تامر بغضب .. قولتلك مفيش . بتسألي كتير ليه
بوسي .. انا اسفة . بس كنت عايزة اطمن عليك
سحبت نفسها بهدوء وراحت عملت عصير لمون
وبعد دقايق خرجت وبالعصير وقعدت جمبه
كان هو حاطط راسه بين ايديه بحزن
بوسي وهي بتحط أيدها علي شعره .. تامر
تامر رفع وشه ليها وهو عينه حمرة من الحزن
بوسي مكانتش فاهمه حاجه بس خافت تسأله تاني
لكن حبت تخرجه من اللي هو فيه بطريقتها
مسكت كوباية العصير وقالت .. ممكن تشرب دي
تامر بصلها ومتكلمش
بوسي .. علشان خاطري
تامر خد الكوبايه من أيدها وشرب منها بسيط وحطها
بوسي قربت منو وحطت راسها علي كتفه ومسكت ايده
باستها وقالت .. بحبك اووي . انت متعرفش انا بحبك قد ايه
تامر رفع راسها من علي كتفه ومسك وشها بأديه وهو بيبصلها جامد
بوسي .. بحبك ياتامر
تامر سابها وغمض عينه وهو بيتنهد بتعب
قربت منه وحـ,ـضنته وبعدين بعدت وهي بتبص في عنيه وابتدت تقرب منه علشان تبوسه
تامر قرب هو كمان بضعف علشان هايبوسها
بوسي غمضت عينيها
لكن تامر مقدرش
راح بعد مره واحده وهو بيمسح علي وشه
وبعدين خد مفاتيحه وقام فتح الباب وخرج علطول
وهي فضلت تبص عليه بدموع
………………………………………
تاني يوم
صباحا
كانت هنا واقفة علي باب الفيلا ومعاها لين بنتها وبتكلم في السواق اللي هيوصل بنتها للحضانة
هنا .. خلي بالك منها يامصطفي
مصطفي .. في عنيا ياهانم
هنا مالت و باست لين
والسواق اخدها ولسه هيتحرك لكن لين سابت ايده وجريت علي تامر اللي شافته خارج من الفيلا
وهي بتقول .. بابيي
تامر شالها وباسها بحب وقالها .. عاملة ايه يا عمري
لين .. كويسة . بس زعلانة منك
تامر مصتنع الدهشة .. ياخبر زعلانه مني انا. انا اقدر ازعل حبيبتي
كمل بمزاح…قوليلي بقا انا نيلت ايه وانا اصلحه حالا
لين .. انا زعلانه منك علشان انت مزعل مامي يابابي.. بابي اناعاوزة مامي ترجع البيت عندك ونفضل معاك
تامر بص ل هنا اللي واقفة وبعدين بص ل بنته وقال ..
ان شاءالله ياحبيبتي هترجعو .. يلا بقا علشان متتأخريش
وباسها ونزلها
لين مشيت مع السواق وتامر قرب من هنا وقالها .. مش كفاية بقا
هنا بجمود .. كفاية ايه
تامر .. ارجعي ياهنا .. وانا اوعدك عمري ماهبص لو
لواحدة غيرك . انا فعلاً ندمان .. هنا انا بحبك وانتي عارفه كدة . ارجعي متهديش كل حاجه
هنا .. انت اللي هديت كل اللي بينا يوم ماخونت
كملت وقالت .. انا عمري ماهرجعلك ياتامر . ياريت تطلقني .. وروح بقا للزبالة اللي انتا كنت بتخوني معاها هي اللي شبهك لكن انا لأ .
كملت بسخرية .. طبعا فاكر نفسك لما تيجي تقولي ارجعي ماهصدق وهنسي خيانتك وارجع .تؤ مش انا ياتامر دي في أحلامك اني ارجعلك بعد خيانتك ليا
وياريت تطلقني بهدوء قبل ماعمل اللي قولتلك عليه
وسابته ودخلت
