني
وتين : فهد جا امبارح وقرو الفتحة واتفقوا على كل حاجه
سلمي بفرحة حقيقية من قابها لما تكنه لوتين من حب : بجد الف الف مبارك ياقلبي عقبال الفرح يارب متنسيش تعزمينا
وتين : عقبالك يارب وطبعا انتي اول المعزومين
اما فهد راح الشركة ودخل علي مكتبه علي طول وهو في داخله خليط من المشاعر فرحه وحب وبغض وكراهيه وسعاده مشاعر ملخبطه بسببت خليط الماضي والحاضر
قعد فهد علي مكتبه يتابع شغله والملفات اللي علي مكتبه ورن الجرس
السكرتيرة : نعم يا فندم
فهد : الانسه وتين جت
السكرتيرة: من بدري يا فندم
فهد : تمام هتيلي البوسطه واعمليلي قهوه
السكرتيرة : حاضر يا فندم
فهد كمل شغله وبعد شويه الباب خبط وكانت السكرتيرة
فهد : ادخل
السكرتيرة : اتفضل يا فندم البوسطة وقهوة حصرتك
فهد : شكراً
فهد كمل سغله وهو بشرب قهوته الباب خبط
فهد : ادخل وكان خالد اخو فهد
فهد كان باصص في الورق اللي في ايده : خير في حاجة يا ….
خالد : السلام عليكم ورحمه الله وبركاته
فهد : وقف خالد خير في حاجه حصلت ماما بخير ومي متنطق في حاجه
خالد : يابني وحدا وحدا اقعد يا فهد انا جاي اتكلم معاك في حاجة تخصك انت ووتين
فهد : خير في إيه
خالد : اهدا يا عم مفيش حاجه انا ..حم ..انا بس كنت عايز اسألك …أن … أنت حكيت لوتين عن ….. ريم
فهد اتنهد : ليه
خالد : هو ايه اللي ليه وتين ازم تعرف
فهد بنرفزه : ريم ماضي وميخصش حد غيري ليه عيزني افتحه ويكون حاجز بينا
خالد : لأ مش ماضي ريم مازالت في عقلك
فهد : انت بتقول إيه لأ طبعاً ريم مبقاش لها مكان عندي
خالد بتنهيده : لأ يا فهد اللي حصل امبارح بيقول غير كدا جرح ريم لسه معلم جواك انا عيزك تبدأ مع وتين من غير اي خبايا ولا اسرار بينكم انت قولت انها حكتلك عن كل شئ يخصها انت كمان لازم تصرحها وتكون واضح معاها
فهد بعصبيه زيد : ليه … ليه هه علشان تبعد عني وتسبني لأ مش ممكن مش هسمح بدا ياخالد
خالد : يابني البنت بتحبك ودا واضح جداً وكمان بنت مؤدبه ومتدينه و اكيد هتقدر وهتفهم علي الاقل هتعرف تتعامل معها بوضح هي تستاهل كدا
فهد بتنهيدا : وكل دا ليه … ليه احط احتمالات ملهاش اي تلاتين لزمه
خالد : لأ ليها اللي حصل امبارح والكلام اللي قولته عن ريم يأكد دا فهد حبيبي انت اخويا وانا خايف عليك وعلي حياتك مع وتين
فهد بضيق : دا كان كابوس عادي يعني
خالد بنفاذ صبر : لا مش عادي وليه لما روحت تخطب وتين يجيلك الكابوس دا وانت بقالك كتير جدا مبتحلمش بريم فهد افهمني انت كمان اقل من سهرين وهتتجوز وتين مفكرتش لو اللي حصل امبارح حصل تاني لما تتجوزو وهي مش عرفه حاجه تفسرها هيكون ايه اي كلام هتقوله وقتها مش هيشفع لك انك خبيت عليها
هتفصر كبوسك علي انه حلم بوحده تانيه كنت بتحبها ومعني انك تحلم بيها يعني لسه بتحبها لسه لها مكان في قلبك ومش هتقدر تقنعها بالساهل بالحقيقه اللي حصلت وقتها
فهد : وتين كيبه وبتحبني زي ما قولت يبقي اكيد هتصدقني وهتعرف اني بحبها ومفيش غيرها في قلبي
وبعد نقاش كتيييييير بينهم خالد مشي وفهد اصر ميعرفش وتين اي حاجه عن الماضي واقنع نفسه انه دفنه وخلاص
فهد قعد يتنهد ويكلم نفسه اخرجي بقي من حياتي كفيه اللي عملتيه فيا مش هسمحلك تدمري حياتي
وخرج من المكتب مسرع للمكان اللي بيرتاح فيه وينسي همومه علي البحر
السكرتيرة : اي أوامر يا فندم
فهد مردش وسبها ومشي
السكرتيرة : ماله دا ياختي
عند حازم في الجامعه كان قاعد في المحاضرة وهو في عالم تاني مش سامع ولا شايف حاجه المحاضرة خلصت والدكتور خرج وهو قاعد مكانه مش مركز خالص زميله اشرف : مالك يا زومه قاعد ليه مش عويدك دانت بتخرج مع الدكتور تنقشه في كل كلمه اتقالت في المحاضرة وبخبث : اللي واخده علقه حلوه علي كدا تستاهل كل الشرود دا
يتبع …..
