ظلـ,ـمت كونها انثى بقلم عفاف شريف الاول

وأنا هطمن عليكي
اسماء وهي تقبله:سلام يا حبيبي
وغادرت
تنهدت بتعب
وهو يتوجه حيث صغيرته النائمه
حملها برفق
وهو يعيدها إلى موطنها الأصلي
بجوار قلبه
ظل يمسح علي خصلاتها بألم علي تلك الصغيره التي فقدت امها قبل أن تشبع من حنانها
إيمان حب ٧ سنوات
سبع سنوات من الصبر فقد للحصول عليها
إيمان شعله الطاقه والحياه
حبيبته وام طفلته
قطعه من قلبه
فقدها
بسببه
ليته منعها
ليته رفض طلبها هذا اليوم
ليته

اغمض عينيه بألم
وهو يضم الصغيره الي صدرة أكثر
متذكرا ما حدث

منذ شهرين
Flash Back
في شقه شقيقته أسماء
كان يقف ينتظر أن تنتهي زوجته العزيزه
من توديع الصغيره مليكه
لكي يذهبوا لأول امسيه لهم منذ ولاده الصغيره
يحيى بضحك :خلاص يا إيمان
ساعتين ونرجع
كل ده بوس
إيمان وهي تقبل مليكه بقوه وتضمها إلى صدرها
وترد: هتوحشني الزنانه
ضحكت أسماء وهي تاخد الصغيره وتقول :لولا أن الجو برد كنتم خدتوها المره الجايه أن شاء الله
إيمان ببتسامه:باذن الله
وأكملت وهي تقبلها للمره الاخيره:باي يا روح قلب ماما
باي يا سوما
هبقي أكلمك اطمن عليها
أسماء :باي
سهره سعيده
وأغلقت الباب

في الأسفل
انطلقت إيمان تجلس في كرسي القياده وهي تردف بدلال:عشان خاطري يا يحيى
يحيى برفض :لا يا إيمان
مره تانيه
الليل ليل
وأنا مبحبش تسوقي بليل
خليها مره ثانيه
إيمان بدلال اكبر :طيب عشان خاطر مليكه
يلا بقي اصلا المطعم قريب نص ساعه بس الي هسوقها
يحيى بقلق :مش مستريح
إيمان بتاكيد:اركب بس
ليه القلق يا حبيبي
ما أنت جنبي
وأنا بعرف اسوق يبقي أيه المشكله
يحيى :انتي عارفه أنا مبحبش تسوقي بليل
أنا الصبح وبكون علي أعصابي من سواقتك
المتهورة دي
إيمان بضحك :خلاص وعد همشي علي مهلي
يلا بقي عشان نلحق نرجع
نظر لها بقلق وهو يتوجهه للجهه الاخري يجلس بصمت
وانطلقت هي بالسياره بسرعه كما توقع
وضعت أغنيتها المفضله
وهي تغني بصوت عالي
وترقص
وهو يهتف: إيمان
ركزي في الطريق
التفتت له وهو تقول: يحيى متخفش
نظر الي الطريق بضيق وصرخ فجأه: إيمان حاسبي
سياره معاكسه اتت من الظلام
اصتدام عنيف
وأصوات صراخ
وانتهي الأمر
فقدها
للأبد
Back
نظر إلى الصغيره بحسرة
وهو يغمض عينيه
فقد ليراها في حلمه
……………………………..
ظلمت_لكونها_انثي
عفاف_شريف
……………………………..

بدايه يوم جديد
انطلقت خيوط الشمس بداخل منزل أحمد
لتستيقظ فيروزه بنشاط كعادتها اليوميه
توجهت للحمام استحمت وتوضئت
ادت فرضها
وقرأت وردها
ولم تغفل عن أذكار الصباح
بدايه مشرقه تبعث الأمان بداخل قلبها
وراحه لروحها
تشعر إنها هي
وأنه ملاذها
ف قربها من الله كان وسيظل اقرب الأماكن الي قلبها
فتحت الراديو علي اذاعه القران الكريم
وهي تستمتع الي صورة الكهف
ووضعت إبريق الشاي علي النار
هي تفتح الثلاجه
تخرج البيض
الجبن
نعم مربي
أي نوع تضع اليوم
مربي التين
تعشقها زوجه عمها سحر
ماذا أيضا
حسنا كفي
أغلقت الثلاجه
وشرعت في تحضير الإفطار
اليوم هو اليوم الأول لنزول مروه للدروس مع حبيبه
وكم هي مرتعبه
تدعوا الله أن يكون كل شي بخير

ولم يمر الكثير وهي تجد زوجه عمها تدلف للمطبخ
وهي تهمس:صباح الخير يا روزه
فيروزه :صباحك فل
سحر بإبتسامه:هتفضلي تدلعي فيا لحد امتي
من يوم ما جيتي
وانتي شايله البيت عني
فيروزه بتاكيد: طالما مش ورايا حاجه
هعمل الي بحبه
وأكملت بهمس خجول:الحقيقه بحس أن ده بيتي
ف بحس اني حبه ده
سحر بتاكيد:ده بيتك فعلا يا فيروزه
تأكدي
ابتسمت لها بصدق وهي تقول :أنا هروح اصحي مروه وحبيبه
وارجع أعمل البيض عشان يكون سخن
سحر :وانا هروح اغسل وشي واصلي
يكونو صحيوا
فيروزه :تمام
ابتسمت لها وكل منهم يتوجهه لما سيفعله
………………………………
ظلمت_لكونها_انثي
عفاف_شريف
……………………………….
اجتمع الجميع علي طاوله الفطور
حبيبه بهدوء: ماما أنا كنت عايزه اغير المجموعه إلى انا فيها
سحر باستغراب :ليه
حبيبه :مش مرتاحه فيها
سحر:تمام هشوف الموضوع ده
كملي اكلك عشان تخلصوا
وتتوكلي على الله انتي ومروه
مش عايزه تأخير
وتخدوا بالكم من نفسكم
حبيبه ومروه :حاضر
والتفتت الي فيروزه وهي تقول: الشوارع بدات تستعد لرمضان مشتاقه ليه اوي
فيروزه :فعلا اجمل شهور السنه
عمري ما حسيت بالراحه قد ما بحس في الشهر ده
صيام وتروايح وذكر
وجو كله بهجه وطاقه وخير
لمه العيله ولعب العيال
حاجه كده تخلي الواحد يتمني تكون السنه كلها رمضان
سحر:عندك حق والله
وأكملت:ربنا يعوده علينا بالخير
ويجبر قلبونا كلنا فيه
فيروزه ومروه وحبيبه: آمين
سحر :أنا الحمد لله شبعت
لازم نبدا نحضر للغذا
في حد مهم جي النهارده
حبيبه بفضول:مين
سحر :لما يجي هتعرفي
يلا علي الدرس
وخلي بالكم من نفسك
هرن عليكم كل شويه عشان اطمن
حبيبه بإبتسامه وهي تقبلها:حاضر
ظلت مروه مكانها تقف كتلميذ معاقب
شعرت سحر بألم يجتاح قلبها
لكنها أردفت بحب:دورك يا مروه
الخد التاني مستني
ركضت مروه وهي تقبلها
ابتسم سحر لهم وهي تمسك محفظتها
تخرج المصروف وهي تقول :هاتو إلى نفسكم فيه
مروه بخجل:شكرا
حبيبه بفرحه: شكرا يا مامتي
وغادرا
تنهدت فيروزه بالم فمهما كانت مروه تتظاهر بالمرح
فهي أيضا حزينه متالمه
انتشلها صوت سحر وهي تقول:أيه رأيك
نعمل اصناف أيه
فيروزه :في أي واحنا نختار
سحر بتقرير:امبارح طلعت فرختين عشان يفكوا
وكيس لحمه مفرومه
بس مطلعتش خضار او كده
فيروزه :أيه رأيك نعمل مكرونه بالبشاميل
والفراخ مشويه
سحر ببتسامه:حلو اوي وعندي كيس ملوخيه ونعمل شويه لسان عصفور
وسلطه خضره
وأكملت:كفايه ولا نعمل سمبوسه
فيروزه :أنا شايفه أنها مثاليه
سحر بتاكيد:تمام نعمل إيه حلو
فيروزه بحماس:أيه رأيك نعمل تشيز كيك
سحر :معملتهاش قبل كده بس تعرفي الوصفه
فيروزه : شفتها من فتره وحبيتها اوي٦
ممكن نعملها
سحر بحماس هي الاخري :تمام قولي أيه الطريقه
ابتسمت لها فيروزه وهي
تعطيها الطريقه
لكي يتم تنفيذها
سحر بتفكير ناقص الجبنه الكريمي
واكملت:إبدأي انتي وأنا هنزل اجبها واجي
فيروزه برفض:لا أنا هنزل قوام
بس قوليلي منين
سحر برفض :لا
فيروزه :متخفيش مش هتوه
سحر بقلق :تمام روحي البسي
عقبال ما اجيبلك الفلوس
فيروزه : تمام

عشر دقايق وكانت بالشارع لشراء الطلبات
الاجواء الرمضانيه والزينه
تعج بكل مكان
مشهد ينبض له القلب بقوه وفرحه
اشترت الطلبات
والتفتت عائده للمنزل مره اخري
فتحت المصعد ودلفت
وكادت أن تغلق الباب
ليمنعه يد أحدهم
فتحه شاب وسيم إلى حد ما
بملابس كلاسيكيه
يرتدي نظاره ويحمل حقيبه بيده
تنحت قليلا ليدلف
وضغطت علي الرقم وهو أيضا
ظلت تنظر للأرقام وهي تصعد
الي أن وصلت
فتحت وخرجت
ولم تري نظراته
…………………………
ظلمت_لكونها_انثي
عفاف_شريف
………………………….
في منزل محمد
كانت تجمع ملابسها وملابس اطفالها الثلاثه
حازم وعبد السلام وعزت
عبد السلام ويبلغ من العمر عشر سنوات:ماما أحنا هنسافر
حنان:ايوه هات كل الهدوم إلى في الدولاب بسرعه
سارع الصغير بتنفيذ الأمر فورا
لتنتهي سريعا من جمع كل متعلاقتهم
ارتدت ملابسها والصغار
وجلست بتوتر وخوف منتظرة أحمد
استمعت إلى صوت الباب
توجهت سريعا لفتحه
وهمست بصدمه:محمد
……………………………….
ظلمت_لكونها_انثي
عفاف_شريف
……………………………….