حبيبي فضلت مستنياك امبارح مجيتش ليه، طب دانا كنت محضرالك ليلة لووز وكنت هبسطك علي الاخر.
بس ملحوقة نعوضها الليلة لاني عارفة انك اكيد كنت مشغول مستنياك الليلة،، اوعي متجيش لاني هدلعك لحد ما انسيك اسمك.
كانت بتقرأ المسدچ اللي وصلت علي تليفون جوزها بصدمة
وهي بتقول بزهول .. بتخوني ياتامر انا كنت حاسه
خرج من الحمام اتفاجأ بيها ماسكه الفون بتاعه ودموعها نازلة
قرب منها بسرعة وقالها بقلق ..هنا مالك في ايه
بص للفون لاقاه مفتوح علي الرسالة
بلع ريقه بارتباك وهو مش عارف يقولها ايه
اما هنا قامت وقفت بهدوء واديتلو الفون في ايده
وبدون ولا كلمة دخلت اوضة اللبس لبست وخرجت وبدون ماتبصله فتحت باب الاوضة لكن قبل ما تخرج تامر وقف قدامها وقالها .. رايحه فين ياهنا
هنا بجمود.. ابعدعني
تامر .. استني بس انتي فاهمه غلط
هنا بصتله جامد وكانت هتصرخ في وشه لكن رجعت تاني وقالت بسخرية .. بجد فاهمه غلط .. وايه هو الصح
تامر .. دي .دي رساله اتبعتت بالغلط
قرب منها وحاوط كتفها بأديه وقالها .. انا بحبك يا هنا صدقيني بحبك
بعدت عنه بعصبية وقالت بصريخ .. بطل كدب بقااااا . انا كنت شاكه من زمان انك بتخوني بس دلوقتي اتأكدت . طلقني ياتامر طلقني علشان انا استحالة اعيش معاك ثانيه واحده بعد النهارده
تامر بترجي .. طيب اهدي ممكن وانا هفهمك
هنا بعصبية .. اهدي اييه وهتفهمني ايه ماهي واضحة زي الشمس..
خبطته علي صدره بغضب وقالت…. مروحتش ليها ليه كانت مستنياك وهتدلعك
تامر بكذب .. انتي فاهمه الموضوع غلط،، انا معرفش حاجه عن الرساله دي
