البارت 22
بقلمي/ بسمله بدوي
اسيا بمكر: مش بسهوله كده وراحت زقاه من على السلم
عند صهيب فوق كان خارج من الحمام ولابس بنطلون بس وعاري الصدر
صهيب بحب…… روزي يا روووز قومي يالا خدي شاور عشان ننزل نتعشا تحت كلنا يالا
روز بحزن…… صهيب انا خايه اوي قلبي قلبي بيوجعني اوي يا صهيب حاسه حاسه ان في حاجه مش كويسه هتحصل و
صهيب بحب…… يروحي متخافيش طول ما انا معاكي متخافيش وبعدين بتخافي وانا معاكي ومثل انه زعلان منها
روز بضحك……. 😂😂 انت كده زعلان يعني كده بضحكني على فكره وبعدين انا طول ما انا معاك حاسه بالامان مابحسش غير معاك بالامان اصلا
صهيب بمشاكسه……. لا لا انا مقدرش على الكلام الجامد ده وبعدين ماتيجي اقول كلمه سر تانيه
روز بضحك وهي بتقوم من على السرير……. 😂😂 لا ابعد بقا انا لسا مصلتش المغرب عايزه اصليه قبل العشا ما تأذن ابعد بقا
وجريت على الحمام قبل ما صهيب يمسكها
صهيب قعد يضحك وفجأه الباب خبط جامد
صهيب بازعاج…….. مين وبعدين مش انا قايل مش عايز لا تلفونات ولا ازعاج وسكت اما شاف اسيا
اسيا ببكاء ….. صهيب صهيب الحق جده بسرعه وقع من على السلم
صهيب بخضه…… اي بتقولي اي لا لا جدوووو
ونزل بسرعه ، اسيا وهي لسا مكانها قعدت تضحك وفي الوقت الي روز
كانت خارجه فيه من الحمام واتخضت من الباب الي مفتوح
روز بخضه…… صهيب صهيييب انت فين واتفاجأت باسيا الي واقفه وعطيالها ضهرها وقاعده تضحك
روز باستغراب…… اسيا
اسيا دارتلها وقالت بتوتر…… روز اا وفجأه كانها اتحولت وقعدت تعيط….. روز روز الحقي جدو يا روز جدو وقع من على السلم وصهيب نزلوا
روز بخضه….. ايي طب استني البس بسرعه ودخلت تلبس
روز في نفسها…… ان شاء الله خير جدو محصلوش حاجه ان شاء الله يارب يااارب وفجأه جه في بالها اسيا وهي كانت بتضحك
هي كانت بتضحك لا لا بتضحك على اي اصلا شكلي اتهيأت بكده لا في حاجه غلط انا كنت سامعه صوت ضحك اكيد في حاجه غلط ولبست وخرجت لقيت اسيا فاتحه الدولاب
روز: بتعملي اي
اسيا بتوتر……… ما ما فيش انا انا ببس كنت بجيب حاجه لصهيب عشان نازل من غير تيشرت ومش عايزه حد يشوفه بعضلاته وفي خدمات تحت
روز قعدت تبصلها كتيرمن كلامها الغريب وخرجت من غير ما تتكلم
اسيا اول ما روز نزلت…… اوووف كانت هتشوفني اووووف بااارده
صهيب بصوت عااالي هز اركان القصر……… اخلصوا جيبوا العربيه
روز بسرعه…… استناني انا هاجي معاك
صهيب اشتال جده وجري على برا
فجأه جه شاب طويل بعيون سودا وشعر عسلي
_ احم سلام عليكم اي دا يجماعه بسرعه تعالوا انا معايا عربيتي اهي تعالوا
صهيب هز راسه بسرعه ومشا معاه هو وروز
اسيا: مراااد انت جيت امتى
مراد بخبث……. مش وقته يا اسيا لازم يروح المستشفي حالا
ركبوا كلهم العربيه
صهيب بخ,وف شديد……. بسرعه يا بني
مراد في نفسه……. بشتغل عندك انا وقال بود مصطنع……. احم حضرتك والله انا معرفش الاماكن هنا انا لسا راجع من ايطالي حالا بعد10 سنين
صهيب بعصبيه…… حات المفاتيح بسرعه اخلص
روز باحراج…… احم معلش هو بس خايف على جده
مراد بابتسامه خبث……. عادي يا هانم
واسد قعد مكان القياده وروز جنبه ومراد واسيا ورا ثواني ووصلوا المستشفي
صهيب بصوت جمهوري…….. بسرعه تروووليي
جم اخدوا الجد للعمليات بسرعه
صهيب واقف برا وروز واقفه جنبه وقاعده تقوله كلام مواسي وبطمنه بقلمي بسمله بدوي
شويه والدكتور خرج
الدكتور: احم البيه الكبير دخل في غيبوبه ياصهيب باشا
صهيب بعصبيه…… يعني ايييي
روز مسكت ايده وقالت: اهدى ووجهت كلامها لِدكتور احم طب هو هيقوق امته
الدكتور بخوف من نظرات صهيب……. احم الله اعلم الغيبوبه مممكن يوم اسبوع شهر سنه الله اعلم
صهيب وهو بيمسكه من تلابيب قميصه…… اومال انت دكتور ازاي
يباشا دي حاجه ملناش دعوه بيها الوقعه كانت على الراس وجامده جدا ادعوله، صهيب شال ايده وراح قعد على الكرسي
مراد بخبث……. ان شاء الله خير
صهيب مردش
روز بطيبه…… ان شاءلله
صهيب بصلها نظره اسكتتها ووجه كلامه لمراد…… انت مين
مراد لسا هيتكلم اسيا ادخلت بسرعه
اسيا: ده مراد اخويا
صهيب باستنكار…… نعم انتي ملكيش اخوات
اسيا بتوتر….. ايوه اصل ده اخويا من بابي بس
صهيب هز راسه ببرود وقال….. اهلا نورت
مراد بمكر…. بنورك معلش هتقل عليكم لحد ما اشوف بيت وكده
صهيب بهدوء…… متقولش كده طالما انت من طرف اسيا يبقى تبقى واحد من العيله
مراد بخبث اكبر……. تسلم
وفجأه جه واحد
: ايه ده اسامه مش مصدق نفسي رجعت امته من السعوديه يا بن الايه واحشني
صهيب وقف واسيا وقفت بسرعه وقالت بخوف …… نعم ده اسمه مراد اكيد انت غلطان
: لا ياااهانم انا عارف انا بقول اي ده اسامه وطلع فونه وجاب صوره ليه هو ومراد مع بعض
مراد بخوف…….. انا انا اهقول على كل حاجه.
صهيب بعصبيه……..
يُتبع بااااارت كبير جدا اهو ❤🌿.صغيره ارهقتني عشقا
البارت 23
بقلمي /بسمله بدوي
مراد بخوف: انا انا هقول على كل حاجه
صهيب بعصبيه……… مالك يبني عامل زي الي عامل عَمله وبعدين مش انت لسا قايل الوقتي انك جاي من ايطاليا في ايي
اسيا في نفسها……. غبي مش هسمحلك تبوظ كل الي خطتلُه
وقالت بسرعه……. اي ده انت روحت لبابا السعوديه
صهيب بستغراب……. نعم مش هو في فرنسا
اسيا بتوتر……. لا ماهو سافر السعوديه عشان شغله
مراد غمز لصاحبه وقال……. ايوه ايوه افتكرتك يا عصام
عصام فهم وقال……. طب مضطر امشي انا ومشا
مراد بتوتر….. احم هههه معلش نسيته خالص وبعدين اسم اسامه ده من زمان خالص عشان كدا مكنتش فاكر
صهيب ببرود……… في حد ينسى اسمه برده وفي الوقت ده الدكتور خرج بقلمي بسمله بدوي
صهيب جري عليه…… ها يدكتور طمني
الدكتور: مافيش داعي للقلق ياباشا هو كويس جدا الحمدلله اسعفتوه في الوقت المناسب ساعه ساعتين بالكتير وهيفوق واستأذن ومشا
اسيا اتصدمت جامد وقالت بصوت مرتجف…….. اا انا هروح التويلت ومشيت بسرعه راحت الحمام قفلت الباب ووقفت قدام المرايا بتكلم نفسها……. يعني ايي كويس لا لا مش هسمحله يخرب خطتي لازم يمو’ت لازم يموو’وت اهدي اهدييي يا آسيا كل حاجه تحت سيطرتي ايوه فلوس صهيب وصهيب ذات نفسه ملكي انا ايوه مافيش داعي للخوف واخدت نفس عميق وطلعته وغسلت وشها وظبطت الميكاب وعدلت شعرها
آسيا بغرور……… غبي يا صهيب غبي في حد يسيبني لا وكمان عشان الطفله الي معاه انا اجمل منها مليون مره ايوه وطبعت بوسه في المرايا وضحكت وطلعت من شنطتها قَطره وحطتها في عينها بحيث يبان وشها انها بتعييط وخرجت
روز اول ما شافتها جريت عليهاوقالت بطيبه……. اتأخرني ليه وبعدين انتي انتي كنتي بتعيطي عيونك حمره اوي
اسيا ببكاء مزيف…….. ايوه عشان جدو زعلانه اوي انا بحبه اوي يا روز
روز قعدت تطبطب عليها بطيبه، صهيب قرب منها وقال بجمود……… مافييش داعي لكل ده يا آسيا الدكتور قال انه بخير الحمدلله
آسيا بخبث حضنته جامدوقالت بحزن مزيف………. بس منظره كان صعب علياا اوي يا صهيب اهئ اهئ انا زعلانه اوي
صهيب اتفاجأ بحركتها وخرجها من حضنه بحرج وقال……. لا متزعليش وبص على روز الي كانت بتبصله اوي وكان شكلها غيرانه
روز مسكت دراع صهيب وشبكت ايدها في ايده كأنها بتقول ده بتاعي انا
وصهيب فرح اوي بحركتهاا وحاوط خصرها بأيده التانيه
الدكتور جه وقال: صهيب بيه الوقت اتأخر اوي ممنوع هنا الزيارات بعد 12بليل واحنا داخلين على الساعه1 تعالوا بكره الصبح يكون البيه صحا وفاق كمان
صهيب هز راسه وقال…… يالا يجماعه
ومشيوا كلهم بس اسيا قالت بخبث……. احم نسيت شنطتي هروح اجبها بسرعه وآجي
وراحت عند اوضه الجد وبتتلفت تشوف في حد ولا لا لاقت ممرضتين قدام الباب
الممرضه 1: انا اطمنت عليه اهو كل حاجه تمام
الممرضه 2: برده ممصمه يبنتي مينفعش نسيبه لوحده
الممرضه1: يا بنتي انتي مكبره الموضوع ليه ما احنا اطمنا عليه وانا بصراحه مقدرش اقعد كل المده دي وكمان انتي خايفه من اي اوضتنا جنب اوضته اي حركه هنسمعه اكيد يعني يالا بقا
الممرضه2: امري لله بس انتي المسؤليه عن اي حاجه تحصل
