عزيز:انت رجعت امتي
يوسف:رجعت امبارح ارتحت وانهارده جيت اقابل صاحبي بس اتصل واعتذر ان مش هيقدر يجي فقولت ادخل اشرب حاجة وبعد كده اطلع الشركة وانت هنا بتعمل ايه
عزيز بارتباك:اااا انا كنت ااا انا كنت بقابل جوز اختي وكنت هخلص معاه وهروح علي الشركة
يوسف:وهو برده ينفع تسيب شغلك وتقابل حد برا في ميعاد الشغل
عزيز:اصل ااا
قاطعه فهمي وقال:اصل انا واخته متخانقين خناقة جامدة وهي طالبه الطلاق فكنت بتكلم معاه علي اساس ان يروح يهديها يعني وكده
يوسف:اممممم ماشي متتاخرش ياعزيز انا طالع علي الشركة
عزيز:حاضر انا جاي وراك
وبعد مايوسف مشي
عزيز:اوووووووووووف اخيرا مشي
فهمي:انا اعصابي باظت
عزيز:وانا كمان المهم زي مااتفقنا فاهم
فهمي:فاهم متقلقش
عزيز:ماشي يلا سلام
فهمي:سلام
باك
يوسف:بس وبعد كده روحت علي الشركة وقابلت نفين هناك
محمد:وايه اللي حصل لما روحت الشركة
يوسف:لما روحت هناك وقابلت نفين لقيتها بتقولي اني خطيبتي جوا ومستنيه الاستاذ عزيز
محمد:طب كمل ايه اللي حصل
يوسف:ماشي
فلاش باك
يوسف وصل الشركة وداخل المكتب بتاعه
نفين بصوت واطي:يوسف بيه
يوسف:في ايه يانفين وصوتك واطي كده ليه
نفين:اصل خطيبة حضرتك جوا والمفروض انها مستنيه عزيز
يوسف:جت امتي
نفين:قبل ماحضرتك تيجي كانت هي وصلت
يوسف:تمام”وبعد كده سمع صوت عزيز” بصي…….. فهمتي هتعملي ايه
نفين:فهمت
وبعد كده عزيز دخل
عزيز:نفين
نفين:نعم
عزيز:يوسف جه
نفين:هو يوسف بيه رجع من السفر
عزيز:اه رجع انا داخل المكتب ومتخليش حد يدخل انا عايز اقعد لوحدي
نفين:بس سما هانم جوا
عزيز:من امتي
نفين:بقالها ربع ساعة
عزيز:تمام متدخليش حد علينا
نفين:حاضر
وبعد ماعزيز دخل المكتب
نفين دخلت اوضة
نفين:يوسف بيه
يوسف:ايه اللي حصل برا
نفين:جه وسالني علي حضرتك وعملت اني اتفاجات ان حضرتك رجعت من السفر وبلغته ان سما هانم جوا ومستنياه وقالي اني مدخلش حد عليهم
يوسف:تمام
يوسفزخرج من الاوضة وقرب من المكتب بتاعه وسمع
عزيز وهو بيقول
عزيز:انتي ايه اللي جابك
سما:يعني ايه اللي جابني
عزيز:امشي دلوقتي مينفعش تيجي تاني
سما:وليه بقا
عزيز:يوسف رجع من السفر
سما بصدمة:ايه…..ورجع امتي
عزيز:امبارح وامشي دلوقتي مينفعش يجي يلاقيكي هنا ساعتها ممكن يشك ان في حاجة بنا
سما:طب ماهو فعلا في حاجة بنا ولا انت هتنكر ده
عزيز:لا مش هنكر بس حاليا لازم تمشي لغايه مايجي وقت ان احنا نعرفه
سما:عايزه اقولك حاجة
عزيز:قولي بسرعة
سما:انا حامل
عزيز بصدمة:ايه وفجاة بص ناحية باب المكتب اللي اتفتح ودخل منه يوسف ووراه نفين واتنين امن
يوسف:
ياتري يوسف رد فعله ايه؟؟
#الحلقة_الاخيرة
سما:انا حامل
عزيز بصدمة:ايه وفجاة بص ناحية باب المكتب اللي اتفتح ودخل منه يوسف ووراه اتنين امن
يوسف:خدوه الزبالة دي علي المخزن لغاية ماجي وعايزكوا تقدموا واجب الضيافة
الامن اخد سما
سما بصريخ:يوسف انا مظلومة هو اللي ضحك عليا هو السبب انا اسفة يووووووووسف
باب المكتب اتقفل ويوسف لف وبص لعزيز
عزيز بخوف:ااا يو يوسف انت فاهم غلط متصدقهاش هي السبب صدقني يوسف انا صاحبك اللي انقذك من المـ,ـوت انا
يوسف بزعيق:انت اييييييييه
ومسكه من هدومه وبيضـ,ـرب فيه
يوسف:انت حيواااااااان انت قذر بتضحك عليا انا..انا يوسف السيوفي عارف يعني ايه يوسف السيوفي
عزيز بغل:ايوه انا اللي قصدت اعمل كده شوف انا عندي 30 سنه ومعملتش اي حاجة شقيان من صغري ومعملتش حاجة سافرت وقولت هيبقا معايا فلوس وبرده معملتش حاجة سرقت واتقبض عليا 5 سنين وبرده معملتش حاجة اشتغلت في المخدرات ومعملتش حاجة اشتغلت في الدعاره ومعملتش حاجة كنت بشحت وبرده معملتش حاجة وفي الاخر اشتغل عندك انت شوف انت اضصغر مني وعندك كل حاجة وانا معنديش حاجة انا اصلا ولا حاجة
يوسف:ياااااااه كل ده في قلبك وانا مالي بيك اصلا ده نصيبك دي حياتك بتبصلي ليه في حياتي انا بتبص لخطيبتي لييييه احمد ربنا علي اللي انت فيه غيرك مش لاقي اي حاجة من اللي انت عملتها ومعرفتش تنجح فيها عارف ليه عشان انت فاااااشل ايوه فاشل وبتبص للي في ايد غيرك حسبي الله ونعم الوكيل فييييك يااخي امشي اطلع برااااا ومش عايز اشوف وشك تاني فاااااهم براااااا
وفعلا عزيز طلع من الشركة كلها قدام الموظفين متهان ومطرود
باك
محمد:وبعدين
يوسف:بس ده اللي حصل مع عزيز
محمد:وسما عملت معاها ايه
يوسف:هقولك
فلاش باك
سما في المخزن ربطين ايديها ورجليها وبوقها وضرـ,ـبوها كتير اوي
يوسف:اهلا بالهانم الخاينه الزباله اللي لمتها من الشارع ونضفتها اللي عملتلها قيمه وسط الناس اللي حميتها من واحد قد ابوها عايز يتجوزها عشان خاطر شوية ملاليم ابوها سابهالها لما مات وهي خايفة عليهم
وشاور يفكولها بوقها
سما بعياط وتعب:انا اسفه سامحني سيبني ومش هخليك تشوف وشي تاني صدقني ابوس ايدك
يوسف:اسيبك لا ماانا هسيبك بس لما اخد حقي منك الاول
وقعد يضـ,ـرب فيها ويضرـ,ـبها في بطنها برجله لغاية مالقاها اغمي عليها وبتنزف سابها وقال
يوسف:خدوها وودوها المستشفي وبلغه امها ومش عايزها تعرف تشتغل في مكان حتي لو هتمسح سلالم مش عايزها تشتغل عايزها تشحت سامعييييين
ومشي وسابهم
باك
يوسف:بس ده اللي حصل
محمد:الحمدلله ان ربنا نجاك منهم
يوسف:الحمدلله.. اه صحيح
محمد:ايه
يوسف:هو انت كنت عارف ان احنا هينقبض علينا وهنجيلك اصلاك متفاجاتش وكانك عارف
محمد ضحك:ماانا فعلا كنت عارف
يوسف:ازاي
محمد:هقولك اصل انا اتفقت مع سعد باشا علي
فلاش باك
محمدانا عايز مساعدة حضرتك
سعد:عايزني اساعدك ازاي
محمد:انا عايز حضرتك تجبلي اذن باي تصرف انا هعمله وكمان ان يوسف ومراته يجوا عندي انا مش يروحوا لاي ظابط تاني وكمان انا بفكر اني اعمل خطة زي مثلا ان هفهم الظباط هيعملوا ايه وهيتعاملوا مع مين عشان ميتصرفوش بطريقة مش كويسة مع يوسف وكمان هخليهم ميبينوش حاجة قدام يوسف
سعد:ازاي يعني
محمد:يعني ممكن واحد من الظباط اللي هيبقوا عارفين يقولوا ليوسف ان دي خطه والحوار ده كله لما يوسف يزعق عشان بيقبضوا عليه فاانا هنبه عليهم مجدش يجبله سيره حتي لو عمل ايه
سعد:تمام.. عموما انا معنديش مانع اعمل اللي انت عايزه يامحمد انا واثق فيك واللي انت عايزه هيكون موجود بكره علي مكتبك
محمد بابتسامة:متشكر جدا يافندم بعد اذن حضرتك
سعد:اتفضل
باك
محمد:وفعلا ده اللي حصل
يوسف:انا مش عارف اشكرك ازاي يامحمد
محمد:انت اخويا يايوسف
يوسف:بس الموضوع ده هيطول
محمد:لا ان شاء الله
يوسف:ان شاء الله
