متضايقه اني بخونك طب ماانتي السبب . كام مرة نبهت عليكي وانتي ولا الهوا . انا مش فارق معاكي ومش في اهتماماتك . كل اللي فارق معاكي خروجاتك وصحابك والبراند اللي هتلبسيه … بتخرجي وتدخلي براحتك ولا كأن في راجل متجوزاه تستأذني منه . بقيت بحس اني بلا قيمة
وقتها لاقيت اللي قربت واهتمت . لاقيت اللي عندها استعداد تقعد تحت رجلي وتتمني رضايا .
هنا…واكيد الست الكنتيسة تبقي بوسي صح. اشبع بيها. روح فرحها بقا وقولها انك بقيت ليها لوحدها.
تامر….عمري ماحبيت اني اخونك.كنت عاوز الاهتمام منك انتي.بس ملقتوش منك ياهنا.. وبرغم تقصيرك وقلة اهتمامك ومع ذالك معرفتش اشوف غيرك ومش عارف اشوف غيرك
هنا بسخرية…..واضح. علشان كده روحت رميت نفسك في حـ,ـضن واحدة تانية. وخونتني
تامر…. خونت . اه خونت مش هنكر وقولك مخونتش . بس انتي السبب انتي اللي اديتيلي الفرصة دي انتي اللي مهتمتيش وخلتيني ادور علي الاهتمام بره.
هنا بسخرية .. اهتمام ايه اللي بتتكلم عنه
تامر .. عندك حق اهتمام ايه .
هز راسه بيأس وقال .. طيب واحدة زيك مش عارفه يعني ايه اهتمام اكلمها ازاي . واحدة مش مقنتعه اصلا . واحدة مش فارق معاها غير نفسها . واحدة معندهاش اي احساس بالمسؤولية…. بصحي من نومي مبلاقكيش جمبي الاقيكي نزلتي . عمرك قولتي استني جوزي افطرو قبل ماينزل
ابتسم بسخرية علي نفسه وقال .. دا انا لما بحب اشوفك باجيلك هنا …. قوليلي كام مرة كلمتيني وسألتيني عن يومي . فكريني كده لما برجع وانتي موجودة بالصدفة بتفكري تحضريلي غدا او عشا . وتقعدي تتكلمي معايا ..
صرخ بيها وقال ..انا مش موجود في حسابات الهانم خااالص
شهيره كانت واقفة مصدومه في بنتها بعد كلام تامر
وحازم كان متأثر من كلامه لأنو راجل زييو وفاهم انو محروم من حقوقه
اما هنا كانت بتسمعو ببرود وهي مش فارق معاها ومش مقتنعة باللي بيقولو اصلا وشايفه ان دي مش مبررات للخيانه
ف قالت ببرود وسخرية .. تمام ما دام انا طلعت بشعة اوي كدة .. طلقني ياتامر وريح نفسك
تامر وهو شايف كبرياءها اللي واقفة بيه والبرود اللي ظاهر علي ملامحها والسخرية اللي بتتكلم بيها ابتسم وقالها .. مش هيحصل ياهنا وخلي كبرياءك ينفعك . وخليكي هنا عند ابوكي لكن طلاق مش هتطلق . وهتجوز عليكي اللي تهتم وتراعي وتحسسني برجولتي اللي انتي دايسه عليها بجزمتك البراند
خلص كلامه وخرج
وهنا كانت مصدومه من اخر جملتين قالهم وانو ممكن يتجوز عليها بجد!!!
………………………………………..
مساءا
كانت في اوضتها بتعيط واختها الصغيرة جمبها بتهديها
يارا .. عشان خاطري متزعليش . هما كده الرجالة كلهم خاينين، صدقيني هو مايستاهلش اصلا انك تزعلي علشانه
هنا .. انا مش زعلانه علشانه يايارا. انا زعلانه علي نفسي وعلي كرامتي اللي البيه هانها لما راح عرف عليا واحدة زبالة شبهو
شهيرة دخلت وهي سامعة كلامها بصت ل يارا وقالت بهدوء .. سيبينا لوحدنا يايارا
يارا .. حاضر
وخرجت من الاوضة
هنا بصت لمامتها بعتاب
شهيره قعدت قدامها وقالت .. انتي اللي غلطانه
هنا بصت ليها بعصبية لكن قبل ماتتكلم
شهيرة قالت.. اي عايزاني اضحك عليكي واقولك انتي صح
بس لا مش هقولك كده..لانك انتي اللي غلطانة ياهنا.
اتنهدت وقالت .. بصي ياحبيبتي .. انا مش هقولك إن جوزك مش غلطان . بالعكس هو كمان غلط. وغلط غلط كبير كمان . بس بصراحة انتي السبب ياهنا. ياما قولتلك ونبهت عليكي وقولتلك ان تامر بيحبك وبيشعقك خلي بالك منو واهتمي بيه .بس انتي مكنتيش بتسمعيني . ولما كنتي بتيجي تشتكي وتقولي شاكه انو بيعرف عليا ستات كنت بقولك احتويه ومتخليهوش ناقصة حاجة ولو كان فعلا بيبص بره هيرجع لما يشوف اهتمامك وهيفضل معاكي وليكي لوحدك . قولتلك متضيعهوش من ايدك . بس انتي عملتي ايه مكنتيش بتسمعي ليا اساسا . طيب كنتي مستنيه ايه يفضل تحت رحمتك لوقت ماتحني عليه وتفتكريه . ماهو مفيش كده وكل واحد وليه طاقة ودا راجل.. د ا الواحدة لما جوزها بيهملها ممكن تضعف من اي كلمه يقولها ليها اي راجل بره لما يحسسها بالاهتمام وممكن تغلط ساعتها لما تلاقي الاهتمام من حد تاني . مابالك بقا بالراجل
هنا وهي مش فارق معاها كل اللي شهيرة قالته قالت .. يعني دلوقتي بقيت انا اللي غلطانه وهو الملاك البريء انتي بتبرريلو خاينته . وابنك التاني بيضربني عشانه .. كملت بعصبية .. هو انا مش بنتكو . بتعملو معايا كدة ليه
دا بدل ماتبقو في ضهري وتقفو ليه بتنصفوه عليا
شهيره .. مين اللي نصفو عليكي
هنا بسخرية .. انتو . مش ابنك ده اللي ضربني بسببو
شهيرة .. لأ ابني ده اللي هو اخوكي الكبير عمل كده لما انتي وقفتي وبجحتي فيه قدام جوزك وغلطتي فيه وفي جوزك .. كنتي عاوزاه يعمل ايه يطبطب عليكي .وانتي واقفه تشتمي وتغلطي ومش محترمه حد
هنا مسحت دموعها وقالت .. تمام انا غلطانه لو ده اللي هيريحكو . بس انا بقا هتطلق ومش هعيش معاه ثانيه واحده ولو موقفتوش جمبي انا فعلا هخلعه ياماما
شهيره هزت راسها بيأس وقالت .. مفيش فايده
اخربي بيتك وبهدلي بنتك علشان ترتاحي ياهنا
وسابتها وقامت
……………………………
بعد يومين
تامر راح ل بوسي الشقة
واللي اول مافتحتله الباب وشافته قدامها حـ,ـضنته بلهفه وهي بتقول بفرحة وحب .. وحشتني وحشتني اوي
بعدت وهي بتبصله وبتقول…بقالي يومين بكلمك مش بترد عليا ليه
كملت بستغراب لما لاقته هادي ومش بيتكلم .. مالك ياحبيبي
تامر دخل بهدوء وهو ساكت
وهي دخلت وراه وهي مستغربه
قعد علي الكنبة وهي قعدت قدامه علي ركبتها ومدت ايدها علي وشه وهي بتقوله .. مالك ياحبيبي
تامر بهدوء .. مفيش
بوسي .. يعني ايه مفيش . انت شكلك متضايق . في اي
ايه اللي مضايقك
