واتحرك ناحية الكومود مسك تليفونه ومن حظو إن رفيقته كانت باعتة الرساله من اكونت فيك لا عليه اسمها ولا صورتها ولا اي بيانات ليها بلع اتنفس براحة وقرب منها وقالها .. بصي اهو دي رساله اتبعتت ليا بالغلط
اكيد مش انا المقصود وبعدين انا معرفش مين هي صاحبه الاكونت ده
هنا بعصبية .. وانتا فاكرني هبله وهصدقك .انت طول عمرك زبا.لة ياتامر وبتاع ستات وبتحب الرمرمة .. انا هروح عند بابا وياريت تتطلقني بهدوء احسلك
وفتحت الباب ونزلت تجري
تامر .. هنا استني
ونزل وراها يلحقها
خرجت من الفيلا وهي بتعيط ومنهارة
وتامر بيحاول يوقفها لكن مفيش فايدة
ولانهم ولاد عم ف فيلا والدها جمب فيلا والده يعني عايشين في نفس المكان
كان خارج من الفیلا اخوها واللی كان لسه بيفتح باب عربيته اتفاجأ بيهم
قفل باب العربية تاني وقرب منهم وهو بيقول .. في ايه . مالكم
هنا بدموع.. انا عايزه اطلق ياحازم . خليه يطلقني
حازم .. حصل ايه
هنا بدموع .. انا عايزه اطلق مش هعيش معاه بعد النهاردة
حازم بنفاذ صبر.. حصل ايه يعني .اتكلمي .
وبص لتامر وقاله .. انت عملتلها ايه
تامر كان ساكت مش عارف يقول ايه
حازم .. ماتتكلموااا
هنا وهي بتبكي .. البيه بيخوني
حازم بص لتامر اللي علطول بص في الارض
حازم رجع وجه كلامه ل هنا .. وانتي عرفتي ازاي
هنا بشهقات .. لاقيت واحدة . بعتالو رسالة . وبتقولو مستنياك النهاردة والظاهر انو متعود يروحلها دايما… انا عايزه اطلق مش عايزة اعيش معاه
حازم .. طيب ادخلي جوا
هنا دخلت وهي بتعيط
وتامر كان لسه هيتكلم
بس حازم قال .. انت مش كنت قولتلي انك بطلت سرمحة
كمل وقالو .. بس تمام انا فعلاً هتطلقها منك ياتامر
تامر بسرعة .. لأ انا بحبها ومقدرش اعيش من غيرها
حازم بسخرية .. بتحبها ازاي وانت بتخونها . ولا انت خدت علي كده ولا ايه نظامك.. اسمع ياتامر انا بداري علي مصايبك علشان انت ابن عمي وبعتبرك اخويا واقرب واحد ليا. وعلشان عارف انك بتحب اختي. لكن هتفضل مكمل في نجاستك. اقسم بالله هطلقها منك بجد
اتنفس تامر بضيق وقال.. اختك هي اللي خلتني اعمل كده
انا مش بشوفها ياحازم . معظم الوقت قاعده عندكم
هي مش قادره تقتنع انها خلاص بقت متجوزة والمفروض تبقا في بيتها مع جوزها .. انا برجع البيت مش بلاقيها مستنايني . خلتني اتعودت علي انها عايشه معاكم مش عايشه معايا . دا غير بقا طول الوقت خناق ونكد معيشاني فيه
حازم .. وهي بتتخانق معاك ليه ما علشان اللي انتا بتعملو
تامر .. ماهي لواهتمت بيا انا مكنتش هاعمل كده
اتنهد وقال…. انا عارف اني غلطان في اللي بعملو . بس هي السبب . هي اللي اديتني الفرصة اني ادور علي الاهتمام بره
……….
تاني يوم كانت قاعدة هي ومامتها
وكان تامر راحلها علشان يصالحها لان برغم خيانته ليها مبيستحملش تبعد عنه
تامر .. يلا ياهنا بقا
هنا ببرود .. يلا علي فين
تامر .. ترجعي معايا
هنا .. انا مش هرجع معاك،، يا ريت بقا تطلقني بهدوء،،بدل ما خلعك لاني استحالة ارجعلك
تامر.. هتخلعيني!!
