قربت بوسي منه بدلع وقالت .. جيت علشان انتا وحشتني . ايه موحشتكش
وبتحاول تقرب اكتر
بعد عنها وقالها بغضب .. اخرجي بره ومشوفش وشك هنا تاني. يلا
في الوقت ده تقي رجعت علي مكتبها واتفجأت بصوت تامر العالي وهو بيزعق
فضلت قاعدة متوترة وخايفه
جوا في المكتب
بوسي بعصبية .. هو في ايه انت ليه بتعمل معايا كده .
رقت نبرتها وقالت.. تامر انا بحبك ..وانت كمان بتحبني… ليه مبقتش بتيجيلي زي الاول ومبقتش ترد عليا لما بكلمك … ليه مش عاوز تقابلني ومش عاوز تشوفني.
بصلها تامر بشمئزاز وقال.. لأنك ماضي و.سخ وانا حرقته بجاز . مش عاوز اعرفك تاني
وكمل بغضب .. امشي وياريت مشوفكيش تاني مش عاوز اشوفك في اي مكان . فاهمه
بوسي بدون فهم .. ليه ايه اللي حصل لكل ده!!. ايه اللي جرالك. انت مكنتش بتقدر تستغني عني
تامر خد نفس وهو بيمسح علي وشه وبعدين اتكلم بهدوء
وقال .. عاوزة تعرفي ايه اللي حصل . اللي حصل اني فوقت وعرفت اني اللي كنت بعمله ده غلط . غلط كبير . بس الحمدلله فهمت ورجعت ومش عايز اكمل
.. وانتي كمان ياريت تفوقي لنفسك وترجعي الدنيا مش دايمه لحد . روحي توبي لربنا محدش عارف آخرته امتا
سكتت بوسي ثواني وبعدين قالت .. لو عاوزني اتوب هتوب . وهتحجب كمان علشانك.
تامر .. اسمها علشان ربنا وعلشان نفسك مش علشاني
بوسي هزت راسها .. حاضر . بس اتجوزني ياتامر . انا بحبك اوي ومقدرش اعيش من غيرك . صدقني هعملك اللي انت عاوزه . هبقي تحت طوعك وتحت رجليك وههنيك . ههنيك وهسعدك . بس اتجوزني عشان خاطري انا بحبك بجد. متسبنيش
تامر بهدوء .. مينفعش اتجوزك
بوسي .. ليه . ليه ماينفعش ماانت خلاص طلقت مراتك . ايه المشكلة اننا نتجوز
تامر .. انتي بالذات ماينفعش اتجوزك. روحي شوفي حياتك بعيد عني .
بوسي .. تامر حرام عليك . انا بحبك . بعشقك ياتامر
وحاولت تقرب منو تاني وهي بتقول.. متسبنيش ارجوك
تامر بعدها عنو بغضب وقالها .. سمعتي انا قولت ايه . يلا اطلعي برا
كمل بغضب .. يلااا
بوسي فضلت تبكي وتقول .. ارجوك خليني جمبك ومعاك . والله هتوب وهعمل كل اللي يرضيك .بس متسبنيش .. ارجوك متعملش فيا كدة . انا مقدرش اعيش من غيرك صدقني
تامر وهو بيحاول يتكلم بهدوء .. من فضلك امشي . مش هينفع صدقيني.انا مش هقبل بيكي . روحي ابدأي حياتك من جديد ومتمشيش في طريق الغلط تاني يابوسي
بوسي بدموع .. انا مغلطتش مع حد وانت عارف
تامر .. غلطي معايا انا
بوسي .. عشان حبيتك . لكن صدقني والله ماحد لمسني غيرك
تامر .. بردو اللي عملتيه كان غلط ولازم تتوبي عنه
بوسي .. هتوب.بس اروجوك خليني معاك انا..
تامر بعصبية .. قولتلك مينفعش . افهمي بقا . واتفضلي لو سمحتي
وشاوراها علي الباب.. يلاا
بوسي بصتله بقهر وفتحت الباب وخرجت علطول وهي منهارة
خرج تامر هو كمان يشوف تقي سايبه شغلها وفين لاقها قاعدة علي مكتبها
تامر بغضب .. والهانم كانت سايبه شغلها لييه
قامت تقي وقفت وهي باصه في الارض . وقالت . اسفه يافندم مش هتتكرر تاني
تامر بغضب .. كنتي فين وسايبه شغلك
تقي .. انا اسفة بس انا دخلت جوه اصلي العصر . اسفه يافندم
تامر بعد ماكان متعصب لقي نفسه سكت ومقدرش ينطق
فضل يبصلها لثواني بشرود بعدين قالها بهدوء .. اتفضلي شوفي شغلك
ودخل مكتبه
بعد وقت
تليفونه رن وكان رقم بوسي واللي بمجرد ماشافه علي شاشة الموبايل رد بغضب وقال .. عاوزه ايه تاني . انا مش قولتلك تخرجي من حياتي
لكن اتفاجأ لما لقي صوت راجل بيرد عليه وبيقول .. حضرتك صاحبة التليفون ده عامله حاد.ثه وهي دلوقتي في المستشفى
تامر قام وقف بصدمة وقال.. انت بتقول . مستشفى ايه
الراجل قالو اسم المستشفى بعدها تامر خد مفاتيحه ونزل بسرعة من الشركة ركب عربيته وطلع بيها
وفي وقت قياسي كان وصل المستشفى وبعد ماسأل علي الغرفة اللي بوسي فيها طلع ليها لقي الدكتور خارج من عندها
تامر بقلق.. طمني يادكتور هي عامله ايه
الدكتور .. اتطمن الحمدلله الموضوع مش كبير . هو كسر في أيديها علي شويه خدوش .
كمل وقال .. بس في حاجة تانية .
تامر .. ايه هي
الدكتور .. هي شكلها واقعة تحت ضغط نفسي لأن من وقت مافاقت وهي بتعيط وزعلانه ومش عاوزه تتكلم
تامر افتكر لما نزلت من عندو وهي منهارة
قلبه وجعه عليها وحس بالذنب إن اللي حصلها ده اكيد بسببه
تامر بهدوء .. اقدر ادخلها
الدكتور .. اه طبعاً
دخل لاقها فعلا قاعدة علي السرير ودموعها نازلة بصمت
تامر .. الف سلامة عليكي
بصتله بوسي وأول ماشافته فضلت تبكي اكتر
اتنهد وقالها .. وبعدين .
بوسي مسحت دموعها وقالت .. انا ماليش غيرك ياتامر . انا مستعدة اعملك اي حاجه انت عاوزها .بس ماتسبنيش ارجوك .. انا من غيرك اضيع
