لم يكن قلبي لها الاول

1 الفصل الاول فى احد الاحياء المتوسطة بالقاهرة وفى احد الشوارع القريبة من النيل فى يوم من ايام فصل الشتاء والسماء تنذر بهطول الامطار وتحجب اشعة الشمس رغم عقارب الساعة التى تشير الى انتصاف النهار ، تتوقف سيارة امام صيدلية متوسطة الحال يبدو على ابوابها انها مغلقة من فترة ليست بالقليلة لتهبط سيدة فى العقد الخامس من عمرها من امام عجلة القيادة لتلتف للباب الاخر لتقوم باسناد فتاه وتقوم باقتيادها الى ابواب الصيدلية لتقوم بفتح الباب والعودة لاصطحاب الفتاة مرة اخرى وهى تدلف الى الداخل . تقوم السيدة باجلاس الفتاة على مقعد خلف مكتب صغير ثم تتجه لاضاءة الانوار ومحاولة ازاحة الاتربة المتراكمة على المقاعد . دادة زينب : انا لمعت المكتب والكراسى ياسمية وهشوف الكافتيريا اللى ع الناصية لو ينفع يبعتولنا شاى . سمية : ماشى يادادة ، بس اقفلى الباب الازاز وراكى عشان لو حد دخل اعرف من صوت الرنانة اللى ع الباب ، اتاكدى كده انها في فى مكانها . زينب : فى مكانها يابنتى ماتقلقيش ، وانا مش هغيب لتتجه زينب للخروج وهى تغلق الباب الزجاجى من خلفها ، وماهى الا دقيقة لينفتح الباب ويطل منه رجل فى العقد الثالث من عمره ذو وجه لطيف بملامح رجولية مريحة وهو يلقى التحية . يحيى : السلام عليكم سمية وهى تتجه بوجهها ناحية الصوت : وعليكم السلام ، مين انا دكتور احمد وجاى للدكتورة سمية بخصوص الصيدلية . سمية : اتفضل يادكتور ، اهلا وسهلا ، انا دكتورة سمية يحيى وهو ينظر اليها بنظرة اشتياق لا تراها : اهلا بيكى يادكتورة ، الحقيقة استاذ سليمان لما قاللى ع الصيدلية عجبنى موقعها جدا ، ومساحتها كمان عاجبانى ، وحاسس ان شاء الله انه هيكون خير . سمية : باذن الله يادكتور . يحيى : بس انا محتاج اشوف المخزن والمعمل ياترى ممكن تفرجيهملى ؟! سمية : ااه طبعا ، هم من هنا ، قالت ذلك وهى تشير بيدها الى جهة باب مغلق وتدير راسها اتجاه يحيى . يحيى : تفصدى انى ادخل اشوفهم لوحدى ؟! سمية : اكيد عمو سليمان قاللك ع ظروفى فمعلش لو امكن تنتظر بس دقيقة تكون دادة زينب جت وهى هتورى حضرتك كل حاجة . ولم تكد تنهى عبارتها الا ودخلت زينب ومن ورائها عامل يحمل صينية عليها ثلاث اكواب من الشاى ويضعهم العامل على المكتب بجوار سمية فى صمت ويرحل . زينب : معلش ياسمية اتاخرت عليكى اصل ......... وفجأة تحرك سمية احدى يديها لتصطدم باحد اكواب الشاى لينسكب على المكتب وعلى يديها لتصرخ من الالم ليهرع اليها يحيى وزينب وهما يبعداها عن قطرات الشاى الساخنة وسط دموعها التى لم يستطع ان يعلم اهى من الم الحرق ام من العجز ولكنه حاول ان يخرجها من تيهها ببعض المرح . يحيى : هو الظاهر ان النهاردة يوم الكبايات المكسرة ،انا لسه كاسر لامى ع الصبح كوبايتين بس ماكانوش شاى الصراحة كانوا سحلب ، والحاجة نزلتنى من غير فطار عقابا ليا ، بس انا ماسكتش ، اخدت كيس السحلب معايا وانا نازل على امل انى الاقى حد يعمللى كوباية فى البرد ده . كان يتحدث ويضحك وهو يعالج يديها وهى لاتدرى كيف له بمعرفة اماكن هذه الاربطة بعد ان قام برش شئ على يدها تعتقد انه نوع من انواع المضادات الحيوية ولكنها لاتدرى ولا تدرى سوى انها تركته يداوى يديها بكل ثقة لا تعلم من اين اتت اليها فى هذا الشخص المجهول الذى لا تعرف عنه الا ان اسمه احمد . يحيى : خلاص ياستى ايدك رجعت جديدة زى ماكانت بالظبط ، اكنها لسه طالعة من الفابريكا ، بس الرباط ده اعتبريه المشمع اللى بيبقى عليها عشان ماتتربش . لتضحك زينب وهى تقول : معلش يابنى انا اللى غلطانة ، حقكم عليا انا ، حقك عليا ياسمية مانبهتكيش ان الشاى جنب ايدك ، سامحينى . سمية وهى تحاول الابتسام : معلش يادادة حصل خير انا بس عاوزاكى تفرجى دكتور احمد على المخزن والمعمل من فضلك . زينب وهى تنظر ليحيى : من عينيا يابنتى ، اتفضل يادكتور . ليذهبا معا الى الداخل وما ان دلفا من باب المعمل حتى يقف يحيى وهو يغرس اصابعه فى فروة رأسه فى حزن شديد ، لتنظر له زينب وهى تربت على اكتافه قائلة . زينب : ايه يايحيى ! احنا لسه بنقول ياهادى هتنخ كده من اولها . يحيى : مش قادر يادادة ........ سمية وحشتنى اوى ، امتى هترجعلنا تانى ! اتأخرت اوى . زينب : اتعشم خير يابنى وياللا نرجعلها وسمى بالله وقول يارب . يحيى : يارب ...... يارب ليخرجوا الى سمية مرة اخرى ويجلسون امام بعضهم . يحيى : المخزن والمعمل تمام ، الحقيقة انا ماعنديش اى اعتراضات ، محتاجين بس نتكلم فى السعر . سمية : زى ماحضرتك شايف ، الصيدلية مغلقة من سنة تقريبا من ساعة الحادثة . يحيى متلهفا : حادثة ايه ياسمية ؟ سمية بحزن ووجع وباستغراب لرفعه الالقاب وكأنهم ع معرفة قديمة : حادثة عربية مات فيها والدى واختى و ..... يحيى ببعض الشجن : البقاء لله ، انا اسف لو كنت فكرتك لتغطى بعض العبرات عينا سمية التى بلون القهوة : ونعم بالله ، المهم...... انا لما عموسليمان اقترح عليا انى اشغل الصيدلية تانى لانى بعد الحادثة ماكانش ينفع انى اتولى ادارتها من تانى وانا لوحدى ، واقترح عليا موضوع الشراكة ده . يحيى : الحقيقة الاستاذ سليمان قاللى على كل حاجة ، لكن الحقيقة انا عاوز اسمع وجهة نظرك عشان اقدر افهم بالظبط انتى بتفكرى ف ايه . سمية : انا عاوزة شريك بالمجهود والادارة ، يعنى الصيدلية موجودة والادوية موجودة ، اى نعم هنحتاج نعمل جرد عشان الصلاحية وهنضطر نعدم كمية مش قليلة لكن انا هقدر اعوض الفاقد ده ، وفى المقابل المجهود والرقابة هتبقى بالكامل على شريكى لان زى مانت شايف انا مافيش منى رجا . ليندفع يحيى قائلا : اوعى تقولى كده مرة تانية ، ليدرك انه اندفع فى وقت سابق لاوانه ، ليتنحنح قائلا : انا اللى فهمته من استاذ سليمان ان انتى اللى كنتى بتديرى الصيدلية لوحدك يعنى معنى كده انك عارفة كل كبيرة وصغيرة فيها ، وانا لسه ماعنديش خبرة فى الحكاية دى لان اول مرة اعمل حاجة خاصة لروحى ، وعشان كده كل حاجة هتتم بمشورتك ورأيك وانا موافق على كل طلباتك وشروطك وطالما ان الاستاذ سليمان يبقى المحامى بتاعى وبتاعك ف نفس الوقت يبقى على بركة الله ونبدأ الاجراءات ، ها تحبى امتى ؟ سمية : زى ماتحب . خلاص هكلم الاستاذ سليمان يحضرلنا العقود وعلى بركة الله . ليقوم يحيى باجراء مكالمة للاستاذ سليمان وهو يفتح مكبر الصوت ويعلم الاستاذ سليمان بما تم الاتفاق عليه ليعطيهم موعد بمكتبه ف اليوم التالى لامضاء العقود . ولحد هنا خلص الفصل الاول الى اللقاء فى الفصل التالى . 2 لم يكن قلبى لها الفصل الثانى فى اليوم التالى دخلت سمية الى منزلها بصحبة دادة زينب بعد عودتهم من لدى المحامى وتوقيع العقود ولديها سعور بالغموض فهى لا تدرى كيف سارت الامور بهذه السرعة ، ولكنها تذكرت حديث السيد سليمان والذى كان صديق شخصى لوالدها وتثق فيه ثقة كبيرة ، فلقد اكد لها فى حديثه بانها لن تندم على هذه الخطوة فلقد قال لها سليمان : اتوكلى على الله ياسمسم احمد دة انسان ملتزم وراجل بمعنى الكلمة ، وصدقينى مش هتندمى لو انتى عاوزة اى ضمانات احطهالك فى العقد هو ابدى استعداده الكامل انه ينفذلك كل شروطك وانا امنتك كويس اوى فى العقود زى ما قولنلك ، اتوكلى على الله يابنتى وان شاء الله ربنا يكتبلكم كل خير . لتوقع على العقود وهى كالمسيرة وعند مغادرتهم لمكتب سليمان يصر المدعو احمد عليهم بان يسيروا امامه بسيارتهم وهو خلفهم حتى اطمئن عليهم بدلوفهم الى منزلهم بسلام ثم انطلق هو فى طريقه دون اى كلمة . تذكرته وهو بتحدث اليها بكل اريحية ودون القاب رغم انها لم تفعل معه المثل واصرت فى كل مرة على ذكر كلمة دكتور عند حديثهم دون حتى ان تنطق اسمه مصاحبا له واخذت تفكر عن السبب الذى قد يدعوه لئلك الى ان وصلت بتفكيرها انه يراها صغيرة او طفلة وعند هذا الحد داهمها احساس بالنقمة عليه واخذت تنادى على زينب . سمية : دادة ….. يا دادة انتى فين ؟ زينب : انا اهوه يابنتى كنت بصلى خير ! عاوزة حاجة ؟ اكيد جوعتى ، انا هروح احضرلنا حاجة ناكلها . سمية : لا ، استنى ، كنت عاوزة اسألك على حاجة ، كنت عاوزة اسالك على الدكتور احمد زينب وهى تتمعن النظر بسمية : ماله الدكتور احمد ؟ سمية : عاوزة اسالك على رايك فيه ، انتى بتعرفى تحكمى ع الناس كويس . زينب متبسمة : هو باين عليه جدع ابن حلال ومتربى وزوق واخلاقه عاليه بس سمية : بس ايه يادادة زينب بنظرة حزن : تحسيه كده حزين وشايل شيلة جامدة فوق كتافة سمية : هو عنده كام سنة يادادة ؟ زينب : يعنى حوالى ٣٢ او ٣٣ كده مش كبير يعنى اومال ايه بفى ؟ زينب : هو ايه اللى ايه ؟ مش فاهمة سمية ممتعضة : عمالة اقوله يادكتور . يادكتور . يادكتور ، وهو ياسمية ، يا سمية حسيته مستعيلنى . زينب ضاحكة : يوه كتك ايه يا سمسم ايه مستعيلك دى ، هو بس اللى باين عليه عشرى وعاوز تاخدوا على بعض بسرعة ده انتو هتبقوا شركاه يعنى عشرة ، وسيبينى بقى اروح احضر الاكل عشان تلحقى تاكلى وتنامى انتى بكرة وراكى يوم طويل . سمية بحزن : ادعيلى يادادة بالله عليكى . لتقبلها زينب على قمة راسها وهى تحتضنها قائلة : انا عندى مين غيرك ادعيله يابنتى ، ياللا على ماتصلى اكون حضرت الاكل . فى منزل اخر ومكان اخر تجلس سيده فى اواخر العقد الخامس تدعى فريدة وهى تمسك بطبق به بعض الطعام وامامها طفل فى الخامسة من عمره فريدة : يابنى غلبتنى ، انت ماكلتش حاجة طول اليوم آدم : ماليش دعوة ، انا عاوز اكل مع بابا فريدة : طب كل ولما بابا ييجى كل تانى معاه . آدم : لا ياتيتيا مش عاوز ،انا عاوز ويدخل يحيى من باب المنزل ليجرى عليه آدم وهو يصرخ بفرحة : بابااااااا ، بابا جه ياتيتا ، باب جه ، ياللا بقى حطيلنا ناكل ، انا جعان اوى . ليرفعه يحيى ضاحكا و يقيله قائلا : هى فريدة برضة مجوعاك آدم : تيتا فريدة عاملة الاكل اللى بتحبه وانا عاوز اكل معاك ، دى عاملة ورق عنب ورقاق يحيى ضاحكا : ايه ده ده على كده بقى اقعد اكل الاول من غير مااغير هدومى فريدة : لا يابنى ادخل اتشطف وغير على مااحضرلكم الاكل ياللا . ليميل عليها بحيى مقبلا وجنتيها : عاملة ايه يا ماما ؟ فريدة : بخير طول مانتم بخير يابنى ، ياللا روح غير وتعالى احكيلى عملتوا ايه ليومئ يحيى برأسه ويذهب ليفعل ما قالته والدته وكأنه ربوت يتحرك بآلية شديدة حتى عاد ليجلس بينهم مرة اخرى وهو يرسم ابتسامة باهتة على شفتيه . واثناء تناولهم للطعام اذا بآدم يسأل يحيى : بابا ؛ هى ماما مش هتيجى بقى ، دى وحشتنى اوى ، وكمان مابتتكلمش فى التليفون خالص . ليرتسم الحزن الشديد على وجه يحيى ولكنه يرسم ابتسامه لا تصل لعينيه قائلا : مانا قلتلك يا حبيبى ان ماما المكان اللى هى فيه ماينفعش تكلمنا ، لكن ان شاء الله قريب اوى تيجى ، وياللا ، تخلص اكلك وتغسل ايدك وسنانك وعلى سريرك على طول وبعد بعض الوقت يجلس مع والدته يحتسون الشاى فريدة : عملت ايه يايحيى ؟ احكيلى . ليقص عليها يحيى كل ماحدث فريدة : وماعرفتش صوتك يحيى بالم: كان متهيألى انها اول ماتسمع صوتى هتفوق من اللى هى فيه ، بس ماعرفتنيش ، ولا اكنى كنت فى حياتها فى يوم من الايام . فريدة : طب واسمك ؟ يحيى : مراد قاللى ماقولش غير احمد بس وبلاش يحيى دلوقتى رغم ان دادة زينب خايفة لاتغلط وهى بتندهلى ، بس انا قلنلها تحاول ماتقولليش غير يادكتور ، او يابنى فريدة : تفتكر هترجع يصرخ يحيى قائلا : لازم ترجع ، لازم ، انا تعبت ، تعبت ياماما تعبت . فريدة : اهدى بابنى لابنك يسمع ، مش ناقصين ليعود يحيى الى مكانه وعينيه تتلألأ بالدموع قائلا : انا مستعد اعمل اى حاجة عشان سمية ترجعلنا من تانى، ، وساعتها هاخدلها حقها بالكامل فريدة : حق ايه بس يابنى ، استهدى انت بس بالله وانوى خير عشان يسير خير وقول يارب ياحبيبى يحيى : يارب والى اللقاء فى الفصل الثالث 3 لم يكن قلبى لها الفصل الثالث فى اليوم التالى يقف يحيى امام ابواب الصيدلية المغلقة حتى جائت سيارة سمية لتهبط زينب سربعا وهى تقول : حقك علينا يابنى نسينا خالص موضوع المفاتيح امبارح يحيى وهو يتناول المفاتيح من يديها : ولا يهمك يادادة انا لسه واصل ، ثم وهو ينظر لسمية التى قامت بفتح الباب وخرجت من السيارة وهى تحاول الوصول اليهم من خلال سماعها لهم لتحديد اتجاهها بتركيز شديد ، ليعود بنظره لزينب التى تفهم مقصده على التو زينب : انا هفتح انا وانت بقى يابنى معلش هتعبك معايا هات الشنط من شنطة العربية فيها الاكل احسن انا حاسة انى مش قد كده النهاردة ، وهات سمية فى ايدك لتقف سمية فجأة فى مكانها وهى تتجه برأسها للاتجاه الذى كانت تقف فيه زينب وهى ترسم علامة البلاهة على وجهها مما جعل يحيى يكتم صوت ضحكة بداخله ولكنه يسرع لتنفيذ ماقالت عليه زينب واخرج الحقائب بيد ومد يده الاخرى لسمية التى تحاول بغضب ان تسبقه الى الداخل ولكنها تفاجئت به يشبك اصابع كفه باصابعها يحذرها من السقوط الاكيد والذى احسته بالفعل لولا تنبيه يحيى لها لكان حدث مالا يحمد عقباه ، والذى جعلها تناست احتضان اصابعهم معا حتى اجلسها على مقعدها خلف مكتبها . يحيى : صباح الخير ، الناس بتقول صباح الخير على فكرة لترفع سمية راسها اليه وهى تتجه اليها بعينيها لتقول بتلعثم : صباح الخير ، انا آسفة ، تعبتك معايا يحيى بمرح : ياستى ولا تعبتينى ولا حاجة كل الحكاية انى بحب اعمل بلقمتى سمية : افندم ! مش فاهمة يحيى : دادة قالتلى امبارح انكم هتفطرونى وتغدونى ، وانا لا مؤاخذة مابحبش اكل سفلقة ، بحب اكل بعرق جبينى لتزوى سمية مابين حاجبيها وهى تحاول اخفاء ابتسامة تريد ان تطفو على صفحة وجهها زينب : طب اعمل حسابك بقى يابنى انك هتعرق بالقوى النهاردة . يحيى ضاحكا : والله ده على حسب النوعية يادادة ، حاكم فى اصناف مابحبش اعرقلها من الاساس زينب : لا من الناحية اتطمن ، هتعرق وانت مبسوط يحيى : طب ايه ؟ مافيش تصبيرة كده حتى ولو تشجيع . زينب : الغداء شاورمة سورى ….ها …. ايه رايك يحيى : رايى فى ايه ، ده انا هحميكم بعرقى النهاردة ، بس فطرينى الاول انا نازل على لحم بطنى وعاوز اشرب شاى عشان اعرف اعرق . زينب : حاضر يابنى من عينيا كانت سمية تتابع حوارهم وهى تتجه بعينيها الى اصواتهم دون ان تشترك معهم فى الحديث ولا تدرى ان يحيى مثبت عينيه على قهوة عينيها اللتين اشتاق اليهما ولا يحيد عنها وبعد الطعام والشاى يحيى : ها ياسمية سمية : ها ايه يحيى : عاوزانى ابتدى من فين ؟ سمية : تقصد ايه ؟ حضرتك تقصد ان انا اللى هقوللك يحيى : اه طبعا ، وبعدين انتى عا رفة كل ميللى هنا فين ومحطوط فيه ايه ، قوليلى بتفكرى فى ايه وازاى ، وانا معاكى نتناقش ونقتنع وننفذ سمية : ايوة ، بس حضرتك عارف انى يحيى ببعض الحزم : سمية ، لازم تفهمى وتقتنعى انك اكتر واحدة هنا عندها خبرة وفاهمة الدنيا فيها ايه ، ولازم نوظف الحبرة دى كويس عشان كلنا نستفيد سمية ببعض التيه : طب عاوزنى اعمل ايه ؟! يحيى بحنان : عاوزك تقوليلى ابتدى منين ع الاقل نوريلى بصيرتى ياسمية ، ساعدينى . لتشعر سمية بالاضطراب ،فهى تشعر بان هذا ىالحوار قد سمعته من قبل ولكن من اين ومتى ؟ يحيى : ها ياسمية ، نورينى . سمية بعد فترة من الصمت وهى تشير بيديها على اتجاه ركن من اركان الصيدلية : احنا ممكن نبتدى من هنا ، من قسم العناية الشخصية ، العبوات دى بتبقى واخدة حيز وصلاحيتها قليلة ، فممكن تراجعوا على تواريخ الصلاحية ونعدم اللى صلاحيته انتهت او على وشك ، وكمان ادوية الثلاجة لازم كلها تتعدم ، احنا مانعرفش الكهربا فصلت كام مرة ، يعنى ممكن تبقى كلها باظت ، وبعد كده ……. واستمرت سمية تحكى مايجول بخاطرها ويحيى يدون كل ما تقوله وهو يرسم على شفتيه ابتسامة مليئة بالسعادة والحنان والامل حتى انتهت من الحديث يحيى : تمام يا بوص ، الموضوع كده ان شاء الله هياخد فى حدود خمس ايام ان شاء الله وكله يبقى تمام ،انا ان شاء الله هشتغل على قد مااقدر ، ومن بكرة ان شاء الله فى دكتور صديقى فاضى اليومين دول هطلب منه ييجى يساعدنى عشان نختصر الوقت ، ايه رأيك ؟ سمية : الادارة مسئوليتك يادكتور ، يعنى اللى تشوفه فى المصلحة اعمله على طول . يحيى : احنا شركا ياسمية واى حاجة تتعمل لازم تبقى بموافقتنا احنا الاتنين ّ سمية : تمام لينقضى اليوم باجهاد شديد على الجميع يقوم يحيى بغلق ابواب الصيدلية ويعرض عليهم ان يقوم هو بايصالهم لمنزلهم بسيارته بدلا من قيادة زينب ليلا . زينب : ياريت يابنى ، ده انا مش شايفة قدامى ، وحاسة انى هنام وانا سايقة . سمية وهى تشعر بالاحراج : خلاص يادادة ، سيبى العربية هنا وناخد تاكسى الدكتوركمان تعب بزيادة النهاردة. ، بلاش نتقل عليه يحيى : على فكرة انا لو تعبان او مش قادر ماكنتش عرضت عليكم من الاول ، ياللا بينا . ينهى حديثه بان مد كف يده ليعانق اصابعها كالصباح ولكنها جذبت يدها بسرعة من بين يده وهى تنادى على زينب والتى بدورها كانت تلعب دورها بغاية المهارة زينب : معلش يابنى ركب انت سمية وافتحلى شنطة العربية لما اشيل فيها الحاجات دى ليبتسم يحيى وهو يغمز لزينب بعينيه ويمد يده مرة اخرى لسمية التى كادت تبكى مما يحدث لها وفى الطريق كان يحيى يفتح نافذته قليلا حيث انهم فى الشتاء كان يراقب سمية كلما سنحت له الفرصة ، ليجدها فجأة قد اغمضت عينيها وهى تستنشق الهواء بعمق وهى تبتسم ثم قالت سمية : الدنيا هتمطر دلوقتى ليقول يحيى سعيدا و ببعض الاندفاع : انتى لسه فيكى العادة دى لتقرن سمية مابين حاجبيها باندهاش : افندم يحيى ببعض الاضطراب : ها ماتاخديش فى بالك اصل العربية عندى فيها لمبة بتعلق لتومئ سمية برأسها ، لينظر يحيى الى زينب فى المرآة وهو يشير اليها لتساعده فى سياق الحديث وماهى الا ثوانى ليبدأ هطول الامطار ليضحك بشدة وهو يقول . يحيى : اهى الدنيا مطرت فعلا ياستنا الشيخة ، انما عرفتى ازاى ؟ سمية : من ريحة الهواء يحيى : الهواء فعلا بيبقى له ريحة مميزة بس بعد المطرة مش قبلها . سمية مبتسمة : وقبلها كمان ، الهوا بتبقى ريحته زى ندى الفجرية ، بس اللى يحس بيه زينب : طول عمرك بتعرفى المطرة قبل اوانها انتى وسليم ليتجهم وجه سمية ويسارع يحيى بسؤالها يحيى : مين سليم ؟ زينب : اخوها سمية مندفعة. : مات ….اخويا اللى مات والى اللقاء فى الفصل الرابع 4 لم يكن قلبى لها الفصل الرابع فى منزل يحيى فريدة بذهول : عادى كده ! من غير اى رد فعل ، ولا حتى اتعصبت يحيى : فى الاول قالتها وهى مشدودة ، بس مجرد ثوانى ، مش اكتر من ثوانى ياماما ولقيتها رجعت لصومعتها من تانى ، بس حسيت انها بتكررلى الكلمة لمجرد التاكيد على المعلومة ، انه مات فريدة : طب وانت ! سكتت على كده! ماحاولتش تقوللها اى حاجة ؟ يحيى : الحقيقة انا انصدمت من رد فعلها لانى كنت مجهز نفسى لموجة انهيار اول ماتيجى سيرة سليم زى ما مراد قاللى ، حتى كنت مرتب نفسى انى اطلع بيها ع المستشفى ،ههههههه قال وانا اللى كنت قافل اللوك بتاع العربية وخايف لاتعمل اى حركة متهورة فريدة بامتعاض : انت بتضحك ! انا مابقتش فاهماك يحيى بغضب مكبوت : عاوزانى اعمل ايه وانا مابقتش عارف حاجة ، انا حاسس انى خسرت حياتى كلها ، ومش عارف الوم مين ، الوم روحى واللا الوم سليم ، ليلتفت الى فريدة مستكملا حديثه واللا الومك يا امى فريدة : انا يا سليم ! ليه يابنى ، انت لسه بتلومنى على جوازك من سلمى ؟ ليتنهد سليم فى الم : مش بلومك ، لان بكل بساطة كلنا مشتركين فى اللى حصل ، الله يرحمك ياسلمى ، اللى حصللها خلاها ضحية وقتها ، لكن بعد كده الضحايا كتروا ، كتروا اوى ، آدم وسمية وانا ، انا اللى مش عارف انا بعمل ايه ولا عارف هوصل لحد فين فريدة وعينيها تتلألأ بالدموع: سامحنى يابنى ، ماكنتش اقدر اتخلى عن يونس ابدا بعد اللى حصل ، مانت عارف لولاه كان ممكن يحصللى ايه انا وانت يحيى : عارف ياماما ، عارف ، وصدقينى ….. لو الزمن رجع بينا من تانى ماكنتش هتردد ثانية واحدة انى اكرر اللى عملته من تانى . فريدة : طب وسمية …. ما قالتش حاجة تانى بعد ماقالت ان سليم مات ؟ يحيى : هحكيلك فلاش باك سمية : مات ، اخويا مات يحيى مذهولا وهو يحاول السيطرة على انفعالاته : هو انتى كان عندك اخوات غير سلمى . سمية بهدوؤ شديد : كان اخ واحد ومات يحيى ،: اضايقك لو سألتك مات ازاى سمية : فى الحادثة ………. ماتوا كلهم فى الحادثة يحيى وهو ينظر الى زينب بذهول ليجدها تبكى فى صمت ليعود بعينيه مرة اخرى لسمية قائلا : انا كنت فاكر ان سلمى و خا…… ووالدك بس اللى راحوا ف الحادثة سمية : الحادثة خدتهم كلهم ، راحوا كلهم باك فريدة : طب انت حكيت لمراد ع كل ده يحيى : ايوة ، واتفاجئت انه عارف ، بس قاللى انه كان متوقع انها مع الوقت هتحاول تتأقلم مع الموضوع غير كده فريدة : طب وناويين ع ايه بكرة ؟ يحيى : زى مااحنا ، بس مراد هيجيلنا معاه عند الصيدلية ، وهيفضل فى العربية تحسبا لاى رد فعل عنيف او غير متوقع وانا هعدى عليهم الصبح اخودهم معايا ، بحجة ان العربية بتاعتهم سيبناها عند الصيدلية طبعا فريدة : ربنا يستر يابنى ويعديها على خير يارب يحيى : يارب ياماما .. دعواتك فى صبيحة اليوم التالى ، وبعد وصولهم الى الصيدلية وتناولهم للافطار والشاى ، واثناء مراجعة يحيى لبعض الادوية اذا بهاتف يحيى يصله اتصال يحيى بفتور وهو يركز نظره على سمية : السلام عليكم ……..احنا موجودين من بدرى …..تمام ….فى انتظارك . زميلى اللى قلتلك عليه قدامه دقايق وهيبقى هنا ياسمية سمية بدون اهتمام : تمام ليترك يحيى وزينب مابيديهم يتبادلون النظرات فى خوف واضطراب ، ليدلف بعد دقائق قليلة شاب لو اطلق لشعره العنان لاصبح نسخة اخرى من سمية مع بعض الخشونة الذكوية فى الملامح يتقدم فى هدوء مضطرب و وجل وهو يحاول الا تلتقى عينيه بعينا يحيى حتى يقف امام مكتب سمية وهو يكاد يلتهمها بعينيه شوقا وحزنا يفيض بالوجع ليلقى السلام ببحة ذكورية محببة : صباح الخير ، ارجو انى ماكونش خليتكم تنتظرونى كتير . لتنتفض سمية من مجلسها ويبدأ جسدها فى الانتتفاض وهى تنادى زينب زينب : انا جنبك يابنتى مابعدتش سمية : اااانا ااانا تعبانة وعاوزة اروح يحيى : مالك ياسمية ! مانتى كنتى كويسة سمية : عاوزة امشى ….عاوزة اروح …. تع تع تعبانة يحيى : سلامتك ياسمية ، انتى متضايقة من حاجة ، حصل حاجة ضايقتك لتضع سمية كفوفها على اذنيها وهى تصرخ : لأ . لأ . لأ ..لتبدأ فى الدوران حول نفسها بعدم اتزان لتقع فجأة على الارض غائبة عن الوعى بعد ان صرخت بأعلى صوتها.. سليم ماااات فى احدى المصحات النفسية الخاصة امام احد الابواب يقف يحيى وزينب فى حالة من الحزن والقلق وفى الجهه الخرى يجلس سليم على الارض مستندا بظهره للحائط وهو يدفن وجهه بين قدميه ليقف فجأة امام يحيى عندما استمعوا لصوت سمية صارخة باسم سليم ، ثم عاد الهدوء مرة اخرى ، وبعد بعض الوقت يفتح الباب شابا وسيما من عمر يحيى يرتدى زى الاطباء ليهرعوا اليه متسائلين يحيى : طمنى يامراد سمية حالتها ايه دلوقت مراد : مش عاوزكم تقلقوا ، احنا كنا متوقعين ده وعاوزينه عشان نقدر نخرجها من اللى هى فيه يحيى : طب انت شايف ان انهيارها ده طبيعى انه يبقى بالشكل ده مراد : يايحيى ، سمية كانت معيشة نفسها فى كدبة كبيرة ، كابوس مسيطر على عقلها الباطن ، واحنا دلوقتى دورنا اننا نحارب ده ونفوقها عشان ترجع من تانى لحياتها يحيى بأسى : هتتعب يامراد مراد : احيانا الوجع بيبقى اساس الشفا ، انا بس عاوزكم تصبروا عليها ومعاها ، ليتوجه بحديثه الى سليم : وانت بالذات دورك هيبقى كبير ، لو قدرت عليه ، سميه هترجع باسرع مما يكون سليم بتمنى : عاوز اشوفها يامراد ، ارجوك لينظر مراد الى يحيى الذى يبدو على وجهه الغضب ليوجه سليم امنيته الى يحيى : ارجوك يايحيى ، اسمحلى اشوفها ، انا خلاص عرفت واتأكدت ان ماحدش بيحبها زيك ، بس دى توأمى يايحيى ، ارجوك يحيى مندفعا : وانت ماكنتش تعرف انها توأمك غير النهاردة ، اقسم ان لولا مراد قال ان وجودك ضرورى لعلاجها ماكنت سمحتلك انك تشوفها طول مانا عايش مراتد : مش وقته الكلام ده يايحيى ، احنا كل اللى يهمنا دلوقتى سمية ، وزى مانت جوزها هو اخوها ليتوجه بنظره الى سليم : انا ممكن اسمحلك تدخللها دلوقتى ، هى تحت تأثير المخدر ، ممكن تدخللها بس هم عشر دقايق ياسليم مش اكتر لو سمحت . ليومئ سليم برأسه ويتجه الى غرفة سمية ليدلف الى الداخل مغلقا الباب ورائه والى اللقاء فى الفصل الخامس 5 لم يكن قلبى لها الفصل الخامس فى غرفة سمية يقف سليم بجوار فراشها وهى ممددة وغائبة عن الوعى من اثر المخدر ، يبكى فى صمت حذر عبراته كالشلال على وجنتيه ، ثم يقترب اكثر ليجلس بجوارها ويحتضن كف يدها المغروز بها المحاليل ، ليمسح دموعه ويبدأ فى الحديث اليها . سليم : سامحينى ياسمية ، سامحبنى ياقلبى ، انا مش عارف ازاى عملت اللى عملته ، بس صدقينى كنت غبى ، ماكنتش فاهم ، ولا كنت اعرف ، ورحمة ماما ماكنت اعرف ياسمية ، انا عارف انه مش عذر وعارف ان انا بالذات كان لازم اصدقك واتكلم معاكى ، بس العنجهية خدتنى وعمتنى ، انا معترف انى كنت غبى واعمى ، مابصتش فى عيونك ، انا متأكد ان لو كنت بصيت فى عنيكى ماكانش ده كله حصل ، سامحينى يا حتة من قلبى ، ااانا ....ااانا هستناكى با سمسمتى ، هستناكى فى بيتنا ياسمية ، رغم انى مش عارف ان كنت هقدر ادخله من غيرك واللا لا ، بس هحاول عشان خاطرك انتى بس ، ارجعيلنا بسرعة ياسمية ، انا مش هستحمل بعدك وانتى كده ، انا مش قوى زى مانتى فاكرة . لينكب على راسها ويدها يمطرهم بالقبلات ويغرقهم بدموعه ، ثم ينتبه باحدهم و قد فتح باب الغرفة ليلتفت ليجده يحيى يحيى بجفاء: كفاية كده ليومئ سليم برأسه ثم يتجه للخارج ولكنه يتوقف امام يحيى ويحاول الحديث معه، ولكنه يجد مراد يقوم بجذبه من يديه للخارج وهو يقول له : مش دلوقتى ياسليم ، امشى انت دلوقتى وسيب كل شئ بأوانه ليومئ برأسه وينصرف الى الخارج ، ثم ينظر يحيى الى مراد متسائلا : هى قدامها قد ايه على ماتفوق ؟ مراد : مش قبل ٦ ساعات يحيى : كويس انا هفضل معاها لحد قبل ماتفوق وبعدين همشى مراد : وبعدين بقى ، روح يايحيى وشوف وراك ايه واستريح شوية يحيى بحزم : هفضل معاها لقبل ماتفوق يامراد مراد : امرى لله ، اتفضل ليدلف يحيى للداخل ويغلق الباب ليخرج مخزون حار من نفسه ، ثم يذهب الى فراشها ليستلقى بجانبها وهو يأخذها بين ذراعيه بقوة وهو يشتم رائحة عنقها وشعرها ويقبل عنقها مرارا ومرارا ثم يرتفع بوجهه ليلتهم ملامحها بعينيه ثم يميل ليأخذ شفتيها مرة بعد مرة بعد مرات كائه فى الصحراء بلا ماء او زاد ثم يعثر على كنزه الغالى متمثلا فى نبع ماء صافى فيظل يرتوى منه ولا يشبع ، ولا يدرى الى متى ظل هكذا ليتفاجئ بدقات على الباب وبدخول مراد ينبهه إلى اقتراب استيقاظها ، ليعلم انه ظل على وضعه هذا مايقرب من اكثر من خمس ساعات متواصلة لم يكل ولم يمل وايضا لم يرتوى ليتركها مرغما وهو يدعو الله ان تعود الى احضانه سريعا ولكن وهى تعى لما يدور حولها من احداث ومستجدات على حياتهم سويا فى منزل يحيى يدخل الى المنزل ليجد فريدة تجلس بصحبة آدم يشاهدون التلفاز ، وما ان شعر به آدم حتى ركض مسرعا الى احضانه وهو يردد فى سعادة : بابا جهه يا تيتا ليلتقطه يحيى بين احضانه ويقبله : حبيبى وحشتنى ، عامل ايه ؟ اوعى تكون مزعل تيتا آدم : انا مازعلتهاش ، هى اللى زعلتنى يحيى : ازاى بقى هى اللى زعلتك ، هى فريدة العسل دى بتزعل حد قالها وهو يميل على راس امه ويقبلها قائلا : ازيك ياماما فريدة : اهلا ياحبيبى ، حمدلله ع السلامة يحيى : الله يسلمك ياحبيبتى ، ماله الاستاذ آدم آدم بامتعاض : تيتا مارضيتش تخلينى اروح مع خالو سليم ليظهر الغضب على وجه يحيى : هو سليم كان هنا ليشعر آدم بالخوف : ااه خالو جه ويعرف مكان ماما و كنت عاوزه يودينى عندها بس تيتا مارضيتش لتقول فريدة مسرعة ؛ الموضوع مش كده يايحيى ، آدم مش فاهم ، انا هفهمك بعدين آدم : انا عاوز ماما يا بابا ، انا سمعت خالو وهو بيقول انها تعبانة ، انا عاوز اروح عندها وقبل ان يصب يحيى غضبه على ما حدث تفاجأ بفريدة وهى تنخرط فى البكاء فريدة : كان مستخبيلنا فين ده كله بس ياربى ..... يارب نجيهم يارب ،يارب دول غلابة مالهمش ذنب فى حاجة ليضمها يحيى الى صدره : وبعدين ياماما ده بدل مانتى اللى تصبرينى فريدة بدموع: سليم صعب عليا اوى لما جانى النهاردة يايحيى ، حسيت انه ممكن يعمل حاجة فى روحه لو ماسامحناهوش . ليلتفت يحيى الى آدم الذى يشاهد مايحدث دون ان يفهم شيئا فيقول له : بقولك ايه يا آدم ، روح ياحبيبى اتفرج على التليفزيون فى اوضتك عشان عاوز اتكلم مع تيتا ومش عاوز دوشة وكأن آدم قد فهم تحذير والده له لينظر اليه فى امتعاض ولكنه فى النهاية اضطر ان ينفذ الامر ليلتفت يحيى الى امه غاضبا : قلتيلى بقى ان سليم صعبان عليكى فريدة بلجلجة : اصلك ماشفتوش وهو مموت روحه من العياط وبيبوس ف ايدى ورجلى عشان اسامحه يحيى وهو يحاول كبت غضبه : ااه ....يقوم لما يعيطله ساعة واللا اتنين يقوم يمسح كل اللى عمله ، نقوم ننسى كل اللى حصل ، ياعينى اصل سليم عيط ، لا ازاى ! لازم طبعا نسامحه ونمسح كل اللى حصل منه باستيكة طب واللى حصل لاخته بسببه ، ايه ....بالساهل كده يتنسى ، وانا !!!!! انا ، عادى كده انى اسامحه بالسهولة دى فريدة بألم: يابنى انا ماقلتش كده ، انا بس مش عاوزاك تنسى ، ده سليم ، اخوك و ابنك قبل مايبقى ابن خالك يحيى غاضبا : ماهو عشان المفروض انه اخويا وابنى وجعه اكبر وجرحه مليان صديد وغرغرينا عشان اخويا و ابنى زى مابتقولى كان المفروض هو اللى يلم الجرح مايحطش عليه تراب وشطه لحد ما الجرح قيح ومابقاش عاوز يلم فريدة وهى تربت على كتفه : لما ولادنا بيغلطوا بنعاقبهم بس مابنحكمش عليهم بالنفى من حياتنا يايحيى ، وطول عمرك كنت بتتعامل مع سليم على انه ابنك ، ده انت اللى مربيه هو وسمية على اديك رغم ان فرق السن بينكم مش اكتر من ٧سنين ، كنت دايما بتحاميله وتغطى عليه لما يغلط عشان يونس مايعاقبوش يحيى بسخرية : وادينى اخدت جزائى فريدة : مش هقوللك غير ان سمية عمرها ماهترجع وانت وسليم بعاد عن بعض ، رغم الشرخ اللى حصل بينكم يايحيى ، عشان سمية تقدر ترجعلنا ، بكفاية توههه بقى يابنى انا تعبت ، نفسى نرجع نتلم من تانى زى زمان ، يونس وسلمى راحوا بصحيح ، بس احنا لسه فاضلين اهوه يحيى : حاضر يا امى ، ربنا يقدم اللى فيه الخير فريدة : انا قلتله يسيبك يوم واللا اتنين ويتكلم معاك ليومئى يحيى برأسه : حاضر يا امى ، حاضر وماهى الا ثوانى ليستمعوا الى دقات على باب المنزل ليتجه يحيى ليفتح الباب ليتفاجئ بسليم شعث الشعر والملابس وبعينين حمراء كالدماء ، وما ان رأى يحيى حتى ارتمى باحضانه وهو يبكى بانهيار مرددا : ماعرفتش يايحيى ، ماعرفتش اقعد فى البيت من غيركم ، ماقدرتش ، بينى وبينكم كام سلمة بس حاسس انى هموت من غيركم ، سامحنى بقى ، ارجوك ، وحياة سمية تسامحنى . كل هذا ويحيى يقف ثابتا فى مكانه بدون ان يصدر عنه اى رد فعل وعندما انتهى سليم من حديثه اذ بيحيى يرفع ذراعيه ليظن سليم انه يعطى له الاشارة بالدخول الى احضانه ، ولكنه يتفاجئ بيحيى يكيل له الضربات حتى وقع على الارض وهو مدرج فى دمائه والى اللقاء فى الفصل السادس 6 لم يكن قلبى لها الفصل السادس فريدة بصراخ : بقى كده يايحيى ، بقى هو ده الوعد اللى وعدتهولى ، هى دى حاضر اللى لسه قايلهالى لتجثو على الارض بجوار سليم الذى يمتلئ وجهه بالدماء ، ولكنه يحاول الاعتدال وهو يطمئن من روعها سليم : ماتقلقيش ياعمتى ، انا كويس ، وهو ينظر ليحيى الذى لولا صراخ امه لكاد ان ينقض عليه مرة اخرى ، : بس بشرة خير ….اااااه ليتفاجئ بيد يحيى تمتد اليه لترفعه من على الارض بعنف ثم يدفعه بعيدا عنه لينحنى مرة اخرى ليجذب والدته من على الارض ولكن ببعض الهدوؤ ثم يلتفت بعيدا عنه ليتجه الى غرفته تاركا اياهم ليوقفه صوت سليم المازح : لأ … ماهو انا ماتحملتش ايد اهلك دى وهى بتغيرلى ديكور وشى عشان فى الاخر تسيبنى وتمشى ...لامؤاخذة ياعمتى .احياة عيالك تشوفيلى كيس تلج بسرعة وسندوتش جبنة وكوباية شاى لتنخرط فريدة فى الضحك والبكاء فى نفس الوقت وهى تقول له : عمرك ماهتتغير ابدا ياسليم ثم تقوم باحتضانه والربت على كتف يحيى فى ذات الوقت وتتركهم وتنصرف، ليلتفت يحيى الى سليم الذى عادت العبرات الى عينيه مرة اخرى سليم : انا عارف ان العلقة دى بداية السماح والعفو ، انا عارف انى غلطت فى حقك ، ومش غلطة بسيطة ، بس مانت عارف ان طول عمرى حمار وبتصرف وبعدين افكر ودايما لسانى سابق مخى يحيى : الكلام ده وانت عيل ، لكن ده انت بقيت راجل ومسئول عن بيت وزوجة سليم بتهكم : خلاص ، مابقتش لامسئول ولا نيلة ليزوى يحيى بين حاجبيه ويقول بتهكم : ليه ، مش دى السنيورة اللى قومتك علينا كلنا ، مش هى دى اللى كنا عاوزين نحرمك منها ومن جنتها سليم وهو مطأطئ رأسه : تقدر تقول كده انى فهمت ورجعت لعقلى يحيى ببعض القلق والتساؤل : ايه اللى حصل سليم وهو لايستطيع رفع عينيه الى يحيى : طلقتها لما عرفت انها بتعمل عمليات مشبوهة فى عيادتها يحيى لصدمة : انت عاوز تقول انك ماكنتش مصدقنا لما قلنالك الكلام ده سليم بخجل : كنت متغمى يايحيى ، كنت بحبها ، ومصدقها يحيى بتهكم : طبعا تصدقها سليم باندفاع : ارجوك يايحيى ، اقسملك انى انجرحت زيكم بالظبط و يمكن اكتر كمان، كفاية اقولك انها خلت دكتور زميلها يعمللها اجهاض من ورايا يحيى بذهول : انت بتقول ايه ! امتى الكلام ده ! وازاى من غير ماتعرف سليم : انا عرفت بعد موضوع سمية بحوالى كام شهر ، لكن الللللل …. العملية كانت من قبلها بشهر يحيى باحباط : انا الصراحة مش عارف اقوللك ايه سليم : قولى انك هتنسى ، وهتسامحنى ، صدقنى يايحيى انا اكتشفت ان بعدنا عن بعض هو اللى بوظ حياتنا كلنا يحيى بغضب : وهو مين اللى بعد وفركشنا كلنا ، مين اللى …. سليم بضعف: انا ..انا يا يحيى ، انا اللى بعدت ، وانا اللى فركشتكم ، بس احنا بنى ادمين يا اخى ، ماحناش معصومين من الخطأ ، انا مش قادر اعيش من غيركم يحيى بحزن : سمية قدرت سليم : لا ، ماقدرتش ، سمية اقنعت نفسها اننا كلنا موتنا ، عشان تقنع روحها انها لازم تكمل يحيى ببعض التيه: طب وانا ، انا مش قادر ومش عارف سليم بابتسامة حب : اخر حاجة كان ممكن اتوقع انها تحصل ، انك تحب سمية ، ومش اى حب ، ده حب لدرجة العشق ، كنت كل اما ابصلك انت وسلمى ، كنت بحس ان فى حاجة مش مفهومة ، بس عمر عقلى ماودانى للحقيقة ، جوازكم اللى جهه فى ايام خلانى مفكر انكم مش قادرين تبعدوا عن بعض من كتر حبكم وكبره ، وبصراحة عمرك ماعاملتها قدامنا بطريقة تخلينا نشك فى حاجة ، حتى آدم اما اتولد …. يخيى بغضب : سليم ، راعى انت فين وبتقول ايه ، ولو سمحت مش عاوز اى كلام فى الموضوع ده تانى ، انا عمر ماهسمح ان حد يكسر ابنى بنص كلمة ، فاهم ياسليم ليومئ سليم رأسه وهو يقول : يونس طول عمره كان بيقول انك ابنه البكرى وانك الوتد بتاعنا اللى لازم كلنا نتمسك بيك يحيى : الوتد دلوقتى عاوز ينام ويرتاح ، من بدرى لازم اروح لسمية سليم : هاجى معاك ، صح ؟ يحيى وهو يأخذ شهيقا عميقا ويخرجه بصبر : ماشى ياسليم ليقترب سليم ويحتضنه ويربت يحيى على ظهره فى اسى وهو يتذكر سمية ويدعو الله ان يعيدها الى احضانه من جديد . لتاتى فريده تحمل صينية عليها طعام وقطع ثلج ملفوفة بقطعة نسيج سليم ضاحكا : ده انا قلت عمتى دخلت نامت ودلقتنى فريدة بحنان: انا قلت اسيبكم تتصافو ، وبعدين اقعدوا كلوا ياللا ، يحيى كمان ماداقش الاكل النهاردة يحيى : ربنا يخليكى لينا يا ماما ومايحرمناش منك ابدا ليعلو صوت هاتف يحيى ويجد ان مراد هو المتصل يحيى : مراد ! طمننى ، سمية حصللها حاجة مراد : وعليكم السلام والرحمة يحيى : اخلص يامراد ، انا اعصابى على شعرة مراد : انا قلت اطمنك يحيى وهو ينظر لسليم : خير ! مراد : سمية فاقت وعرفتنى و سألت عليك يحيى باستفهام : عرفتك ازاى ؟! مش فاهم مراد : سمية نظرها رجع يا يحيى ، واول ماشافتنى سألت عليك يحيى : انت بتتكلم جد !!!!، انا جايلك حالا فى غرفة سمية تجلس امام النافذة فى هدوؤ شديد تكاد تكون منفصلة عن الواقع ، لولا ان لاحظ يحيى عند دخوله ارتجافة بسيطة عند زاوية عينيها ، عادتها التى يحفظها عنها عند اضطرابها يحيى بخفوت : سمية …. لتقف وهى تطأطئ راسها ، يشعر بوجلها ، واضطراب اصابعها وهى تحاول التشابك ببعضهم البعض ، ولكنها تفشل فشلا ذريعا ، ليتقدم منها يحيى ويلتقط اصابعها باصابعه ويشبكهم معا يحيى : صوابعك عارفة ان مكانهم فى حضن صوابعى انا …. وعشان كده رفضت تحضن غيرهم حتى لو كان اخواتهم ……. بصيلى ياسمية ….قهوة عينيكى وحشونى ، انا عنيا ماوحشوكيش ……. سمية ليتفاجئ بسمية تندفع بين احضانه وهى تبكى بهستيريا : ماصدقنيش يايحيى قاللى كلام وحش اوى اوى ….. ماحاولش يسمعنى …..مش هقدر يايحيى مش هقدر اكمل بعد كده ليقاطعها يحيى بالتهام شفتيها بشوق وغضب ثم يترك شفتيها ليجذبها من كتفيها وهو يقول لها بحزم : مش هسمحلك ياسمية ، مش هسمحلك تقدمى حبنا قربان ، مش هسمحلك اننا نبقى الضحية وبمزاجنا كمان ، مش هسمحلك تقتلينى تانى ، انا بحبك ، ايوة …. بحبك ، وعمرى ماحبيت غيرك ، ولولا ذكرى سلمى كنت اعلنت الكلام ده للدنيا كلها ، لكن مش هسمح لاى مخلوق انه يفرق بينى وبينك ... حتى لو انتى ، فاهمة ياسمية ؟ فاهمة كانت سمية تتنقل بعينيها بين عينيه طوال حديثه ودموعها تجرى على وجنتيها دون توقف ، عندما ظنت ان يحيى قد فرغ من حديثه ، وجدته يكمل : انا مضطر انى اوافق انى اسيبك هنا فترة ، ده لان مراد قاللى ان ده لمصلحتك عشان علاجك ، وكمان قاللى انى مش هقدر اجيلك لحد ماهو يسمحلى بده ، يعنى انتى اللى تقدرى دلوقتى تموتينى اوتحيينى ،انتى اللى تقدرى تقولى هنرجع للدنيا من تانى امتى ثم يقبلها قباة عميقة على جبينها ويتركها ويتجه للباب ، ثم يلتفت اليها مرة اخرى قائلا : كلنا مستنيينك ياسمية ، فريدة…. وآدم ….. وانا …..و وو سليم والى اللقاء فى الفصل السابع 7 لم يكن قلبى لها الفصل السابع فى غرفة سمية صباحا تجلس سمية امام اشعة الشمس الدافئة بهدوء ، لتسمع طرقا على الباب ثم دلوف مراد . مراد : صباح الخير ع الحلوين سمية : صباح الخير يا آبية مراد : ها ، طمنينى عليكى ، اخبارك ايه النهاردة سمية : الحمدلله ، احسن مراد : اسمعى ياسمية ، انتى اه الحمدلله رجعتى تشوفى ، و اه كمان رجعتى للواقع ، لكن لسه ماقدرش اقول انك خفيتى ١٠٠٪ ، انتى محتاجة انك تخرحى كل اللى جواكى ، تحكى ، كل حاجة ياسمية ، اللى حصل ، واللى حسيتيه ، واللى فهمتيه ، كل حاجة …. كل حاجة ياسمية ،، لو تحبى انى اخلى حد من الزملاء هو اللى يكمل معاكى انا ماعنديش مانع ، ومش هزعل صدقينى ، ولو موافقة انى اكمل معاكى ..ثقى تماما ان اى حرف هيتقال مابينا ماحدش هيعرفه غيرى انا وانتى …. ها ياسمية قلتى ايه ؟ ومن غير كسوف سمية : عمرى ما كنت بنكسف منك ولا من يح…. آبيه يحيى لينظر لها مراد بتمعن ، مراد : يعنى !!!!! سمية : يعنى عاوزاك انت تكمل معايا الجلسات مراد : طب تحبى تبتدى منين سمية : من الاول خالص من ايام ماكنا كلنا سوا وكنا لسه صفحة بيضا ما انخطش عليها نقطة حبر واحدة مراد : سامعك ومعاكى سمية : من ساعة مافتحت عينيا ع الدنيا وعرفت ان امى ماتت وهى بتولدنا انا وسليم وكانت عمتو فريدة هى اللى بتراعينا وكانت عايشة معانا بعد ماجوزها سابها هى وآبية يحيى وماحدش يعرف ان كان عايش واللا ميت ، كان بابا بيعتبر آبية يحيى ابنه البكرى اللى ماخلفهوش ، كان دايما يقولله انت الوتد بتاعنا ، كان فى عمر سلمى اختى الكبيرة ، كانوا اكبر مننا انا وسليم بسبع سنين ، سلمى كانت بتحبنا اوى ، وكانت دايما تقوللى لو حنيتى لكلمة ماما انا موجودة قوليهالى ، كنت اضحك عليها واقوللها طب وانتى مامتك مين ، تقوللى فريدة مامتى ، كنا كلنا مبسوطين ، عايشين فى بيت جدى ، كنا الاول عايشين كلنا فى نفس الشقة رغم ان البيت دورين وكبير ، لكن كنا كلنا عايشين فى نفس الشقة ، لكن اما كان عندى عشر سنين ، عمتو قالت البنات كبروا ومحتاجين ياخدوا راحتهم ، طلعت انا وسلمى وعمتوا الدور التانى ، وفضل بابا وسليم وآبية يحيى فى الشقة اللى تحت كنا كلنا بنتجمع مع بعض معظم اليوم ، ونتفرق على النوم ، سلمى وآبية يحيى دخلوا طب ، سلمى اتخصصت اطفال ، وآبية يحيى جراحة ، وسليم كمان دخل طب وكان مصمم انه يتخصص جراحة زى آبية يحيى ، كان دايما بيعتبره مثله الاعلى اما انا بقى كنت عاوزة صيدلة عشان ابقى زى بابا وفعلا اتخرجت من صيدلة وبابا كاتبلى صيدلية شبرا باسمى هدية تخرجى واحتفظ هو بالصيدليتين التانيين رغم انه كان بيتابع معايا ، لكن بعد فترة صغيرة اعتمدت على نفسى تماما كل حاجة كانت ماشية طبيعى لحد ماسلمى جالها تكليف فى اسكندرية ، كانت بتروح تقعد هناك وتنزل على الويك اند ، فضلت كده فترة لحد مافجأة مابقتش تنزل ، وبقى آبية يحيى هو اللى يروحلها لوحده او مع بابا، وفجأة آبية يحيى راح لها مع بابا وعمتو ورجعوا قالوا انهم حددوا فرح سلمى وآبية يحيى ، كلنا استغربنا واتفاجئنا ، اه كلنا عارفين ان سلمى وآبية يحيى اصحاب جدا ، بس عمرنا ماتخيلنا انهم يتجوزوا وقتها بابا كان دايما ساكت ومهموم بس كنت كل اما اسأله يقوللى مش قادر اصدق ان سلمى كبرت وهتسيبنى كنت متوقعة انهم هيعيشوا معانا فى نفس البيت ، لكن كانت المفاجأة التانية انهم هيسكنوا برة وقتها لما سالت بابا ماكانش بيجاوبنى ، بس عمتو فريدة قالتلى عشان يبقوا براحتهم ، وان من حقهم انهم يعتمدوا على نفسهم ويشوفوا حياتهم كنت بحس انى متضايقة انهم هيبعدوا عنى ، كنت بحس بالوحدة وسلمى فى اسكندرية ، ازاى دلوقتى هم الاتنين هيبعدوا عنى ، وخصوصا ان رغم فرق السن اللى بينى وبين آبية يحيى … الا انى كنت متعلقة بيه اوى ، فكنت متضايقة انهم هيبعدوا عنى ، وفى يوم سألت آبية يحيى : ليه فجأة كدة قرر انه يتجوز سلمى وبالسرعة دى ؟ سلمى كانت قاعدة ساعتها ، لقيت آبية يحيى بصلى بصة ماقدرتش افهم منها غير ان فى حاجة واجعاه اوى ، لكن لقيته قام واخد سلمى فى حضنه ، وقاللى الحب ياسمية ، بكرة تجربى وتعرفى ، وقتها سلمى انهارت من العياط وطلعت تجرى على الشقة التانية ولما حاولت اروح وراها آبية يحية مسكنى وقاللى سيبيها شوية ، اصلها افتكرت مامتك الله يرحمها واتجوزوا وبعدها بسبع شهور بالظبط جه آدم ، كلنا فرحنا بيه وخصوصا انا ، لولا ان سلمى كانت بترضعه ماكنش عرفها ، هههههههههه كان دايما فى حضنى ومعظم الايام سلمى كانت بتبقى تعبانة اوى فكانت بتبات عندنا عشان كان آدم دايما بيبقى هادى معايا لحد فى يوم كانوا بايتين عندنا وكان المفروض ان سلمى عندها مشوار مع بابا ، ماكنتش اعرف ايه هو المشوار ده وهم ماكانوش عاوزين يقولوا ، لكن بابا قاللى انهم هيوصلونى الاول فى سكتهم لتسكت سمية وهى تتنفس بصعوبة وتنخرط فى البكاء مراد : خلاص ياسمية ، كفاية كده النهاردة ، ممكن نكمل بكرة ان شاء الله ، عاوزك دلوقتى تهدى خالص ….اتفقنا ؟ لتومئ سمية برأسها ايجابا ليتركها مراد ويتجه الى الخارج ليجد يحيى يجلس بالخارج مراد : هو انت ماوراكش شغل ولا وراك حاجة تعمللها ، ده انت جراح ، ماينفعش اللى انت بتعمله ده يا يحيى ، اسمك يابنى اللى بنيته السنين اللى فاتت يحيى : انا لسه جاى من المستشفى وكان عندى عملية ، وعندى عملية تانية كمان ٣ ساعات ، بس قلت ااجى اتطمن على سمية مراد : اتطمن ، ابتدينا الجلسات ، هتبقى بخير ان شاء الله ، صدقنى واستبشر خير يحيى : هترجعلى يامراد مراد : ان شاء الله خير ، انت عارف الحاجات دى مالهاش قاعدة ، بس انا متفائل خير ، ياللا اتكل على الله بقى انا عندى شغل ، واللا انتو صدقتوا انى اتنازلتلكم عن المصحة . ليبتسم يحيى ويتجه للخارج وهو يقول : لو سمية مارجعتليش هخليك تتنازل عن شعر دقنك وحاجات تانية معاها ليضحك مراد قائلا : طب ولو العكس مافيش مكافأة ليستدير يحيى برأسه قائلا : هسيبك حتة واحدة على بعضك ، هو فى مكافأة اكتر من كده والى اللقاء فى الفصل الثامن 8 لم يكن قلبى لها الفصل الثامن فى غرفة سمية صباحا مراد : ها ياسمية ، وقفنا لحد فين سمية : كان آدم عمره تقريبا سنة ، وخلال السنة دى كانت سلمى قاعدة معانا فى شقتنا انا وعمتو ، وآبية يحيى قاعد مع بابا وسليم بحجة ان آدم بيرتاح معايا وكمان سلمى تعبانة وانها هى وآدم محتاجين رعاية عمتو وفى بوم الصبح فلاش باك يجلس يونس على مائدة الطعام وبجواره سمية وسلمى وفريدة ويجلس يحيى يداعب آدم سمية ببعض المرح: يعنى انتم رايحين فين فى الخباثة كده ومش عاوزين تقولولى ، ايه عاملينلى مفاجأة ! وجايبينلى عريس ،! اعترفوا قالتها وهى تغمز بعينيها لابيها الذى ابتسم على مرحها وقال : لا وانتى الصادقة جايبين عروسة لسليم ، بس مش هنوريهالك غير بعد كتب الكتاب ليتجهم وجه سمية وتقول ببعض الغضب : انتو بتتكلموا جد واللى بس بتضايقونى يحيى وهو يتكلم ببعض الحيرة: انا نفسى افهم انتى مالك وماله ، يتجوز ، يطلق ، حاشرة روحك ليه ! هو انتى وصى عليه ! يابنتى اعقلى بقى ، سليم اخوكى مش جوزك ، ارحميه شوية ، مش كل مايحط عينه على واحدة تطلعيله فيها القطط الفاطسة سمية باندفاع: والنبى يا آبية الله لا يسيئك ماتلعب فى دماغه ، هو مبسوط ومااشتكاش ، ثم انا وسولى متفقين مانتجوزش الا برضانا الكامل المتبادل لشراكاء حياتنا يونس : حيلك حيلك ، رضا كامل ايه ومتبادل ايه اللى بتتكلمى عنهم دول ، انتى فكرك لو سليم حب بجد هيسمحلك تعملى اللى انتى بتعمليه ده ، ده ولا هيعبرك ساعتها وهيسيبك تعضى فى الارض ليخرح سليم من غرفته عند الجملة الاخيرة سليم : صباح الخير عليكم جميعا ، ثم يتجه لسمية ليقبلها من راسها قائلا بمرح : صباح بالقشطة والعسل عليكى لوحدك رغم انف العدا لتنخرط سمية فى الضحك بشماتة وهى تنظر للجميع : شكلكم شرابات الصراحة ، ياريت تطلعوا منها بقى يونس وهو يدعى الغضب : انتى بتتكلمى على مين بالظبط سمية وهى تحتضن يونس : لأ ، اوعى تفهمنى صح يا يونس ، بصراحة …… شكلكم بقى وحش اوى ، انا لو منك ….. يونس : ايوة بقى ، لو منى كنتى عملتى ايه سمية وهى تقبل آدم وفريدة وتلملم حاجياتها : اقوم اشوف اللى ورايا طبعا ، اليوم هيخلص ع الكلام واللا ايه ،وعلى فكرة برضة ماقولتوليش رايحين فين ، وانت يا آبية ، سايبهم كده ، لا ظابط ولا رابط ، مش مراتك دى ، لازم تعرف هى رايحة فين ومع مين وليه يحيى وهو ينظر لسمية بحنان اعتادت عليه فى نظراته لها : انا اساسا هاخد ابنى واروح عند امى بشنطة هدومى سمية : امك اللى قاعدة دى ؟ يحيى : ااه سمية : عندها اللى هو شقتنا اللى فوق دى يخيى : بالظبط سمية : انت هتنقل عندنا واللا ايه ؟ هى مش عمتو عاملة فصل قوات يحيى باحباط: سليم زودها اوى ياسمية وانا مش هسكتله بعد كده سمية بخبث : سليم براحته على فكرة يحيى : طب ماتاخديه ينام جنبك سمية بغضب : لأ ، كله الا كده سليم : بقى كده ؟ مااااشى ، انا هنام مع يونس يونس بسخرية : لا ياحبيبى ، يفتح الله ، ابنى وحبيبى اه ، تنام جنبى. …... ولا اعرفك يحيى : قلتلك نص ساعة وماتحوجش نفسك للاهانة دى سليم : هفكر سمية : بجد ياسولى ، فكر بجدية شوية ، الجيران قربوا يشتكوا من صوتك وانت نايم سليم : ياسلام ، عاوزين تفهمونى ان ماحدش بيشخر وهو نايم غيرى ، ماتلات تربع الرجالة بيشخروا وهم نايمين يحيى : هناك فرق ياحبيبى ، انت الايقاع بتاعك اوبرالى حبتين تلاتة سمية : ماتيلا بقى يايونس اتاخرت يونس : ياللا بينا ليتجه يونس وسلمى وسمية معا الى سيارة يونس ، ويتجه يحيى وسليم كل الى عمله وفى سيارة يونس تجلس سلمى بجوار ابيها وهى صامتة كعادتها منذ فترة طويلة ، فهى قلما تشاركهم حوارا او مجلسا الا اثناء الطعام ، ودائما ماتتحجج بالاجهاد ، حتى انها قدمت على اجازة بدون راتب من عملها ، ولكنها غالبا ماتغلق على نفسها ولا تتحدث مع احد الا للضرورة ، ويجلس يونس امام عجلة القيادة ايضا بصمت تتلبسه حالة من الشرود التى تلازمه من شهور طويلة ، الا من بعض المرات التى تحاول سمية اخراجه منها ليندمج معها فى الحوار ثم سرعان مايعود لصومعته مرة اخرى ، لتنقل سمية نظرها بينهم لتجد سلمى قد وجهت نظرها الى الطريق من خلال النافذة فى صمت وشرود وابيها على القيادة بنفس الصمت والشرود ، لتهز رأسها ذات اليمين واليسار ، ثم تخرج هاتفها لتضع سماعات الاذن وتشغل احدى الاغانى لتندمج معها وهى تشاهد المحال والشوارع لتتفاجئ بصوت المكابح الشديدة وانقلاب السيارة ثم غمامة سوداء حالكة لا تعى بعدها شيئا وفى غرفة باحدى المستشفيات تفتح سمية عينيها لتجد امامها يحيى وسليم كل منهما يجلس على مقعد ، مشعثين المظهر ويبدو عليهم الحزن الشديد ، لتحاول الاعتدال وهى تنادى على سليم ، لتتفاجئ بقدمها وذراعها معلقين بالحامل ورأسها ملفوف بالاربطة ، وعند سماعهم لصوتها ينتفضوا من مكانهم وهم ينطقون باسمها سليم ببكاء : سمية ، حبيبتى حمدلله على سلامتك ، كنت هموت من القلق عليكى سمية : ايه اللى حصل ، فين بابا وسلمى ، العربية اتقلبت ، بابا وسلمى فين ؟ حصللهم حاجة ؟! لينظر سليم الى يحيى بأسى ثم ينظر الى سمية صامتا لتنظر سمية الى يحيى بتساؤل : ايه اللى حصل يا آبية ! فين بابا وسلمى يحيى وعيونه تمتلئ بالدموع : ربنا استرد وديعته ياسمية ، انا لله وانا اليه راجعون سمية بصدمة : مين ! مين يا ابيه ! مين اللى مات ، بابا واللا سلمى سليم ببكاء ونشيج : الاتنين ياسمية ، الاتنين راحوا ، مافضلش غيرنا ، مافضلش غيرنا ياسمية لتصمت سمية ولا يبدوعليها اى مظهر من مظاهر الحياة سوى دموعها التى تهبط من عينيها بغزارة والتى بقيت على نفس حالتها لاكثر من عشرة ايام دون ان تتحدث مع اى منهم فى غرفة مراد يحيى : وبعدين يامراد ، انا خايف عليها اوى ، اللى هى فيه ده مايطمنش ابدا سليم : ايه ، هتروح هى كمان ، سمية هتروح يامراد مراد : اهدوا شوية ، هى بس الصدمة شديدة شوية ، بس انا شايف ان لو طنط فريدة جابتلها آدم يمكن تفوق وترجع من الصدمة دى يحيى : مانت عارف ، ماما من يوم الحادثة وصحتها فى النازل ، ده لولا دادة زينب معاها، الله اعلم كانت هتبقى عاملة ازاى مراد : معلش ، اهى محاولة ، هاتهم معاك بكرة الصبح ، ونشوف رد فعلها هيبقى عامل ازاى فى صبيحة اليوم التالى تدخل فريدة وهى تحمل آدم الى غرفة سمية ، وما ان رآها آدم حتى ان بدأ فى النداء عليها : مية ، مية ، ما ….ما لتلتفت سمية الى آدم الذى القى بنفسه عليها لتتلقفه فى احضانها وما هى الا ثوانى حتى انخرطت فى بكاء ونشيج هيستيرى وهى تنادى ابيها وسلمى وماهى الا بضعة ايام حتى كانت سمية قد استوعبت صدمتها وعادت الى المنزل تحت رعاية يحيى وسليم ومر مايقرب من الثلاث اعوام وبدأ الجميع فى التعايش مع الواقع وعادت سمية الى عملها بالصيدليه وكانت تترك آدم تحت رعاية فريدة وزينب وهى بعملها ، الا انها عند عودتها للمنزل تستلمه فعليا بمعنى الكلمة ، فكانت لا تتركه لحظة واحدة ، حتى انه تعود على مناداتها بماما ، فهو لا يعرف له اما سواها ، حتى جاء يوما غير كل العناوين الرئيسية لحياتهم ومساراتهم كانت سمية تجلس مع آدم كعادتها اليومية وهى تحاول تعليمه تناول الطعام بمفرده ، وكان يحيى وسليم لهم شأن اخر بغرفة يحيى يحيى : انا برضة مش فاهم انت عاوز ايه سليم : يايحيى افهمنى ارجوك ، انا لازم اسافر فى البعثة دى يحيى : طب ماتسافر ، انا برضة مش فاهم انت ايه مشكلتك سليم : مشكلتى سمية يحيى وهو يعض على نواجزه : ومالها سمية بسفرك ، انا مش فاهم سليم بحزن: ماينفعش اخودها معايا يحيى بغضب : وانت عاوز تاخدها معاك ليه ان شاء الله سليم : لان ماينفعش اسيبها لوحدها يحيى باستنكار : تسيبها لوحدها ازاى يعنى مش فاهم ، وانا روحت فين وعمتك وبيت ابوك ، كل ده راح فين سليم بتردد : الوضع اتغير ياسليم يحيى : وضع ايه اللى اتغير ، انت اتجننت ياسليم سليم بحزم : ايوة الوضغ اتغير ، ماينفعش اسافر واسيب سمية عايشة معاك فى نفس البيت الوضع مش صح والى اللقاء فى الفصل التاسع 9 لم يكن قلبى لها الفصل التاسع يحيى بتنمر : ايوة ! والمفروض بقى الحل يبقى ايه من وجهة نظر سعادتك ؟ سليم : سمية تروح تقعد مع دادة زينب فى شقة مصر الجديدة ، او …. او … يحيى : او انا آخد فريدة ونروح نقعد فى شقتى ، مش كده سليم ببعض الخجل : يايحيى افهمنى ، الوضع دلوقتى بقى …… يجيى بغضب شديد : وضع ايه ونيلة ايه اللى انت جاى تتكلم عنهم النهاردة ، انت بتستهبل ، مين اللى ملى دماغك بالكلام الفارغ ده ؟ ها ؟ انطق ؟ سليم بصوت عالى : انا مش عيل يايحيى عشان حد يلعب بدماغى ، انا بتكلم بالاصول يحيى بغضب اكبر : وانت بقى اللى هتعلمنى الاصول على اخر الزمن ياسى سليم لتدخل فريدة مذعورة على صوت شجارهم العالى فريدة بخوف : فى ايه ؟ ايه اللى حصل يااولاد ؟ انتو بتتخانقوا واللا ايه ! يحيى بسخرية : لا ابدا يافريدة ، بس الاستاذ سليم بيدينى حصة فى الاصول سليم بغضب مكبوت ؛ وبعدهالك يايحيى ، انا مش عيل صغير يا اخى ، وبعدين سمية دى اختى التوأم ، ولو ماخفتش عليها وعلى سمعتها مين اللى هيخاف عليها يحيى : انت غبى ؟ وانت بقى لما تروح تعيش لوحدها هتبقى متطمن عليها ،! هو المهم بس كلام الناس لانى موجود ، لكن امانها وحمايتها فى نظرك مالهاش لزوم فريدة بغضب : ماتفهمونى فى ايه ؟ انتو خلاص مابقالكومش كبير ليحكى لها يحيى ماقاله سليم ، ليتحول وجه فريدة الى الشحوب الشديد لترتمى جالسة على احد المقاعد وهى تضع يدها على صدرها فريدة بذهول: بقى دى اخرتها ياسليم يحيى بخوف : مالك ياماما ! فيكى ايه ؟ طمنينى عليكى حاسة باية ،؟ فريدة بحزن شديد : حاسة ان عمرى ضاع هدر مع ابن يونس سايم ببعض الوجل : ارجوكى ياعمتى افهمينى ، ده انا قلت ان انتى اول واحدة هتوافقينى على كلامى ده فريدة : اوافقك انى اتحرم من عيالى ، ماهو ياانحرم من سمية ، يانحرم من يحيى ، مش هو ده اللى انت عاوزه ، ده كلام سهيلة مش كده ؟ سليم بغضب : لوسمحتى ياعمتى بلاش تدخلى سهيلة فى مواضيع بعيدة عنها يحيى بسخرية : لأ ، ماهو واضح ، الدكتورة ماقدرتش علبنا واحنا سوا فقالت تفرقنا يمكن تقدر سليم بغضب مكبوت: يحيى انا ماسمحلكش ، سهيلة دى هتبقى مراتى يحيى بعبوث : والكلام ده كنت ناوى تبلغهولنا امتى ؟ واللا كنت هتبعتلنا كارت الفرح زى الغرب سليم بخفوت : انتو مش موافقين عليها ، ودى حياتى لوحدى يحيى : يابنى بعد كل اللى قلتهولك عن سمعتها المهنية وعملياتها المشبوهة و سليم بغضب : كفاية يايحيى ، كفاية ، انا ماسمحلكش فريدة بحزم : وسمية مش هتخرج من حضنى ولا هتبعد عنى يحيى هيتجوز سمية سليم بصدمة : ايه !!!! انتى بتفولى ايه ياعمتى ، ازاى الكلام ده ، سمية ويحيى ! طب ازاى ؟ يحيى بلمعة فى عينيه وقال بسرعة وهو يلهث وكأنه كان فى سباق للعدو ويريد ان يدرك خط النهاية مهما كانت النتيجة : مانت خلاص كده مش هيبقى لك حجة ، سمية هتبقى عايشة فى بيت جوزها سليم : انت ناسى فرق السن اللى بينكم يحيى : فرق سن ايه اللى بتتكلم عليه ، انت ناسى انه نفس الفرق اللى بينى وبينك ، دول هم سبع سنين سليم : دى مابتقللكش غير يا آبية يحيى : ده عشان تربية يونس وفريدة تمروا فيها سليم باستغراب : ده انت الموضوع على هواك بقى ، ايه ! نسيت سلمى بسرعة كده ، نسيت لهفتك على جوازك منها . ليحنى يحيى رأسه بصمت ولكن تنهض فريدة بغضب قائلة : الحى ابقى من الميت ، سلمى عمرها ماهترجع تانى من قبرها ، عمرنا ماهننساها لا هى ولا يونس ابدا ، لكن برضة عمرى ماهفرط فى سمية ولا فى امانة يونس سليم : وهى بقى سمية مالهاش رأى ، انا قلت اللى عندى ، سمية هتروح شقة مصر الجديدة على ما ارجع انا وسهيلة من السفر وهتعيش معايا ، سمية عمرها ماهتوافق ابدا على اللى انتو عاوزينه ده بس انا موافقة ليتفاجئوا بسمية التى تقف على باب الغرفة والتى يبدوا انها كذلك من فترة ليست بالقليلة ليبتسم يحيى ابتسامة واسعة تملأ عينيه قبل شفتيه ،مع سعادة فريدة ودهشة سليم سليم بدهشة غاضبة : موافقة على ايه ؟ ع الهبل ده ، موافقة انك تاخدى مكان سلمى ، انتى اتجننتى سمية بجمود : انت اخترت حياتك من غير اى اعتبار لرأى حد فينا ، ثم انت كل اللى يهمك الوضع الاجتماعى ، وخلاص …..عمتو حلتلك المشكلة باقتراحها ده سليم بصدمة: انتى بتردهالى ياسمية ! دى حياتك ومستقبلك ، انتى ازاى تفكرى كده لتختفى الابتسامة من ع وجه يحيى ولكنه يظل جامدا فريدة : خلاص ياسليم: احنا هندى لسمية فرصة اسبوع تفكر براحتها وترد علينا سمية : انا قلت قرارى خلاص ياعمتى ومش هرجع فى كلامى تانى ، وماحدش هيفرق بينا ولا هيبعد آدم عن حضنى ابدا سليم بخفوت : تمام ياسمية ، دى حياتك وانتى حرة فيها ، بس اعملى حسابك كتب كتابكم خلال اسبوع ، لانى مسافر اخر الاسبوع اللى جاى ، ولازم يبقى فى المسجد عشان الاشهار ، واللا عاوزة فرح دلوقتى ؟! ، شوفى انتى عاوزة ايه وانا هعملهولك ليخرج يحيى عن صمته : انا هقعد مع سمية وهنتفق على كل حاجة ، على بكرة بالليل ان شاء الله هنبقى اتفقنا على كل التفاصيل وهنبلغك على طول ليخرج سليم مندفعا الى خارج الغرفة ثم الى خارج المنزل بالكامل ، لتندفع سمية باكية الى الشقة الاخرى لتحاول فريدة اللحاق بها ، ولكن يحيى يمنعها ويطلب منها ان تدعه هو يذهب اليها فريدة وهى تسيطر على عبراتها : انا بحاول اصلح اللى عملته فى حقك يايحيى ، اوعى تضيع الفرصة يحيى : المهم هى يا امى ، قلبها هى مش انا فريدة : انا متاكده ان لو جتلها الفرصة هتفهم ، انت بس ماتخبيش اللى جواك اكتر من كده يابنى ليربت يحيى على كتفيها ويقبل رأسها ، ثم يتجه الى سمية وهو لا يدرى كيف يبدأ معها طريقهم الذى تمناه من البداية ولكن كان للاقدار رأى اخر والى اللقاء فى الفصل العاشر 10 لم يكن قلبى لها الفصل العاشر دخل يحيى الى الشقة الاخرى ، فكان بابها مفتوحا ، فتجول بعينيه ، حيث انه لم يدخلها منذ زمن طويل ، وكان لا يعرف ايهم غرفة سمية ، ولكنه لمح ضوءا منبعثا من خلف احد الابواب وسمع صوت نشيج سمية وهى تبكى بحرقة ووجع ، فذهب الى باب الغرفة ودفعه ببطء ليجد سمية ترتمى على الفراش وتتخذ وضع الجنين فى بكائها ، فابتسم فى خفوت حيث تذكرها وهى طفلة عندما كانت تتخذ دائما نفس الوضعية عند غضبها او بكائها ، ومشى حتى سار عند فراشها وجلس بجوارها وهو يناديها برقة يحيى : سمية لتنتفض سمية جالسة وهى تمسح عبراتها وتحاول السيطرة على نشيجها : انا اسفة يا آبية يحيى بعبوس : آسفة على ايه بالظبط ياسمية سمية : انى ورطتك بجوازك منى بموافقتى قدام سليم يحيى بحذر : وياترى انتى شايفة انك ورطتينى واللا ورطتى روحك لترفع سمية رأسها بعدم فهم، ليكمل يحيى حواره بحنان : يعنى ، لو انتى مفكرة انك ورطتينى بموافقتك ، فده مش حقيقى بالمرة ، بالعكس ، بكرة الزمن هيثبتلك ان الكلام ده على العكس تماما وانى بتمناه من سنين طويلة، لكن لو شايفة ان انتى اللى اتورطتى ،…. يبقى فيها كلام تانى سمية بلجلجة : م ممم مش فاهمة ليتنهد يحيى قائلا : يعنى انتى يوم المنى يوم ماتوافقى على انك تربطى اسمك بيا ، لكن لو انتى حاسة انك اتسرعتى ، او انك كنتى مجرد بتردى القلم لسليم عشان موضوع سهيلة زى ماهو قال ، وانك ماتخيلتيش انه يقلب بجد ، صارحينى وماتخجليش منى انا معاكى مهما كان قرارك يحيى بخوف : سمية … انتى فى حد فى حياتك ؟ سمية : حد ! حد ازاى يعنى ؟ يحيى : يعنى معجبة بحد ، بتحبى حد ، صارحينى ياسمية سمية وهى تتورد خجلا : مانت عارف يا آبية ، عمرى ماكان ليا علاقة بحد يحيى مبتسما : انا ماقلتش انك على علاقة بحد ، انا بقول معجبة بحد سمية : عمرى مانجذبت لحد ، مانت عارف ، دايما كنت بتمنى حد زيك او زى يونس الله يرحمه ، لكن عمرى ماقابلت الشخصية دى يحيى بسعادة تملا عينيه : يبقى اتفقنا سمية : اتفقنا على ايه يحيى : اسمعى ياسمية ، يمكن ماجاتش فرصة انى اقوللك الكلام ده قبل كده ، لكن اهوه جات مناسبته ، انتى كنتى بتتمنى مواصفاتى فى شريك حياتك و ده انا عارفه من زمان لكن اللى انتى ماتعرفيهوش ، ان انا كمان كان عندى مواصفات لشريكة حياتى ، وطول عمرى كنت شايفك انتى قدامى بكل صفاتك وملامحك ، وكل حاجة فيكى ، من زمان اوى ياسمية ، اوى سمية باستغراب : من زمان ! ازاى ! طب وسلمى ؟! يحيى : اوعدك ان بعد كتب الكتاب هفهمك وهحكيلك على كل حاجة ، ممكن ياسمية ، ده لو انتى موافقة انك ترتبطى بيا سمية بتيه : طب ممكن تدينى فرصة لبكرة ، هعمل صلاة استخارة ، وهرد عليك اول ما اصحى من النوم . يحيى مبتسما : احلى قرار ممكن تاخديه دلوقتى ، ان شاء الله ربنا يكتبلنا اللى فيه الخير ، وانا كمان هنزل اعمل صلاة استخارة ، تصبحى على خير سمية : وانت من اهله ليتجه يحيى الى الباب ثم يلتفت اليها مرة اخرى قائلا : ممكن تقومى تصلى على طول وماتعيطيش تانى سمية وهى تنظر للارض : حاضر صباحا ، يجلس يحيى وفريدة وسليم على مائدة الطعام ، وكان يحيى يبدو عليه التوتر سليم : هى سمية مش هتفطر ولا هتروح الصيدلية واللا ايه وقبل ان تهم فريدة بالاجابة ، اذا بسمية تدخل عليهم سمية : صباح الخير ليرد عليها الجميع صباحها ، ولكن يحيى كان يثبت نظرته على عينيها وهو يحاول ان يستشف قرارها ولكنه لم يستطع بسبب تنكيسها لراسها عند الجلوس ، ولكنها تعاود رفع رأسها لتنظر الى سليم قائلة : عاوزاك تقعد مع عمتى ويحيى وتحددوا هتعملوا ايه ، انا عاوزة كتب الكتاب هنا فى البيت ، فى شقة يونس ياسليم ، مكان ماهعيش طول عمرى ، عمرى ماهسيب بيت يونس ابدا ، انا رايحة الصيدلية ولما ارجع ان شاء الله ابقوا بلغونى بالترتيبات لتنهض وتتركهم ذاهبة للخارج وسط حزن سليم وفرحة فريدة ، وسعادة بعيون يحيى لا تقدر بثمن حتى ان من يراه يعتقد ان عيناه تتراقص مع خطوات سمية وهى تتجه للخارج ومضت الايام سراعا حتى تم كل شئ وانتهى الحفل وذهب كل المدعوون الا سهيلة وسليم اللذان عقدا قرانهما هما الاخران مع يحيى وسمية ، ولكن سهيلة ارتدت رداء ابيض مما يعنى انه ايضا يوم زفافها ، على عكس سمية التى اهداها يحيى رداءا من الكشمير والتى اعتبرته سمية حزنا واحتراما لذكرى سلمى ، ولكنها لم تجد اهتماما بداخلها لهذا الامر . وقف سليم امام سمية وقام بتقبيل جبهتها قائلا : مبروك ياسمية ، بتمنى لك كل سعادة ، زى مابتمنى انك تكونى اخدتى القرار الصحيح اللى بنيتى عليه مستقبلك . لتدمع عينى سمية قائلة : ماتقلقش عليا ياسليم عمرك ماهتلاقى حد يحبنى ولا يخاف عليا قد يحيى ، ….. ااه ومبروك عليك انت كمان وبرضة بتمنالك نفس اللى اتمنتهولى قالتها وهى تنظر لسهيلة ببرود ، مما جعل سهيلة تتحرك باتجاههم ، وهى تدعى السعادة : مبروك ياسمية ، بتمنى لك السعادة من كل قلبى سليم : ياللا بينا ياسهيلة سهيلة حاضر ياحبيبى ، وادعت انها تقبل سمية مودعة اياها ، ولكنها همست لها ، ممكن تبقى تسألى يحيى ازاى سلمى كانت حامل من قبل فرحهم ، ثم ابتسمت بخبث وهى تتجه سريعا لتتأبط ذراع سليم ليتجهوا الى الخارج فى حين ان سمية كانت تقف مذهولة …… واجمة ….. غاضبة ….. لا تدرى كيف سمحت لها بالانصراف بعد ما قالته ، لتنظر الى يحيى فى تساؤل وهى عاقدة مابين حاجبيها ليتنهد يحيى بعمق ، وكأنه يعلم مابخته من سم فى أذن سمية ، ثم يمد يده الى سمية قائلا : تعالى ياسمية ، انا وعدتك انى هحكيلك على كل حاجة بعد كتب الكتاب وده حقك ، بس على شرط لتنظر له سمية فى تساؤل يحيى : الكلام اللى هقولهولك ده ماحدش يعرفه غيرى انا وفريدة ومراد ودعاء ، وطبعا سلمى ويونس الله يرحمهم ، والسر ده اندفن معاهم ، لكن انا هقولهولك لانى شايف ان ده من حقك بعد مابقيتى مراتى لتنظر سمية الى فريدة التى تجرى عبراتها على وجهها وهى تجلس محتضنة آدم الى صدرها لتقول لها : روحى معاه ياسمية واسمعيه يابنتى والى اللقاء فى الفصل الحادى عشر 11 لم يكن قلبى لها الفصل الحادى عشر يدخل يحيى الى غرفته وهو يسحب سمية من يديها ويغلق الباب ، ثم يتظر اليها ليجدها فى عالم آخر من الارتباك والتيه ، ليرفع وجهها بين يديه قائلا بنبرة رجولية خافتة : بصيلى ياسمية لترفع عينيها اليه وهى تكاد لا تشعر به وبما يقول ، وكل تفكيرها منصب على ما بثته سهيلة من سم فى اذنيها ، ليجد يحيى عينيها تملؤها الدموع ، ليقوم بمحوها بابهاميه فى حب وشفقة عليها مما ستسمعه ، ولكنه يعلم ان هذا هو السبيل الوحيد لأن تفتح له قلبها وبأن تسمح له بالدلوف الى حياتها يحيى : بتثقى فيا لتتنقل سمية بقهوتيها بين عينيه وهى تهز رأسها بالايجاب يحيى : يبقى تسمعينى بقلبك قبل عقلك وتترحمى على سلمى ويونس فى كل كلمة هقولهالك لتهز سمية رأسها مرة اخرى بالايجاب وهى تقول له : سمعاك يا آبية ليضحك يحيى بكل صوته قائلا: بداية لا تبشر بأى خير ، آبية ايه بس ياسمية ، فعلا الواد مراد كان عنده حق اما قاللى سمية هتحتاج جلسات علاج عشان تتخلص من كلمة آبية دى ، ويظهر انه هيكسب الرهان سمية بخجل : اعذرنى ، انا فعلا هحتاج وقت عشان اتعود انى اندهلك باسمك كده ليهز يحيى رأسه متفهما ويسحبها من يدها ليجلسها الى جواره على الفراش وهو يبدأ حديثه قائلا : طبعا انتى عارفة ان سلمى الله يرحمها كان شغلها ف اسكندرية وكانت بتنزللنا فى الاجازات ، لكن برضة اكيد فاكرة انها فى الفترة الاخيرة كنت انا اللى بسافرلها انا ويونس ، الفترة دى سلمى كانت فى المستشفى ، لتزوى سمية بين حاجبيها باستفهام ، ليكمل يحيى : ايوة سلمى اتفاجئت ان جالها نزيف شديد وماوقفش وابتدى الموضوع يتطور ، وبحكم انها دكتورة وفاهمة ، بعد الكشوفات والآشعات والذى منه اكتشفت ان عندها ورم على الرحم ، اتصدمت وانهارت ، وبحكم صداقتنا وعلاقتنا التؤمية اللى كلكم كنتم عارفينها كلمتنى وحكتلى وهى منهارة ، اخدت يونس وروحنالها ، سلمى وقتها صممت ان انتى وسليم ماتعرفوش ، ونفذنالها رغبتها ، حالتها شوية شوية كانت بتسوء وحالتها النفسيىة بالتالى كانت سيئة جدا وخصوصا لما عرفنا انها بالحل الجراحى مالهاش امل نهائى بعد كده فى الانجاب لانها لازم تستأصل الرحم تماما ، وان املها الوحيد انها تحمل قبل العملية طبعا مش محتاج اقوللك نفسيتها هى ويونس كانت عاملة ازاى ، وخصوصا بعد ما زياد اتخلى عنها ، وقبل ماتسألى مين زياد …. زياد يبقى الشخص الحقير اللى كانت سلمى مرتبطة بيه عاطفيا ، واول ماعرف بحالتها ، قاللها بكل قسوة انه مايقدرش يربط حياته بيها ، وانه بيتمنى لها الخير والسعادة ، يونس ماكانش فارق معاه غيرها هى وصحتها ، لكن هى كانت رافضة العملية تماما وقالتلنا لو هعيش ارض بور يبقى موتى من حياتى مايفرقوش . ليتنهد يحيى قائلا : وهنا جت فريدة حلالة العقد زى مابيقولوا واقترحت جوازى من سلمى اللى انا طبعا اتفاجئت بيه وانصدمت فى نفس الوقت و اللى سلمى رفضته بكل قوتها لاننا طول عمرنا اخوات وانها ماتقدرش تتحمل ذنبى وخصوصا وهى عارفة انها بتقضى على حياتى لانها كانت عارفة انى بحب انسانة تانية ونفسى ارتبط بيها ، رغم انها ماكانتش تعرف هى مين ، لكن انا وقتها قدام حالتها وحالة يونس ماقدرتش ارفض ، وكنت فعلا من جوايا عندى رغبة شديدة انى اقدم لها اى حاجة ممكن تساعدها حتى لو على حساب فلبى ، وفى الوقت ده جه اقتراح دعاء مراة مراد ، انتى عارفة انها صاحبة عمرها . دعاء اقترحت اقتراح ، الحقيقة لغاية النهاردة ماحدش عارف جابت الفكرة دى ازاى ولا منين ،وهى اننا نكتب الكتاب وسلمى تعمل عملية تخصيب صناعى ولما تولد وقت مانحب نبقى ننفصل ورغم صدمتنا من الفكرة الا انى اتفاجئت ان الفكرة جت على هوا سلمى ، ولقيت يونس كمان متشعبط ف الفكرة لما لقى ان سلمى اخيرا اتحمست لحاجة ممكن تخليها توافق على عملية الاستئصال بعد كده . بس سلمى طلبت اننا نكتب الكتاب ونعمل التلقيح فى اسكندرية ولما العملية تنجح نبقى نعمل فرحنا فى القاهرة ، وقتها قالتلى لو التلقيح مانفعش ، يبقى مش لازم ابوظلك حياتك ع الفاضى وفعلا اول ما اتاكدنا من الحمل، حصل اللى انتى عارفاه بعد كده ، ويوم الحادثة سلمى ويونس كانوا رايحين المستشفى عشان يحددوا معاد عملية الاستئصال ، هو ده المشوار السرى اللى كنتى كل شوية تسألى عنه وماكنتيش لاقياله اجابة هو ده اللى حصل بالحرف الواحد ، وربنا شاهد عليا وعلى كل كلمة قلتها ، انا عمرى ماحبيت سلمى اكتر من اخت وصديقة مقربة سمية وهى تبكى : الله يرحمها ، ليه خبت علينا ، ليه ماخلتناش نشاركها وجعها ، ليه اتوجعت لوحدها ، ليه يحيى : صدقينى ماكانتش لوحدها انا وفريدة ويونس كنا على طول معاها وجنبها سمية : وانت يحيى : انا ايه ؟ سمية : حبيبتك ….. سيبتها ….عرفت انك اتجوزت وسيبتوا بعض يحيى مبتسما : هى عرفت اننا اتجوزنا بس ماسيبناش بعض سمية بغضب : يعنى ايه مش فاهمة ، طب وسلمى يحيى ضاحكا : اصبرى بس ماتبقيش حيماقية كده ، اولا حبيبتى ياستى ماكانتش تعرف انى بحبها من اصله ، ثانيا ااه هى عرفت طبعا انى اتجوزت ، هى بالذات كان لازم تعرف سمية : اشمعنى يعنى يحيى : لان حبيبتى دى ….. تبقى انتى ياسمية ، انا عمرى ماحبيت غيرك ، من وانتى لسه عمرك عشر سنين وانتى ف قلبى من غير شريك ولا منازع ، وفريدة ويونس كانوا عارفين لترفع رأسها فى استنكار ، ليكمل : ايوة انا خاطبك من يونس من وانتى عندك خمستاشر سنة بس اتفقنا اننا مش هنفاتحك لغاية ماتتخرجى وتعتمدى على نفسك ، لكن للاسف وقت ماكان ده ابتدى يحصل كان ابتدى موضوع سلمى ، على قد حزن يونس على سلمى على قد احساسه بالذنب من ناحيتى ، لكن انا كنت ممثل هايل واقنعته ان حبى ليكى كان حب مراهقة وخلص وهو اقنع نفسه بالكلام ده رغم انه ماصدقهوش ، لكن وضع سلمى ماكانش يسمحلنا بغير كده سمية بعدم استيعاب : انت …. بتحبنى انا يحيى : وعمرى ماحبيت ولا هحب غيرك انتى اول فرحتى ياسمية ومصمم انى افرحها للاخر ، انا عارف انى انتهزت فرصة كلام سليم لمصلحتى ، لكن اوعدك انى عمرى ماهتخذك زوجة فعلية قبل مااعرف انى بقيت فى قلبك زى مانتى بقيتى فى قلبى ، وعشان كده احنا عملنا كتب كتاب بس واجلنا الفرح ساعتها هعملك فرح ماتعملش لحد قبلك ، وهجيبلك الفستان الابيض اللى كنتى دايما بتحلمى بيه وبتحكيلى عنه ، لكن …..لو قلبك ماختارنيش اتأكدى انى عمرى ماهفرض نفسى عليكى ، اوعدك ياسمية وختم حديثه بقبلة عميقة على مفرق شعرها ثم قال لها : هو صحيح احنا هنأجل جوازنا شوية لكن انا مش هتنازل عن اننا نصلى سوا ركعتين سنة الجواز وهحط ايدى على راسك وهدعى ربنا انه يجعلك ليا قرة عينى لحد اما اموت وبعد كده بقى ، يفعل الله امرا كان مفعولا ثم قال بنبرة ذكورية خافتة بس على الاقل هبقى عملت حاجة من الحاجات الكتير اللى اتمنيت انى اعمللهم معاكى ، واعملى حسابك بعد كده ، طول ماحنا الاتنين موجودين فى البيت صلاتنا مع بعض ، وتسبيحى على صوابعك ، اتفقنا ياسمية ….؟ لتومئ سمية برأسها علامة الايجاب وهى تكاد تقسم انها لم تستوعب معظم ماقاله فى عبارته الاخيرة ، ولتدرك انها ليس من الصعب ابدا ان تقع فى غرام هذا الكائن ، الذى طالما كانت تتمنى ان ترتبط بصورة له، ولم تكن تدرى انها تمتلك الاصل من سنوات طوال دون ان تدرى والى اللقاء فى الفصل الثانى عشر 12 لم يكن قلبى لها الفصل الثانى عشر فى اليوم التالى وعلى مائدة الافطار يحيى وهو ينظر الى سمية بحب ظاهر فى عينيه : ها ياسمسم ، مش ياللا عشان اوصلك فى سكتى ، واللا هتريحى النهاردة سمية بتورد وخجل : انا فعلا ناوية اريح النهاردة ، روح انت يا آب……. احمم روح انت عشان ماتعطلش نفسك لينخرط يحيى ضاحكا لتتوه سمية فى ملامحه وهو يضحك ، فهى لم تراه يضحك منذ شهور طويلة ، لتنسحب فريدة وهى تحمل آدم الى احدى الغرف ليبقى يحيى معها وحدها ليجلس على الكرسى الذى بجوارها وتتفاجئ به يمد يده ليجذب مقعدها نحوه ليلتصق بمقعده لتشهق صارخة ، ليسرع بوضع كف يده على فمها وهو يقول : شششششش هتفضحينا ع الفاضى ثم ينظر لها ويقبل كف يده التى كانت على فمها وهو ينظر اليها بخبث ، لتتورد وجنتيها وهى تحاول النهوض والفرار من جانبه ولكنه يبادرها بان سحبها من يدها واجلسها مرة اخرى يحيى عابثا : فى ايه ؟ انتى ليه عاملة دوشة وزيطة كده ع الصبح ، وقاعدة جنبى من غير ما تصبحى عليا ،؟ ينفع كده ؟ سمية بلجلجة : انت اللى خرجت علينا انا وعمتو ، وانت اللى صبحت علينا وانا رديت ، يبقى فين بقى اللى انت بتقوله ده يحيى وقد زاد عبثه : تؤ تؤ الكلام ده تقوله سمية لآبية يحيى ، معايا انتى وصاحية كده واللا ايه ، ها ؟ آبية لكن يحيى وحبيبته سمسمة روح قلبه ، مراته ،صباحهم مختلف تماااااما سمية : م م مخ مختلف ازاى يعنى يحيى : كلك نظر ياسمسم ، اللى تجودى بيه ليتملك سمية روح المرح والعبث التى يتحدث بها يحيى لتعض على شفتها قائلة بنصف ابنسامة :: انا ممكن اجود بسندوتش فول بالبسطرمة يحيى عابسا : ايه ؟ فول بالبسطرمة ؟ طب ده انا حتى مابحبش البسطرمة سمية عابثة : يبقى تتعود تحبها يحيى بحب : ده انا مش هحبها بس ده انا هخترع لها طقوس خاصة فى انى اكلها معاكى لتفهم سمية مايرمى اليه لتنهض مسرعة قبل ان يمسكها مرة اخرى وهى تقول : ياللا يادكتور اتوكل على الله عشان ماتتأخرش على العيانين بتوعك يحيى : بقى بتطردينى من اولها ! ماشى ، استلقى وعدك منى بالليل لما ارجع ليذهب الى الباب متجها الى عمله ليتوقف فجأة عند سماعها تناديه سمية : يحيى ليستدير وهو يكاد لا يصدق اذنيه بانها نادته باسمه مجردا للمرة الاولى ، ليلتهمها بعينيه قبل ان يجيبها : انتى ناديتينى باسمى بجد لتومئ برأسها قائلة : عاوزاك تسلم على آبية مراد وتقوله انه خسر الرهان ليقترب منها ويقبل رأسها : احلى يوم هروح فيه شغلى النهاردة ، يارب كل الايام تبقى كده سمية : مع السلامة ، خد بالك من روحك يحيى : انتى روحى ، ويقبلها مرة اخرى ثم يذهب الى عمله لتجلس سمية ورأسها تتضارب بافكار كثيرة لتفاجئ بفريدة وآدم الذى ارتمى باحضانها ، لتبادله الاحتضان وتمطره بقبلاتها وتبادله اللعب وهى شاردة فريدة : سرحانة فى ايه ياسمية سمية : كنت عاوزة اسمع منك ياعمتو فريدة باستغراب : هو انتى ماصدقتيش يحيى سمية باندفاع : اكيد صدقته ، بس اكيد فى تفاصيل انتى تعرفيها اكتر ، ثم اكملت بحزن : عاوزة اعرف سلمى كانت عاملة ايه ، كانت موجوعة ازاى ، وعلاقتها بيحيى ….. عاوزة اسمع ياعمتو من فضلك فريدة بتنهيدة كبيرة : كان اسوء يوم ، يوم ماشفت دموع يونس وهو بيشوف ضناه بتروح منه ، سلمى كانت اول فرحته ياسمية ، وامك الله يرحمها قعدت فترة بتتعالج لحد ماقدرت تحمل فيكم انتى وسليم ، وعشان كده سلمى بالذات كان لها معزة خاصة عند ابوها ، وخصوصا انها كانت صورة طبق الاصل من امك ، اللى كانت قصة حبها هى وابوكى بينضرب بيها المثل ، ولما لقيتها رافضة تعمل عملية الاستئصال بسبب الخلفة ، وخصوصا بعد ما الواطى زياد ما قاللها اللى قاله وتخليه عنها ، مالقيتش قدامى غير يحيى رغم انى كنت عارفة انه بيعشقك مش بيحبك بس ، بس ماكنتش قادرة اشوف يونس وهو بيتعذب قدامى ومااعملش حاجة ، انتى ماتعرفيش يونس يبقى ايه بالنسبة لى انا ويحيى ، يونس ربنا ايدهولى عشان افضل عايشة انا وابنى لغاية النهاردة بعد ما أبو يحيى اختفى ومابقيناش عارفين هو عايش واللا ميت ، واصبحت بين يوم وليلة من غير اى مصدر رزق ولا مأوى بعد ما الايجار انكسر عليا ، يونس اوانا وضلل علينا وعمرى ماعرفت شيل الهم من يوم مارجعنى هنا فى بيته من تانى ، كان جميله مطوق رقبتنا رغم ان عمره ماحسسنى بده ، لكن ماكنتش اقدر اتفرج عليه وهو بيندبح واحنا نقدر نغيته ونبعد السكينة عن رقبته ، رغم انه فضل موجوع وحزين على سلمى لحد اما ماتو الله يرحمهم ، بس ع الاقل قدرت ادخللهم الامل ولو بجزء بسيط سمية : كنت دايما بشوفه حزين وسرحان ومهموم ، ولما كنت اسأله كان يقوللى : مش قادر اصدق انكم كبرتو وهتسيبونى وكمان سلمى كانت دايما حابسة روحها ومابتقعدش معانا ، لدرجة انى اوقات كنت بفكرها زعلانة وعاوزة ترجع بيتها عشان تاخد راحتها مع يحيى فريدة : اهو يحيى ده اللى كان فعلا تاعبها ، كانت عارفة ان فى واحدة ف حياته و الحمدلله انها ماكانتش تعرف ان الواحدة دى تبقى انتى ، وكانت دايما بتلوم روحها انها السبب ف بعده عن حبيبته ، رغم ان يحيى كان دايما بيضحك فى وشها وعمره ماحسسها بالذنب سمية : طب سهيلة ، تفتكرى كانت تقصد ايه باللى قالتهولى امبارح فريدة بغيظ : هى قالتلك ايه الحية دى ؟ سمية وهى تشعر بالحزن : قالتلى اسألى يحيى ازاى سلمى كانت حامل من قبل فرحهم فريدة بغضب : ااه منها العقربة دى ، لولا اخوكى اللى سادد ودانه عن اى حد غيرها انا كنت جبتها امبارح من شعرها سمية : عمرى ماحبيتها ، حتى من ايام ماكانت بتيجى لسلمى ، وكنت دايما احذر سلمى منها ، ماعرفش كانت مصاحباها ليه ولا على ايه فريدة : عشان زياد لتنظر لها سمية باستغراب لتكمل فريدة : ايوة ياسمية زياد يبقى اخو الهبابة اللى اسمها سهيلة سمية : ازاى الكلام ده ، اومال هو فين وماحضرش يعنى فرحهم امبارح فريدة : بتقول انه مسافر انجلترا ، الله اعلم سمية : ياما حذرت منها سليم لدرجة انه اخر مرة زعل منى واتخانق معايا ، عمرنا مازعلنا من بعض غير بسببها ، وكمان عمرها ما ضحكت فى وشى غير بسماوية كده ، مش عارفة ياعمتو ربنا يستر بس مش عارفة ليه دايما عندى احساس انها هتأذى سليم ، ودايما بتعمله مشاكل مع يحيى فريدة بسخرية : طبعا ده لازم يحيى بالذات سمية : واشمعنى يعنى لتنظر فريدة اليها بتردد ، لتقول لها سمية : انتى مخبية ايه يافريدة ، قولى على طول ، وانتى عارفة ان انا بالذات لو قتلونى مش هقول على حاجة مش عاوزانى اقولها فريدة : دى فيها خراب بيوت ياسمية سمية : ماتتكلمى ع طول ياعمتو ماتجنينيش فريدة بتردد : اصلها كانت بتحب يحيى سمية بغضب : نعم ؟ والى اللقاء فى الفصل الثالث عشر 13 لم يكن قلبى لها الفصل الثالث عشر فريدة : اهدى بس وبالراحة كده ، هى دى الحقيقة اللى يحيى مش قادر يوصلها لسليم ، بعد ما لفت عليه زى الحية وفهمته انها دايبة فى هواه وان احنا غيرانين من حبهم ده ، ومش عاوزينلهم الخير ولا السعادة سمية وهى تزدرد لعابها : وهو انتو عرفتو منين انها بتحب يحيى لتطأطئ فريدة رأسها وهى تقول : هى اللى قالت ليحيى ، وقت ماحصل اللى حصل لسلمى واعلنوا انهم هيتجوزوا راحتله ولامته انه هيربط مصيره بمصير واحدة مسيرها الموت ، فى الوقت اللى اخوها سابها عشان عاقل وعارف مصلحته فين ، وتكمل فريدة بسخرية : وفى نفس الوقت اللى هى بتدوب فى تفاصيل يحيى وبتتمنى له الرضا يرضى وطلبت منه يسيبه من سلمى اللى كده كده ميته ويتجوزها هى اللى هتخليه يعيش عيشة ماكانش ابدا يحلم بيها وعشان كده دايما يحيى بيعاملها بقرف ومش قادر ابدا ينسى لها شماتيتها فى مرض سلمى ، واللا لما جت تعزيه سمية : انا فاكرة يومها لما يحيى طردها وسليم زعل منه وقال له انه كان المفروض يحترم ذكرى صداقتها لسلمى فريدة : يومها يحيى قاللى انها قالته بكل وقاحة : ربنا ريحك بدرى بدرى ، فوق لروحك ولحياتك بقى واللى سليم مايعرفوش ان يحيى ضربها بالقلم قبل مايطردها سمية بفرح : بجد ياعمتو فريدة بفخر : ايوة ، اومال ايه ، كان لازم تنسك ع دماغها زى الحية سمية : دلوقتى بس فهمت سبب حقدها وغلها ، دى غيرة ، وغيرة عامية كمان فريدة بتحذير : سمية ، اوعاكى الكلام ده يطلع منك لاى مخلوق ، انا متأكدة ان سليم مش هيستمر معاها كتير ، بس مش عاوزة نبقى احنا السبب ، وخصوصا ان الكلام ده لو وصلها انتى عارفة ممكن تحوره بقذارة لمصلحتها سمية : عندك حق ياعمتو فريدة : طب ياللا زمان زينب جاية بالطلبات ، عاوزين نجهز الاكل ليتفاجئوا بآدم وهو يقول : محشى تيتا لتقبض عليه سمية وهى ترفعه على ذراعها وتحتضنه وتمطره بالقبلات وهى تردد : محشى ! عاوز محشى ياقلبى آدم : محشى ماما ، إنب محشى إنب سمية بسعادة شديدة : محشى ورق عنب ! عيونى ياقلب ماما ، النهاردة تاكل محشى عنب ياروحى فريدة : ياسعدك ياهناك ياسى يحيى ، امبارح تنول المراد والنهاردة ورق عنب وفراخ مشوية سمية بخجل : طب هتكلمى دادة تجيبلنا الحاجات دى معاها واللا مش هتلحقيها فريدة بخبث : لا مش هكلمها ياختى ، انا اصلا كنت ناوية اعمل الاكل ده النهاردة وطالبة منها حاجته لتبتسم سمية بخجل وتأخذ آدم لتلاعبه بعيدا عن اعين فريدة المترصدة لها وتمضى الايام ليزداد قرب سمية من يحيى وسط سعادة متناهية من يحيى الذى يشعر انه على مشارف تحقيق احلامه وفى احد الايام كانت فريدة تدعو مراد وزوجته وابنتهم شهد على العشاء ، واثناء تناولهم العشاء مراد : انا مش عارف ياطنط لولا عزومتك بتاعة كل شهر دى كانت مصارينى نشفت من اكل النواشف دعاء بتذمر : ياسلام يااخويا ، مش ده كلامك يعنى وانت بتلهط الكفتة والبانية مراد : ايوة ياحبيبتى مش معترض ، بس برضة ، بصى كده ع المحشى ، واللا البشاميل ، ياوعدى ، واللا طاجن البامية بالضانى ، يالههوووواااى اهو ده لوحده يعالج من الاكتئاب ياجدعان لينخرط الجميع فى الضحك على مراد الذى يعشق الطعام بكل انواعه سمية : طب خد بالك من كلامك بقى يا آبية ، احسن دودو لو حرنت عليك هتمنع عنك الاخضر واليابس مراد مذعورا : ياخراشى ، وانحرم من سندوتشات البانية والبطاطس المحمرة ، ده انا كان يغمى عليه يحيى : يابنى اتلم ، ده انت اما هتموت هندفنك فى قبرك وجنبك طاجن اى حاجة مراد مازحا : اه يا يحيى احياة عيالك ياشيخ ماتنساش الطواجن ، وياسلام لو طاجن عكاوى ، ياخرااااااششاااى انا مستعد اموتله مخصوص مرة كل اسبوعين لينخرط الجميع فى الضحك حتى يتوقفوا عند سماعهم لجرس الباب ، ليذهب يحيى ليستطلع من بالباب ليتفاجئ بسليم وسهيلة بحقيبة سفرهم يحيى مرحبا بسليم فى احضانه : اهلللااااا خمدلله ع السلامة ، وحشتنى ياسولى ، جيتوا امتى وماقلتش ليه سليم متبسما ببرود : حيلك حيلك دخلنا طيب ناخد نفسنا لتندفع سمية الى احضان سليم الذى يتلقفها بشئ من الفتور ، لتبهت سمية من رد فعل سليم الذى اعتاد على احتضانها واللف بها لوقت طويل وينهال عليها بالقبلات ، ليلاحظ يحيى صدمة سمية ليسحبها الى كنفه ويتبادل النظرات مع فريدة يستجديها التدخل للمساعدة فريدة وهى تفتح ذراعيها لسليم : حمدلله ع السلامة ياحبيبى ، حماتكم بتحبكم ، ياللا اغسلوا ايديكم وتعالوا عشان تلحقوا الاكل قبل مايبرد ليدخل سليم محييا مراد ودعاء وعندما يعدو اليه آدم مشتاقا لخاله الذى دائما ماكان يلاعبه ويرسم الضحكات على وجهه ، ولكن آدم عندما وصل الى سليم تجهم وجه سليم لثوانى ولكنه لم يستطع الاستمرار فى تجهمه عندما وجد آدم يتمسك بقدمه وهو يرفع اليه رأسه ضاحكا سعيدا ، لينفض سليم رأسه وينحنى لآدم ليلتقطه من ع الارض ويقبله وسط الاستغراب الشديد من الجميع الا سهيلة التى جلست الى مائدة الطعام واخذت تتذوق من هذا وذاك وهى تراقب انفعالات الجميع بخبث شديد ، ثم يجلس سليم هو الاخر لتناول الطعام وسط جو يسوده التوتر والريبة ، حتى انتهوا من الطعام والمشروبات واستأذن مراد وزوجته فى الانصراف ، وعند انصرافهم مالت دعاء على أذن سمية محذرة اياها من شر سهيلة وافعالها التى قد توقع بينها وبين اخيها . وبعد انصرافهم تتفاجئ سمية بسليم يناديها ويبلغها بأنه يريدها على انفراد ، لتذهب معه لتتفاجئ بسهيلة تذهب ورائهم ، لتنظر الى سليم باستفهام ، والذى بدوره يقوم باغلاق الباب على ثلاثتهم ، سمية : خير ياسليم ، ايه بقى الموضوع اللى ينفع يتحكى قدام سهيلة وماينفعش يتحكى قدام يحيى وعمتو ؟ سهيلة باستفزاز : بقيتى تعرفى تندهيله باسمه عادى اهوه من غير آبية سمية باستفزاز اشد : مافيش واحدة فى الدنيا تنده لشريك حياتها بآبية والى اللقاء فى الفصل الرابع عشر 14 لم يكن قلبى لها الفصل الرابع عشر سليم باستياء: افهم من كده ايه ؟ انك ناوية تكملى فى الجوازة دى ! رغم انك عارفة موقفى منها ياسمية سمية : وهو انت المفروض انك كنت جايبلى جزمة او فستان وموضتهم خلصت يا سليم ؟ انا الحقيقة مش عارفة انت بتفكر ازاى ، ثم … ياترى انت زعلان من موقفك من جوازى اللى كان كل خطوة بحضورك ومباركتك ! واللا من رد فعلك عليه ياسليم سليم بخفوت : انت عارفة ظروفى وقتها ياسمية كانت عاملة ازاى وبعدين ……. سهيلة بعنجهية: انت بتبررلها ايه يا سليم ؟ المفروض انها مش صغيرة وفاهمة كل حاجة لوحدها ، ماهياش محتاجة تبرير سمية : فى دى بالذات عندك حق ، انا مش صغيرة ، ومش محتاجة تبرير لا من حد ولا لحد ، لانى بقيت فاهمة وعارفة كل حاجة ياسهيلة سهيلة بخوف : تقصدى ايه ؟ سمية بتشفى : اقصد ان ده كلام يخصنى انا وسليم وبس ، ولو كان سليم استثنى جوزى من حوارنا ده ، فانا بستثنى اى حد تانى برضة من نفس الحوار سهيلة بعصبية : تقصدى ايه ؟ وقبل ان تتحدث سمية كان يحيى يدق الباب ويدخل دون ان يسمح له احد بالدخول ، ويلاحظ على الفور الاضطراب البادى على وجوه الجميع يحيى : ايه ! انا قطعت حديث مهم اوى كده ، تحبوا اخرج تانى ؟ قالها وهو ينظر الى سمية باستفسار ويحاول اشعارها بانه دائما مؤازرا لها والى جوارها لتبادله سمية النظرات والابتسام وتذهب لتقف الى جواره وامساك كف يده فى خطوة تعنى رسالة صريحة للجميع بانها لن تتخلى عن ارتباطها بيحيى سمية : ابدا ياحبيبى ، ده بس سليم كان عاوز يتطمن علينا ، وتتعمد الظهور بمظر الانثى الخجولة من حبيبها امام سهيلة وهى تقول : وكان يعنى بيسأل لو كنا حددنا معاد الفرح واللا لسه ! وانا قلتله يبقى يتفق معاك على المعاد اللى يناسبكم سوا لترفع راسها وهى تنظر لسهيلة بتشفى ، والى سليم باصرار ، وااه ثم ااه لو نظرت لوجة يحيى وقتها لكانت ذابت من حرارة حبه وسعادته لحظتها ، ليقترب منها سريعا وهو يضمها تحت جناحه بسعادة : انا لو عليا من بكرة انا جاهز سليم بالم نفسى ظاهر فى عينيه: لا ... بكرة ايه ، خلينا نشوف الظروف ، وان شاء الله ربنا ييسرلكم اللى فيه الخير لتنتفض سهيلة واقفة وتقول بنبرة يبدو عليها الغضب : خلصنى ياسليم هننام فين يحيى : الشقة فوق جاهزة يامدام سهيلة سهيلة بعنجهية وهى تتدلل على سليم : انا بسأل سولى ….جوزى ….حبيبى ده ، انا ماسألتش حد تانى يحيى باستفزاز : ااه طبعا ، انا اسف جدا ، ياللا ياسمسم ، عاوز اتكلم معاكى فى موضوع يخصنا سهيلة بعصبية : ماتنسوش نفسكم ، انتم لسه كتب كتاب بس وعندما همت سمية بالرد ، ضغط يحيى على كفها لتصمت ، والتفت يحيى الى سليم ومال على اذنه قائلا وكأنه يهمس له ولكن صوته كان مسموعا : ياريت لو تبقى تشرح للمدام تربية يونس وفريدة عاملة ازاى لان شكلها مايعرفش وده يعتبر عيبة فى حقه الله يرحمه ليبهت وجه سليم وينظر الى الارض وهو يخرج من الغرفة ويسحب سهيلة من يدها قائلا بخفوت : ياللا ياحبيبتى عشان نطلع نستريح شوية ، ورانا بكرة مشاوير كتير ليخرج ويسحب حقائبهم ويتجهوا للدور العلوى ، لتخرج سمية ورائهم وهى تنظر فى أثرهم بعيون تملأها العبرات ، لتجد يد يحيى تربت على كتفها وهو يسألها : ضايقوكى اوى ؟ لتلتفت اليه وهى تبكى فى مكانها ولكن ماهى الا ثوانى وارتمت فى احضان يحيى باكية بشدة ليضمها يحيى بشوق سنوات اشتياقه لها وهو يدفن وجهه فى عنقها ليستنشق كل خلية من خلاياها وهو يربت على ظهرها حتى هدأ بكائها ولم يتبقى سوى بعض التنهيدات من اثر البكاء ليرفع بحيى وجهها بين يديه قائلا وهو يمسح عبراتها ويزدرد لعابه: سامحينى لتتفاجئ سمية به يلتهم شفتيها بشغف وقوة لمدة لم يعرفها ولم يحسبها وعندما افاق من جنونه ورفع وجهه ونظر اليها ليجدها مغمضة العين ومنقطعة الانفاس لم يستطع الا ان يغمض عينيه هو الاخر ويعاود التهام شفتيها ولكن هذه المرة كانت برقة وحنان قبلات منفصلة متصلة ، قصيرة ولكنها عميقة خطفت انفاسها وقلبها وعندما استطاع يحيى ان يسترد انفاسه ضمها الى صدره وهو يهمس بحبها فى اذنيها : بحبك ..بحبك ياسمية ..وعشان بحبك عاوزك تروحى حالا على اوضتك لانى مش قادر اخرجك من حضنى لتظل سمية على حالها فى احضانه لا تستطيع الحركة ، فهى الاخرى قد اختطفت انفاسها عنوة دون ان تشعر ، ولكنها عند اول بادرة للسيطرة على اعصاب جسدها انطلقت هاربة وهى منكسة رأسها بابتسامة استطاع يحيى ان يميزها وهى تغلق الباب من ورائها يحيى : ااااااه يايحيى ، الظاهر ان ربنا سبحانه وتعالى عاينلك مكافأة كبيرة اوى ،احمدك يارب واشكر فضلك ، الظاهر انى لازم اطلع حاجة لله ، ومن بكرة الصبح ان شاء الله صباحا يجلس يحيى مع آدم يلعب معه اثناء ماكانت فريدة تقوم بتحضير الفطور مع زينب لتأتى سمية وهى تلقى تحية الصباح وهى تتلاشى النظر الى يحيى الذى يبتسم بخبث وهو يراقب حركاتها وحديثها . آدم : ماما مية سمية مستبشرة و سعيدة : ياقلب ماما سمية آدم : آجى معاكى شغل سمية باستنكار : شغل ؟! من امتى بقى الكلام ده ان شاء الله ،ثم بوجه حزين : ماينفعش يادومى آدم : بابا قال ينفع لترفع سمية حاجباها وهى تنظر ليحيى بتنمر : بابا قال ينفع سمية : تمام ، يبقى هتروح مع بابا الشغل ياقلبى ليضحك يحيى بملئ شدقيه : احنا فينا من كده ، انا قلتله انى هوصله وهو رايح معاكى فريدة وهى تضحك : على فكرة ممكن توصلها من غير ماتعمل آدم حجتكم ، ثم آدم مالوش امان يقعد فى الصيدلية طول النهار ، ممكن يسهيها ويخرج الشارع من غير ماتاخد بالها يحيى بخجل : لا مانا كنت هوصلهم بس مش الصيدلية يعنى فريدة بخبث : اومال فين يحيى : يعنى كنت هعزمهم نقضى اليوم برة مع بعض سمية : ده على حسب المكان اللى هتعزمنا فيه يحيى بسعادة : يعنى موافقة سمية بطفولة خجولة: حد يلاقى فسحة وببلاش ويقولها لا كانت هذه الجملة اثناء دخول سليم وسهيلة ، للتسائل سهيلة بحقد سهيلة : مين ده اللى هيتفسح فريدة وهى تتعمد اغاظة سهيلة : ابدا ، اصل يحيى هياخد سمية وآدم يفسحهم النهاردة ، عقبال كده مااشوف عوضك انتى وسليم ليبتسم سليم تلقائيا عند سماعه لحديث عمته ولكن ابتسامته تموت على شفاهه عند نظره لسهيلة ليجد الشر يتطاير من عينيها وهى تنظر اليه بمعنى : يجب ان توقف هذا وفورا سليم بحذر : مش هينفع تخرجوا يايحيى يحيى بسخرية : وايه اللى هيقل منفعته بقى ان شاء الله سليم وهو ينظر لسهيلة يستمد منها العون : يعنى انتو لسه مكتوب كتابكم يحيى بسخرية : ماينفعش تخرج معايا وهى مراتى وانت موجود معانا فى البيت ، لكن ينفع تفضل معايا تحت سقف بيتى وانت مش موجود ، مش كده ليطأطئ سليم رأسه وهو يقول : الحكاية مش كده يايحيى ، الحكاية ا يحيى بحدة : الحكاية انك مابتعقلش الكلام قبل مابتقوله ، ثم بتهكم …...زى عادتك يحيى بحزم : ياللا ياسمسم اجهزى انتى وآدم ، ثم يلتفت لفريدة : وانتى ياماما ماتعمليش حسابنا على العشا ، ثم وهو ينظر لسهيلة باشمئزاز : اصلنا هنتغدا ونتعشا برة لتنهض سهيلة غاضبة وهى تتجه الى الخارح ويخرح سليم فى اثرها وهو منكس الرأس لتنفجر فريدة قى الضحك وهى تقول : روحى ياشيخة الهى تتوكسى اكتر مانتى موكوسة ، ده انتى قربتى تقرعى من كتر الشياط اللى انتى شايطاه آدم : هى بتلعب كورة ياتيتا ، عاوز اشوط معاها يحيى بسخرية : ان شاء الله ياحبيبى كلنا نشوطها قريب والى اللقاء فى الفصل الخامس عشر

لم يكن قلبي لها الثانى

غفران سمر

مقالات ذات صلة

اترك تعليقاً إلغاء الرد

أنت تستخدم إضافة Adblock