بس يمان قاطعو وقال..صح يا بابا..بس انت عارف بشرى وعارف اخلاقها..البنت اتغدر بيها كانت مع صحباتها واتخطفت صحيت لقت نفسها هناك
ابوه قال..انا عارف ان اكيد ده الي حصل ومتأكد ان بشرى متعملش كده بس انت ازاي محطتناش في الصوره من الاول
يمان قال…مكنتش فاكر ان الي عمل كده هينشر لها فيديو ..قولت يخلص الموضوع من غيرما حد يعرف
ابوه اتنهد وقبل ما يتكلم وائل قال بدموع…بس كان لازم تحكيلي… كان لازم بدل اي عملتو ده
يمان قال بضيق.الي حصل حصل يا وائل…وبنت عمك حالتها النفسيه وحشه جدا انهارده المدرسه كلها كانت بتتكلم عنها…وفيه شاب ضايقها…فالأحسن منبقاش في البيت كمان بنضايقها..لو لسه بتعتبرها بنت عمنا الي اتربينا معاها انسى كل الي حصل
يمان قال كده ومشي لسه هيطلع عند بشرى جالو اتصال قال..الو
بس اتسعت عنيه بزهول وقال..انت متأكد…رجع مصر…طيب..طيب بكره هكون عندكم
يمان قفل معاه وبان على ملامحو القلق وطلع عند بشرى وكانت بشرى بتغير هدومها شهقت وشدت الهدوم عليها وقال بعصبيه..مش تخبط
يمان ابتسم وقفل الباب وبقى يبصلها من فوق لتحت وهيه مرعوبه وماسكه الفستان حطاه عليها
يمان شدها عليه وسحبو من ايدها رماه على الأرض وبقت بين اديه بلبس تحتو خفيف جدا
بشرى بلعت ريقها بارتباك وقالت..يمان..سبني لو سمحت
يمان حضنها وحط شفايفو على رقبتها وباسها برقه وقال بهمس عند ودنها..هو انتي امتى احلوتي كده..امتى كبرتي كده وبقيتي موزه قوي كده
بشرى قالت بارتباك…يمان…سبني وانبي
يمان بعد شويه وبص في عيونها وقال..خليكي مطمنه..انا معاكي ديما
بشرى ابتسمت وقالت..انا اصلا بقلق لانك معايا..وبعدت بسرعه وهيه بتبتسم بخبث
يمان اندهش وقال..لا والله…دلوقتي يقيتي بتخافي لاني معاكي..وانا بخوفك ليه بقى
بشرى بصتلو وقالت..كلك مش مظبوط..وبتبصلي بحسك هتاكلني بعنيك..خليك بعيد عنب ومتنساش اننا هنطلق
بشرى كانت بتقول كده علشان تضايقو يمكن يتكلم بس على مين ده ظابط ابتسم وقال بخبث..معاكي حق..انا بس قولت اهديكي يعني
وقعد وبقى يقلع جز,متو ببرود اعصاب
بشرى قربت منو بزهول وقالت..يعني ايه بقى…يعني انت هتطلقني فعلا
يمان قال بلامبالاه..اها..مش احنا متفقين..وكمان انتي عايزه كده
بشري بلعت ريقها وقالت بيأس..ايوهايوه عايزه كده واطلع بقى خليني اغير.. انت اصلا لا بتفهم ولا هتفهم
يمان ضحك علي جنانها وقرب منها وقال بهمس..انا فاهم..فاهم قوي…بس مش هينفع
بشرى اتسعت عنيها بدهشه وقالت..احم..هو ايه الي فهمتو ومش هينفع
يمان قال وهو بيبص لعيونها…فاهم الي في قلبك كلو..ومن زمان…وعارف كنتي بترفضي وائل وغيره ليه
بشرى بلعت ريقها بارتباك وبعدت عيونها عنو وقالت..احم..انا..انا مش فاهمه قصدك ايه
يمان رفع وشها ليه وقال..الي جواكي ليا..ميجيش نقطه في بحر الي جوايا ليكي
بشرى بصتلو بزهول وابتسمت لااراديا بس يمان قال..انا الي كان بيمنعني عنك حب اخويا ليكي…ودلوقتي الموضوع بقى اكبر من كده فيه حاجه لازم تخلص حتى نكون سوا والا مش هنعرف نرتاح ابدا
بشرى مكانتش فاهمه حاجه ويمان قال…اذا ربنا كتب لنا نكون سوا..هيمشي الي في دماغي زي ما مخططلو واذا لا..فوصيتي ليكي تعيشي حياتك…وتنسيني …لازم تنسيني
بشرى اتصدمت بالي قالو وقالت..انت بتقول ايه يا يمان..هو..هو انت هتعمل ايه
يمان شالها ونيمها على السرير في حضنو وقال…متشغليش بالك باي حاجه…خليكي بين اديا..ببقى مرتاح وانتي جمبي
بشرى مسكت فيه جامد وقالت…ارجوك…متعملش اي حاجه ممكن تاخدك مني انا مش هقدر انا ما صدقت
يمان ضمها ليه اكتر وقال..انا معاكي..هفضل معاكي ديما يا قلب يمان
في صباح يوم جديد يمان قام ولبس وجهز وبشرى كمان ونفخت بضيق وقالت..متأكد اني اروح يعني….انا خايفه كل زمايلي بيبصولى بطريقه وحشه
يمان قال بتلقائيه.. بغيرو منك
بشرى قالت..يا يمان انا مبهزرش
يمان ضحك وقال..ولا انا والله ..اسمعيني.لو انتي خفتي ومروحتيش هيتكلمو اكتر اما لو روحتي وواجهتي هيحطو جزم في بقهم ويسكتو…وبعدين..لو احتاجتي اي حاجه بس كلميني..هتلاقيني معاكي على طول..مع ان انا متاكد ان بعد الي عملتو في مديحه محدش هينطق
بشرى ضحكت وطلعت معاه وراحو سوا على الجامعه وصلها وطلع هو على الأداره
في المكتب بتاعو كانو الضباط بيحاولو يعرفو مكان الراجل الي بيهدد يمان لانهم عرفو انو نزل البلد..وبيحاولو يحددو مكانو
فضلو طول اليوم ومش قادرين يوصلولو يمان حط ايده على راسو بتعب وقال…انا متأكد انو هيعوز يقابلني …والا مكانش عرفنا انو وصل القاهره اصلا ودي سهله عليه
صاحبو اتنهد وقال..انت ليه معتقد انو هيأذيك مش يمكن نسي
يمان قال بضيق…حد ينسب قت*ل اولادو الاتنين
صاحبو قال..ايوه بس ..اولادو مجرمين وانت كنت بتأدي واجبك وده شغلك
يمان اتنهد وقال..وهم دول بيفهمو يعني ايه واجب ولا شغل ده البنهاوي اكبر تاجر سلا,ح هيفكر اني بأدي واجبي هو في معتقدو اني قت*لت اولادو وخلاص..بقولك ايه حاول تاني يمكن تظبط المرادي وو
بس قطع كلامو لما بشرى رنتلو رد وقال …خير يا بشرى حد دايقك تاني
جالو صوت يعرفو كويس جدا بيقول…بشرى تمااااام…وحاليا في البسين بتبلبط متقلقش… وبص لبشرى بسخريه كانو رجالتو بيغطسو وشها في برميل الميه
يمان كان قلبو هيقف حرفيا ومكانش قادر ينطق قال برجاء لاول مره في حياتو..سبها يابنهاوي ..ارجوك..هيه ملهاش دعوه
البنهاوي ضحك جامد واتقدم على بشرى مسكها من شعرها بغضب وهيه كانت بتصرخ وتبكي برعب
يمان سمع صوتها وقال بسرعه ورعب ..لو سمحت..لو سمحت ارجوك الي تعوزه هنفذو بس سبها انا الي اذيتك هيه ملهاش دعوه
البنهاوي قال بغضب.. ربع ساعه بالكتير تكون عندي
اظن انك بتراقبني وكده عرفت تحدد مكاني مش مضطر اديلك عنوان ..تعالى لوحدك يا حضرة الظابط…مش محتاج انبهك طبعا
قال كده وقفل ويمان سلم رقم بشرى للضابط وقلو حدد مكان التليفون ده بسرعه
بعد شويه كان يمان على الطريق سايق بأقصى سرعه وهيم*وت من الخوف
وصل المكان المحدد واول ما دخل اتجمعو رجالة البنهاوي حواليه وفتشوه واخدو سلا,حو وكل حاجتو وزقوه بقوه عند البنهاوي
البنهاوي ابتسم وقال …حبيب عمو..وحشتنا يا حضرة الظابط
يمان كان بيبص يمين وشمال بيدور على بشرى بخوف
البنهاوي ضحك وقال..بتدور على المدام..متقلقش بتريح شويه هناك اهيه ..وشاورلو على ركن اخر المكان
يمان بص و اتفاجأ ببشرى مرميه على الأرض جري عليها وكانت حالتها صعبه مضروبه جامد وطرحتها متقطعه وشعرها منكوش ومتبهدله على الاخر
يمان نزلت دموعه وبقى يحضنها ويضربها على خدودها بخفه ورعب ويقول….بشري.. بشرى ردي عليا يا قلبي..ردي عليا عملو فيكي ايه…وزعق بعلو صوتو وقال ..يا حيو*ااااان..هتدمك يا وااااااااطي ..بشرى..بشري ردي عليا
بشرى فتحت عنيها بتعب واول ما لقتو قدامها نزلت دموعها واترمت في حضنو بضعف وغابت عن الوعي تاني
يمان بقى يفوق فيها ودموعه بتنزل بس رجالة البنهاوي سحبوه ومسكوه جامد من اديه وكان بيقاومهم وبيقول..اوعو سبوني..هشوف مراتي يا ك*لااااب عملتولها ايه…حد يرد عليا
