تامر بهدوء علشان حالتها .. انتي ليه مش عاوزة تفهمي يابوسي انو مينفعش
بوسي بدموع .. ليه . ليه مينفعش . انا مستعدة اتوب وارجع لربنا والله هتغير بجد . شوف اديني فرصه واحدة . فرصه واحده بس وهتشوف انا هتغير ازاي . انا بحبك بجد صدقني . مش عايزة اي حاجه غير اني اكون معاك وجمبك . بحبك وبعشقك ياتامر . بحبك بجنون .. مبقدرش اتنفس غير بوجودك . حرام عليك متسبنيش علشان خاطري . ياتامر اقسم بالله ماغلطت مع حد غيرك .والله العظيم ماحد لمسني غيرك
كملت وقالت .. . وبعدين حرام عليك لما تسيبني كده بعد اللي حصل مابينا . انت شريك معايا في الغلط ده ومن حقي عليك انك تصلحه علي فكرة
تامر بغضب .. انتي هتستهبلي يابت . انا مضربتكيش علي ايدك كل اللي حصل كان بمزاجك
بوسي بدموع .. انا مش بنكر ده . انا حبيتك بجد علشان كده غلطت وسلمت.علشان مش شايفة في الدنيا غيرك. عاوزه ابقي معاك وبس . والله هتغير بجد وهتشوف . هرجع لربنا واستغفر عن اللي عملته واكيد ربنا هيقبل مني . صدقني أنا عاوزه اتوب بجد
تامر لسه هيتكلم بوسي قالت .. اشمعنا انت لما بعدت ورجعت لربنا الكل اتقبلك . انا مش هيتقبلني . ربنا مش هيتقبلني
تامر .. متقوليش كده حاشة لله . ربنا غفور رحيم
بوسي .. خلاص انا فعلا عاوزة اتوب . ساعدني باللي تقدر عليه وانا هكمل . انا ماليش غيرك و معرفش غيرك
ساعدني ياتامر ارجوك . واوعدك انك هتشوفني حاجة تانيه
اتحرك ناحية الشباك وفصل واقف قصاده بشرود وهو بيفتكر كلام ابوه لما كان بيحسه علي التوبه
فضل يفكر .. طيب ماهو كل انسان بيحتاج فرصة ومن حقه ياخدها وانا عارف ومتأكد إن مفيش غيري في حياتها
وان اللي حصل ده انا كنت شريك فيه .
كمل في نفسه بحيرة… طيب لو سيبتها ممكن ترجع تاني واشيل ذنبها .
ابتسم بسخرية .. وبعدين ماانا قبل كدة اتجوزت عن حب خدت ايه غير صدمة كبيرة
اتنهد وخد نفس وبعدين لف وقالها .. عاوزة تتغيري بجد
بوسي هزت راسها بسرعة
تامر .. بصي انا هديكي الفرصة بس هتبقي بعيد عني مش قريبة . بس هتابعك .ولو فعلا اتغيرتي بجد وقتها ممكن افكر اتجوزك
بوسي بفرحة .. بجد
تامر هز راسه بهدوء وبعدين قالها .. انا هكلم السكرتيرة بتاعتي تنزل معاكي وتجيبلك لبس محجبات ولوازمه كلها وتعلمك الصلاة وتعلمك أمور دينك صح
بوسي .. ياريت .
تامر سابها وخرج بهدوء
نزل دفع حساب المستشفى وبعدها كلم تقي وقالها علي عنوان المستشفى وأنها تروح ل بوسي
وفهمها هتعمل ايه معاها وطلب منها تفضل معاها علشان تعبها
…………………………………
مساءا
تامر واقف في بلكونة اوضته وبيشرب قهوة بشرود
فاق علي صوت الباب
تامر .. ادخل
دخلت اخته الصغيرة .. تامر
تامر لف وبصلها .. تعالي ياحبيبتي
انجي راحلته
فتح تامر ايده وحاوط كتفها وباسها علي راسها وقالها .. عامله ايه
انجي .. كويسة
انجي بصتله وهي بتقول بتردد ..هو انتا خلاص طلقت هنا . مفيش امل ترجعو
تامر .. احنا خلاص مش هينفع نعيش مع بعض تاني . كده احسن . كمل وقال بشرود دا اللي المفروض كان حصل من زمان
انجي .. بس هنا بتحبك.. صدقني أنا متأكدة ان هنا مكانتش عاوزة تطلق اصلا . هي بس اللي عنيدة شويه
تامر .. سيبك من الموضوع ده لأنو خلص خلاص متشغليش دماغك بيه ياحبيبتي
ضمها ليه بحنية وقالها .. قوليلي انتي عامله ايه . وياسين عامل معاكي ايه . بيزعلك . لو بيزعلك قولي ومتخافيش
انجي .. لأ هو بقا كويس . و بيعاملي كويس جدا
تامر ابتسم عليها وباسها علي راسها وبعدين رجع يكمل قهوته
…….
بعد شهر
كان واقف بعربيته تحت شقه بوسي مستنيها تنزل بعد ماكلمها
بوسي نزلت وفتحت العربية وركبت بصتله وقالت بدون فهم.. هنروح فين
تامر .. هنروح للمأذون . هتجوزك
بوسي مكنتش مصدقة قالت بفرحة .. انت بتتكلم بجد.. قولي انك بتتكلم بجد
تامر .. بجد يابوسي. احنا هنتجوز
بوسي بدموع …. انا بحبك اوووي
بعد وقت كانو رجعو من عند المأذون بعد ماكتبو كتابهم
فتح تامر باب شقته ودخل ومعاه بوسي بشنطة هدومها
بوسي بفرحة .. انا مش مصدقه اني خلاص بقيت مراتك
اتنهدت وهي طايره من الفرحة وهي بتقول .. انا مبسوطه اووي
حط تامر شنطة الهدوم علي جمب وقال بهدوء .. انا راجع الشركة لو احتاجتي اي حاجه كلميني . هبعتلك اكل . ابقي كلي كويس
بوسي بحزن .. مش هتفضل معايا
تامر .. عندي شغل
لف ولسه هيخرج
بوسي .. تامر
تامر لف ليها
بوسي بصت شافت مصحف علي الترابيزة مسكته وقالت
.. اقسم بالله ما حد لمسني غيرك
اتنهد و قرب عليها وقالها .. انا عارف . عارف يابوسي ولو شاكك فيكي واحد في الميه مكنتش اتجوزتك
قرب باسها على راسها وبعدين نزل
فضل قاعد تحت في العربية وقبل ما يطلع شرد وهو بيفتكر
من خمس سنين
فلاش باك
والد بوسي اللي كان صاحب شريف جدا والد تامر
كان نايم علي سرير في المستشفي وهو تعبان في ايامو الاخيرة
و بوسي قاعدة جمبه وماسكه ايده وبتبكي
وتامر كان واقف بيطمنها
والد بوسي بتعب .. كفاية بكي . انا كويس ياحبيبتي
